princeawkm's Profile

呢間大概係我人生聽得最多生日歌的一間餐廳，全晚聽了8-9次。果然大家都係黎慶生。朋友生日，用openrice book了七點。聲明：全自費無廣。我之前完全未聽過此餐廳名號。餐廳位於太古坊Oxford House 2樓。屬於PIRATA集團，成立超過十年。同系仲有PICI, 同埋我最近食過的The Optimist。專注於意大利和西班牙美食。服務周到，侍應well trained有禮貌。到埗即受到熱情招待、引領至座位，問喝什麼水。賓至如歸。（提: sparking 收費$45/枝, 再加一)菜式順次序上，吃完前菜會細心詢問，然後收走用完的餐具。上甜品前抹枱，服務周到貼心。聽落好似好基本，但好多餐廳做不到。座位寬闊，高身的椅面積是我的2倍大，包裹感十足，坐得異常舒適。七點坐到十點幾，食完都唔捨得走。亦無人催趕。講返食物，是日是4個女生share食，份量不算細首先最滿意一定係Cheese Wheel Al Tartufo($338)Tubetti pasta起源於意大利，是南意大利，尤其是西西里島和坎帕尼亞地區的傳統麵食。Tubetti源自意大利文"tubetto"，意思是“小管子”。非常適合配搭濃稠的醬汁, 例如呢個芝士黑松露汁。侍應在一旁用芝士輪拌好之後，灑上芝士粉、再磨幾片黑松露，非常香。好想叫佢磨多幾片。意粉充分掛汁，仍保留彈牙口感，溫暖、細膩的奶油香氣緩緩進入口腔、慢慢地呼吸到黑露松的高貴氣息。回味時都不禁讚一句：Perfetto! (吮一下嘴)Traditional Octopus Salad($168)八爪魚切件，配上薯仔和橄欖油，配上芫茜和檸檬汁調味，感覺清新，八爪魚新鮮彈牙，極小的小酸味，作為頭盤好開胃。Beef Cheek Raviolo ($238)放低冇人知係咩菜式黎, Raviolo就是面頭嗰塊意粉, 中間夾咗好薄的牛肉末主力靠醬汁調味。遠沒有Cheese Wheel Al Tartufo好食。Yellow Chicken Arrosto($298)"Arrosto" 在意大利文只是烤肉的意思，即是烤雞，很香的奶油味，皮脆肉嫩，多汁可惜得半隻，不太夠食。想翻啅已經分完。La burrataburrata芝士由 mozzarella 外皮和 stracciatella 內餡組成。Burrata 的口感柔滑，奶香濃郁，帶有淡淡的鹹味。呢度的burrata是新鮮，簡單配以大細蕃茄，微酸襯返鹹奶味，富層次。甜品Tiramisu for sharing($128)非常流質，一刮出黎幾乎溶化，內裡加了朱古力praline脆粒是點精之筆。極軟配脆脆，口感特別，比外間多了一層特色。個人黎講係鍾意的。Pistachio baba($118)球狀的蛋糕配開心果醬，以及莓果，開心果唔係太出，但係不過不失。份量較小。總結好多食客不約而同選了呢間慶生，隔離、背後、正面、環迴都聽到店員反覆彈唱生日歌。如果我是店員，每日唱咁多次，該有多麼的煩。(汗)不過唱完還幫我地影了即影即有，壽星女表示開心，很好。整體黎講，環境、服務、食物都很優秀，價錢合理，份量同味道是對得住價錢的。值得推介！…Read More

是日天氣凍，路過留意到這間紅葉有羊腩煲食，而且睇落環境明亮，食客不少點知咁都中伏。中伏位１：污糟，多飛蟲餐廳衛生非常重要，但入去坐低後飛蟲好多，十分滋擾。烏蠅處處(有圖)，趕極都仲有。以為識飛既已經夠煩點知生菜碟上都仲有蟲仔(有圖)食完枱面又有究竟呢間嘢點解可以咁多蟲？中伏位２：誤導食客食二人細份羊腩煲，嗌咗飲中湯，阿姐再問「飲咩」，跟住我問：吓，仲連嘢飲架咩？佢答「係」。跟手出單一睇：兩杯嘢飲出正價。198的餐，兩杯嘢飲計我50。睇返餐牌，你包湯，唔包嘢飲，點解要答我「係」。由於已經飲咗，唔想拗了。純粹寫出黎警世。同場旁邊另一個阿姐又同食客起爭拗食客走咗，個阿姐仲响度勁大聲埋怨個食客可想而知，呢間嘢的服務水平有幾優秀。講返個羊腩煲，咁樣的細羊腩件有6-7件，size偏細冇咩急凍味，冇咩騷味，冇咩味肉比較實，未去到韌完全靠個湯，另外仲有些少冬菇、筍，南乳醬好酸，唔點好過點味道唔算差。配兩碗白飯，兩個人食都飽。題外話，連大勺都沒有提供，用茶匙來盛湯都幾災難。總括：呢間好多人食，估計寫食評未必會搜黎睇。但今次真係中伏經歷。加上本人係埋單嗰位，倍感氣結。純粹寫出黎警世，希望唔好再有人中伏…Read More

牛舌專門店開咗一排, 生意非常好, 門庭若市。趁落雨少人排隊，一試。二重牛舌，另加38蚊配蛋牛舌筋飯套餐。牛舌尖極一般，味如嚼蠟，可以不吃。牛舌芯肥厚，已熟，多汁，彈牙，香口。屬佳品！（唯睇返其他人食評，褒貶不一，或有個體差）安格斯牛亦有點韌，不算好吃汁燒肉汁和日式汁，我揀了燒肉汁日式汁是炸豬排汁，與牛舌一啲都不夾。芥末亦可有可無，有點過辣，個人不喜。目測食客亦多有食剩。黃薑本人不吃，pass。滑蛋同飯係分開上，見到隔離枱倒時成粒跌咗(陰功)牛舌筋淋埋燒肉汁，撈飯有啲似滷肉飯。ｏｋ服務不佳。上錯汽水，嗌兩個zero，其中一個俾錯肥仔可樂。隔離枱嗌薄燒牛舌芯，女服務員用命令語氣叫個食客：即刻翻起佢!!!(翻轉塊牛舌)咁惡既服務態度都相當少見環境擠迫，坐得唔太舒適，以小店來說，可以理解。總結牛舌芯有點料到，可以再食，無需要揀二重、安格斯無需再吃，不值一提。…Read More

N年前記住咗某環目介紹過印度筷子既Plain Dosa對這種巨大化食物非常有興趣米和扁豆薄餅將 Dosa 撕成小塊，蘸取醬料食用今日午市嚟食得一個店員招呼，但服務週到入座位先有一碗清湯由於想食dosa，但齋食又未免太寡所另外仲叫咗個試日嘅午餐咖哩牛肉配Naan碳水爆棚不得不說，呢度嘅咖哩做得相當出色香料配搭恰到好處牛肉都唔少，咬落入味而且淋食落係有驚喜嘅比起平時食到嘅印度餐，佢算係好高質Naan亦都又脆又熱，份量頗足cp值可為非常之高嚟到dosa其實有啲似法式薄餅不過係鹹嘅，而且好脆裏面係空心配咗三種醬Sambar (桑巴湯): 一種以扁豆、蔬菜和羅望子為主要食材的南印度風味湯，口感酸辣開胃，非常適合搭配 Dosa 食用。Coconut Chutney (椰子 chutney): 以新鮮椰子、青辣椒、香菜等食材製成的醬料，口感清新爽口，可以平衡 Dosa 的微酸。Tomato Chutney (番茄 chutney): 以番茄、洋蔥、辣椒等食材製成的醬料，口感酸甜微辣，可以增加 Dosa 的風味層次。當然亦都可以點咖哩嚟食其實個size咁大最好就兩個人share我一個人嗌咗餐再加呢個dosa都好飽食到最後嗰part，會由少少配咗個印度奶茶，偏甜最後食咗140蚊我覺得呢間係值得推介並且可以立入佐敦區美食五甲之內除咗打卡之外，cp值高，服務也好我好滿意…Read More

我食咗大食之選$88呢樣加錢，嗰樣加錢，埋單我食咗$126相比之下，隔籬間cafe都係60-70蚊一個set，仲可以同動物玩。呢間性價比不高。我對貌似精緻、小家璧玉型餐廳，毫無抵抗力。餐廳位置闊落，裝修明亮簡潔，木托盤、餐具精美。點知食物令人失望。古早味坑肉肥豬肉嚟，睇圖知道被坑的肉應該係我，食落極之咸，由肉的顏色同結構睇黎，不太新鮮，有一刻諗佢係咪預製菜黎呢個餸仲係加錢先有，好後悔腐乳鹽酥雞招牌嚟，硬到冇朋友，咬到牙肉都痛，有腐乳味，但不是好味。昆布鰹魚湯，清清哋，OK馬鈴薯墩牛肉用的是肥牛片黎，乾鞋但味道不算差。輕芝士奶蓋綠茶，可以，芝士小咸剛剛好。服務入座無引領，無提用QR code落單，冇餐牌親眼看到隔離枱的女士，坐低後無人招待，不夠3分鐘起身離開了收盤快速，但有啲古怪的執著例如有鄰座兩位女士，其中一位想要牙簽，店員唔俾，叫女士share同伴的，因為入面有兩枝。總結性價比低，味道不佳。浪費了餐廳的佈置同配套。店員多、年輕有幹勁，但差啲培訓。…Read More

利伸: 係負評, 難食。(請OPENRICE保留個喊)老實講，今次呢餐飯真係令我好失望。滿心期待去試佢哋嘅「澳洲M8和牛胸腩」，點知完全唔似預期！最貴嗰個套餐，但係啲牛肉一啲都唔似M8和牛，薄到好似紙咁，油花都唔多，真係令人難以置信！（圖我上篇出咗, 有圖有真相，費時重覆又俾借口OpenRice唔畀我擺上網，希望佢哋可以改善下呢方面啦。）$328一位，只係食得120分鐘，真係唔抵！另外，餐廳話有「泰式甜品」，但係我去到嘅時候就話「暫停供應」，冇得食椰汁糕同斑蘭糕，真係有啲可惜。想食吓蝦都唔得，因為「中午時段不設夾蝦」。熟食區選擇唔算多，主要都係蝦餅、魚餅、蒸包嗰啲，雪糕就係普通嘅牛奶公司出品。OpenRice上面嘅餐牌選擇好似豐富好多，希望餐廳可以改善下。因為食物質素同選擇都未如理想，我哋食咗一陣就走咗，120分鐘都用唔晒。明白餐廳經營唔容易，不過希望佢哋可以改善食物質素同服務，唔好辜負咗食客嘅期望。OpenRice作為一個飲食平台，都希望可以繼續努力，提供更多更準確嘅餐廳資訊畀大家。隨意搣走食評D喊, 冇公信力, 有偏幫餐廳之嫌。…Read More

伏伏伏伏伏伏伏伏伏伏伏伏伏伏伏伏廢話不多說: 睇圖這是「澳洲產M8和牛胸腩」即是最貴個plan嗰隻牛lunch $328成人120分鐘(湯底再加10蚊)為免個別差異，黎！我哋睇多一盤！嗱！平時為免中伏，寧願俾貴小小食好啲既PLAN，點知…俾啲咁既嘢我？認真？完咗。伏伏伏伏伏伏伏伏伏伏伏伏伏伏伏伏泰式甜品暫停供應。乜嘢泰式椰汁糕、泰式斑蘭糕…是日乜都冇。完咗。伏伏伏伏伏伏伏伏伏伏伏伏伏伏伏伏中午時段不設夾蝦。完咗。伏伏伏伏伏伏伏伏伏伏伏伏伏伏伏伏熟菜得蝦餅魚餅、蒸包、蝦餃燒賣(仲要鬥搶)雪糕食牛奶公司。得兩間菜櫃，一眼睇晒，APP點單既選擇都好有限。伏伏伏伏伏伏伏伏伏伏伏伏伏伏伏伏120分鐘完全用唔晒，因為根本冇咁多嘢食，好耐冇食過咁伏既餐廳，真係唔怪得星期日得佢唔洗等位。真係有原因。必需寫出黎警世。…Read More

The Oyster Extravaganza Only on Wednesdays, this multilevel restaurant was packed to the brim during our visit. The restaurant's decor is primarily in blue and green tones, which is very stylish, and the seating is comfortable.We were seated in a more secluded corner location.It was limited to a 2-hour sitting, with the oyster service lasting 90 minutes. The price was HK$488 plus 10% service charge. The total bill came to around HK$700 per person after adding drinks. Reservations required a HK$200 deposit per person in advance.What was a bit frustrating was that while I had booked a May reservation through Openrice in April, I was told I didn't qualify for the free drink promotion they were offering for May bookings. It felt like early birds were being penalized, which was quite puzzling and disappointing.I also wanted to order a Sangria, which was priced at HK$380 on the menu, but was charged HK$440 at the end - I only noticed this after leaving, which was confusing and upsetting.The oysters themselves were very fresh. The first round was notably large and impressive, but we had to wait over 20 minutes for them to be served. After that, the portion sizes did start to decrease, but they were still better than a typical buffet.There was a period where the table was completely empty of food, and I had to tell the staff that we were starving. They then brought out dishes quickly, almost to an excess. Overall, the service was good, with friendly and attentive staff.Starters for Sharing: No need to order a full portion per person, very convenient. For the main and dessert, each person can choose their own.Octopus Croquetas:Crispy on the outside, with a hot, creamy filling on the inside. Delicious.Pan con Tomate with Jamon:The Jamon is a thick slice of Spanish Serrano ham. The Pan has a pizza-like texture, with seasoning that hits the right notes, complemented by the salty, savory ham.Truffle "Huevos rotos":Thick potato chips topped with truffles and eggs. The truffles are generous and the seasoning is excellent.King Prawns Al Ajillo:The shrimp are bouncy and slightly oily, not bad but not a standout. Two pieces per person is enough.Beef CheekBased on the glowing reviews I had read prior, I had high expectations for the beef cheek dish, and it did not disappoint. The beef was incredibly tender and easy to chew, with no toughness whatsoever. The mashed potatoes were silky smooth in texture. Paired with the aromatic truffle and mushroom sauce, this was a truly outstanding dish.Crema Catalana:Similar to a crème brûlée, with a caramelized top. It's hard to distinguish much difference, but I've heard the Crema Catalana has more cinnamon and lemon zest, which I couldn't really taste.In the end, my friend and I each managed to enjoy over 30 oysters, which was excellent. The beef cheek main course was also delicious, and the truffle dishes were tasty as well. The only slight disappointment was that the final churros were not hot enough.Overall, I would recommend this restaurant, if it weren't for those couple of frustrating experiences.…Read More

呢間舖由上一手已經裝修得好Chill好吸引。一不留神, 已經攝埋，易手變呢間個名唔識讀的泰菜，依然吸睛。店員好熱情, 永遠掛著笑容, 服務好到令我忽略了佢漏單的事實。Happy hour飲品買一送一是日book咗18:30同朋友慶生，去到先發現有買一送一(需要同category)我叫的Mojito，仲同我講入要隻herbs冇貨俾第二隻我。咁神奇?泰式牛肉沙律($148)，酸，開胃，份量不大冬蔭功，雖然好飲但份量好細 4人唔夠分,串燒沙嗲(6串)$128好味椰菜苗非常硬，未食過咁硬的椰菜苗。伏伏伏, 唔好嗌！蟹肉奄列$168感覺好似潮洲蠔餅，炸皮酥脆量多，食唔停手青檸香茅蒸鱸魚$238，不太夠熱，但汁非常美味睇返個價原來要2百中, 小貴（小妹窮L黎)甜品，椰絲班蘭丸子布丁($78)白色的椰肉條偏硬，個人不喜。總結個人覺得呢間嘢份量時大時細，偏細較多，湯同沙律比較適合兩個人share，蟹肉奄列又適合4人分。落單要小心d。店員真係好enjoy佢地份工，令成餐飯都好歡樂。…Read More

1. 預約想book19:30必需要whatsapp，佢响OP平台獨獨skip咗呢個時段, 事實又明明有位。2. 環境裝修不錯，但高腳櫈並不舒適，當日所坐的位置無得置物。枱有點細，趕快吃完收走才可上下一道菜。餐廳附近僅此商場，地點不算就腳。3. 服務個別店員極具個性，對話不喜正面面向人；明明聽到你，又好似聽唔到你講嘢咁。然後語氣比較倔，服務不算好。（英語店員服務較佳）4. 食物4.1 唯一推薦 蟹肉奄列($168)網評話蛋皮太乾，我覺得可以接受，蟹肉餡料豐富，配合是拉差醬，相當惹味。作為前菜，兩個人分，份量剛剛好。4.2 肉碎生菜包($118)唔係好食得出酸辣口味，配的生菜量極少，有薄荷葉和九層塔之類的Herbs。但Herbs不太乾淨，面頭食落有層嘢，不肯定有冇洗過。肉碎較腍，洋葱帶甜，整體咬口、香口略嫌不足。(如果佢Herbs係炒埋落去應該好好多)朋友負評，我覺得合格。4.3 冬蔭功($78 x 2)一嗌必需叫兩碗起，朋友唔太愛都變相迫住嗌，user-unfriendly。而一碗要$78細碗，性價比低。用料:量ok、質唔ok，蝦冇記錯有3隻細size，但不太新鮮。煲出黎不過不失，不夠濃厚。4.4 泰北咖哩金麵($128)，多人熱門推介一半炸脆一半淋汁，淋汁那一半口感似伊麵，但又不算太好食，咖喱汁同個麵不算太夾，雞扒又有點乾。個驚艷位响邊？純粹係本地較少見有此菜式選擇。總結本身喜愛食泰菜，以其他店為benchmark的話，此店食物水平僅為中等。尤其是一些需要真功夫的基本款就即時見新章，比如泰菜靈魂冬蔭功。打卡一試是可以的，推薦人地山長水遠特登去食就大可不必。…Read More

帶父母食西餐，呢間屬於區內好評較多的餐廳，環境比門口睇闊落得多燈火通明，暖色調＋紅棕色佈局，感覺復古溫馨，有餐巾仲有飾環，响細節睇得出肯花心思。服務方面亦貼心，入座已問是否需要飲熱水。店員態度算殷勤，訓練有素。雖有限時1.5小時，但上菜速度頗快，足矣。紫薯湯，微甜，餐包配以黑醋和橄欖油前菜＋小食＋意粉／飯＋主菜但是唔包飲品煙三文魚凱撒沙律食落去比外觀好，沙律醬不重手，剛剛好生菜爽脆，配上脆煙肉粒，可口炸洋葱圈沙律菜伴碟，外脆內嫩，熱乎乎，表皮不過硬但又不鬆散。調味合適，無乜毛病可挑剔。額外加錢叫咗個吞拿魚牛油果他他($88)以$88黎講份量有點細。但入口味道幾好，牛油果融融地，加上吞拿魚，以及黑醋調味，富油脂香但不膩。黑松露野菌意大利飯蒜香味突出，黑松露亦毫不吝嗇。濕潤而不至於水汪汪，好味。最後係主菜美國燒排骨附有一把小刀，需要自行將之切開。份量頗大，都切出10根骨。佐以黑椒汁。頗為入味。(有得揀蘑菇汁, 燒汁)美中不足是燒的火喉未夠，表皮未夠crispy。總結是次光顧感觀出乎預期，首先食物味道佳，份量足，二人餐甚為抵食。然後環境、服務也不錯。與同區之前食過的Good Day比較，呢間更值得推薦。…Read More

西九龍中心皇帝雞响呢度都算出名而且生意好好。上次黎到摸門釘, 冇開門冇得食。今次離遠見到有開門，即時幫襯。老細姜老師在裡面一個人做晒收銀、炸雞工作。不斷拎起粉紅色蘸滿炸漿既雞肉落油炸，再拎上黎收汁。忙出忙進。點解會知佢叫姜老師呢, 因為佢心口有名牌, 頭頂帽上仲有皇帝雞牌姜老師識講流利普通話, 落單用廣東話佢都識對答. 而且非常好禮貌。假如你識講韓文，佢仲會好開心地用韓文同你交流。揀咗韓辣味中SIZE($48)包裝已由碗裝變成盒裝連蓋, 外賣就加1蚊多個膠袋, 其實直接拎盒走都得, 膠袋冇乜必要目測8成都係女顧客, 多數揀甜辣, 等落單都等咗3個客, 响西九龍中心黎講算係旺場。落單已講明要等15分鐘, 是日生意好, 我等咗約莫20分鐘先有得攞。我係外賣, 炸雞香味透盒而出, 真係全LIFT都聞到.食落亦好香脆, 調味好正宗。蒜香誘人。落咗花生口感再好d, 一定要落!炸漿厚度適中, 唔會食到一口都係粉。仲跟咗幾條年糕。勉強要說有咩可以改善的話, 應該係雞肉的質素吧，雞肉偏細粒。不過這個價錢黎講, 佢CP值已經算好高。中Size一個人食有點多, 兩個人食差不多。總結幫襯一次完全感受到呢位姜老師的熱誠，而且係充滿幹勁同好有heart。簡直令我回想起初出社會工作既自己…(淚T^T)食物性價比高，味道亦正宗。下次可以試埋甜辣味。…Read More

估唔到一個人嚟食，平日Lunch都要等足足20分鐘有多。門口擺咗個名單，自己填寫稱呼，同埋前四個位嘅電話號碼，到你嘅時候就嗌你，非常方便。今日嚟到門口已經好多人， 我 直頭帶埋本書去睇，善用時間。入到去之後安排坐響自閉位面壁進食。座位放有菜單、鎮江香醋和蟹醋一支，之後蟹醋仲要係未開蓋。未黎之前已諗定，要食煎餃同飯團，同埋蛋糕。研究吓個餐牌，其實即是【S2套餐】，以$42加$16嘅價錢，食到餃子同飯糰之餘仲有一杯嘢飲。比起散叫抵好多。另外再叫件蛋糕， 由於未食過決定試咗原味先。蛋糕可以後上。是日其他味仲有開心果、焙茶等等。響落咗單之後，觀察吓周圍嘅環境，除咗門口嘅位置之外，佢仲有一條長長嘅走廊，走廊盡頭係有一間房。周圍都擺放左唔少雜物，喺食嘢嘅期間，廚房甚至係整跌咗嘢 搞到一地都係，感覺有少少混亂。不過服務係親切嘅， 老細好醒目＋反應快， 仲有啲幽默感 。煎餃(洋葱豬肉餃)有八隻，煎到金黃色，外表睇上嚟好完美下。多一分 則太燶， 依家食落去啱啱好，脆而香口。佢冇【甜記餃子】嘅餃子咁飽滿到凸起，肉汁亦都唔算太多， 未去到一咬即刻必出嚟。但係整體嚟講係餡料均勻，平衡得來係好食嘅。 佢隻隻都煎到差唔多，冇咩個體差異。尤其係紅洋蔥同豬肉嘅配搭，本身都冇乜得輸。好惹味，用料亦食得出咁新鮮。我揀咗蟹醋 黎蘸， 感覺會甜啲香的。跟住個日本飯團都上枱啦，溫度係暖暖地嘅， 用保鮮紙包住。裏面有牛蒡、雞粒，用料實實在在，感覺健康好食，而且米飯粒粒飽滿，包裹住醬汁，香甜味美。比華御結嗰啲好食得多。最令我有驚喜係個日式手俾芝士蛋糕(原味)($28）巴斯克蛋糕，表面係焦糖色香甜而不死甜，中間既芝士綿滑半融，感覺輕盈含在口中怕佢化～ 慢慢感受芝士香氣～ 透過舌尖滲入味蕾。實在太正！估唔到一間餃子店既蛋糕可以咁出色。食完真係大滿足，感嘆：不枉我排隊排咗廿分鐘，同時Share相俾好友，大力推介。豈料朋友齋睇食物相，已認到係呢間。更表示食過，仲激發到自己學整佢個Cake。$86食呢3樣嘢我都覺得高質而滿意，唯一係到走先發現原來有菜莆，我張枱俾隔板擋住，得隔離位有，Sad。唯有當俾個藉口自己下次再黎幫襯。…Read More

有人話Five Guys既shake係must try.我今日試完，應該唔會再嗌第2次。由於小妹最憎士多啤梨，嗌咗朱古力、oreo碎同salted caramel. 佢既朱古力醬exactly係老麥新地杯既朱古力醬，而Five guys落咗大量呢種醬，可以見到仍黏住杯身。飲咗第一啖已經覺得大檸樂，好＿甜！係近5年黎我記憶中進食最甜既食物佢既甜度估計有全糖珍奶既一倍佢甜既程度，係令一直對「浪廢食物」深惡痛絕既我，感到飲唔落，剩低1/3。已經冇加whipped cream。冇乜caramel味，oreo碎就好味既，但塞住枝飲管。見到唔少人寧願揀飲汽水，可能係中過奶昔的伏，汽水仲可以自己refill。最慘飲呢杯shake係唔解渴，愈飲愈口渴。由於深感不安，我回家後用屋企既血糖機測咗餐後兩小時血糖响淨係食咗呢餐冇再食其他嘢＋食完有郁動＋冇飲晒杯嘢既情況下，仍爆到8.9(正常水平＜7.8)換句話講: 我自己簡直付出咗健康代價黎食呢一餐，而且就味道而言一點都不值得。(利申：每人體質不同，或者係我虧啫)burger我揀咗cheese burger，揀咗All the way配A1 sauce。all the way係黑色字嗰D配料俾晒你，紅色只揀一項。餡料足，尤其係Grilled Onions 好食，份量好大，大食如我，食到一半都覺得好飽。而且嘴巴張大牙骹痠軟，又流汁流到一手都係，極度狼狽。建議大家千祈咪坐對住門口，以免嚇親途人。服務方面，店員基本全英語，但order枱面有中英餐單，冇咩係身體語言解決唔到。環境方面，有兩個卡位係特別闊落，其他有高枱同普通4人枱，是日都基本枱枱滿座，生意不錯。總結個Burger 90蚊呢個質素同份量我覺得合理既，屬於好食但不至於驚艷難忘。杯奶昔對我黎講係惡夢黎，由於一個人黎，冇咁大胃口試埋薯條了。今次黎旨在到此一試，應該唔會再黎。…Read More

去到西九龍中心食完兩間舖，轉戰旁邊呢間雪糕達人當食甜品。掙扎於窩夫碗定雪糕球，貴精不貴多，要咗雪糕球特別味。(勁後悔)唔好食特別味！唔好食特別味！唔好食特別味！話說呢間舖餐牌真係貼滿兩邊牆都係，睇到眼花，玩法又真係幾複雜。幸而店員解釋都算清晰。以下內容要有耐性才可閱覽＝＝＝＝＝＝＝＝＝＝＝＝＝＝＝＝普通味分大細球，然後見到特別味+$4，又唔係普通味直接+$4的意思係窩夫碗要轉特別味先+$4現在返黎Study下個menu，所謂特別味＝頂級雪糕系列(但係榴槤同乳酪又冇放入頂級雪糕系列Menu)＝＝＝＝＝＝＝＝＝＝＝＝＝＝＝＝海鹽焦糖曲奇（大球$20）一咬落去係皺眉，乜嘢古怪味黎？Movenpick海鹽焦糖曲奇係小妹最愛，海鹽焦糖曲奇大概咩味，無出其右唔會差好遠。當然呢度質感上冇得同Movenpick比，明既。但係個味…個味真係離開海鹽焦糖曲奇有點遠。好難形容，冇乜焦糖味，用既曲奇望落似Oreo但食落又怪怪地，中間有白色結塊懷疑係海鹽黎？夾硬擺3樣嘢响一齊……勉強真係冇幸福。估計：奶脂肪唔夠，鹽太重手，令到雪糕甜味不足。總結呢個$20枝既特別味，完全中伏。海鹽焦糖曲奇呢個味真係好很難食！我寧願再俾貴小小，落樓下［華］食，質素好好多。假如呢間仲有下次，都係食落cheap cheap普通味算。伏都冇咁痛。…Read More