tobie0720's Profile

同朋友見面一定要環境舒服，食物味道好，最緊要近我，今次就選擇左特色cafe: 素年生薑紅棗桂圓柚子紫蘇茶這款茶的味道非常豐富和層次分明。生薑帶來一絲辛辣和溫暖，紅棗則增添了甜美的果香。桂圓的味道濃郁，帶有一點蜜糖的甜味，而柚子則提供了清新的柑橘香氣。紫蘇的加入使整體味道更加清爽，帶有一點草本的清香。這些成分混合在一起，形成了一種既溫暖又清新的獨特風味。素年經典不可能芝士漢堡味道非常豐富和滿足。這款漢堡使用了植物基的“不可能肉”，帶來了與傳統牛肉漢堡相似的多汁和鮮美口感。芝士的濃郁奶香與“不可能肉”的味道完美結合，增添了層次感。新鮮的生菜、番茄提供了清爽的口感，搭配上柔軟的漢堡麵包，整體味道非常和諧且令人滿足。香芋番薯波波味道非常獨特和令人愉悅。香芋帶來一種濃郁的奶香和微甜的口感，而番薯則增添了自然的甜味和柔軟的質地。這兩種食材結合在一起，形成了一種既香甜又綿密的口感純素伯爵茶芝士蛋糕伯爵茶帶來淡淡的茶香和柑橘香氣，與芝士蛋糕的濃郁奶香完美結合。…Read More

天氣開始涼，又係打邊爐既時候，除左平時食嘅火鍋，今次我嘅選擇係：烤魚呢到烤魚都有成七款，因為食唔到太辣，所以我哋選擇咗爆漿鳳梨香辣豆花烤魚，BB辣，小麻。另外，叫左木耳同埋兩杯野飲。烤魚黎到，個賣相已經好吸引。我哋選江團魚，冇乜骨，啖啖肉。入面嘅配菜有菠蘿，紫洋蔥，豆腐花，薯粉，萵筍，芫荽，芽菜。雖然上檯已經係熟嘅，但建議食住小食等煲耐少少，等入邊嘅配菜更入味。菠蘿就咁食好甜，食到最尾會越食越辣，再食菠蘿可以中和辣味雲耳唔辣，麻油味，加咗少少醋，好開胃，同埋呢款前菜份量好多先賣$48，好抵食嗌咗兩杯嘢飲，我個杯係西柚乳酸爆珠梳打，唔太甜少冰。食辣嘢嗰陣飲返杯凍嘅超爽。…Read More

朋友話想食放題，但又想食啲燒烤，就選擇咗呢間餐廳佢分咗幾個時段，我同朋友收工時間比較早，所以我哋就揀咗5:30至7:30嗰段時間，同埋人少啲冇咁嘈，哈哈入到去好快巡視左一round, 有兩個大雪櫃裝嘢飲，茶類果汁類應有盡有，另外亦都有咖啡機可以自己沖熱飲或者茶，而我既選擇係金橘蜜味綠茶，呢杯唔太甜，而且夠熱，唔錯而咖啡機隔離就有部雪糕機，今日有柚子乳酪雪糕，同埋朱古力雪糕. 我食咗柚子乳酪雪糕，好香柚子味，而且奶味好重，食完燒肉食啱啱好出面仲有少量熱食，而燒烤用嘅瓜瓜菜菜都可以喺出面攞，好啦，巡視完嘅就返埋位啦店員已經好快上咗煙燻壺漬封門柳，牛前腹近住橫隔膜嘅部位。牛味濃郁，味道鮮甜一盤牛，好似梯級咁樣擺款，每款牛肉各兩件，而且都有牌寫住個款係乜嘢牛，唔會食咗乜嘢都唔知。而當中有牛舌，美國牛胸腹肉, 牛肩里肌肉，牛小排，美國和牛肩胛肉眼，澳洲原塊牛板肉，澳洲和牛上級牛胸腹肉，牛肋肉.當中，我最鍾意就係牛胸腹有位置，即係牛五花，呢一度嘅油花一層油有一層肉，肉片嘅剖面層次好明顯，肉質結實帶油筋，油脂甚多，切薄片嚟燒烤牛味濃厚。另外，都送咗盆海鮮拼盤。入面有帶子，鮑魚，蠔，魷魚，燒鰻魚，聖子，大蝦魷魚好大隻，而且所有海鮮類都好新鮮。最後，都嗌咗少少熟食，而我個人最鍾意就係芝士年糕，新鮮炸起食落去鬆軟唔甜，味道唔錯。…Read More

同朋友講開想食燒烤又想食醬油蟹，所以我哋選擇咗呢間老字號： 喜來稀肉一入到餐廳，店員會喺個鍋邊度加蛋液，而鍋邊本身已經有泡菜，所以當蛋熟咗之後就有泡菜蛋同埋原味蛋食食韓國點可以冇前菜，呢度嘅前菜係採用自助形式。食幾多就自己喺出邊攞，當然食幾多攞幾多？唔好嘥啦！出邊嘅前菜有沙律菜，蘿蔔，菠菜，泡菜，芽菜，海帶等等，而我最鍾意就係泡菜，醃得好好味。另外出邊仲有生菜蒜頭，食燒肉嘅時候，可以包住嚟食首先上菜嘅係醬油蟹，另外送咗個紫菜飯。呢度嘅醬油蟹處理得好乾淨，晶瑩剔透嘅蟹肉被秘製上汁包住每一啖都好鮮甜，同埋加咗檸檬汁嘅關係蟹肉有陣好清新嘅味道韓國水冷麵：入面有青瓜絲，蕃茄片，半熟蛋，面頭有少少白芝麻。麵條好彈牙，湯底好fresh, 夏天食解凍之餘好開胃喜來烤肉：上枱成碟用牛肉砌成棵花好有心思。牛肉好腍，醃到好入味，個醬汁有少少甜…Read More

約左朋友食late lunch, 當然唔可以敷衍了事, 網上做足功課, 見到呢間餐廳環境食物唔錯, 價錢可接受, 就選擇Mizu地方唔算難搵, 係佐敦地鐵站E出口, 上返地面向油麻地方向行到街口, 轉兩個彎就到, 好易搵. 去到門口已到比餐廳環境吸引咗, 望望餐廳名, MIZU, 已經到咗門口已經係打卡位, 我地炸炸林入去坐低order咗嘢食再出黎影相. 門口兩個燈籠寫住Mizu, 再影埋馬路, 出嚟效果好似去咗studio影相影完相返埋位, 已經上咗餐飲：橙汁同蘋果汁，兩款果汁都唔會太甜朋友點咗吉列豚定食，而我當然叫左佢哋嘅招牌菜：Mizu燒鳥定食兩款定食都包沙律，呢款沙律超好食，個醬酸酸地好開胃。仲有我個份前菜係日式煮蒜頭，煮到好林，完全唔似食緊蒜頭❤️ 仲有麵豉湯都唔錯嚟到主菜：吉列豚，啱啱炸熱拎上黎，口感鬆化，食落好juicy. 而呢到出名嘅Mizu燒鳥定食,剩係brunch先有. 串燒包括雞肉大蔥，雞翼，冬菇，青椒同埋雞肉棒棒配蛋汁。蛋汁係蘭王蛋，點剩可以用嚟撈飯. 呢到無論無食物定係環境，都好高質。下次會再同朋友黎…Read More

知道這店舖好岀名很久了，但是一直都沒找到時間去吃，這次和朋友經過兆萬中心逛街，又想吃炸雞，於是走了上去，下午6.30去到店舖，都已經好多人了，想不到未到晚餐時間就已經那麼多食客，一定有他的魅力了！我和朋友分別叫了驚喜二重奏、海洋知盤、醬油魚介湯，飲品就叫了鮮橙米酒和香芋沙冰。最好吃的是驚喜二重奏和醬油魚介湯，在驚喜二重奏，分別有炸雞和牛扒，旁邊還有沙拉配菜，可以一邊吃炸雞一邊吃沙拉解油膩，炸雞外皮炸得很脆，完全沒有雞皮炸得很厚重的感覺，牛肉的熟度也在鐵板燒上剛剛好，可以自己控制多生多熟，店舖雖然主打炸雞，但炸雞和牛肉也好好吃，肉汁豐富和鮮嫩。另外醬油魚介湯，有很多款韓國的魚榚，解了我對韓國的思念，很有在韓國路邊攤吃魚榚的感覺，還有腐皮，我的朋友就很喜歡吃腐皮，再和鮮介湯一起吃，完美！所有東西都十分好吃，無可挑剔的美食。飲料方面當然要叫韓國的米酒了，喝下去很甜又帶一點點酒味，但會容易入口，而且聽說米酒能對皮膚好，那我當然要多喝一點了。整體來說，真的所有東西都不錯，我們吃完岀去，我想我明白為什麼那麼多排隊了。…Read More

搭車去搵舊同事，係佢公司附近食呢間印尼菜，比較少食呢類菜就試下啦，呢到外賣自取做緊8折，好抵我地order兩個餐另外加錢要左杯豆漿，唔太甜。餐既飲水加錢要左野生松茸鮮湯，個湯無味精，有少量松茸，飲左好滋潤兩個套餐跟左四款小食，麻油白香拌芽菜［似韓國果種］涼拌手拍青瓜［似川菜果種］涼拌芫荽脆花生［花生真係好脆］惹味唐芹拌豆筋主菜要左木瓜椰奶雞脾肉［椰奶味好重，味道唔太咸］同埋辣Titu雞配厚切豆腐［雞肉嫩滑入味唔太辣，流心蛋好味］值得一讚呢到擺盤好似日式便當，唔講都唔知我食緊印尼菜…Read More

銅鑼灣店爆滿，知道尖沙咀店新開，唔使過海都有得食，即去。好彩時間尚早冇乜人，正前菜有菇，紅黃綠椒，青瓜絲同埋泡菜，份量唔少。超鐘意個泡菜，甜甜地辣辣地好開胃首先黎既係泡菜煎餅， 個餅煎到脆卜卜，好多泡菜，點埋魚露食一流當然唔少得炸雞，我地叫左原味炸雞。50cm長既海鮮鍋，你唸到既海鮮都有，包括蝦，魷魚，蜆，青口，藍青口，扇貝，鮑魚，蟹... 芽菜墊底。店只會將海鮮煎到細件方便夾黎食，海產類全部都好新鮮，有蟹既關係湯底越滾越甜，留到最尾滾埋個麵食，簡直係完美既ending.…Read More

呢間姚姚酸菜魚平時見親都排晒長龍，同朋友今日早d到，避開人群咁就可以唔使排隊啦門面到個環境都係我至鐘意既Tiffany Blue首先前菜係口水雞，選用雞脾肉，味道層次豐富，辣中帶香，香中帶麻，麻辣醬汁簡直令人回味無窮雖然呢到酸菜魚吸引，但今日我比較想食麻辣乾鍋，呢個鍋可以揀五款配菜，我地揀左牛肉，豬肉，四季豆，豬腸同埋薯粉。薯粉配乾鍋好特別，其他配料炒到好乾身好惹味，食落辣度岩岩好，個人比較推薦豬肉，豬肉本身醃到好入味，而且喺厚切，就算做乾鍋，肉質都好juicy.最後甜品選擇紅糖糯米茲粑，呢個係四川傳統甜品，將糯米炸起，再加黃豆同埋紅糖而成。一份六條，為整個晚餐畫上完美句號…Read More

今日原本約左朋友黎食串燒，可惜佢唔可以準時收工，咁唯有自己繼續黎食啦首先當然嗌返罐野飲啦，烏龍茶，有唔凍既嗌左個比較特別既燒通菜，椒鹽味，未食過咁樣整法既通菜，好有創意跟住係燒韮菜，蜜汁味，甜甜地爽口唔錯當然唔少得燒雞翼（我鐘意食），都係蜜汁味。雖然同韮菜個味一樣，但食落口唔同，雞翼燒到外脆內軟，食完好想再食多隻到最後就係花甲粉絲，有六大隻花甲，每隻花甲既肉都脹卜卜，配菜有娃娃菜，豆卜，生菜，湯底好鮮甜，成個配搭好好，食完都忍唔住飲晒食碗湯下次等朋友放假再黎食…Read More

同事出晒門又係我自己食晏既時間，今日選擇係castle Cafe, 平時同同事外賣就食得多，今日就堂食啦疫情過後，大家衛生意識都增強左，檯面有支消毒液已經係常態餐廳每一日都會有成五款menu比家選擇，因仍減肥關係，唔係太想食肉，所以我就選擇左鮮茄香辣鹽燒三文魚意粉，餐飲除左湯之外，仲可以加錢轉其他野飲。而我就加左十蚊轉熱既蜜桃玫瑰茉莉茶個茶除左有淡淡既玫瑰花味，蜜桃味又唔會太搶，甜度適中而意粉入面除左有蕃茄外，仲有紅黃椒絲，洋蔥絲，食意粉時可增加口感. 而主菜三文魚唔會乾真真，醃過少少味道岩岩好。順帶一提，呢到既南瓜湯好好味，係杰身唔係好稀果隻，下次黎飲…Read More

同事咁岩出晒去，可以提早食晏，搵左間餐廳比自己好好enjoy my lunch hour因為時間尚早，好彩唔使排隊，哈哈呢間每日都有唔同既set lunch menu, 日日黎食都唔悶今日我既選擇係拿破崙鮮茄烤香草雞脾扒，因減肥中，所以揀左薯菜加，另加六蚊件扒仲大過我手掌，肉質好滑，醃到好入味，唔掂汁件扒都已經好好食。薯菜方面有椰菜花，西蘭花，薯條，少量菇，應該用牛油既水浸熟，哈哈，咁仲好冇咁肥最後加左8蚊要latte, 完美一餐…Read More

呢間餐廳次次經過都大排長龍，心血來潮，我又排隊試下個人覺得呢個簡直係must點item紅酒燴牛肉蛋包飯店員係你面前𠝹開隻蛋再淋汁，已經係視覺享受。紅酒燴牛，牛炆到好淋好入味，隻蛋好滑唔會太乾，再加沙律菜，成個配搭好好杜勵意粉本身食蕃茄意粉好怕廚師用茄膏hei我就算，但呢個意粉真係用蕃茄煮，用有少量菇增加口感。蠔熟既程度岩岩好, nice新鮮炸起既雞，下面類似燒烤醬加蛋，賣相好靚岩鹽芝士多士比較特別既toast, 上面花花既Parma ham, 出面比較少…Read More

以前黎山林道就剩係識鋸扒，朋友話呢到新開好多餐廳，就半信半疑咁黎左呢條街。行到尾見到間好靚既building, 我地就入去由高向底搵食，一到17樓未行就選擇呢間啦一係去感覺好chill, 我地選擇近口，由高望落去感覺真係好好首先我選擇左呢壺紅棗黑糖茶。呢壺茶比出面唔同，紅棗黑糖比例岩岩好，唔會過甜之後就係salad bar, 呢個沙律bar真係超抵食，只係menu上每位另加28蚊。有沙律菜，薯仔沙律，雞絲沙律，哈密瓜，紅色火龍果，蛋糕。而醬料方面，有煙肉，芝士碎，千島醬，麵包乾... 選擇好多，自由配搭。我既選擇係Caesar Salad, 菜好新鮮，煙肉好香，仲有芝士粒。而我另外都囉左蛋糕，唔甜，好似出面pound cake. 哈密瓜都係超甜之後就到小食拼盤，女仔嘛，左唸右唸，不如嗌晒全部。有無骨鳳爪， Pama ham, 熱食有炸春捲，炸蝦餅，蜜糖雞翼，最尾三樣上檯都係熱，讚讚。個人比較鐘意個蝦餅，入面好juicy, 新鮮蝦做，好味牛油果香芒雞肉pizza: 上檯就嘩左聲，好靚。牛油果係pizza整好先放上，好大舊好健康。雞肉唔乾，芒果都好甜好好味燒春雞，雞肉好嫩滑，個皮燒過好香，值得一試…Read More

黎中環睇完醫生，酸辣粉癮又起，上網search酸辣粉排名，香港區至好味就係呢個瘋狂小面，就膽粗粗一試就知龍與鳳首先，入到去既裝修係古色古香,配上中國式既麵條，贏左呢到酸辣粉可自由選擇麻同辣既level, 配菜有炸菜碎，肉碎，芫荽，蔥，菜心，紅薯粉都好煙韌，湯底明顯煲過，入味。牛肉唔太硬，仲送兩條菜心鐘水餃，另加32蚊有6隻，皮薄餡靚，食落口有少少甜甜地辣辣地，好開胃冬瓜羅漢果茶： 呢杯又係甜甜地，生津消暑，清涼潤肺止咳，岩晒夏天飲…Read More