Coty.wc's Profile

呢間fusion小店嘅裝修係行懷舊風，枱面同埋周邊嘅擺設都充滿80-90年代嘅風格！好似枱面會90年代明星嘅Yes Card、地鐵嘅車飛，如果鍾意懷舊嘅你一定要去一去😄講返食物～沙嗲牛撈麵個汁好濃 牛肉仲要係用和牛🥹食到停唔到口 一定要試！咖哩魚蛋豬皮 個咖哩汁超級濃厚 搵返以前小販檔嘅風味 豬皮索晒啲汁！非常惹味！🫶個墨西哥餅入面係福建炒飯嘅餡，好特別啲中西合璧，從來都未食過呢一種嘅味道🇲🇽🫔另外職員嘅服務都非常好，如果大家去開東區 一定要試吓難得既小店💙…Read More

係集成返工 附近太多集團式經營 今日lunch見到樓下新開左間主打飲品既小店 一定要支持下 仲有d輕食 飲品好多選擇 眼花撩亂 但比我見到收銀果到見到一杯好靚既野食 漸變紫色😍😍😍即刻叫返杯黎厄like先 初初都驚係d唔好既色素 一問之下原來係用蝶豆花整既檸檬茶 夠晒天然 唔駛擔心✨😁靚就唔駛講啦 味道仲要一流 甜度岩岩好 個杯仲要有我最愛既浣熊 😗😗🙃好可愛呀我諗我每日lunch 都要試佢一款野飲 太多唔同選擇 好多都好吸引 仲有熱有凍👍…Read More

由於記念日想同男友享受一餐浪漫既法國餐，朋友就介紹左呢間社會企業餐廳，佢地將收入扣除開支後，全數用黎run庭恩兒童中心，食飯又可以做善事，於是就試一試 !一入去已經比充滿浪漫氣氛既聖誕佈置包圍，坐低左之後職員仔細地介紹menu上既食物。我地分別都選擇左4 course既dinner set,包括分別是前菜、湯、主菜和甜品，另外再加兩杯紅酒。首先黎左個welcome snack,蒜味cream cheese配蕃茄仔同個blinis好夾,仲配上外脆內軟既麵包。前菜我就選擇左鵝肝配焦糖蘋果醬，蘋果醬內仲有蘋果肉粒，清新的焦糖蘋果醬即時減少了鵝肝的油膩感，鵝肝非常香口。湯方面我就選擇左傳統法式洋蔥湯，洋葱軟熟有質感，在湯面既麵包夠乾身耐浸，唔會一patpat太淋身。主菜我order 左medium rare既 Angus beef配虎蝦，牛扖表面煎得微脆，入面鮮嫩多汁，肉汁令口感很豐富;虎蝦與avocado sauce好match，蝦亦非常新鮮彈牙。最後就到好驚喜既甜品時間，最愛朱古力既我當然係揀Chocolate Lover，一上枱我係立即心心眼，因為佢地用朱古力醬整成一個大心型，仲有一塊心型餅放係雪糕上面，太美了!!Chocolate Lover包括朱古力心太軟、朱古力雪糕和朱古力Brownie，重點係另外仲有一瓶朱古力醬放係面前隨時可以加，成件事實在太warm太sweet，佢地既朱古力真係好香好濃郁但又唔會話太甜太膩，非常值得一試。由於我真係太鐘意朱古力，所以佢地推薦左我飲佢地既signature chocolate drink，呢杯朱古力係我飲過既朱古力中可以話係最好飲，非常濃郁而且甜度適中!!必試!!!我同男友都好滿意呢餐法國餐，因為無論環境、服務、食物方面都好正!!!最緊要食飯之餘仲可以做善事!!一定會再黎!!…Read More