今日食左咩's Profile

裝修幾特別 好夏日feel😍-Menu菜式黎講都算多原本抱住食taco既心態黎但一睇到個menu就咩都想試下-1. 墨西哥芝士卷 $78冇乜特別以為會拉絲 結果冇不過個皮好脆-2. 必試炸波波 $68不過唔建議倒太多汁啲汁如果冇咁凍 暖小小的話就可能會好食啲..不過係咪一定要咁凍架-3. 墨西哥燒牛肉 $178個餅仲係熱辣辣既加分不過可以的話唔好試牛肉 可以雞肉會好食好多牛肉好柴好韌…仲有啲燶…-4. 尼泊爾必食餃子 $88好脆 咬開好香洋蔥🧅味同好濃既豬肉味-5. 尼泊爾米飯拼盤 $178貪過癮試埋個尼泊爾特色米飯set問過staff 可以mix埋/ 唔mix食無懼既我當然mix啦！啲香料真係唔好用中式菜去想像每款都好得意..唯獨個水牛肉乾..超·級·硬！堅係乾-6. 飲品嗌左一杯冇酒精 同一杯 cocktailSpice Life Up易入口！唔飲得既絕對唔怕飲唔到Tropical Smoothie唔甜又好fresh！絕對要一試…Read More

突然間好想食burger 🍔‼️但係又想試下食啲特別既 果斷選擇左burger room-不過銅鑼灣分店既位置有少少偏 -一坐低即刻叫左個黑松露芝士薯條try try佢$68可接受 芝士味好濃郁薯條全部即炸 好脆唯一缺點係黑松露味唔夠出 唔係好食得出有黑松露味-4個人每人叫左4款唔同既burger佢落單有個好處係可以自行DIY咁除左走醬走洋蔥個啲基本操作之外 中意食菠蘿既可以另加想試鵝肝既都可以加 醬都可以另外加-1. 大烤菇芝士牛肉漢堡+菠蘿 醬另上菇🍄雖然好夠味 不過唔算大塊加左菠蘿即刻覺得fresh左 可以試試手打牛肉好厚實好juicy-2. 鵝肝牛肉漢堡一上碟就覺得好吸引一咬落去 鵝肝醬+牛肉汁出哂黎超級juicy 係食落少少麻煩姐隔離仲有少少沙律🥗比你食完鵝肝岩岩好可以一試-3. 黑松露芝士大烤菇煙肉牛肉漢堡煙肉有少少硬黑松露都係唔夠濃 靜係食到少少黑松露味係牛肉同大烤菇啲味夠出 都好多汁-4. 軟殼蟹漢堡呢碟一上黎我真係嚇親會唔會太澎湃😂😂😂 要咬哂側邊啲蟹腳先可以開始咬個burger軟殼蟹好脆 但係又唔會好油呢個真係要襯熱食 我食完一半休息左一陣先食另一邊 搞到另一邊咬落變得好乾身 即刻變到冇咁好食意外既位係隻軟殼蟹好大仲要有蟹膏另外再加左蜜糖芥末醬咬落啖啖蟹肉啖啖醬 好正可以一試…Read More

一直都聽講過十二味啲酸菜魚唔錯 就即刻去試試觀塘間十二味係裕民坊商場平台🥹第一次去 要啲時間先搵到間鋪係邊一坐低即刻叫左個土豪版酸菜魚（3-4人份量） 再加個寛粉（自覺酸菜魚冇寛粉=冇靈魂🥹）加多個細份小龍蝦 同埋乾煸肥腸等左大概3個字 小龍蝦🦞就到左‼️$188大概有10幾隻 蝦身肉唔多 唔算彈牙 都唔係好入味 不過個人幾中意啲湯汁🤣🤣dum返啲蝦肉落去點返啲湯汁感覺正好多期間肥腸都到左 乾煸肥腸個人感覺反而係最好食既一碟 但係份量好少🥲😭雖然乾辣椒🌶️份量多過肥腸 但係完全唔會辣味kum過肥腸味 有部分仲將薄腸皮炸到脆卜卜‼️呢個好正‼️$98一碟 中意食豬大腸既就要一試‼️土豪版酸菜魚黎個陣比個碟嚇親😂真係好土豪樣味道黎講 酸菜味好重 相反魚冇乜味 魚既份量都相對少$358黎講就有啲唔抵食…Read More