DianaWong2074的個人專頁

朋友gathering 佢死都要去旺角，原來佢要接條仔咁，Anyway 佢揀左間懶靚嘅餐廳，原本諗住有Happy hour 應該抵D, 點知佢嘅Happy hour就唔係買1送1！同正價一樣咁你就唔好話Happy hour, 野食貴過中環，真係好劏客。問佢話已經減左喎，因為mojito 係12x蚊嘅。入面好細得幾張檯，坐出面黑過露營，位又矮，點樣食野。Happy hour叫左2杯cocktail, 1個 "pizza, 1個併盤。野食OK, 呢個價錢我落尖沙咀，中環坐好過J moon handmade pizza要 $148， 細Size 貴過上環地鋪果間西餐。拼盤，雞翼2隻，2舊蝦餅，一堆薯條$ 158埋單$522，Happy hour $108X2 平左架喇！呢個HAPPY HOUR真係唔該晒。貴貴貴，何得何能？轉位又話我煩，唔好以為聽唔到啦！！！除左影出嚟有燈果幾個位約6張檯左右，其實迫得密， 入面全黑靠幾粒唔係好夠光嘅月亮燈。真係唔講唔得。…查看更多

好難搵到呢D舊式小店，午市飯餐5，60蚊包野飲， 而家茶餐廳都只能食常餐，即是2餸公仔麵加蛋加塊多士，呢度真材實料大大牒飯，塊塊豬排大過塊面。入面係8，90年代舊式飯店樣子，沒有什麼5華麗裝修，其實乾淨企理就得。吉列豬排飯可揀一個餸配搭，汁有黑椒，咖哩，洋蔥。成3塊豬排。炸得外脆，內裡腍，又唔會係用肉粉‘’乸‘’到霉晒。吉列豬排山，唔太油，睇到都開心，仲要$52蚊，涷飲加2蚊。呢個價錢簡直有良心，好多學生哥都嚟幫襯，真係買少見少，要多多支持。…查看更多

今日假期難得同媽咪去青衣城嘅Twinkle Elephant 泰式餐廳。今日諗住去食下午茶嘅 但係佢下午茶係兩點半先開始，大家要記住時間喇。 下午茶呢佢有個泰假日下午茶，禮拜六日呢都有，呢個下午茶餐嘅 ，而家好多餐廳都冇咗個下午茶餐。我就嗌咗一個迷你海南雞飯$62 同埋一個唔辣嘅泰式古法馬沙文咖哩飯配雞排$58， 份量呢都相當唔錯。咖哩飯幾好食，入面有薯仔，飯又多。迷你海南雞，都幾多雞肉同飯，都唔迷你，配餐湯。可選油飯咁佢都係配餐茶，咖啡奶茶檸茶咁， 如果其他就要另外加錢，我幫媽咪嗌咗一杯呢柑枯蜜加$8坐得舒服又食得飽，之後行下商場，夏天舒適之選，價錢唔好同大陸比，同返香港餐廳比，希望支持返有良心食市，講真睇價錢你大概都知，邊D劏客嘅，懶靚嘅...杯飲品同個飯差唔多價錢，好文青果D其實好少去了。…查看更多

成日去荔枝角都想去呢間Cafe, 不過成日都見到好多人，其實佢都開左好幾年架啦，但係時間唔啱就一直無入去, 平日佢下晝三，四點就無咁多人，但係嗰啲時間都要返工。今日終於有時間可以入去，約左朋友就搵間舒適嘅cafe食野, 差唔多一點半左右到, 入面環境都幾舒服,又有啲綠色植物。 佢係自助叫餐先嘅, 一入去搵個梳化位,然後我哋就睇下有咩好食。 今日見到佢個All day menu,我就叫左一個Big Brekkie早午餐, 有Scrambled eggs, smoked bacon, vegan, Nurnberger sausage, Salmon, Avocado, Sourdough $128。佢嗰個早午餐其實都唔算大份,份量足夠啦, 都有半個牛油果, 食物都新鮮。 另外朋友叫咗個自製鹹肉卡邦尼意粉Home made salty pork belly spaghetti $128蚊。 朋友嗰碟卡邦尼意粉肉碎或者意粉涼都足夠囉。我去收買銀餐, 因為第一次嚟，見餐牌無寫有無加錢買飲品，問收銀處個女仔, 我問呢個餐會唔會包飲品, 佢話‘’包架‘’。 咁我叫埋咖啡, 但係佢畀返張單我係唔包咖啡....咁算啦太多人，唔理論，當詐騙啦，我唔知點解佢會咁講？如果我自己一個嚟我會叫佢退錢兼Black list.叫咗杯Dirty $42 同Americano $34。 味道都還ok, 但其實佢依間貴過出面就算尖沙咀或港島Cafe好多, 因為佢個飲品係另外叫嘅, 冇話你可以加錢有discount或者其他，變咗你一杯嘢飲四，五十蚊,再加埋嗰個百幾蚊嘅一個餐, 其實都差唔多160蚊, 咁嘅Lunch，又唔係食左D咩，又唔係大份，又唔係好好食，埋單$332蚊。 出面嘅尖沙咀或者中環嘅Cafe對海景食都差唔多,咁仲有佢哋好多Cafe都係,譬如你額外加多30蚊有杯咖啡, 總之就咖啡如果你嗌餐就會有discount, 但係呢間就冇, 你話係咪真係好出色, 我又唔係覺得真係好出色。 只不過可能嗰一區就冇咩呢啲Cafe， 不過如果大家覺得值得，無所謂咪得囉。…查看更多

今日星期六3月15日去左荃新天地嘅GODIVA叫返杯朱古力Latte, 由於上星期係青衣城已經叫左70%Dark Chocolate, 今次想試牛奶底果隻，點知....果位女服務員比左70%果杯我，我明明叫Dark Chocolate 果杯無講要70%，照著個牌讀，究竟係個牌錯定係佢唔問清楚？見到杯野都嬲嬲地，$59係咁多？Cream又落得多，冰落左3大舊，杯野好核突。同埋佢無問我要唔要落Cream!我問佢話呢杯係Dark Chocolate 定70%？佢話Dark Chocolate 就係呢杯，咁奶底果杯呢，佢話叫Latte! 大佬呀， 我照餐牌讀2杯係又係叫Latte, 咁其實妳唔明，唔確定會唔會叫下人呢？我點先可以叫啱呢？70% Dark Chocolate Dark Chocolate Latte我講Dark Chocolate 佢比杯70%我，話奶底果杯要叫Latte! 點樣呀？阿媽我好亂呀，相反青衣城果間服務好唔錯，我下一篇會去讚，你地睇下兩飲野沖出嚟嘅分別吧！GODIVA 唔該提升員工質素，唔係請2個少女胡胡扯扯就算數！…查看更多

Lunch 時間又到了，葵芳搵食大家多數去邊呢？唔係新都食就應該係葵廣喇，新都會餐廳裝潢靚D, 主要係連鎖餐廳為主，價錢亦貴少少; 葵廣就主打掃街，頂樓外賣小食多款簡直一流。不過今日帶大家去商場對面，葵芳薈後面其實超多餐廳，在云云港式冰室，粥粉麵飯當中，有一間叫SNOW CAFE，地方細細也有個2人嘅露天茶座。入面沒豪華裝修，有多種植物配飾，乾淨企理感覺舒服，Lunch時間好爆勁多學生同埋返工嘅人放飯，除左價錢比一般Cafe相宜之外，食物質素也不錯。Lunch set有多達8款選擇，我選了＜西西里香草肉丸扁意粉＞$60， 涷飲只是加$2, 真是可以涷飲自由。賣相不錯，份量也夠，肉丸是肉碎，本人覺得味道稍清淡可接受，只是自己較喜歡吃泰越濃味菜色。如有時間，避開煩忙食飯時間在下午好好享受一下快樂Cafe，總括而言價性比高，使人有心去多幾次，相反（代號自己諗）‘’種子‘’cafe愈開愈多，價錢愈來愈貴，早已沒有幫襯了。…查看更多

難得Lunch Time約到朋友，去左荃灣行商場，好耐無行過荃廣，有D鋪頭執左，搵左好幾間餐廳，有D未開張，有D就新嘅。行多幾層真正偶遇間叫＜偶遇台北＞，見環境唔錯，就入試下快閃Lunch。我地叫左＜鹽酥雞扒配滷肉飯＞同埋＜紅燒牛肉麵＞。＜紅燒牛肉麵＞湯味濃淡得宜，不會有味精味，牛肉不粗嚡，份量適中。＜鹽酥雞扒配滷肉飯＞雞扒鬆軟，不油膩，滷肉較少不太咸，份量適中。2個餐配了熱飲＜桂圓紅祖茶＞不用加錢，普通甜甜地茶飲不作介紹。總結味道不錯，份量適中，男士食量大點未必夠飽，價錢大概$65至80左右，商場價錢尚算OK。…查看更多

又係約朋友食Lunch時間， 今日嚟到葵興站，搵到一間可以望窗景嘅CAFE，入面地方不算大，露台有窗口位，采光不錯，Lunch時間也頗多人。CAFE通常也主打意粉及咖啡，看看這家的質素如何吧。我們選了＜激讚蒲燒秘製豬軟骨配珍珠飯＞$85 及＜蟹肉菠菜羅勒忌廉汁意粉＞$108, 配咖啡要加錢，因為又係快閃1小時食Lunch，所以又係配個免費綠茶算了。＜激讚蒲燒秘製豬軟骨配珍珠飯＞配有前菜小量，雞肉煎香脆，秘製醬汁沒什麼特別，珍珠飯口感適中，建議前菜多點。＜蟹肉菠菜羅勒忌廉汁意粉＞很香，忌廉汁很Creamy唯覺得蟹肉比較少，可能攪碎後覺得太少肉，建議加入煙肉或火腿或雞肉豐富份量。配特定茶飲不用加錢，普通茶飲不作介紹。整體來說環境不錯，食物份量也足夠，價錢與出面CAFE差不多，在葵興區比較少舒適CAFE，如果有時間大家可以買杯COFFE慢慢HEA。…查看更多

出左去銅鑼灣，唔係又去希慎，又去燈籠街掛？今次想睇下香港舊式嘅茶餐廳係咪仍然健在，睇左有幾間新開的韓仔鋪，就轉入利園果邊，轉轉下睇到有間快樂餅店，已經變成快樂餐廳，隔離係間港味懷舊冰室＜龍泉冰室＞，咁望下餐牌幾合理，望下入面幾企理，就決定入去喇。我就坐呢度，入面都唔算好窄，只係員工走來走去唔好意思影影影。因為有D飽，所以試食就揀個港人成日嗌嘅常餐。其實又係果D沙嗲牛肉，叉燒或者扒類加個丁麵／米粉／米線咁樣，有奄列+油多包餐飲。$50價錢是OK的。呢樣野好似好簡單，其實有好多茶記都非常難食。粉麵就叫左個叉燒米線，份量唔錯，肉類都平均，唔會得2舊，而且味道不錯唔會太淡。奄列同油多唔會太油，入面火腿唔會得2條。熱飲叫左個阿華田，因為之前胃痛，無試佢嘅奶茶。整體來說環境及食物都不錯，最欣賞無核突手寫字，同埋左貼右貼污穢膠紙漬，員工手腳已經很快，但是繁忙時間都必須等等，香港真的鋪租貴，人工貴，希望香港小店不會絕跡吧。…查看更多

其實佢一開業已經幫襯過好多次，食物不過不失，燒賣同小籠包唔錯，但係日頭同夜晚水準參差，由其是蒸飯。收銀，執外賣狀況混亂，等到人想走，1個人收完錢又要執外賣，好奇怪嘅安排。上次等得太耐，真係唔等走去買其他野食。今晚晚上又係咁，前面個客叫多幾個點心，後面就有排等，入面好多人，但係得1個收銀兼執單，好奇怪，我嗌左4，5次要咩點心，無人理，後面果幾條友唔知做乜，我係點不耐煩，然後另外有人插隊，唔知點解你地員工無視我，幫後來上前者，我話：我嚟先 ！真係火都嚟。蒸餃＋粉粿各$21，合共$42質素不理，員工不理，客人不理$42蚊要受氣，以後去返麥當勞算。…查看更多

被好多Cafe介紹文章所吸引，什麼景觀開揚，‘’睇晒銅鑼灣‘，廣角鏡欺騙手法層出不窮。其寶比想象或影相細得多，所謂區高臨下，都只係睇到對住利舞台。一場嚟到，飲杯latte先走啦，我叫左個Flat white 同埋Muffin Total $66， 一般Cafe,價錢，Flat White香濃，Muffin 得原味，難食，太散。如果比我揀會去樓下間How to llive，去過尖沙咀果開HOW唔錯，同埋好似係有services, 唔洗自己拎。NOT 我第一次去，唔知佢有個電子牌，所以比完錢就係度等佢出飛定話我知點做，結個果女職員佢無，就過左幾個人，我都唔知佢有我定無，係我見到有人攞先問返佢攞。我唔知係咪有化妝太靚嘅關係，佢個斜視樣都係有D畸呢Anyway NOT agsin, enjoy HOW 活在當下。…查看更多

今日落巧大雨，出門口帶齊所有野，就係矛帶遮😓，勁狼狽而且間間餐廳都排晒長龍，攪到我圍住幾楝大廈兜來兜去就去左呢間＜圓味道＞，地球果然是圓的。廢話少講，我搵左咁耐，食12點半嘅客人都食完咁滯，好彩搵到位，咁忙碌店員都好好招呼，加油入內坐位尚算寛鬆，對面個肥人都唔覺迫。原本佢地有個冷烏冬都想食，不過落雨又淋濕晒有點涷，就叫左熱野滑蛋包飯系列<雞扒肉＜圓式咖哩汁＞$58， 咖哩汁似少少日式帶甜，餸飯不錯，蛋/雞肉/汁/飯比例剛好，成蝶食晒好飽飽飯餐送熱飲，奶茶不錯，屬奶味濃，唯食到中段嚟茶未有影相，趕住食完返工😅待下次有足夠時間，再試其他款式…查看更多

幾乎每星期嚟4次咁滯，Lunch 或下午茶餐食過晒咁滯，因為貪方便，而且連鎖式通常保持水準。今次真係頂唔緊，下晝4，5開得一半場位，1人食飯唔想搭枱，無位叫我坐4人，是但啦，可能間場時間唔攪咁多野。例牌循環叫左碟「香草鮮野菌忌廉天使麵」食過好多次，OK先再接再厲姐，一嚟到果碟野白雪雪到暈，搵來搵去得4條菇，幾粒洋蔥碎！！！有無攪錯呀？呢蝶菜已經係無肉，仲要咁慳皮？之前都唔係咁，今次無法接受，以後不要食。佢嘅下午茶餐維持35至45蚊左右，42蚊以上係意大利粉或飯餐，食個豬扒包加沙律仲似樣。「香草鮮野菌忌廉天使麵」未食架，搵唔搵到有餸呀喂:(:(:(:(我真係搵唔到，我食完唔知食左咩，食左兜粉囉$42蚊包熬飲，一係你cut左呢度菜啦，整到咁樣，呢排都唔會嚟！…查看更多

因為太忙，有時候Tea time買個包食就算，嚟到新蒲崗呢區，試下有點名氣的<享。樂>烘焙，好早之前見佢新開期間，真係排晒長龍，之後見星期六，日都幾多人，所以入去望下算。其實有幾點都幾失望。1. 貨品價格偏高，麵包size細, 又唔係話好食到飛起，餡料對不起價格，如果比起cafe嘅包點貴，係因為人地有得坐，有得hea，有得打咭。2. 員工服務有待改善，其實之前都嚟過，我買1個包，前面位阿姐買一堆包，每個又要入袋，佢又話比card又唔係又轉比呢樣果樣，我等左差唔多10分鐘，我就放低走左，唔係話插隊，正常都收左1個人錢先慢慢同佢攪？:(今日買左堆包，店員話無紙袋ok, 咁搵多個袋入晒得唔得？佢見住我又電話又鎖匙包又銀包，佢見到都廢。事理我，咁我都廢。事問佢囉，費事以為我呃佢個袋囉:(買左＜朱古力杏仁曲奇＞＜抹茶紅豆包＞＜雞肉包＞（佢d名改到太長，所以可能有不符，不過個包名幾長幾勁都好，入面真係有先好喎😂）＜抹茶紅豆包＞$18皮有點硬，Cream也ok, 紅豆只有面頭幾粒，入面無的, Size細，紅豆餡沒有。＜朱古力杏仁曲奇＞$30，尚算鬆化，味道剛好，價格偏貴，size細$30 得10塊為$3蚊塊，不是鑲金的。去Mr. Field 買比較優勝，香軟大塊有真粒粒朱古力。另一個雞肉包$12都普普通通，size小，有2塊雞肉，算正常價格，唔洗（想）講😂我地追求好味，價錢合理，支持公平公正，支持小店，但要合情合理，唔係人地話自係乜就乜，一定要支持囉。咁事實都要講，我就唔會盲目。如果小店唔幫襯，只有大大公司嘅時候，佢有乜你食乜，有幾貴你都要被，係我地唔想見到。…查看更多

觀塘區好多Office, 同工廈，好多打公仔Lunch都唔知食咩好，但係其實都好多樓上餐廳，或者外賣店。今日就去左觀塘嘅重光弁當買外賣，因為見到佢嘅便當都算幾精緻，價錢都可接受，就去試下。入面簡單佈置，只係做外賣生意，無堂食的。入面貼左張大poster有相, 方便客人選擇食物。我叫左個＜重光招牌便當＞$65蚊，我同事叫左個＜牛肉壽喜燒便當＞$58蚊，外賣無折扣。便當賣相都幾精緻，好似和風飯盒，睇佢細細盒，女仔食都幾飽，每盒面頭都有貼紙，寫住不屈不撓嘅四字步。＜牛肉壽喜燒便當＞＜重光招牌便當＞飯盒唔包野飲，65蚊外賣其實偏貴，因為而家外賣大部份有折扣，仲要唔包野飲，食物都算ok, 即叫即炸嘅，但份量唔算多，男仔可能唔夠飽。總括嚟講，食Lunch嘅時候都算有多個選擇比大家。…查看更多