Yinh's Profile

味道奶味好淡，冇老XX咁濃黑糖味！啲珍珠都還可以，但唯一接受唔到就係半個杯都係冰。真正飲品得好少，咁就$3X蚊。有點唔值。希望有所改善，加上我懷疑佢啲冰處理有點不乾淨。我飲完過了一會，個肚就好痛。下次不敢再光顧了，此中位置都好吊腳。加上今次消費体驗都好差。…Read More

銅鑼灣榮記車仔麵屹立香港數十載，亦都係香港車仔麵嘅代表。香濃嘅滷水汁亦都係多年來嘅賣點，另外每次經過銅鑼灣，都心思思食一碗。今次我有經銅鑼灣食個下午茶，就嚟咗呢一度叫咗一個蘿蔔 豬紅 墨魚頭油麵。三餸麵都要成$49，不過價錢唔係問題最緊要好食。豬紅同蘿蔔吸晒滷水汁啲味好好食，麵麵份量少左啲。佢哋依一間鋪嘅特製辣椒油都係賣點之一，相當之辣落少少落碗麵度。成碗麵就變得好辣，更加香辣同好味。依度職員嘅服務態度相比起，舊舖嗰邊嘅榮記好好多，嗰邊啲職員完全冇態度可言。…Read More

去中環附近睇醫生👩🏻‍⚕️，食個下午茶。一杯凍奶茶同一個奶油豬包都要成$50，價錢相當之貴， 完全冇抵食可言。雖然係中環，但依啲食物收呢價錢有啲過分。依一個奶油豬豬包，雖然賣相唔錯。但一個包成$25相當之貴用來影相就算，下一次都唔會再去。加上個包出到嚟唔係熱辣辣而係凍嘅，地方有啲污糟邋遢。員工做嘢相當馬虎，雖然係茶餐廳但完全冇服務可言。…Read More

返完工好攰！就去咗附近一間好出名嘅黑糖珍珠鮮奶鋪，依一個就係佢哋嘅鋪面。 雖然佢間鋪嘅鋪面好細，但吸引左好多人嚟排隊。佢依度最出名就係叫虎虎生威黑糖珍珠鮮奶，飲落去好好飲。奶味好濃同黑糖配合得好好，但杯野好多冰。$30話咁快就飲晒，有少少好似呃錢嘅感覺。純粹打卡就OK，但杯野唔會抵飲。依一個就係佢沖完出嚟個樣，老虎🐯紋好靚。純粹打卡影相都係一個唔錯嘅選擇。…Read More

當日同男朋友食完飯，琳住去買杯野飲。跟住就光顧了呢間來來小吃店買，點知一杯野差唔多要整成45分鐘。企到腳都軟，門口又寫住做左台灣飲品先。今你唔係今做，就唔好寫明喇。杯野奶精好多，完全都冇茶既香味。珍珠硬過咩今，質素今低都收人$17有冇搞錯呀。…Read More

今日同老公過開觀塘行開街經過，見門口寫住來多碗車仔麵。見個名幾得意咪入去試下囉。我地食叫左辣尤魚 魚蛋 冬菇 通菜等，味道都相當之入味。尤魚都爽口又夠辣，魚蛋D咖哩入香濃入味，冬茹都好軟，整體上個湯底加左牛腩汁相當之夠味。下次有機會都會再食呢間野！…Read More

呢間車仔麵係漁灣街市都好有歷史，都有十幾年了。老闆娘都好親切，對熟客既口味都算了解。但近年老闆娘因年紀開始大，都揾了肥兒子接手。肥兒子接手後D野食接手後就差左好多，份量都相比以前都少左好多。如圖所見蘿白幾件已經還收費$10一個餸，呢個價錢在柴灣來講已經相當之貴。加上服務態度都十分之衰，叫佢多湯就串串供。話再多就要加💰!如果唔係我老爸鍾意食，比我都唔光顧!…Read More

香江扺食茶餐都幾大份，我一個人去食更為細食都未必食得唒落肚。圖中包括有巨型雞腿炸得剛剛好，個雞腿皮十分之脆。好似食薯片今個感覺真係好得意，加上個雞腿肉唔會因為高温炸過而變老。我幾欣賞佢就算係炸雞腿都願意花功夫D薯條就冇咩特別，同普通雪藏貨一樣。…Read More

同朋友食飯去試新野，就選擇左小西灣啇場既韓樂餐廳。入到去都韓色餐廳Feed，我幾鍾意的。座低左就叫左個韓國醬牛石煱飯。如圖所見都幾大碗，一個女仔比較細食既都未必食得唒。所以可以同人分享都得。當中包括有韓國菜同泡菜係裏裡，熱度都非常足夠炸炸声。個醬汁就甜甜酸酸今都幾開胃嫁。仲有個半醬芝士薯條做小食，份量都多。不過唯一壞處就係好軟好琳唔夠脆同香口。所以下次都唔會叫呢個做小食了。…Read More

呢間銅鑼灣榮記，開業左30幾年。以前車仔檔做起入鋪，之後就做到呢加。雖然D滷水汁同牛腩汁好好食，但伙記D態度真係好黑人憎。成日黑口黑面又西面同大大声串D客好放袋落張椅到。果時又唔係繁忙時段，又承直頭一個不可一世既樣今。:(:(:(:(碗🐷紅蘿白油麵份量少到得人驚收人$38，都好意思。加上味精好重，食完要不停今飲水。下次都不會再光顧，唔想睇呢間野既面色。…Read More

呢個就係譚仔三哥的過橋米缐，份量都算幾大碗。足夠我同老公兩份食。佢都話好飽肚好滿足。個蕃茄湯底我地叫左5小辣剛剛好，我覺得酸酸辣辣今都幾好食。加上米線又滑餸既份量都比單叫既一碗碗既份量多好多。所以兩個人食真係剛剛好的。土匪雞翼:佢真係焗過唒先至拎出來，所以都內熱外暖既效果。D阿姐都幾惡，呢一區既區長真係要留意下喇!…Read More

呢到係我近半年有多都冇去食過，但味道此中都冇咩改變既。照舊土尤魚都係非常入味同出色，十分之有咬口同有ㄧ陣好香既尤魚味。可以話係呢間店舖既鎮店之補。咖啡魚蛋:都係呢間店舖既代表作，香濃既咖啡味入到魚蛋既心裡面做到爽囗彈牙既效果。個辣醬都幾香濃幾好食，我幾鍾意!下次都會再去食既!:):):):):)…Read More

我星期日同老公去北角行街，發現裝修都算比較新既車仔麵檔。原來係之前灣仔好出面既車仔麵之家。我就叫左菜心同好出面既咖哩辣尤魚，但出奇地一D都唔辣其一，其二係完全冇咩咖哩味。係裏面一點都唔似炒過既尤魚。我同我老公都覺得根本佢既質素仲未去到$11一個餸呢個位置。佢根本要努力改善食物質素。油麵又唔爽又肥膩，一點都冇靚麵既質素。成湯麵既湯D温度一D都唔夠熱，係成碗麵超級敗筆既位。加上我話要加咖哩汁同腩汁D阿姐串我話咩汁都要。把幾火食車仔麵唔落汁今有咩好食，好心個老闆管教好D阿姐咪今串串共喇!我已經冇唒下次再來既動力!…Read More

呢個就係餐廳個餐牌，D價錢相比以前起碼都加左$7-8。加幅相當厲害，加上當中食物的份量少之有少。個老闆食水相當之深，下次都係不再光顧有多嫁喇。:(:(:(:(:(呢個就係早餐時段食既，份量相當之少就收人地$30。我覺得有點過份，個麵包就衰在太多牛油而有點肥膩既感覺。而果兩隻煎蛋🍳我就叫佢地全熟既，不過味道就有點太淡了。不適合香港🇭🇰人既口味。加上個火腿通粉個重點來喇！個湯就好重味精，份量少到同飯碗冇咩分別。下次都不建議再光顧，奶茶就茶精太重，唔夠滑嚴重地影響口感。成份早餐🥣整體來看都唔合格，下次不會再來。88…Read More

一杯今既抹茶🍵白玉就收我成$24，但當中D冰佔左成杯野飲既80%，味道又唔係好飲好多。同普通珍珠奶茶都冇咩分別。今次光顧感受完全不理上，加上佢只係靠宣傳先會有今多人排隊買。…Read More