hea_pig's Profile

大角咀真係好多嘢食，而家星期六2點，嚟到計埋我，兩枱客，唔知晚市係咩情況。諗住都係試吓，所以嗌個午市魚生飯算，但見到＄9有多2件白吞拿魚壽司，又餵食叫埋。魚生飯有三文魚，吞拿魚，白吞拿魚，𩶘魚，油甘魚，玉子，蟹棒。 係基本嘢，不過望落都豐富。Total ＄77，滿足吓想食壽司嘅口感，我覺得好抵。 魚生肯定係一般放題feel，但佢唔孤寒，算厚切，入口有份量，齋食魚生都唔會覺得空虛。偶然食過呢度，我多咗個實惠食壽司嘅選擇 …Read More

第一次食津津，好似係差不多10年前，佢哋仲係舊舖位。 好記得嗰陣食後感係“驚艷” 🤭 有一排每周三、四服咁食 😂 最好食始終係小雲吞，食到嘅一定要辣，佢哋嘅辣係麻麻香香，有啲芫荽葱咁，就算中辣都唔會好辣。 而家再嚟食，雲吞好似 “長大”咗喇，以前細粒啲好食啲㗎，但整體嚟講都係好食 另外，我通常會搭個唔辣涼麵中和吓啲辣，而家嘅涼麵已經唔係我必食選項喇，變得比較濕，調味同麵質都唔同咗。 下次再嚟，應該買中辣淨雲吞就夠了。…Read More

呢期做九州祭，睇中個明太子，所以都嚟試吓啦。《海之櫻勘間八》（鹿兒島直送）介紹寫肉質爽甜有魚脂，覺得都係爽甜嘅，但好似食唔出有魚脂（廣告相感覺好肥美㗎）。《炙燒明太子軍艦》（福岡直送）係明太子，但...真係有炙燒過？《柚子醬油漬鰹魚》（枕崎市產）食到柚子味，仲強過魚味，呢個鰹魚好淡口咁，定係太薄身影響？《四式芝士蛋章魚燒》蛋真係好滑 不過四式芝士係點解，食唔到芝士味 章魚燒無特別想法，啲章魚又係咬咗舊膠咁，哈哈，係咪唔可以有少少偽章魚味？《海之櫻勘間八腩》寫 “頂級”、魚脂份外豐富，魚脂在哪裡？《炙燒黑松露帆立貝》我見都幾多人嗌，都試吓。打開蓋就好香黑松露味，嗯，呢個帆立貝有咬口，幾juicy，怪唔知係佢哋嘅人氣壽司。《吞拿魚三點》呢個有啲似鮮選壽司個三拼，不過呢度得中拖羅+赤身+長鰭吞拿魚。中拖羅比預期肥美喎，入口好滑、好快溶咁。赤身都滑，仲有少少清甜 :)長鰭吞拿魚，有輕微嘅油香，一般都係咁 👌🏻其實有時會覺得，元氣好唔好食睇分店。咁...呢間就應該屬於麻麻地，仲要咁啱遇到個阿姐，逼我承認和牛軍艦係明太子 都係唔再嚟呢間分店喇，記憶中上次嚟都係感覺唔好嘅，不過今日肚餓，加上就腳，就又嚟咗。…Read More

睇完張下午茶餐牌 A至K，都係大路嘢，但去到最底，有樣嘢食無標號，寫住 ～特別推介～《黑松露芝士雞髀紅豆冰》，於是就決定呢個了。滿100蚊可以送上嚟，嘢食嚟到係熱嘅。雞髀真係生炸，本身都有啲類似香草嘅調味。而主角 黑松露芝士，就好似冚被咁冚住隻髀，味道肯定喺度，只係有少少覺得塊芝士唔夠溶入到啲雞皮度，如果佢哋交融啲，覺得會好食啲 :) 不過雞肉稍微乾咗，呢個情況係因為炸耐咗？還是本身來貨影響杯紅豆冰，奶嘅比例剛剛好喔，有時有啲會太水，呢個就剛剛好 紅豆大約佔 1／5，口感淋甜，多少少就開心啲 總括嚟講係好食嘅，係符合冰室食炸雞脾紅豆冰呢啲經典嘢嘅期望 :)…Read More

又係成日食嘅小店，有差不多一年吧？ 味道一路都好穩陣，今次寫低佢。《豬紅》😋其實真係唔太識分咩係真豬紅，但呢度嘅係唔易散開，而且係食到 “味”，機乎次次嚟都叫。《咖喱魚蛋》😋5粒裡面3粒係霹靂入味！ 啲辣係穿透成粒魚蛋 👍🏻《清甜蘿蔔》😋唔呃人！甜嘅，淋嘅，未食過有渣嘅 🤭車仔麵嘅汁好關鍵，呢度有腩汁、滷水汁，辣汁，我又係只食過辣汁，仲係大辣，好惹味，所以無意欲轉其他汁 😂粉麵反而試勻哂，都係米線最啱口味，而米粉、粗幼麵都唔會再食嚕。…Read More

一排無嚟，綠茶換咗加熱水落壺，再倒落杯飲。 望過吓壺入面，似係綠茶葉，用意係咪想客人嘆到優質啲嘅茶？🤔《袖烏賊》呢期沖繩祭嘅壽司，真係柔軟喎，但唔覺甜美 😂《日本產帆立貝》😋嚟親呢度，必食！ CP值高，$17有兩件，算鮮甜同埋咬口okay。《鰭吞拿魚拼盤》😋又係必食！赤身+中拖羅+大拖羅各一，一次過滿足三種口感。 赤身係dry啲，但好穩陣唔會腥；中拖羅已經有相當嘅油脂，有時我會encore中拖羅（唔使去到大拖羅程度）；大拖羅其實同中拖羅好近，但認真品嚐，油香係再多少少嘅。如果叫一貫厚切，應該成口魚油 😋《油甘魚》😂。。。。。。無味嘅 😂可能我本身鍾意偏酸嘅壽司飯，呢度嘅混合醋好啱我口味。仲有佢嘅wasabi，係天然啲 👍🏻 但每次嚟親都無乜人，係地理、價錢、菜單、還是口味問題？🤔…Read More

買咗1點幾戲飛，決定食個早飯先睇戲。之前偶爾路過呢間，都好爆場，而家早，不妨直入一試。《新鮮豚肉鍋貼》😋個皮好食！鍾意佢煙煙韌韌咁。比例上，皮比肉多嘅鍋貼，所以個皮相對好緊要 😌《燉濃湯雞麵（手工麵）》湯底好清甜，我當湯飲。雞肉算滑，有番啲雞味。但食到尾，就好似好多血水咁，不過應該唔會唔熟啩 😂至於個手工麵，真係好似職員形容，好咬口嘅。 但個人覺得厚咗少少，同碗湯分開咗嘅感覺。雖然未試到其他嘢，但都覺得會為個鍋貼再嚟 😊…Read More

少少餓，但仲有兩個鐘先晚飯，路過呢間，食兩串小食似乎係適合嘅 😂記憶中嘅味道，係辣汁偏辣，魚蛋係傳統嗰啲，燒賣就一般來貨咁。今次應該係相隔一年再食，燒賣唔同咗，唔得 😂 但魚蛋係仍然辣到透嘅程度，而且係傳統皺皮（定係陳皮）款式，好食！所以下次再食，魚蛋就滿足了 😋…Read More

啱啱開門嘅壽司郎，無乜人，靜啲啲，感覺舒服同埋自在咗。其實成日幫襯，邊款啱食只存喺記憶，嚟緊諗住試吓選擇性記低 🤭 當係參考。《特選大吞拿魚腩》🤔 今日唔得，定一向少腥？仲要唔肥美，可能我期望有差。《油甘魚天身》😋唔係腩嗰種口感，今次幾好食，少少油脂咁入口快溶。《蘿蔔蓉炙燒三文魚腩》😂今日嘅蘿蔔蓉有啲乾……《芝麻醬漬油甘魚》😌味道係唔錯嘅，雖然偏鹹，但壽司飯濕晒，有無辦法兩全其美。《炙燒羅勒三文魚》😋自從有次🐼喺屋企食過就難忘，重口味，like。《蝦三味》😋睇片話最抵食嘅選擇，而且鍾意食赤蝦，今日埋尾揀呢款。赤蝦似係啱啱ready，仲凍，鮮甜；甜蝦okay；熟蝦係combo咗一定要食。今日只係 12件，因為之後要返工，唔得咁飽 🤪…Read More

今日雖然熱辣辣，但突然好想食辣拉麵，最好配埋生啤，搜尋一下，搵到呢度。平日下午茶時間，無人，唔知係開少咗冷氣，還是坐近門口，係有啲熱……。有“小盛”嘅下午茶餐，非常好 第一啖試咗湯底，比預期薄身，不過夠味而唔鹹。 然後食佢嘅叉燒，五花腩咁，好啱我口味 另外追加咗溏心蛋，咬開後覺得似溫泉蛋多啲（其實兩者有無分別？😂）至於拉麵本身，屬於淋啲嗰種，我啱呀，不過唔係話出眾嘅程度。下午茶時間，86蚊有個麵，有生啤，都幾開心嘅 …Read More

2013.3.1平日下午3點幾，一人進去有位了，不過，客還真多。客多不奇，最奇趣的是有廿幾位侍應，我覺得他們像 dancers般左穿右插，邊吃邊看跳舞表演，有趣 點了“茶餐”，有牛油多士、火腿炒蛋、叉燒意粉、熱檸水。牛油多士：非常鬆軟、牛油和烘的程度剛好 火腿炒蛋：火腿一般，炒蛋是這裡的名菜，是鹹了些，但很厚香，配多士吃，超搭的 叉燒意粉：沒特別，若不是肚餓，可不吃。熱檸水：偏酸的、也沒昨天在“紅螞蟻”喝的清香。下次再來，只吃有蛋的多士，這裡最美味的部份 …Read More

2013.2.28位於太子旺區，時刻都多客吧，侍應姐姐可能攰了，態度比今天天氣更冷。下午菜時段，點了個“鮮製三文魚丸麵”。這裡有“髮絲麵”、“椰香海鮮辣湯”，感覺較特別，必試！湯底：濃度、辣度適中，不錯 :)髮絲麵：感覺似……全蛋麵？可咬口不錯，不會煮過頭 :)鮮製三文魚丸：對“鮮製”二字有猶豫，吃起來跟一般冷藏丸相約吧。不過，還是吃得出三文魚味道的。為了多吸收維他命C，喝“熱檸水”，檸檬份量足夠，而且很清香，Like 以上，承惠＄33，當午餐吃都飽，又美味。想 tea又想食特式少少的粉麵，會想起這裡 …Read More

2013.2.2514：00 到餐廳，相信已過peak hour,所以一人都有卡位坐。綜觀環境不錯，沒油煙味，估計坐滿也不焗促。食客都是附近的白領，較斯文、不會很嘈吵，可以慢慢坐了。但，餐湯、餐包、主菜同時上枱 扣分啊。喝完餐湯，主菜都涼了。餐湯：雜菜湯 - 應該很重味精，一入口已感“確”喉。主菜：香蒜辣椒蜆肉蝦扁麵 - 太辣了！難搞在沒了香蒜味……。蜆肉和蝦都沒有一丁點鮮味，好恐怖的一個麵……。只為不浪費，硬食了（無言）。不會 encore的餐廳 :(＄58 的午餐，概嘆通漲令物價飛升罷了。＄58 吃的是一些環境、水電煤、人工支出、和一餐溫飽。…Read More

為了 TVB 節目"食得峰騷"介紹這裡的 "太極鴛鴦鴨" 而來,或許, 蘇生食的, 跟我們食的有那麼一點不同吧, 我們吃不出 "精美",就只是一鴨兩食的感覺, 一邊鴨肉混皮蛋及咸蛋, 一邊把鴨肉炒熟而已。失望了重點, 不過我們喝了 "杏汁豬肺湯", 這個很濃郁、很到位。我們也點了其他的小菜, 包括:- 酒浸鵝肝 - 蜂巢豆腐- 老干媽炒田雞- 大澳炒三寶- 川椒羊肉- 蒜蓉白菜仔現在回憶當時的味道, 就只有 "咸"和"油"了。二選一的話, 就是 "油", 好油好油的, 怎麼連 "白菜仔" 都是油膩...說真的, 有點難以接受。最後, 老闆娘相當囂張地跟我們說: 要否點個 "蛋散"?因為小菜不好, 所以我們先拒絕, 然後老闆娘更囂張地補充: 不叫你們會後悔! 我們6個成年人都呆了一會, 人生要後悔的事竟然為了 "蛋散"...。我們當然理解老闆娘要推介餐館強項, 但是她的態度語氣,實在到現在回想起來都感到不悅。 到結帳時, 餐館伙計錯記啤酒數目, 老闆娘硬將此問題算到我們頭上,就是總之我們是喝了這個數目, 跟記錄無關。那, 當初為何給我們記錄紙?(意思是我們已跟啤酒推廣員買了一些數目, 然後每拿一支就在記錄紙上扣一支。):( 好知味菜館, 我們真的 "知味道" 了。…Read More

友人之前來過，任飲任食火窩而且有房可以訂，於是他提議再來，慶祝另一友人的生日。到達後，(1) 發現「房間」代表「屏風」(2) 12人檯來了5人，未坐暖便不停介紹所謂優惠海鮮而且差點想立即上菜(3) 表示我們選擇任飲任食後，2位經理上演變臉(4) 突然又說因為我們訂「房」所以每位加$20(5) 5分鐘後經理先生又說原來他可以簽單，因此不需額外$20(6) 由上列第3點開始，服務人員已經從此消失(7) 上列第5點後，我們的「房間」便中門大開，並多開了一桌情侶火窩(8) 由訂位到上列第7點，沒有人員提點我們限時進食(9) 突然一次 order 啤酒時，經理先生拒絕接單(10) 他們內部會議後，特赦我們繼續付費飲啤酒昨晚的心路歷程： :(如果這樣所謂訂房需要最低消費或者其他特別條件，訂位時說一下就相安無事，為何要我們受如此諷刺的對待。表情加對白出賣了經理先生，我們不是貼錢買難受的消費者。可是，如果純粹講火窩料，我會覺得。…Read More