healingfoodmood的個人專頁

孜然燒雞中翼size 適中，雞肉嫩口滑溜川燒雞腎粒粒一口size，爽口鹽燒牛舌厚度適合，表面烤得焦香入味鎖汁無騷味老北京牛肉串風味十足，微辣中牛味濃郁山椒燒豬頸肉烤得爽脆焦香帶點微辣，豬頸肉裏面油脂味十分香口。燒潮式手打牛丸有牛味夠彈牙，唔會成舊粉蜜糖燒台灣花枝丸、台灣腸，花枝丸唔厚粉，新鮮足料有咬口燒韭菜爽甜唔會燒得過侯又黃，燒茄子唔會太油，蒜蓉牛油金針菇爽口燒菠蘿解膩清甜餐廳座位不多，但尚算寬闊舒適，啱同朋友聚餐…查看更多

今日喺沙田收工同朋友一齊開餐，就搵咗呢一間環境唔錯，坐得幾舒服嘅呢一間嚟試！前菜海蜇頭十分爽口，帶有麻香同埋微粒，越食越開胃！牛油花甲菠菜，佢花甲嘅份量一啲都唔少，而且菠菜吸收晒花甲嘅香氣同埋牛油味好重，啲菠菜識落又唔覺得太油，味道都好夾。主食有流心蛋雞扒煲仔拌麵，呢個拌麵十分之出色，又唔算太鹹，份量都好足，雞排都煎得幾香！另一個主食：蟹粉蟹膏撈麵做好鮮，好有蟹香，份量爆多超抵食！安格斯牛柳粒都好入味，啲薯仔朔晒啲肉汁香。…查看更多

今日嚟到朗豪坊行街，搵到呢間係food court入邊嘅川菜一試！佢呢到座位好多都幾濶落，坐得舒適！前菜涼拌萵筍絲爽口開胃，椒麻雞有川菜特色風味，麻麻香辣，雞肉嫩滑，啲辣香係越食越開胃！老壇酸菜魚台灣麵，呢一碗面嘅份量十分之多，足夠兩個人一齊分享，而且魚肉嘅份量都唔少，食得出啲魚肉非常新鮮，一啲都唔鞋，好夠酸好夠麻，呢個超讚！雜錦小籠包都好出色，除咗原味之外仲有三款佢哋獨創嘅，有香辣小籠包，好夠辣香，酸菜魚小籠包，酸菜魚嘅湯汁配埋食更上一層樓，仲有個就係金黃流沙小籠包，呢個好夠咸香，全部都好特別，絕對要試一試，另外我哋仲有點佢哋嘅炸雲吞，呢個不過不失，同埋有試蝴蝶脆餅，同炸鏝頭一樣！最後佢哋嘅甜品都好值得一試，就係呢個酥皮鳳梨奶黃窩餅！呢個真係好足料，鳳梨奶黃嘅配搭一流，又夠酥又有蛋香奶香！…查看更多

喺旺角行完街經過呢間餐廳裝潢好小清新，以為係新開的Cafe，睇完餐廳門口Menu先知係主打食酸菜魚、乾鍋同串燒，於是試吓呢間小清新形象嘅川菜。辛手酸菜魚（2-3人份量）沒有辣度選擇，但應該適合大部人可以接受既程度，湯底鮮辣中帶點麻，酸味溫和；魚片厚度適中且新鮮，口感滑溜；酸菜有葉有莖，口感爽唔會死鹹。配料有大豆芽、萵筍同金菇等，跟兩碗香軟白飯，酸菜魚真系好好下飯。另外點了幾款串燒過吓癮：川燒經典豬頸肉，外脆內軟鎖住肉汁，一點都不油膩。川燒魷魚鬚串 ，魷魚烤得爽口彈牙，唔會太乾身；醬汁烤得入味。川燒脆雞皮，爽脆微辣好滋味。川燒翠玉瓜，爽口鮮甜解膩。鳳梨鳥龍冰茶，芭樂烏龍冰茶的茶味都香濃，但又唔會搶左搭配好嘅鳳梨個芭樂果香味，清新解渴，食辣野飲好夾！最後有柚子冰粉甜品送，口感似啫喱，柚子味香出眾，清甜爽口。餐廳環境舒適好適合同閨蜜黎聚餐，聽講餐廳係晚上9:30後會將氛圍改造成酒吧嘅微醺微暗既燈光！…查看更多

今日喺尖沙咀行完街之後喺附近搵食，點知就搵到呢一間川菜新開嘅。咁就一於入去一試！上到嚟地方唔大座位都唔係太多，但都坐得幾舒適。我哋淨係叫個麻辣雞煲，佢嘅辣度都幾夠，都好夠麻香，佢呢種辣真係越食越開胃，啲雞肉份量都幾多，都幾嫩口，食得出食材幾新鮮！另外我哋有試吓啲小食，試左個泡椒鳳爪，呢個鳳爪好入味，而且辣度岩岩好，呢個用嚟送酒簡直一流！我哋仲有佢個麻辣魚皮，好爽口，一啲都唔腥，食得去啲麻香好惹味！最後仲有試埋佢個麻辣豬手，呢個就不過不失，豬手太林，唔夠爽口彈牙但都好夠風味！行過路過嘅可以嚟一試呢間粵式川菜！…查看更多

又到獎勵自己食好嘢既時候$1988 Shabu Shabu Set季節前菜有水母刺身，海膽豆腐同漬物3款，新鮮開胃冷盤。時令日本生蠔，肉質鮮美size 中規中矩。鱈場蟹肉茶碗蒸，蟹肉鮮甜蒸蛋綿滑，搭配鋪面既蟹膏，鮮中帶香好滋味。海膽鱈場蟹肉天婦羅有紫菜包裹，天婦羅蟹肉炸得酥脆，加上海膽鮮味點綴好解膩。魚子蟹肉明太子拖羅蓉鍋巴四種各有特色既鮮味層次分明，爽口魚子明太子、綿滑拖羅蓉加上香脆鍋巴，口感豐富。炭燒鱈場蟹腳今次真系蟹肉盛宴，備長炭燒完鎖住鮮味，原汁原味。鍋物鱈場蟹昆布味噌湯底+日本產特選黑毛和牛100G+野菜盛合，和牛肉質鮮嫩，牛味濃郁。黑松露鱈場蟹肉雜炊過過黑毛和牛既湯底，再加入黑松露，蟹肉同珍珠米炊熟，湯精華縮曬入米，好好吃！$480 串燒Set前菜漬物一小碟廚師發板-精選酒肴：七味魚翅廚師發板-精選炭燒串燒8款，有水準日本白桃 & 哈密瓜 有泡汽水…查看更多

煥然一新的茶木，以茶為主題的裝潢氛圍更精緻小清新，用餐環境舒適。台式滷味拼盤滷汁味道甜而不膩，有肥瘦適中五花腩、金錢肚同牛展、滷水雞翼、同豆腐等，全部得滷得好入味。黃金鹽酥雞（半份）鹽酥雞炸到脆口唔厚粉，裡面雞肉嫩而不脫水，椒鹽味出。紅燒牛肉麵紅燒牛肉炆得軟霖入味，湯底鮮甜牛肉份量足，而麵條滑溜。台式麻辣半筋半肉手工拌麵麻麻辣辣嘅牛筋牛肉惹味香辣，麻辣汁拌面爽口過癮。四季青萱鮮果茶果味濃郁，有菠蘿、柠檬西檸同雜莓等新鮮水果；茉香珍珠奶綠茶香奶滑，珍珠煙韌。跟餐加左兩款可頌窩夫，黑朱古力杏仁、白朱古力抹茶都好好味，即時製作外面酥脆似牛角酥，餅底內裡軟糯唔會太甜，細細件一人份量足。抹茶鮮果流心歐軟回味下之前茶木必食嘅甜品磚，裡面的流心抹茶味濃郁而不苦澀，搭配埋抹茶雪糕、香脆麵包，口感豐富。…查看更多

今日心血來潮想打邊爐，就喺尖沙咀放工嚟到呢一間日式嘅放題火鍋，入得來環境都唔錯坐得幾舒服。佢呢度都有提供唔同嘅火鍋湯底俾你揀，我哋就揀咗佢呢一個芝士豆乳窩底，呢個係每日限量供應，一上枱好香奶味，仲有芝士嘅咸香！佢呢間主打呢個日本黑樺牛，佢一嚟都幫我哋落咗唔同部位嘅牛比我哋，每個部位嘅油脂分布都唔同，食落嘅口感都唔同，但絕對可以食得出佢真係好新鮮，入口即化，好夠牛香！另外佢都仲有唔同嘅火鍋配料提供，啲配料種類雖然唔多，但食材都係新鮮，質量都唔差。二人同行嘅話呢佢會附上呢一個精選牛肉架同埋呢個海鮮拼盤！ 有北海道帶子同蠔，佢會幫我哋另外蒸煮，啲帶子同蠔食得出佢都好新鮮甜口，蝦都好大隻夠曬爽口…查看更多

呢間位於尖沙嘴的日食居酒屋老字號，裝潢簡約日本風，近門口處有個吸睛的酒櫃，存放著各式各樣的酒。元氣豆腐凍豆腐口感滑溜帶點涼感，鋪面的醬汁微辣帶酸仲有納豆，平時唔食納豆既都接受到帶味道。雜錦刺身刺身整體水準新鮮，味道鮮甜。帶子牛油燒粒粒肥厚的帶子肉帶裙邊，牛油燒過後更鮮更惹味。牛肉火鍋鮮嫩的牛肉，清甜的日式湯底，加上滑溜豆腐蔬菜，食物原味道健康之選日式豚肉炒烏冬熱剌剌鍋氣足，豚肉炒得入味，烏冬又彈呀又滑，好味。光顧之前有聽聞呢間好多日本人都幫襯，當日用餐去到尾聲就真係見到日本人熟客仔，職員用流利日文溝通方式，仲遞上熱毛巾同預先存放的酒拿出來。…查看更多

今日係西營盤路過見到呢間食神麗官，諗起星爺套戲就於是嚟試吓！呢到個乳係原隻上，啲肉真係好嫩又多汁，一啲都唔鞋，炸到岩岩好，夠曬咸香，最緊要佢先38隻真係好抵食！呢個山楂汁脆蝦球都好大碟，隻隻蝦碌都夠曬大隻，炸到外皮好香脆，配埋啲山渣汁一齊食，酸酸甜甜好開胃！我哋仲有點咗佢呢個招牌咖喱牛腩，份量都唔少，件件牛腩都好大件，咖哩真係好濃香，用嚟送飯一流！最後點返個金銀蛋時蔬嚟解下膩，呢個就不過不失，但個湯底都好夠香，食落啲菜都特別香！…查看更多

同閨蜜係海港城shopping 完，搵咗呢間粉色少女風餐廳食個泰式下午茶，近窗邊位仲有海景啱曬打卡。底層係個人較期待的鹹點：冬䕃鮮蝦碎蛋卷、香脆雞肉棒香辣蛋黃醬、巴馬火腿芝士三文治、還有青咖哩雞酥盒。中層為特色甜品：咖啡啫喱泰式奶茶慕絲杯、紐約芝士餅、特濃抹茶卷蛋、白朱古力覆盆子馬卡龍。頂層：有原味和斑斕兩款口味的英式鬆餅，搭配菠蘿青檸果醬或奶油忌廉，口感又鬆又酥。下午茶套餐包兩杯基本茶啡，見到特飲好吸引就加錢升級左清新解膩的荔枝玫瑰梳打、酸酸甜甜的草莓乳酪特飲。…查看更多

中環隱蔽小巷裡亮著一個「鳥世一」的燈箱，木製的和風門框前有紅色日式布簾半遮掩起來，進門後裡面是三邊吧台的座位，這就是是次專用備長炭的高質串燒居酒屋🏮木製的餐牌更添和風氣氛，串燒品種應有盡有，除串燒外還有主食同甜品選擇，一目了然。主打的炭火燒鳥點可以錯過呢！二節雞翼，雞頸肉，雞腎，免治雞肉都係我至愛，肉質鮮嫩炭香，精緻可口。另外鹿兒島黑豚蘆筍串燒、燒銀鱈魚、網燒牛肉等水準到位，搭配滑溜嘅洞庭烏冬，滑蛋雞肉飯等主食，真係大滿足，食過返尋味。最後嗌咗個日本綠茶雪糕，餐廳當日仲另外送左個類似紅豆綠茶奶凍嘅隱藏菜單甜品哦，好好味😋 推薦加入菜單甜品上。…查看更多

台式串燒小店空間不大，座位都尚算寬闊，每台都有爐幫你熱住啲串燒，夠貼心呀！琳瑯滿目的選擇，有選擇困難症既我於是揀Menu上有標註推薦的幾款串燒試下烤厚切牛舌芯、金針菇肥牛、燒雞全翼、烤豬仔髀、烤大漠羊肉串等，味道燒得幾入味，各類肉質都嫩口，就羊肉串稍微乾咗啲；另外烤豆皮都係熱門選擇，幾特別！最後都食咗烤台灣香菇貢丸同花枝墨魚丸、台灣小香腸等台式特色串燒，炸饅頭就食得多，烤饅頭都可以好香脆，點煉奶真係一流。…查看更多

今日同同事喺沙田呢邊收工，就一齊約去呢附近食飯，咁就搵咗呢一間天天海南雞試吓，座位好闊落坐得幾舒服。我哋就試咗佢嘅招牌之一天天燒雞，佢嘅份量比想像中多，而且佢啲雞都真係好滑，啲雞皮就好脆，配搭埋啲醬汁簡直係一流。同埋記得帶返個雞油飯咁就配返啲雞一齊食！另外我哋都叫咗呢一個九層塔炒小黃牛，佢啲牛肉嘅份量都唔少，而且件件都好滑，食落好救鑊氣，少少辣幾過癮！最後一個係呢個參巴辣炒通菜，咁呢一個就不過不失啦，佢嘅風味就似平時喺泰國餐廳食到嘅通菜一樣，都可以一試！其實呢一間在好多招牌菜都可以試，佢都算係米芝蓮餐廳推介之一嘅鋪頭，鐘意食雞嘅朋友絕對要嚟一試…查看更多

食過返尋味呢間串燒鋪選擇齊全，燒烤種類有特色燒類、海鮮、肉類、丸腸餃、蔬菜瓜果類等，另外仲有小食同甜品、主食提供添！店內嘅特色串燒幾吸引，特色燒芝士響鈴，有流心芝士好新穎；燒火辣牛肚，辣辣地好惹味。海鮮類一開始試避風塘燒廣島生蠔一份有3大隻，味道出蠔肉鮮美肥厚，食完覺得海鮮幾新鮮就叫多咗隻蒜蓉粉絲珍寶大扇貝、同埋馬來西亞大蜆。肉類燒烤有燒沙嗲雞全翼、海鹽燒皇牌牛厚度足牛味濃，完全無臊味有咬勁，仲有爽口燒雞腎。個人食燒烤必點的燒韭菜，蒜蓉茄子都燒得幾好味，蜜糖味牛丸彈牙、台式香腸爽脆，燒菠蘿好甜有驚喜。…查看更多