DoraemonHK's Profile

團購最麻煩係要預約，但呢間唔駛打餐死就可以BOOK位~GOOD通常團購冇乜得揀，但呢次團購係20款揀3款，選擇都幾多，仲有三款前菜送~朋友點咗人蔘雞湯(佢至愛)，仲點咗燒豬頸肉同韓式粉絲豬腸~朋友覺得個湯好住家FEEL，但我覺得個湯冇蔘味...不過雞都幾滑~燒豬頸肉好油，味道偏淡，點既豉油就好正，仲要求多一個黎撈飯~炒粉絲豬腸，味道幾好，但係韓式豬腸幾怪....我食唔慣前菜好味，朋友仲想REFILL，以我所知係冇得REFILL，但個姐姐好好，再俾多個我地唔收錢服務好好，真係一蚊都唔駛再俾~即使冇團購，正價都唔算太高消費，有機會可以再試~…Read More

見到食評唔錯，為咗慶祝朋友生日而去呢度搵食~地方都幾細，不過環境都OK，吊燈幾特別，食物選擇都幾多~由於其他食評大力推薦牛油雞亦，所以成為必食ITEM，仲叫咗火車頭湯河同埋炒椰菜，份量足夠都OK，仲有飲品買一送一!賣相OK，但味道真係一般，雞亦好熱辣辣好脆，可惜雞肉冇味湯河碗大，量不算多，最失敗係湯底唔熱....炒椰菜很普通，冇驚喜~飲品：青檸蜜---冇味 青檸忌廉---還可以，因為汽水很難會唔好飲上菜速度都算快，但食物真係有待改進。…Read More

由於係團購客，所以要提早訂位，我同老公加埋架BB車，去到都係要等一陣先可以入，不過店員安排我地坐四人卡位，所以坐得好舒服~食物款式唔好多，而食物質素亦唔見得好出色，我係用半價去試，所以心理上都叫做平咗，以下我地叫既菜單：酸辣鳯爪(老公必食既)--- 味道唔夠，面頭果D冇味，唯有自己撈底下果D算叫扯平小食炸拼盤---- 開頭問店員係乜佢答出....只係話全部都係炸，黎到係有三款炸物，春卷(味道奇怪，饀都奇怪，又有咖喱但又唔知係乜味既春卷，炸蝦餅味道普通，炸雞亦又乾身又冇味，呢個拼盤係失敗之作飛天豬頸肉通菜---味道OK，冇驚喜泰式乾炒辣海鮮河---味道幾好，但配料勁少，我仲以為係淨炒河仲叫咗個椰青，好大個，幾好味，可惜我飲唔晒，叫個店員打包，結果俾人催埋咗單先會有人幫我包起，點知俾緊錢期間已經俾人毁滅咗收銀都算識做，退番半價俾我，不過如果用正價去試，我唔會去，真係唔抵食，味道又一般同埋價錢略貴。…Read More

之前有朋友介紹呢間串燒好好食，咁啱想去既鋪頭冇開，唯有轉移去呢間度試下自己對串燒就冇乜興趣，加上唔太肚餓，只係叫咗豬軟骨拉面、川味腩片炒烏冬加一個小食(椒鹽雞亦尖)最快到竟然係雞亦尖，熱辣辣加上好惹味，好有驚喜烏冬比較油，味道都OK，好一般既水準拉面可以用嚇人黎形容，賣相唔討好，湯底淡而無味，豬軟骨靯烚烚，最令人難以接受係碗拉面竟然係暖...依家仲要係夏天，非常失望小食真係幾得，作為吹水之地應該會幾好，但食正餐就唔好揀佢…Read More

曾經去過食下午茶(tea set)，覺得味道及服務都OK，見佢出團購咪一試~先講訂位，真係一肚氣，打咗N次一係唔通一係俾人CUT線一係通咗冇人聽，打到我發脾氣，結果我出動咗三個電話一齊打，終於向幾個鐘內打通咗，點知咁早打去都冇晒5月既位，得番一至四，而6月只係得番一至五，冇得揀既情況下唯有揀星期五上黎呢度見到大家既評語同FB既留言，真係有諗過退錢由於我一行十幾人，費時改黎改去就照去~環境我一早已經知，至於食物款式就不過不失，有刺身小食壽司、青口、螺，熱盤有焗蠔，牛仔骨，龍脷柳，燒羊脾，仲有炸物，粉面檔同串燒，串燒係俾枱上既牌去揀，之後燒好連埋個牌會有人送番俾你，不過最奇怪係任何串燒都落味粉...我條燒粟米變咗怪味粟米甜品有生果，雪糕同蛋糕，味道一般，最驚喜係熱情果蛋糕，仲有鮮榨果汁，可惜之後會加番糖水去溝，所以冇試.....食咗三個鐘，以百幾蚊既價錢可以坐咁耐同有D咁既質素，都算可以接受既~但係以正價黎食就唔好喇…Read More

本身好鍾意食素菜，一見到呢個團購已經想買，不過，之前所買既其他團購水準真係好唔掂，所以今次都係抱住不過不失既心態，結果竟然有驚喜喎一坐底有個前菜，好好味好開胃，埋單先發覺要收10蚊~湯叫咗雪耳粟米羮，小食揀咗個素食拼盤，主菜揀咗咕嚕肉同沙茶小扒，飯面就揀咗炒米，仲有兩舊甜品送。味道幾好，賣相亦好靚，食落唔似素食，款式亦好特別，以往係幫襯開X之家，呢間既味道同款式更加特別，真係物有所值~…Read More