rolexlization的个人专页

話說早排巴打生日，作為兄弟嘅梗係要同佢食餐好㗎啦！兄弟喺奧運站返工，就下佢搵返間奧運站嘅好嘢食先！食好西梗係食西餐啦！位於奧運站奧海城嘅Cocina 3 Tapas好似會幾啱兄弟，所以就帶兄弟去食啦！入到去餐廳嘅時候，兄弟都不期然話咗一聲！因為間餐廳裝修到好似一個歐陸風格咁，紅色嘅梳化綠色嘅枱，林林總總嘅食物係餐牌上面，兄弟話淨係睇都睇得好開心！我哋食咗生蠔set，美國頂級安格斯肉眼扒，西班牙海鮮炒飯，Parma ham pizza，仲有個朱古力蛋糕添！生蠔夠新鮮仲有幾個款式俾你揀！加埋檸檬汁鮮味出哂嚟！美國頂級安格斯肉眼扒，聽個名已經一地濕哂，俾口水溜到濕！肥瘦均衡，入口即溶，正啊！西班牙海鮮炒飯又係一個傑作！開頭以為一碟4人份太多吃不消，原來有2人份！好貼心矣！味道剛好！飯的乾濕度適中！海鮮夠新鮮！Parma ham pizza又係好值得推介！小弟幾愛好咸食，呢度parma ham味道夠濃，pizza大小適中，互不搶味！呢間餐廳好值得返轉頭食！…查看更多

話說早排去咗大角咀附近搵人，咁搵完人梗係要去食返餐飽㗎啦！大角咀附近有個叫做利奧坊嘅屋苑，睇落都幾四正，下邊就有一間叫做lost star嘅餐廳，標榜著有live Band喺裏面玩喎！咁大個仔我都未睇過live Band，咁就入去食下野先！千祈唔好睇小呢間大角咀嘅fusion餐廳，原來呢度啲嘢食選擇都非常之多！最後我哋揀咗：特選生蠔、黑松露鴨肝薯球、五花漢堡、羅馬式蕃茄炆牛肚，同埋牛腹肉配墨西哥餅。Fusion菜式真係唔同啲，味道好新穎！呢度的live band亦都好特別！唱左一晚好有特色的歌！好blue! 好R&B!!…查看更多

正所謂行到邊食到邊，今日係旺角度行左成日，真係呢幾年我都攰喇！去到朗豪坊附近見到有放題食，無理由唔試下架！咁就入左去文華商場嘅5樓準備食餐勁嘅！其實旺角真係好鬼旺！呢度閑閑哋都有幾百人食緊野，好不容易我同女朋友先至有位，聖經咁大本餐牌你話食乜嘢真係好難決定，做人有乜嘢都食啲啦話晒都叫放題啦！而家呢個年代，普通一個放題已經滿足唔到為食嘅可悲！呢度其實可以叫做半自助放題，因為飲品絕對係自助，此都有林林總總嘅甜品嗰啲俾我哋自己的。一嚟就梗係有主菜啦！魚生拼盤、火炙壽司、芝士波、芝麻雞翼同埋白汁青口都係個人既小推介！男仔又係難啲食飽既，我仲叫咗個天婦羅同埋海鮮白粥包底添！值得一提嘅係，你以為呢本聖經噤口嘅Menu好阻礙？其實本Menu有磁石做簿皮，可以好似我咁將本Menu癡喺張台嗰度，搞掂！…查看更多

又經開灣仔盧押道，想起之前食過一間中位價東南亞餐廳，新泰，食泰國菜。既然就腳，好快決點晚餐地點。新泰有好多間分店，盧押道呢間算大，燈光同擺設將個環境氣氛渲染得好好，格外有泰式感覺，而且非常適宜傾計，唔會太嘈。餐牌好多選擇，揀到眼花撩亂，由經典泰國菜到fusion菜都有，連咖哩都有好多款。首先上個燒魷魚配泰式辣醬，魷魚鮮嫩彈牙，配上照燒汁係一個食法，加上泰式辣醬又另一個食法，各有千秋，惹味十足，好開胃，食指大動。主菜為咖哩配蘇炸蟹，以麵包放底，確保醬汁唔會流失，咖哩香氣撲鼻，炸蟹金黃鬆脆，好有口感，飽滿有汁。麵包充分吸收海鮮同咖哩精華，入口非常美味，令人停唔到口，一試難忘！最後以椰青做個小總結。今次雖然菜式試得少，但美味爆燈，環境寧靜又坐得舒服，裝修特別，十分推介！😋…查看更多

呢排睇電視節目見佢成日賣越南野食，都想試下果種近乎視覺與味覺的享受，所以同最愛的女朋友走左去食尖沙咀的Le Viet品味越南。尖沙咀The One 的Le Viet坐位舒適，好快我地就好舒服咁搵到位叫野食喇！素聞越南生牛肉湯麵係人都知一字棒！咁今日我同女朋友就首當其衝就叫左個特別火車頭。特別火車頭有生手肉、牛肚、豬手、蘿蔔，同埋好清甜的湯底撈埋一齊！非常飽暖！非常幸福！非常解渴！除左叫左個牛肉湯麵，我地仲叫左個非常惹味的辣椒膏炒蜆。個炒蜆用左非常香濃的辣椒膏，拼上新鮮的大蜆，每隻蜆剩計蜆肉都有5蚊咁大！另一個好有特色的主菜就係椰汁海鮮飯！呢個絕對係今餐飯的重中之重！有無見過椰漿可以夾埋海鮮飯咁match？有無見過人用椰子載住成個海鮮飯可以俾到4個人食咁抵玩？我見過！我真係見過！…查看更多

話說今日熱得很，認唔住同女友出西貢吹下海風涼下。聽，完海風的聲音之後，梗係搵返個好地方同女友食啦！咁就好鬼浪漫咁係西貢海旁度搵左間餐廳食。呢間餐廳呢就叫momentai，開頭我都諗左好耐點解佢會叫做momentum，同physics個topic咁似，點知原來佢係叫無問題！okay我都無問題！入到去momentai就覺得同歐洲餐廳好似，好chill好natural，一來佢好多布沙發，坐得好chill，二來佢餐廳個枱都有歐洲特色的花紋，三來好多外國人！好喇揀野食！前菜方面我地食左個吞拿魚他他，吞拿魚刺身味到非常新鮮，加上用一啲生菜包住黎食，就算食好多生肉都一啲都唔漏！我地都叫左另一個頭盤叫炸洋蔥圈，熱氣野永遠都係唔錯的選擇！主菜方面我地叫左個招牌的無問題漢堡同香菇意大利飯，個漢堡用左好靚好新鮮的牛肉做料，咬落非常juicy!!香菇意大利飯用左少量黑松露同粒粒有趙口的飯粒，咬落好香好歐洲味道！不得不提佢個牛排！好鮮好軟好juicy!!5成熟好好食！…查看更多

海港城近碼頭附近開左間主打北京烤鴨嘅中式食店，羲和雅苑，北京上海都好多分店，今次黎香港開分店，裝潢有北京胡同嘅感覺，有維港夜景，有露台可以食嘢同時飲兩杯chill下青梅一字骨梅子醬酸酸甜甜配上半肥瘦嘅一字骨，如果加埋白飯係可以添多幾碗飯羲和小肉餅，好新鮮煎起，一定要趁熱食，鹹鹹嘅肉香同脆香一齊入味蕾蜜汁脆芋絲，令人食指大動。蜜汁脆芋絲切得好幼，炸得每條均勻，無論顏色味道都一致，甜絲絲，唔錯！到主角烤鴨，一鴨三食，侍應們都好好心機教你何謂三食，第一食係鴨皮，新派食法，藍苺醬配合爆炸糖，喺口入邊就好似會跳舞嘅烤鴨第二食，用鴨胸肉點佢哋嘅秘製芥茉醬，酸中帶甜，一啲都不油膩第三食，鴨腿肉，最傳統嘅食法，點甜面醬蔥絲黃瓜再包起來食，一次滿足多個口感望住海景食住烤鴨，如果唔太熱可以坐露台外面吹住海風，叉足電又新嘅一天！…查看更多

今日同女友經過尖沙咀，口痕痕想食下日本野，去完馬會買張六合彩就見到有間叫一樂的放題店，充滿冒險精神既我地即刻就去試下啦！一入到個餐廳就梗係行個round先啦，呢度有唔少hot dish, 中餐的豬腳到西餐既pizza都有！甜品櫃最與別不同的是佢的蛋糕是一件仔一碟的，感覺上精緻好多！橙汁同綠茶呢啲大路野呢度都係隆重其事，留意返，係即榨橙汁！生蠔任食絕對係呢度招倈之一！最岩男士補補去！呢度每位客人都包龍蝦一隻！煮法有6種，各有特式！我地叫左個芝士龍蝦同海膽焗龍蝦！絕不欺場！唔使去澳門，唔使去深水埗！去食蟹粥，呢度就有！好鮮甜美味！呢度仲有燉湯！係魚刺燉湯！呢度有大名鼎鼎的movenpick雪糕！最後仲食埋烏冬先走！…查看更多

話說呢排無咁大食，想食下啲麵類食物好似拉麵果啲咁。咁岩做野經開中環蘭桂坊，一落斜路就睇到間霸嗎拉麵咪去try try 囉！同大部分拉麵店一樣，呢度的拉麵種類不多，但夠精緻。有濃厚豚骨湯醬油拉麵，同埋豚肉叉燒拉麵，仲有其他飯類同小菜果啲。入到黎霸嗎感覺上好似去左日本的居酒屋食野咁！今次我叫的是辣味豚肉拉麵，又叫左個蘋果soda，又加紫菜又加溫泉蛋，仲加左個餃子添！黎到食日本野，當然要一嚐辣味十足的拉麵，同埋充滿油利口感的豚肉啦！呢度既豚肉好岩豚肉控！半肥瘦！正！…查看更多

話說今日係同女朋友拍拖嘅周年紀念，出晒名有心思的我梗係一定會搵到間得體嘅西餐廳呀， book定位咁啦！唔打唔撞之下，比我搵到係尖沙咀A出口隔離巷仔有一間閣樓嘅餐廳，門面非常之有心思，有好多用粉筆畫出嚟嘅公仔，主要都係用粉紅色為主調的牆壁，同埋放咗好多懷舊野包括唱片同明信片你佈置！一想到去呢間叫Candy foodie這餐廳，係女仔都會俾佢既夾糖櫃桶深深咁吸引着！呢度嘅餐牌非常之有心思，大部份都有set dinner，選擇亦都非常之唔欺場！前菜有黑松露，例湯可以轉龍蝦湯，又有軟殻蟹又有龍蝦，主菜又有牛排同羊架！散叫粉麵飯pizza又好typical!呢間餐廳又點少得美酒呢？成個餐牌任你揀丫…查看更多

正所謂酒逢知己千杯當少，朋友相聚梗係講飲講食啦！要食得好又要飲得到，仲要就班港島人的方便，搵地方都幾頭痕，好在朋友屋企樓下都有間專打邊爐的酒樓，潮福蒸氣石鍋！一上到去，自不然俾佢地的海鮮魚缸吸引住，因為呢度真頭係好似街市海鮮舖咁，不過仲要係貴價果種！龍蝦、鮑魚、象拔蚌、聖子、石斑、青口、貝呢啲基本野應有盡有！睇埋個Menu ,仲有黃牛、乳鴿、同學、龍躉、各式各樣嘅中式點心！當然唔少得既就有打完邊爐之後仲有一個粥底火鍋啦！講咗咁耐都仲未到我哋嘅主角：啤酒！三杯到肚，食左咁多好野，加埋個粥底，真係正丫！…查看更多

話說家鄉係日本的小弟聽講東京既築地黎左香港，思鄉的我當然想九衝上去食返啲家鄉菜啦！同唔同地方嘅日本餐廳一樣，呢度有定食、套餐、散叫嘅魚生刺身、燒物、鍋物、海鮮同埋火鍋都係應有盡有！呢度什或有定食的飯同埋面等等，就算你係食唔食刺身嘅人，都會可以滿足感爆燈！我哋叫咗一個刺身拼盤，除咗油甘魚同北寄貝之外，仲有牡丹蝦、三文魚同海膽！呢度嘅魚生拼盤，除咗新鮮之外，仲係非常之厚切！簡直覺得食一盤都值回票價！我哋都叫咗一個溜心蛋沙律，溜心蛋搞拌個沙律之後，香濃的蛋漿混入沙律清新嘅口感裏面，令你嘅味蕾產生奇異的變化！叫咗一個套餐之後你會發現佢俾你一個好好食嘅前菜，前菜包括八爪魚，中華沙律同埋羅頭！係我哋叫嘅套餐裏面，都有一個湯窩！湯鍋係用新鮮嘅魚同埋昆布等定食材做出黎嘅，口感濃郁，味道新鮮！食到最後我哋都有一個好好食嘅甜品，就係芋頭布丁啦！…查看更多

話說早幾日約左個老死傾野，佢問我有咩好食，叫我介紹下啲特別少少既野食喎！咁我就帶佢去食個friend上次帶我去食既漢堡包啦！咁樣今次我哋呢就去咗尖沙咀美麗華商場既Burgeroom食漢堡包！一去到淨係睇過門口已經忍唔住講咗個型字出嚟！呢度成個餐廳嘅裝修可以用一個字形容:RAW!入到去餐廳裏面就見到好大個吧枱，裏面除咗有好多飲品俾你揀之外仲有個小廚房同埋收銀機！呢度嘅裝修就好似係馬路邊食嘢 一樣，又有車呔，又有路牌，仲有好多水管添！好啦到揀嘢食啦！呢度嘅漢堡包主要分四大類，分別為牛肉、海鮮、雞同埋素菜！漢堡包有呢四大類已經係非常之特別嘅一間餐廳，呢度食嘅四大類仲要係唔貴嘅食材唔食，食牛肉又要加鵝肝，食海鮮又有帶子又有吉列大蝦又有龍蝦！食雞柳都要加多兩片鵝肝俾你！實行唔貴唔食！今次我就叫咗個雙鵝肝軟殼蟹漢堡包，一拎上枱就有一對非常之矚目嘅蟹鉗！上面仲要放着兩塊3×5 cm大塊2cm厚既鵝肝！呢度食嘢嘅價錢雖然貴左少少，但係偶然食一兩次都冇乜所謂嘅！因為淨係佢食材嘅誠意已經值得一食再食啦！…查看更多

早幾日女朋友話想食韓國嘢，黎到銅鑼灣我都諗唔到邊度有韓國嘢食，唯有上OpenRice睇吓啦！搵吓搵吓就比我搵到DODAM呢間食韓國烤雞嘅餐廳。呢個位於利舞台既餐廳一睇就知道係貴野架啦！點知原來價錢都幾大眾化！DODAM嘅餐牌一睇就知係行型格路線啦！明明係一本書仔睇落去就似一塊木板咁，即刻開出嚟睇吓有咩可以揀先！DODAM嘅餐牌裏面選擇唔係話好多，但食物嘅種類都好大衆化又有Pizza又有pasta，當然仲有最緊要嘅主菜烤雞啦！除咗好食嘅嘢之外，都仲有各式各樣嘅飲品特飲，好多cocktail俾你揀，仲有一jar一jar嘅果茶同咖啡奶茶嗰啲！呢度有地方相當寬敞，裝修有好潮嘅烏絲燈膽，掛牆嘅都有韓國傳統嘅掛飾，黎到就好似去咗韓國咁！我個人來講最鍾意嘅就係魚高湯，少少咸，清而不漏！招牌甜辣芝士無骨烤雞係呢度嘅主打菜式之一！一睇我哋張相就知道咩叫拉絲！烤雞香濃不漏，好食！今次我哋都叫咗一個啤酒個造型非常之獨特，但係都幾解渴！我同女朋友都非常鍾意！…查看更多

話說今日同女朋友去沙田行傢私舖睇傢私，女友話想食牛排，咁唯有同佢搵下西餐鋸扒啦！行遠少少見到有間叫M3 Italian Seafood and Steak，一於入去試下！餐牌裏面都係正到痺的食物！忍唔住好想快啲食！有我的最愛，生蠔！40蚊左右有一隻！一睇就知呢度行高格調路線！700蚊既chef's special!! 識食的我地當然想食！但金錢有限，唯有就住食！最後我地叫左個湯！兩隻焗蠔！迷你撻4隻！一個西冷扒！同一個焦糖燉蛋！湯係前菜，好足料好多味！蠔是生的好，但呢度都煮得好好食，留住鮮味！牛扒識食一定食5成熟！別無他選！juicy程度有10分！焦糖燉蛋都好好食！焦糖甘香，蛋香濃郁！呢度好值得一食再食！…查看更多