bb117's Profile

經過西環入內試吓燒味，剛見老闆娘吃飯中，可能我阻住她，所以令她態度黑臉，我話燒味走背都立即話唔可以選擇，情願食返大家樂，可以走背又唔需要照人面色！同時午市套餐$75 雙併飯份量超級少，燒味少連飯更少，另加$13 一碟菜少到得2條，男士必須打孖上可能先夠，我吃完好似沒有吃過一樣，咁就$88 ，唉！這間燒味店午市份量少到咁，下午茶是兒童餐？肚餓真係唔好走入去，試過一次永遠唔再去，西環咁多好食店，大家小心選擇！…Read More

行完永安見到對面悦麵，環境衛生坐位舒適就入去試下午茶，下午茶餐牌總類多選擇，就試一試蝦多士，它即叫即做鮮味十足，老闆推薦咖啡，就再飲一杯冰凍咖啡，超級好飲，估不到咖啡質素相當高！令人一試難忘！好飲過coffee shop!至於豬排烏冬都是十分美味可口，肉質鮮嫩。而卡邦尼意粉用料和分量十足！老闆介紹晚市牛排，下次一定再試。最後老闆熱情的招待，感受到他用心經營，香港食市巳經好少有這樣的招呼和熱誠介紹食物！…Read More

我們一人四人想用海港城coupon 就選擇這間餐廳，餐廳話最多可以用5 張，我們當時問可不可以分單，因為我可以使用多一點，有位四眼經理好冇禮貌黑臉話四人咪一張枱，結果我話訂2 張枱就可以用多超過5 張coupon, 四眼經理見到我手上好多券，立即兩眼發光，之後叫我用唔完比D 佢，接着由黑臉變得好nice入座後叫了4 個主菜、一杯cocktail 、芝士蛋糕，主菜細到每人一兩啖！真的離譜！每份$324-$398，份量咁少價格真心貴，雖然有coupon, 但是食唔飽，已經是一間餐廳失敗之處最後個四眼經理問我地如何，我真心話主菜咁細，頭盤更少只有半啖，佢竟然答是！公司是這樣少！一間完全唔考慮客人的食量，只顧賺錢的餐廳，我諗中伏一次後，大家唔會幫襯吧！…Read More

我check了openrice 店舖時間內到達，明明寫住營業時間至21:00，山行長水遠去到店舖樓下仍然寫着至21:00，我們17:30 到達，職員話至18:00 完，長途跋涉去到就快點試試，入坐後職員已經問大家吃甚麼，我坐下未夠10 秒，我們不到三分鐘已經落單，10分鐘後到了蒸的點心。坦白講蝦餃、粉果皮子夾起就爆開，皮做得不太理想，蝦是非常多，一般般！腸粉蝦又太少！過多15分鐘先來炸的點心，炸物比較理想，只是腐肉卷太油，其它比較好。全部到齊差不多17:55分，我們食得非常快，突然關掉冷氣，燈也關掉，原來已經17:59 分，有冇離譜一點，比多少許時間我們吃都唔得？員工做法令人氣憤！原來18:00做外賣，為何要關掉電源咁賤格趕客人走，這時我剩下4 碟點心只好打包！…Read More

入到去餐廳已經好焗，叫咗2 杯奶茶，等了又等！結果職員先話冇奶再要等10-15 分鐘！正當想離開，突然又話沖緊，但是我見佢地不停整緊外賣，之後好耐先出一杯奶茶，原來是隔離枱！比人玩咗20 -25 分鐘，我們忍不到立刻走人，走去康年茶記好過！哩間嘢真是不知所謂😡😡😡…Read More

女收銀員態度惡劣，只顧玩手機！本人在2018 年8 月16 日下午17:10 第一次顧，就問她有甚麼飲品，她一句答「豆漿」，這樣我問她有沒有其它飲品呢？她竟然話我地不是「starbucks 」，嘩！這樣趕客行為，真是大開眼界！如果不是我遷就大肚朋友，我一定立即離開！永不幫襯吧！…Read More

母親節當天我和媽媽第一次在荷李活廣場試下莆田，雖然食物質數不俗，但百秒黃花魚全冇鮮味，更有魚腥味道，唔推介！其次女侍應服務超級差，我見另一枱客人多次叫她們加水，她們見到當見不到，最後婆婆自行加水先有侍應幫她。接着輪到我，我只是叫結賬，足足叫了2 次，更等上十分鐘以上都未有單，因當時我趕着走，我只可以走去收銀處結賬，頓時職員立即黑面對著我收錢，令我感覺好差！我不會再光顧吧！最後沒有服務又為何可以拿米芝蓮一星呢？…Read More

食物質數一般，價格不便宜！海鮮冇鮮味，特別是燒魚！串燒又不是太過好食，雞翼串燒外皮是淋，已這個價錢，坊間又更多更好質數。唔明白點解咁多人讚！其次完全冇服務，不會幫客人換碟，又不會自動添茶。店員、老闆冇笑容，最後二人食咗千元，連多謝都冇句，唔會再幫襯！…Read More