sayuriling's Profile

呢間餃子店已經bookmark 咗好耐，見到好幾個朋友既story 都大讚。今次有緣來到太子，所以要特意行過黎試一試。7點半左右已經好多人，門口有一條長龍，由於我一個人，所以比較前進去，但也排了差不多15分鐘。離開時，還看到人龍未散去。先講呢度出名既餃子有3款: 白菜餃，韭菜餃，木耳椰子餃，有湯食同煎餃食。白菜餃很快就賣光了。帶著期望去食，餃子多汁又清甜，搭配木耳絲，食落好有口感。見到同枱既食枱客係咁加XO 辣醬先知，原來係咁香口，又唔辣，每啖餃子都點醬既話，實在太好味了! 仲有個野葛菜湯底係全部都得飲，唔口渴又少少濃，已經夠晒餃子既上湯資格。最後再嗌多一打餃子外賣，番去屋企慢慢品嚐。…Read More

睇咗網上報道講呢間餐廳推出咗限定嘅避風塘豬扒飯，立即心郁郁又走過嚟試一下。一直是炊米家的忠實擁躉，已經吃了很多次 今次出新嘢又點可以錯過呢？避風塘的確非常惹味可口， 超級多炸蒜，別具風味，食嘅時候別太心急，差點嗆到。一貫入味的豬扒，厚切又夠淋！ 繼續比Like咖哩豬扒的咖喱汁也做得很出色，香香甜甜，有少椰奶味，今次我配搭了撈麵，再厚切午餐肉！ 又一完美配搭！另外，我們亦都點左小食魷魚鬚，炸得金黃脆卜卜 ，又香口， 上面仲落咗少少椒鹽添！…Read More

見到facebook話豚王新推出的限定王係蟹味，我當然唔會錯過，即刻去試下啦！我７點鐘去到食，唔洗排隊，兩位即入。最近似乎少了人食，之前黎都排三個字。 店員教要飲咗一啖清湯底先，再撈勻啲蟹膏，讓湯底變成蟹湯， 因為蟹膏的分量比較多，所以非常濃味呀。 呢款的味道是預設，所以沒有得擅自更改(多蔥多蒜不可以。) 本身的清湯底看來比較多油， 只有兩個蟹鉗， 另外湯底配合上多洋蔥和蔥花，不咸偏甜和清香，總括黎講，還可以，合乎預期，沒太大驚喜。…Read More

同媽咪出動食lunch，周圍餐廳都排晒隊，好多人，最後簡咗呢間最多位嘅，等咗5分鐘就有位啦！豬扒雙蛋飯出名嘅煎豬扒薄身，食落好香口，邊位仲煎到有少少脆，肉質較“淋”。太陽蛋打孖煎，加少少豉油，一吉爆晒蛋黃汁出黎，用黎撈飯超正丫，睇先都開心晒！咁正~ 成日都黎食，唔洗講太多啦😋😋😋…Read More

突然間想食蛋包飯，於是openrice search 到附近呢間餐廳，決定一試！雖然屋企附近有一間，但我就一直未試過。 一進去感覺店鋪細細的，還有很多空位，不用等位，我們被安排坐的位置有點迫窄。過多十五分鐘，餐廳漸漸人多，已滿座。先點了一個咖喱汁牛舌蛋包飯，內裡的炒飯底炒到濕濕地，好多汁，牛舌都夠香口，整體份量都算多，咖喱濃味帶咸。個人覺得，本身炒飯已經夠味，又要撈咖喱汁，太濕太濃味。值得一讚的是，流心蛋的確夠流心，夠出色。加埋支n年冇飲嘅波子汽水😋爽呀…Read More

又黎到OT之夜，心癢癢想念家中嘅老火靚湯，於是同同事一齊黎到強飯食燒味飯、飲啖湯水！一人一個套餐，有雙併燒味飯、一碗靚湯、加碟油菜！ 細細碟咁擺滿晒張枱，好豐富！先講個叉燒，肥瘦適中，食落口感比較林，燒得好香；而燒鴨比較瘦削，唔夠多肉咁，但外皮香脆脆，蘸一下燒鴨醬送飯好味道！ 幾鍾意呢度配埋碟菜心仔，終於有點纖維落肚，感覺健康小小。 油雞就好普通。 元蹄就啖啖肉，肥瘦剛好！ 生班魚湯夠足料，味道鮮甜，冇味精！有湯渣，仲可以連魚肉魚骨都食埋！…Read More

我一直都會留意住元朗有咩好食，有咩新店開。最近呢新店間最多人讚係用心之作。 一於同朋友來試試！之前已經試過打黎book 枱，佢分兩批嘅，一批係７－８點半，另一批係８點半打後，試過我打黎book 第一批已經冇晒位。今次同朋友就黎等下位啦！ 我哋都等咗１５分鐘。 店面不大，座位較窄，基本上係一張細方台坐咗兩個人。 叫多點野食都唔夠位擺。因為朋友唔食牛，又冇晒最出名豬手！！！嗚呀！我就係想食豬手！大家下次黎食豬手記得打電話黎book！我哋嗌咗豬仔骨試啦！上菜時，有少少白酒點咗火燒一燒，所以個面係燒到脆卜卜，豬仔骨唔夠多汁，唔夠入味，但都幾林嘅。最令我驚喜係係蟹肉意粉，蟹膏咸咸地已經點綴晒成個意粉，而且蟹肉都好多，好香濃好味！有點似蛋黃味道咁。 最後嘅支裝朱奶同奶茶都好香滑。哎呀~ 下次一定要來試豬手！p.s 本身９點門口冇人等，但我地食食下又突然又多轉人，跟著我地食到臨尾聲時，就係咁幫我地收晒野想我地走咁，雖然態度都算好，但咁做有點不太舒服。想慢慢食都唔得😂…Read More

啱啱去完會展film art，唔想咁快番工之際，決定坐低慢慢嘆咗個lunch。中午時分都幾多人，收銀排晒隊，多人嘅話，搵位都唔易。呢度散叫其他意粉唔平，係lunch set 配普通啡咖會平d。 想試個特色啡咖埋單已經要$130。果然夠嘆！今次簡咗個Cabaronara lunch set，個汁夠creamy 同幾香，意粉爽口，煙肉同配料足料，但整體份量唔夠飽。 Earl Grey latte 都好特別，Earl Grey超香，推薦！…Read More

自來自星星的你大熱過後，千頌依炸雞熱潮延續到而家。一向對韓國炸雞不太興趣嘅我突然心血來潮想試下，終是就黎咗尖沙咀呢間分店。本身以為星期日晚要等位，點知上到黎都未full，仲有幾張吉枱，睇黎的確比啱啱新開店少人咗。 兩個人點了一個炸雞同炒年糕，份量已經夠多，食唔晒。隔黎枱嗌兩款都要打包。咖喱蜜糖炸雞，外皮烤得香脆又香甜，份量應該差不多半隻雞，有唔同部位，係雞脾肉最爽嫩！至於炒年糕，甜甜的辣醬，年糕都爽口彈牙，仲有少少公仔麵都同魚糕，食落挺開胃，味道不錯。 最後食唔晒，打包番去比細佬食，隔咗一陣，外皮都咁脆，細佬食到 lam lam脷…Read More

好多元朗友都大力推老地方嘅特色肉餅，今次終於到我同男友黎試一試！周末中午時份黎，唔太多人，等一兩張枱好快就有位喇！見佢個餐牌上推介，就試咗六重芝士肉餅！本身以為六重芝士係有六層咁誇張，諗住一定好滯喇。原來佢所謂嘅『六重』係有六種芝士整成，兩塊煎到金黃嘅肉餅夾住濃厚嘅芝士，唔洗落豉油芝士已經咸咸地，送飯一流！啖啖都咁好味！簡直係芝士迷大愛丫！！！對我黎講，真係唔算滯，係啲飯太多，建議下次嗌少飯！另外，芒果肉餅又係人間極品！肉餅搭芒果已經夠創意，仲要係好食！咸咸甜甜咁，味道好得意，甜甜嘅芒果搭配之下，肉餅唔會太油膩！唯一奇怪係，餐牌嘅肉餅明明係包住舊芒果，但我哋果個就係分開咗嘅，點解嘅？？下黎繼續黎試埋其他肉餅，呢度好搞笑，好似咩茶餐廳菜式都可以整肉餅咁，例如魚香茄子肉餅呀，麻辣牛肉肉餅呀等等。有排試啦~ …Read More