RingLam5866's Profile

今日試佐敦養心殿台式養生鍋。叫左鴛鴦鍋再邊麻辣大辣（當然我係唔覺得辣，我一個朋友話剛好，一個話好辣）但我唔理，仲叫侍應同我加辣⋯只於我唔食得辣嘅朋友就食另一邊寧神養身鍋。先講麻辣個邊除左我咁變態大辣唔覺有辣味外，整體係ok嘅，湯底有啲藥材都幾香，裡面仲有啲鴨血同豆腐，另外仲會額外多一份鴨血俾你，但過後就無得再加（不過都好過老鍋，除左湯底個幾嚿，之後要食就要俾錢，仲要唔平）另一邊寧神養神鍋好香，好重藥材當歸味，有啲似天麻魚頭湯，佢裡面都有半隻烏雞同半個大魚頭加埋啲藥材，望落好似好補⋯女人嘛⋯嗯⋯要多喝補身湯水，所以一開始都喝小半碗⋯不過好失望，雖然味道好香好濃，但同時明顯有好多味精，飲完無幾耐都幾口喝，加上2邊湯底都越滾越咸，麻辣個邊仲有啲杰tim⋯⋯所以佢嘅湯底我只係一般評價！至於佢嘅食物配料，牛肉，我地揀左細手切牛肉$238價錢合理，入口柔軟有牛味，重點佢切得厚薄、大少適中，烚半分鐘已經剛剛熟，口感咬落唔會鞋口，值得一贊跟著我地點左黑毛豬、雙拼餃子：水餃拼韮菜餃🥟、老油條、油豆腐、萵筍、豬粉腸，食物都算新鮮，韮菜餃好香似真係自家制，加埋半打啤酒🍻3個女仔埋單$1100都算合埋！另外值得一贊係侍應服務態度好好，好熱心有禮貌…Read More

最近試左 近期幾hit嘅麻辣火鍋。銅鑼灣麻神麻辣火鍋。講真佢個麻辣湯底真係無得頂辣就唔算辣（當然我呢啲食辣食到麻目嘅人更係嫌唔夠辣啦）但一般正常人係覺得佢香辣適中，我覺得佢正係因佢麻辣帶少少甜、又唔油，湯底仲可以飲！無錯！侍應向我地介紹個麻辣湯底係可以飲，因為裡面係用大量水果淆制，無加味精！確實我地成班人一飲再飲個湯底，但無人覺得飲完味精重口乾至於另一邊清湯不過不失，唔算特別！另一重點推介無鴨血！必食！講真我係香港食過好多間麻辣火鍋，每次有鴨血我都必點，但一般我都覺得無咩特別，我一直都覺得香港嘅麻辣鴨血無台灣整得咁好食🤨！嗯！無錯！我鐘意食麻辣火鍋嘅瘋狂程度係會一年去台灣2、3次，為嘅就係食麻辣火鍋🍲🌶🌶 而我鐘意食台灣麻辣火鍋其中一個原因係佢地鍋底嘅鴨血同豆腐。（而係香港鴨血就食到，但台灣麻辣火鍋常用嘅硬豆腐我就真係食唔到！如果有人知請話俾小編知🙇🏼‍♀️）而麻神嘅鴨血係我覺得目前係香港食最好食嘅鴨血，無論係質感同味道都好好，好夠味一試愛上真係好想快啲再食！仲可以添食！只於食嘅時候侍應建議我地用🍴品嚐，聲稱咁樣就唔因爲用筷子🥢而夾散鴨血另到裡面嘅汁流出，雖然佢地咁建議，但我食左2嚿之後嫌麻煩都係轉用番筷子食！但我唔覺得有咩分別！其他食物，牛肉ok，食落夠牛味口感柔軟，價錢算中價，所以整體ok!其他食物，好似黑毛豬，雜丸等⋯老實講普普通通，唔算好出色，又唔差囉！款式選擇唔多！餃子🥟就麻麻地，價錢唔平但無特色，份量又少少⋯唯一覺特別係有冰菜，第一次用冰菜打邊爐，都幾食，值得一試！…Read More

係荃灣日本放題就多，但稍為好讚素啲嘅日本菜似乎唔多⋯係open rice 比我搵到間新開嘅，又俾我即時book到嘅 福丸水產.浜燒 。上到去裝修唔錯，好日本高級居酒屋feel ，每一張都有間隔 隔住，感覺好有私人空間感，一入到去見到海鮮水缸都幾給晴，見到啲海鮮都幾生猛，加上陣陣飄嚟爐端燒香味，立即加大左我嘅食慾！侍應安排左我地2個人入房坐，侍應服務態度好好，好細心推介及介紹食物....🙋🏻‍♀️🙋🏻‍♂️刺身同壽司🍣好新鮮，壽司飯質素又啱啱好，建議可以叫刺身拼盤，一般出面刺身拼盤都係拼cheap 嘢，又或者質素會比單叫差一個級，就好似拖羅咁，好多時出面啲拼盤會比差一級嘅拖羅拼落其他刺身度⋯不過今次呢個刺身拼盤，意外地啲刺身唔差，唔係比cheap 嘢加上個拖羅雖然唔係頂級拖羅，但亦中規中矩，有油香夠柔軟，同埋咬落無根！唔錯！抵食之選另一驚喜之作係炸雞塊⋯外脆內軟，仲勁juice,我太心急食，仲比啲汁辣到個咀😝但真係好食，無諗到佢炸到咁脆裡面原來咁嫰滑唯一失望係個蛋包芝士炒麵，見到OpenRice 啲人推介，帶住期望order ，但食第一口就失望，蛋唔滑仲有啲老，切開芝士唔多又唔夠香濃夾起無拉絲，差啲忘記佢有芝士係裡面，炒面味淡⋯總之 蛋、芝士、炒麵 3樣嘢好似夾硬擺埋一齊但又零火花!…Read More

我地9個大人2個細佬埋單$5888，茶介$22位收足11個，連2個小朋友都要收(1個5歲，1個3歲）⋯雖然無食啲咩靚嘢，海鮮果類更加無叫，最矜貴已經係碟牛，都要3百幾蚊碟，相比其他火鍋佢算係貴⋯最絕係我地一行11人，佢無圓檯，比張4張拍埋一齊嘅方形檯我地，我地打長嚟坐，好似公司開會咁，夾嘢食好唔方便，烚嘢食就更難，變相要夾硬叫3個湯底，一個湯底$198 x 3 ，咁樣淨係湯底都收你差不多6舊水！由於係打長嚟錯，叫嘢食同款嘅變相要叫多1、2份，否則坐頭尾檯嘅人夾唔到嚟食，不過佢碟碟嘢都份量唔多，叫多1、2碟都唔會覺得好多，當然佢嘅火鍋料價錢係比人地貴一陪！但係佢嘅食物同湯底事實係好味，係新鮮，最值得一讚係白鱔片夠晒肥，重點係無骨絲，夠細心！鴨血都ok，始終香港有得食鴨血嘅火鍋店唔多，同埋佢個湯底🍲藥材味好香，麻辣唔會好油....只於服務質素就普通啦，出嘢好慢，啲服務員無咩記成，落漏嘢，叫佢攞嘢轉頭又無會事，總知要催幾次....…Read More

今日嘗試 17/12 剛開業重慶劉一手麻辣火鍋，一向鐘意食辣嘅我，當然要叫麻辣大辣啦！佢有9宮格麻辣，但基於我地想要一半清湯烚菜，所以就咁一半雜菌一半麻辣湯底！基本上整體唔差，食物新鮮，服務人員態度都幾好，但坐位唔算舒服，有啲迫，啲位好窄，基本上檯面無咩可以放食物，要放係另外一3層架上面！調咪料係自助，佢有自家品牌一罐麻油，但唔算出色，因為我個人食過大陸幾間出名嘅麻辣火鍋都有自家麻油，坦白講比佢出色！唯一最遜色係無酒牌（唔知係咪未有）打邊爐無啤酒飲好似欠缺左少少⋯…Read More

呢間餐廳係新都會好多年，試過俾好多次機會，次次失望，諗住裝修後，又間間餐廳爆晒，俾多次機佢，點知咁多年都依然惡劣，新都會星期日間間餐廳都爆，唯獨呢間永遠大把位😨碟碟嘢都好咸，羊架勁生重煎出嚟 勁鞋同超級多油，酥皮湯淡而無味，碟意粉條長條短，碎濕濕，完全捲唔到隻义⋯埋單3百幾⋯完全唔值…Read More