作為一個西柚，係西環群組見到其他西柚推介，一於試下佢。的確唔錯，值得推介，我都係第一次見車仔麵餸同麵係分開既，我叫左米粉清湯底，素湯有冬菇蘿白既味👍🏻如果食素既值得一試～米粉有咬口同埋個質地非常好，份量都唔少，夠飽肚叫左三餸，芝士丸，春卷，同豬手，芝士丸就無乜特別，春卷好味，厚身啲，不比南記差。特別要讚既係豬手同奶茶，豬手鹵得入味，奶茶入左樽，飲唔晒可以攞走，茶味濃得黎唔會好澀，好滑，好過好多茶記。
…Read More
…Read More
Tasty Noodles
2019-07-10
The above review is the personal opinion of a user which does not represent OpenRice's point of view.
Like
Dining Method
Dine In
芥香雲耳，好開胃，有陳醋既味，仲有小小日本芥辣，感覺好似好健行康涼伴三鮮，青瓜，皮蛋，蕃茄，三樣好似唔啦更既嘢放埋一齊，後果出其地好喎，好清新，加埋一個撈乜都好食既日式芝麻醬，幾好食。主角係避風塘炒蟹，個侍應一攞黎已經聞到好香，隻蟹好新鮮，啲蒜炸得夠乾身，我地只係叫左小辣，最後都忍唔住落手食，值得一讚細心位係當我地食到隻手油淋淋時，店員主動攞左一兜檸檬水俾我地洗手，我個人好buy 呢個服務
用左避風塘啲劣炸蒜炒左個二食新竹米食，好得，加左蛋絲，唔會太咸，一陣就清晒。金銀蒜蒸蟶子皇，超大隻，好新鮮，岩岩好，唔會蒸到太老，食落口爽口，$48一隻，抵食，記得上次係佐敦樓上鋪食，都要$78隻，相比下呢度抵好多。嘩，呢個直係今餐既驚喜，冰鎮咕嚕骨
，原本唔知的，店員話呢個只係閒日先做，咁岩今日係星期四，所以有出，一上枱，不得了，淨係個勢都嬴晒，賣相好靚，用左碎冰粒做底，放左隻招財貓係度噴煙，好迷幻，應該係乾冰，全部人即刻相機先食，放上FB 呃like 都抵
，外脆內暖，推介!
迷你炸豬手，講得迷你，又唔係好似德國炸豬手咁大，叫左都可以食到第二啲嘢，炸到岩岩好，唔會太乾身，肥瘦均勻，有小小煙燻味，用黎送酒真係一流。食左咁多好嘢，最後叫多個菜清清地，金銀蛋西洋菜，好味呀，西洋菜無乜渣。總括黎講，呢餐大滿足，海鮮夠新鮮，最驚喜係冰鎮咕嚕骨!!，今次得四個人，叫唔到咁多，仲有好多嘢想食，會再約朋友試試其他，期待下一次。
