Jss's Profile

見有個新出自選小盛宴有9款選擇可以配撘三款唔同既甜品,價錢同一般既甜品差不多,當然想試多幾款唔同嘅甜品啦!叫咗一個芒果Choco心太軟配芒之戀人流心再配迷你芒汁布丁,淨係聽個名都流口水啦!出到嚟發覺個portion都唔細。心太軟熱騰騰,裏面有流心嘅朱古力醬同芒果粒,份量啱啱好,唔太heavy,不過始終覺得心太軟都係配雲尼拿雪糕好食啲;芒之戀人流心即係白朱古力布甸入面有流心芒果,朱古力布甸既甜再加芒果流心既少少酸,配搭不錯;最後就係芒果布甸,面頭既芒果肉好新鮮,布甸都好滑,不過如果除咗芒果之外有多啲其他既生果材料做配搭就更好喇!…Read More

呢個晏晝同朋友來到愉景新城逛街食下午茶，無意中發現呢間門面唔錯嘅銀座, 而且廚窗仲陳列咗好多款精美嘅日式定食，所以吸引咗我同朋友去試試！餐廳環境寬倘舒適，我們倆人更加被安排坐在一張起碼12個人都坐倒嘅卡位！可能因為下午茶時段，反正人唔會太多啦！我地點咗兩客定食，分別有1）和風薑汁豬柳飯定食；2）檜御膳櫻花先講呢個薑汁豬柳飯，眼見嘅只係洋蔥炒豬柳，唔覺有薑，但食落薑汁味非常濃郁，配合埋醃得入味嘅豬柳及鮮甜嘅洋蔥，味道恰到好處！此乃第一個驚喜！再試呢個以為係普通嘅日式湯烏冬，原來一啲都唔普通，烏冬係極之彈牙！好食！再講檜御膳櫻花定食，賣相已經相當不俗，淨係壽司都有十幾款，可以講應有盡有，連我最喜愛嘅海膽壽司都有，仲係好新鮮同好鮮甜！又一驚喜！除咗款式齊備嘅壽司之外，仲有甜蝦及三文魚刺身！同樣新鮮好食！連配菜都有驚喜呀！原來係南瓜蓉！南瓜味極之濃郁！正！唯一係個麵豉湯重手咗，味道偏咸！但整體以咁嘅價錢，有咁好嘅食物質素同環境，已經相當滿意！一定會再去試試其他不同款式嘅美食！…Read More

翠華茶餐廳食物質素比一般的茶餐廳好,水準亦都好穩定,所以貴啲都有佢既原因嘅。不過佢有個冬陰功片頭豬軟骨米線就食到我上哂癮,豬軟骨好淋好入味,冬陰功湯夠酸夠辣,加埋魚片頭同大大隻蝦球,好足料。值得推介一下。…Read More

由於這餐廳位於汀蘭居內,門外亦沒有招牌,不是朋友介紹也不知道這地方原來有一間環境這樣優美的餐廳.進入餐廳後給我的第一個感覺是地方寬闊及景觀開揚,有大量落地玻璃,可盡覽海景,感覺寧靜優閒,最適合喜歡浪漫的情侶.我們一行三人,頭盤叫了三文魚沙律(share),帶子南瓜湯,龍蝦湯,意大利雜菜湯,帶子南瓜湯味道及濃度適中,帶子足料,值得推介.龍蝦湯亦很濃郁.主菜叫了鵝肝意大利飯,煎海鱸魚及咖哩羊肉.鵝肝外脆內軟,意大利飯亦有咬口,控制得宜.鱸魚配搭著忌廉薯仔味道亦很夾,咖哩羊肉的咖哩味夠濃,不會太辣,再配上白飯及中東包,飽得我們甜品也吃不下了.唯有下次再嘗試這裡的甜品吧!最後只叫了三杯Latte,但估不到Latte都做到有花紋圖案,給我們額外的驚喜.…Read More