KikiNg1800's Profile

呢間日式pancake店一隻喺網上一直都好紅，見到今次有限定的開心果味pancake，作為開心果迷的我一定要前來試試。🔸開心果疏乎厘疏乎厘pancake的質感真的非常鬆軟，有一種入口即溶的感覺，看着非常Q彈的pancake真的非常治癒！！限定的開心果疏乎厘pancake有大量開心果味的醬，雖然開心果味不是濃郁的那種，但依然有着淡淡的開心果果仁香味，而且有大量的果仁配搭，口感上做到一軟一硬，喜歡💕🔸香蕉貴妃芭菲材料非常豐富，除了有香蕉、朱古力布朗尼，還有雪糕、金寶碎，脆片等等。。。口感上自然不用說，朱古力布朗尼也高質，配搭忌廉雪糕一起吃非常搭配。🔸煙燻照燒雞肉牛油果窩夫配有蜜糖醬的窩夫和鹹香的雞肉，一起吃入口中的鹹甜配搭非常有衝擊感，不知道大家是否和我一樣也喜歡鹹甜的味道？🔸黑松露大啡菇扁意粉意粉軟硬適中，整體味道不錯🔸飲品飲品個人覺得正常，但不算十分出色。整體甜品不錯，喜歡pancake的不要錯過，而且有好多限定口味…Read More

又到打邊爐既時間，今次黎到香江花月打卡!有次係IG見到D相已經覺得好吸引，已經好想試下。香江花月環境真係好靚好靚，好有懷舊色彩，以50年代華人洋行為主題，唔係一味懷舊，仲加左好多現代元素，真係視覺亭受!裡面仲分幾個區域，我地就坐出靠入口果邊，環境比較暗有情調，但影相就比較唔夠光。一坐低侍應就放底杯Welcome Drink，係雪梨水黎，組侍應介紹，原來係純人工鮮榨，個杯仔非常吸晴，杯底有條立體既錦鯉。工作人員服務非常好，十分殷勤同有禮貌。其實一早已經諗好晒想試既野，快速點完就出去拎醬料，醬料位置係係隔離果個廳，果邊就光猛好多，而且仲已經滿座。廳中間仲展示左駕電單車，裝潢果然超級落本!拎完醬料，D野隻都慢慢上齊喇!🔸黑蒜豬骨鍋超級足料，足足4大件豬骨，另外仲有好多黑蒜同獨子蒜。湯底相當濃厚，直接裝左碗黎飲，好好飲呀，唔會飲到蒜頭味，但就令個湯惹味左好多!🔸香江拼呢個絕對係全晚主角，9紅2白1黑，總共7款，12份既牛類，靚靚咁排係呢個圈度，我諗好多人都係為左呢個圈黎XD包括左安格斯牛，牛心頂，牛柳粒，手切牛，牛舌，牛胸油，同三花趾(唔確定)。全部都正好新鮮，我就好鐘意手切牛同牛心頂。呢個圈唔單止靚，仲有質素。份量都夠兩個人食。🔸七色餃又係打卡聖物，擺盤成件藝術品咁，7色餃有唔同餡料，雖然都唔係好分得出係咩餡，但全部食落都唔錯，皮薄餡靚。🔸飲品方面我地揀左香芳幻同鳳琉香，兩杯各有特色，兩杯都有煙霧波波俾我地影相。總括黎講，真係好值得黎，視覺同味覺都好享受，每樣上符檯既都精雕細琢，環境比酒店有過之而無不及，推薦黎打卡!…Read More

-打邊爐真係好正，無論天氣凍定熱都好鐘意打邊爐。同事住紅磡果邊，佢話附近開左間打邊爐幾唔錯，咁就一於去試試! 位置都幾方便，紅磡港鐵站，行條天橋過紅磡方向，落左橋行一陣就到。咁岩對面就有巴士返屋企，都幾方便!一入到去，地方雖然唔係太大，大約十零張檯。新開當然係新裝修，座位非常闊落，全部都係卡位，坐得好舒服。入面有好多魚缸養住好多海鮮，十分吸引!先講講服務，服務都幾好，好有禮貌，好主動，但又唔會太打擾。一坐低就放低左盤醬料俾我地加，其實咁都幾好，唔洗出出入入走去加。睇完餐牌，其實都幾多選擇，有幾多Set。因為想食牛，所以最後都係散叫。🔸秘製重慶雞煲(半隻)等緊果時聽到廚房係度少我地個雞煲，已經聞到勁香!同埋確定個雞煲係即叫即整!一上菜已經熱辣辣，侍應叫我地先食細件果D，大件果D等佢入下味先。但我想講其實已經入晒味!我地點左小辣，但其實都算幾辣，如果真係好唔食得辣建議食微辣。咁講返個味道，真係身覺得幾出色!麻，辣香咸全部岩岩好，雞件過油過得岩岩好，索味得黎不過火!D芫茜蔥都好正!🔸象拔蚌刺身(一條)見到一條象拔蚌剌身只係$198，咁抵點可以唔叫呢!好足料好大片，有鮮味。食得出係新鮮既因為一D臭味都冇。咁既價錢真係抵到爛呀!🔸新鮮手切牛 ， 牛胸爽有晒擺盤，岩晒打卡!兩款牛裝成一盤，排得好靚!手切肥牛真係好正，有厚度，輕輕淥一陣，已經好好食!雖然唔係好重油花果種，但就好彈牙好嫩，好重牛味。牛胸爽更加係以前一試愛上，買開急凍果D都係細細塊，呢度切得好大塊，有油香而不膩!🔸黑松露墨魚丸食得出都係新鮮既，佢係偏爽口既，爽口彈牙咁啦。鮮味都有既，有墨魚粒粒，幾鐘意D呢種口感。但覺得黑松露味唔太突出，可以加重少少。🔸唐生菜咁就唔多講啦，新鮮冇伏，靚靚仔仔咁啦。兩個人每人食左五百零蚊，都食得好飽XD又象拔蚌又手切牛覺得幾抵食。下次會想試埋小菜，因為個雞煲幾高質，炒野應該都唔差，期待!…Read More

今次黎呢間船鍋，都係有friend極力推薦。咁睇返原來係一人鍋，所以即管一試!上到去，見到個環境都唔錯，雖然坐位都排得幾密，但一個人有既空位都幾多，一d都唔會逼。同埋佢設計到好靈活，人多人少都可以坐，就算一個人單機都唔係問題。睇完餐牌，揀左$288呢個餐，其實都已經幾食。首先出去拎醬料，應有既都有。咁當然唔會好款，大幾十款到。最緊要係醬油夠味但唔太咸，好多打邊爐就係衰係人個醬油度XD個Set有齊頭盤，蔬菜拼盤，肉類，海鮮拼盤同埋最後有個主食，我覺得Set得幾好，乜都有。🔸頭盤頭盤有少少刺身，同埋3件炸雞。我覺得好好呀，因為如果好肚餓，等佢蒸果時可以有野食住先!剌身都幾新鮮同埋有鮮味，炸雞都幾好食，都juicy唔會炸到過晒火。🔸海鮮拼盤海鮮全部都好高質，一定係新鮮架喇!白蜆夠肥，鮮甜冇沙，我地兩個人夾埋成20隻都冇一隻係死既。蝦夠大隻同鮮甜。肉蟹好巨型，多肉好鮮甜，不過個殼實在太硬太厚XD 鮑魚好大隻，有鮮味。🔸肉類有美國肥牛/豚肉片/雞腿肉(3選1)，同埋3寶丸。揀左牛同雞，雖然只係美國肥牛呢個級數，但都唔會太差，唔會太肥同幾有牛味。三寶丸有驚喜，有我最鐘意既薑汁皮蛋貢丸!濃汁牛丸都正，墨魚丸好好食。🔸蔬菜拼盤D蔬菜都好新鮮，特別係粟米，超級甜。同埋冇諗過D菜蒸來食都幾好食，口感保持到脆。最後個主食，我地揀左湯米粉同埋粥底。個粥第一啖以為唔夠味，點知愈食愈鮮甜!另外個米粉係粗身好似米線咁，唔知係唔係俾錯左定點XD 魚湯加埋鍋底既精華，真係好鮮甜好正。食完好滿足!船鍋真係改變左我對蒸氣火鍋既睇法!特別係一人一鍋絕對係好好既設計。…Read More

初七人日，出黎旺角行下街。好想講，旺角真係愈來愈多人了，同之前兩年真係好大對比呀!連女人街D排檔都開返大部分。過年食中式野食得太多，係時候食燒肉喇!今次冇去牛X排隊，因為想試試新野，同埋聽聞呢間大眾燒肉酒場好抵食，即刻去馬!我地早少少去，入去都唔洗排隊，但真係遲十分鐘黎已經要排晒隊，好好彩!環境都幾好呀，D檯夠晒大張!超級闊落!用QR CODE 落單，一見到哇左出聲，點解可以有咁鬼平!某D豬，牛舌同雞居然28蚊碟，我印象中未見過其他單點燒肉有呢個價錢囉XD當然D牛肉都正常價少少，但都係算平既!見到個價錢唔貴，好自然就會點多D，唔洗就住就住點。兩個人點左勁多野食!🔸柚子雞肉 $28首先個裝盤都好搞笑，係個幾得意既雞形碗仔。有成5，6件大大件既雞脾肉，淡淡既柚子香味，燒完都好彈牙有水份。呢個價錢真係抵到爛!🔸味噌五花 $28呢個個人就覺得重味左少少，薄薄既五花片，味道係咸中帶甜，但醃料就重手左少少，一定要配飯食。肉本身口感同油香都好正，同任食果D既質素有明顯唔同。🔸西斑牙黑毛豬 $28呢個好正!如果想食豬真係推薦呢個黑毛豬!係冇醃既不過本身肉已經好香，帶少少回甜。燒到外脆內嫩咁，出奇地就算唔小心燒過左都唔伯勁硬勁乾。食燒肉點可以唔食牛呢!牛系列雖然價錢貴少少，但相對其他店都已經好平，和牛一碟都唔過百!🔸和牛壽喜燒 $78又係必點之作!唔止可以食仲有表演睇。上菜時職員會幫手用火槍燒到岩岩好，然後點埋落去日本蛋汁同埋秘製醬汁，再配埋少少白飯。一食落口真係有沖擊感，好好食!和牛入口即化，油滋香甜，醬汁咸甜咸甜仲有黑松露香氣，真係有幸福既感覺。呢個價錢絕對係超值!🔸厚切牛舌芯 $48作為牛舌控，每次都會怒食牛舌!呢度都冇令人失望，牛舌質素都幾好。燒到7分熟，中間帶點粉紅，啪落口感覺就係爽彈，香軟嫩滑，油香充足，配埋啖飯真係冇得輸呀!跟住我同個朋友講，想係牛舌丼，黎呢度叫兩份牛舌加個丼飯咪得囉，洗乜去排成個幾鐘，呢度又好食又好坐XD🔸薄切牛舌 $28又係好平!咁厚切同薄切口感當然唔一樣，係會脆口少少。幾岩一開波好肚餓既時候，快快脆脆燒30秒就食得。不過我會揀加多20蚊食多碟厚切XD🔸黑毛和牛小排 $78和牛當然有返咁上下質素，油脂分佈都好靚，口感係比較嫩滑，一放入口就油滋就係口中爆發!🔸和牛沙巴當 $98一分錢一分貨，雖然外表同黑毛和牛小排差唔多，但肉味同油香實有唔同。牛味十分突出，雖然冇探究佢係邊種和牛，但果個香味有D似佐賀和牛，總之好正!🔸紫菜月見丼 $28 京蔥燒鳥丼 $38丼飯都係好出色，中間果個日本蛋黃真係好靚，飯都好好食，香甜軟糯。兩個飯只係差10蚊，我個人就會俾多10蚊要多D送XD整體來講真係唔錯，如果食得多某連鎖想試下其他，呢間絕對係好好既選擇!又平又好食，2個人埋單都係6百蚊，食得好滿足!…Read More

下班約了朋友吃飯，他推介他家附近的一間日式西餐廳，在網上搜了一下看見菜品滿精緻的，非常適合拍照。 本來對味道沒有抱太大期望，但原來可拍又美味的食品真的存在！！🔸幸圓丼丼飯非常豐富，包含了三文魚、油甘魚、海膽、赤身、帶子、魷魚、赤蝦、鰭魚 、八瓜魚、香蔥吞拿魚腩蓉、蟹籽同埋三文魚籽等，單是材料已經有十多種，對於有選擇困難的我來說，這個飯真的很友善，全部刺身都可以試一次。刺身新鮮，味道鮮甜，特別最喜愛海膽和赤蝦，海膽沒有腥臭味可以肯定是新鮮的，赤蝦大隻而且很甜。米飯是日本珍珠米，粒粒分明有彈性。🔸鹽燒加拿大保濕豬鞍配蜜糖芥末籽汁 這道菜是現點現做的，所以較為需時，但耐心的等待是值得的。厚切的豬鞍口感非常充實，肉質嫩滑，蜜糖芥末籽汁甜甜的，非常配搭。 還有許多配菜，像是車厘茄、、翠玉瓜片等都可以提升菜品的清爽度，不會單吃肉而過份油膩。🔸脆炸墨魚咀墨魚咀大大的，不是切很小小的那種，所以吃下去口感不錯。炸槳有先作調味，所以味道不會太淡，香脆可口。最重要是份量很大，這個價格很OK。🔸炸廣島蠔伴檸檬醬 香脆可口的廣島蠔配搭檸檬醬，不會油膩還帶著少許清新感覺。🔸士多啤梨芝士奶蓋牛角包窩夫來到甜點時間，當然要盡情食。 牛角包窩夫是用牛角包制成，所以比傳統窩夫多了一份酥脆口感，牛油味道也更重。 士多啤梨芝士奶蓋酸甜酸甜的，加上雪糕後有一種冷熱的效果，特別又飽肚。🔸宇治金時芭菲 喜歡綠茶的不要錯過，綠茶味雪糕濃而不澀，整體芭菲非常有層次，內有蕨餅、紅豆蓉、糯米丸子、奶蓋、穀物脆脆等，滿足之餘也非常日式。口感和味蕾也得到滿足。🔸Tropical Bliss 士多啤梨、藍莓、紅莓和橙汁組成，味道是偏酸甜的，整體較為清新。🔸Blue Bliss顏色非常特別，內裡有雲呢拿雪糕，整體味道較甜，但個人喜愛這杯飲品。整體食物和環境也不錯，而且甜品選擇非常多，無論是喜歡鹹食或甜品的，在這裡也可以得到滿足…Read More

任食邊爐黎講，一鍋堂真係冇得輸。差唔多間間分店都試過晒，今次就黎荃測試試!其實唔同分店都略有不同，有D分店小食多款D，有D就少D款。差唔多7點去到大鴻輝，搭𨋢條隊真係多人到爆，如果book左位真係要早少少去等𨋢!荃灣呢間分店真係幾大，小食既款亦最多!咁湯底同料未到既時候都唔會餓親XD湯底我地揀左鴛鴦鍋，試左冬蔭功+潮汕湯。冬蔭功係幾有泰國風味，但用黎打邊爐個人黎講都唔係咁習慣，不過一試無妨。潮汕湯就真係必點!自從上次試過一次真係一試難忙。用大地魚滾下滾下個湯就愈來愈鮮愈來愈香。揀好左湯底，一入座即刻用QR CODE落單，跟住就沖出去拎小食，都唔係拎左好多，最主要係淺嘗一下，試左炆牛腩，鳳爪，蓮藕，雞腎，都OK幾好食。起碼整得有心機過好多其他放題既小食。揀左食C餐，雖然係貴少少，但俾貴幾十蚊都真係值回票價!料黎講，實在點左好多款，樣樣野質素都唔差，但有好多真係必食既級數!🔸澳洲M5和牛板肉當然主力食呢款，油滋紋路好靚，食落有油香牛味又足，輕輕淥到粉紅食真係好正式🔸花雕浸安格斯牛肉呢個真係一絕，個人最鍾意就係呢一款!甜甜地有少少酒香，口感似係滑牛，但真係好好食!🔸牛舌每次必點款式之一，爽口又彈牙🔸其他牛肉仲有多款牛肉供應，一樣高質🔸鮮蝦以前食酒樓邊爐，D酒樓成日有意無意俾勁少，一係就唔新鮮!一鍋堂就唔同，次次都俾勁大隻，又新鮮又有蝦味，前後叫左幾轉都唔會遇到唔新鮮果D死蝦!🔸香脆魚皮唔係講笑，呢隻魚皮真係勁好食，Keep到脆口唔在講，個味道真係好正，好香又有鮮味。🔸莞茜燒賣燒賣控既我，本身好少會用燒賣黎打邊爐，因為覺得燒賣係要蒸，然後加鼓油辣油先係正宗!但呢隻燒賣用黎打邊爐真係一絕!甜甜地好好食，莞茜味唔會太重。其他料都係好有質素，捨得用靚料，每次黎都唔會失望!不過都想講下。外面自助區仲有多款美食﹐選擇困難樣樣都想試荃灣呢間分店人手好似有D唔夠，會有些少甩漏既情況。不過都無傷大雅既，冇影響到係我地心目中好感。…Read More

Sakeh，位於尖沙咀呢個繁萍地段，但位置就係天文臺圍既一條堀頭路，穿過超級熱鬧既諾士介佛臺，成個氣氛即刻變到靜左好多。轉個靚彎，遠處即刻就見到SAKEH。入口位於地下，佈置得好靚，有假山有園林，即刻忍唔住影幾張相!樓梯既燈光效果都好靚!上到去，裝潢好有格調，可以形容為高級型格居酒屋!成個覺好Chill，好適合慢慢傾似返杯。黎到居酒屋，當然揀返支清酒飲飲。揀左釀し人九平次EAU DU DÉSIR ，店員首先俾左一set8隻既酒杯俾我地揀，有唔同顏色同款選擇，揀好左之後店員會收返個盤走XD 清酒會有個冰桶座住，會有個架放，唔會佔張臺既空間，各方面都思考得好周到。 支清酒都唔錯，易入口，帶幾分香甜，幾岩女仔飲!野食大部分都係串燒，主食有幾樣選擇，兩人個人食，都點左好多🔸海膽松葉蟹蓋甲羅燒好多時甲羅燒都會中伏，但今次就喜出望外!!海膽，蟹肉，蟹膏完美混合，最重要係新鮮。食落鮮味爆發晒出黎，心諗:乜甲羅燒咁好食既吸咩XD🔸厚切牛舌芯絕對冇失望!牛舌芯又軟熟又爽彈，調味好足，加上厚度十足，會有D唔捨得吞既感覺!🔸燒白鱔好厚肉，好新鮮，鮮味，冇怪味，加上油滋豐富，外邊燒到脆脆地，但係咬落去就爆晒D油出黎。🔸汁燒牛肋又係外面焦香，裡面爆汁!其實串燒燒得好就係呢個效果。加上好好味既燒汁，好正!🔸自家製免治雞軟骨食得出真係自家製，因為同平時食放題果D好大分別，口感會彈少少，仲配埋個生蛋黃點黎食，幾特別!我地仲點左豚肉，豬腸，雞脊肉同雞屁屁，都幾唔錯!最特別就係雞屁屁，同想像中有D分別，原來雞屁屁係咁好食，冇怪味!本來想試埋個鳥之提燈，好可惜冇貨。 咁食食下串燒覺得唔係太夠，見佢地D主食又唔貴喎，即刻加返兩樣野!🔸自家製清雞湯熱稻庭湯底好特別，係未食過既味道!如果唔講係雞湯我應該唔識分XD 有淡淡既清甜味，加上彈牙既烏冬，唔錯。🔸鰻魚飯鰻魚飯堅抵食!好大件整整兩件鋪滿晒係D飯上面，燒得岩岩好。略嫌米飯本身唔夠彈牙，不過加埋D醬汁都係食到停唔到。Sakeh無論食材同味道，都對得起個價錢。有置身係日本銀座既感覺，會有下次!…Read More

Lab 10 裝修係白色主調，夠晒光猛亮麗，坐得都OK舒服!我地揀左$298 Supreme餐，職員好快就同我地開爐同講解，話第一轉會出左D頭盤，之後就Qr code落單。個爐設計幾特別，中間有條芯，D火會聚晒係條芯附近，燒肉起黎勁快熟，仲要冇乜油煙!食完唔會有陣煙肉味!QR code 落完野飲，出去自助區睇睇，有D沙律，泡菜同炸物。炸都幾吸引，唔係平時放題見開果D!拎左少少炸物，應該係炸粟米片麥樂雞同炸飯團，兩款都幾特別。食完之後一陣，肉肉就好快黎左!!🔸全牛拼盤呢個拼盤好豐富!有齊安格斯牛板腱，牛肩肉，牛脊肉，一口牛同厚切牛舌，每樣都可以試下!每款肉都幾唔錯，其中最正都係牛舌同牛板腱!可以無限Encore!🔸梨汁牛五花呢款反而有D驚喜!有淡淡果香，甜甜地，平時燒肉好少食咁薄既牛五花，驚佢會痴住個網，但呢度又唔係痴，應該係個爐同網既關係，牛五花放落去一陣就食得，接觸面多左焦香既位就多左，加左少少果味真係食到唔停口!🔸鵪鶉蛋紫菜飯食燒肉食飯好似好不智，但燒肉配飯真係好正!呢度既飯都唔錯，燒肉汁好香。🔸海鮮海鮮點左廣島蠔，魷魚同虎蝦，廣島蠔漲卜卜，熟左都冇乜縮水!魷魚口感好好，夠晒彈牙幾新鮮，虎蝦Size中中挺挺，但蝦味濃郁，Encore左好多次XD之後再點左D牛肋條，雞腎，雞翼同豬梅花，全部都中上水平，對得起個價錢，。最推薦係牛肋條，咬落去爆汁，醃得剛剛好，配飯一流!最後燒左粒綿花糖同食埋brownie，完美作結!總括來說，食物質素唔錯，出菜爽快冇漏單，點幾多就黎幾多，食得愉快!…Read More

酸菜魚癮又起,每隔一段時間都會好想好想食酸菜魚!今次再次幫襯麻辣派對,其實都算幾熟悉個環境了。燈光同裝修就好似去左開Party咁,比較暗,但必要既燈光都足夠。坐位都好夠闊,完全唔會迫,總括來講坐得好舒服。不過今次黎,已經冇左之前果款包裝出位既濕紙巾,比較可惜XD今次點得唔多,因為有之前既經驗,兩個人如果點兩個大菜係冇可能食得晒,所以剩係點左一大一小!其實唔係太大食,點一個大野就都夠食!🔸水煮系列酸菜味型江團+蓮藕每次黎都會點酸菜魚,每次點都一定一定加蓮藕!蓮藕唔係就咁掉落去煮,係有經過處理。點處理呢我唔知,我只負責食!我諗應該係炸過之類,總之食落食甜甜地好好食,質感唔係爽脆又唔係粉,係爽得黎又帶少少煙韌!講返酸菜魚本身,用料足就一定,勁大個盤,有勁多魚,酸菜,芽菜,魔芋,粉條。魚肉唔嚡又吸到味,酸菜唔會太酸,都好食。粉條都好chewy!最重要個湯都好好味,夠辣,酸又剛剛好唔會死酸,個湯又夠厚。真係好抵食!🔸古法咕嚕肉點解黎麻辣派對會食咕嚕用肉?因為本身都幾鐘意,同埋,呢度真係做得幾好食呀!對比好多餐廳都好食。個汁酸甜度剛剛好,肉用既部位都唔錯,有瘦有肥。雖然汁已經平均分佈晒係D炸皮,但食落仍然有脆度!高分之作!食飽飲足,臨埋單見到居然有外國人同印度人黎食,估唔到佢地都鐘意食麻辣野XD…Read More

今日去到利東街，志在行行街，影影相。身處於灣仔老區，但感覺好似去左外國於行咁，十分寫意。街道好寬闊，裝飾得好靚，中西合壁得黎又冇"娘"味。行下影下相，就到食飯時間。好耐冇食天丼，之前都係食開另一間專門店，今次一於試下呢間金子半之助!呢間天丼之前去日本，係D旅遊書果度見過，都知道係幾出名，難得唔洗排隊!金子半之助，環境OK丫幾乾淨，座位都唔算迫夾。🔸江戶前天丼 $138天丼包埋醃菜，麵豉湯。首先緊係似啖湯先，麵豉湯幾好飲，幾清甜同夠味!個天丼有好多款天婦羅，穴子超級巨大，食落好軟滑有鮮味。海老鮮甜有蝦味，唔係得個爽口果種。小柱魷魚天婦羅餅，D魷魚真係超級軟滑，完全唔洗用力咬!仲有溫泉蛋天婦羅，呢個真係不得了，咬落去蛋黃汁即刻醬!另外仲有海苔同夾碗豆。天婦羅外皮超級鬆脆唔油膩，加埋秘製醬汁，脆得黎又唔會整損個口!🔸上天丼 $118上天丼同江戶前天丼差唔多，都有兩隻海老，小柱魷魚天婦羅餅，溫泉蛋天婦羅，海苔同夾碗豆。分別就係穴子變左赤目鯛。雖然冇穴子咁巨形，但魚肉都好好食，鮮甜多汁!最後飲埋杯黑豆茶，好好似，去油解膩，可見店家夠細心!…Read More

每次經過都會被其香味吸引，新鮮出爐的古早味蛋糕，望住店員切都感到好治癒！🔸香濃拉絲芝士蛋糕真的非常大份，而且非常鬆軟蛋味濃郁，個人覺得一般古早味蛋糕有一個問題，就係聞落好香但食落會有落差感，總係覺得聞著比吃的香，但呢間唔會有呢個問題！聞落好香，食落都無失望地符合到期望。芝士無處不在，呈半溶狀態，芝士控不要錯過。🔸海苔香口肉鬆味古早蛋糕 ($88)表層滿滿的海苔肉鬆，海苔X肉鬆是一個非常惹味香口的味道，同樣地蛋糕質感鬆軟，呢個組合比較經典不敗，唯一比較麻煩是肉鬆容易跌下來，吃的時候要多加注意。雖然價錢都要七八一個(全個)，但其實份量非常大，一個絕對夠4人食。如果少人的話，店家也很貼心可以購買半份，隨時試多兩個口味都得…Read More

鰂魚涌海光街附近有好多食店，其中一間係專做外賣的滷水店，店舖細細但滷水選擇非常多，見到窗內掛著的一隻隻滷水雞鵝就流晒口水。🔸慢煮特調滷水雞(半隻)雖然寫住係半隻，但份量十足，整整一大盒！完全唔似係半隻份量。 味道方面雞肉因慢煮的關係，肉質幼嫩，滷水味道剛剛好不會死鹹，個人認為幾抵食。🔸墨魚+紅腸好怕食墨魚會好韌難以咀嚼，這個不會有這個問題，而且是軟中帶爽剛剛好。紅腸是個人非常喜歡的食物，見價錢不貴便加了，份量比想像中多之餘而且表皮有微微煙燻味，加上滷水汁的加持，非常美味。        地方細細但食物乾淨衞生，店員非常細心，如我點了滷水雞和墨魚紅腸，為免兩者味道放在一起會有影響，特意詢問是否需要分開，抵讚。…Read More

屋企附近D餐廳都係到悶悶地，搭兩個站去左寶琳搵食!去到呢間將軍會館門口，就俾門口果D動物造型既包點吸引左眼球，即刻望下餐牌，覺得價錢同菜色都幾吸引，所以就入左去試試。本來以為係普通酒樓咁，但發覺裝修一D都唔似酒樓，好多卡位，每一檯都妻有屏風間格格開，十分寬敞，雖然係酒樓，但已經跟上時代趨勢用QR CODE落單。值得講既係，QR CODE落單個系統好完善，好順暢同好順利咁就落好單，每個菜色都有圖片，覺得呢方面都幾用心!晚飯時段都有點心供應，所以都點左少少試下🔸鮑魚燒賣(2隻) 🔸金箔原隻鮮蝦餃(2隻)點心上菜時都熱辣辣!但又唔會蒸到乾晒起晒骨果隻。蝦餃飽滿漲卜卜，蝦肉餡新鮮足料，燒賣上面鮑魚仔都幾入味，燒賣本尊都幾好食，濕潤有鮮味!兩款點心都對得起個價錢!\🔸金沙莆田聖子金沙蝦就試得多，金沙聖子真係未試過!未食過當然點黎試試，整體都做得唔錯，咸蛋黃好香，炸都炸得幾好，唔覺油，聖子啖啖肉有少少鮮甜味，用黎送酒一流呀!🔸玉桂乳鴿39蚊隻乳鴿真係好抵食!炸得剛剛好唔會乾，咬落去仲有肉汁流出黎，調味亦都幾好，總之十分抵食呀!🔸北京烤鴨(半隻)本來心大心細唔知點唔點好，不過見差不多檯檯都有點，所以都係點左XD 好彩都冇失望，鴨皮係有少少厚度果隻，咬落去有油香，個麵皮好夠熱，比較薄身。配料加埋醬總共有6小碟，比平時多左哈蜜瓜，醃蘿蔔同白沙糖，可以有好多唔同配搭。整體真係幾有誠意!🔸豉汁白鱔煲仔飯煲仔飯係真煲仔飯，熱辣辣咁上菜刀，一打開就見到厚厚既白鱔鋪滿係面!白鱔夠新鮮，飯都食有飯焦但又唔會過燶!唯一美中不足既係個汁薑味有少少重，整體都幾唔錯。環境十分好，野食同服務都幾有水準，亦睇得出用左幾多心機去設計菜色，一定有下次!…Read More

自從上次食完一間唔錯既川菜,一直都心念念想再食,因為食辣野實在太爽了!不過一直都壓抑自己盡量唔好食咁多,始終香港人腸胃都唔係咁受得。忍左兩星期今次又出動喇!睇食評見到呢間老川皇幾唔錯,所以就黎試下!油麻地地鐵行過去,平時好少行去果頭,發現附近都幾多間川菜館,不過人流都唔算太多!去到歐美廣場,搵唔到電梯或者車立上去,見2樓所以就行樓梯上去算了.上到去見到居然差唔多坐滿,大大話話都幾十張檯,真係客似雲來XD同下面果D川菜館真係好大分別!環境OK啦,小廚格局,但一定唔會背脊對背脊。睇睇餐牌,價錢真係幾大眾化,平到5蚊都既串燒腸仔都有交易!不過後來點得太多野就冇試串燒。🔸酸菜生魚片咁都預左唔係出面專食酸菜魚果D店咁精緻,但食落都幾好味,個湯有少少似胡椒朱肚湯果陣味,但再加埋酸菜既酸同少少麻少少辣,飲落又幾厚幾夠層次,魚肉份量都幾足,好滑。最重要係價錢呀,只係百幾蚊,對得起個價錢有餘!🔸外婆菜炒蛋一上菜覺得好大碟呀!外婆菜份量仲多過D蛋XD，第一次食外婆菜,以為會好似梅菜或者菜甫咁,食落係比較咸口,都有少少甜味,但唔配飯都唔會覺得好咸果種。加埋辣辣地咁真係勁下飯!從此已經愛上外婆菜!🔸農家小炒肉好夠味好好食,果隻辣椒真係幾辣下,炒肉炒得乾身,有焦香,肥位都唔會好油膩!又係勁下飯,一餐食左兩碗飯`!老川皇呢間店,性價比真係夠晒高,小炒又出色,重口味得黎係能接受既範圍,真心推呀!…Read More