jenfy's Profile

好多時都同屋企人食青葉，大枱成班人張凳軟腍腍坐得幾舒服，今日飲中午茶見到有啲新菜式，不過不失。白雲鳳爪: 醃得好入味，鍾意酸辣嘅朋友可以叫。虎皮尖椒:好好食，讓得好足料好多魚肉，有辣有唔辣，就返又家人鍾意食辣同埋唔鍾意食辣。芝士春卷: 麻麻哋啲芝士好漏，不過個炸皮幾脆。乳鴿:正常發揮好好味，$57一隻。 糯米雞:好多糯米飯好少肉餡，個糯米飯外表有啲硬好似擺咗一段時間再蒸，入邊啲肉餡唔會太鹹幾好味。路邊腸:好彈牙好好味，豉油另外上好細心，叫多咗個俾小朋友食。炸奶皇包:本身屋企人好鍾意食奶皇包，佢有流沙奶皇包同埋炸奶皇包揀，咁我哋諗住炸奶黃包都應該係流沙，點知炸奶皇包唔係流沙，個包皮炸到好似炸饅頭咁，個包皮有啲油又唔係特別脆，入邊啲奶黃偏深色好似橙色咁色素唔似平時出面啲奶皇包黃色，麻麻哋唔推介。…Read More

這家餐廳真是物超所值，位置方便易找。一踏入門口有新鮮出爐的麵包。早上開門就有豐富的早餐選擇，菜單多元，價格實惠，唔似其他餐廳剩係得沙嗲牛或者五香肉丁公仔麵。特別推薦堂食他們的蕃茄湯麵，濃郁可口，選擇用扁意粉更健康。另外，加$4即可享受到口感熱辣辣的蒜蓉包，還有特價$7的健康麥皮，佢哋啲檸檬水有得加檸檬汁，同牛奶冰室可能係同一集團，味道一樣，本人鍾意飲酸，所以有得加檸檬汁幾好。不過，魚柳和Panini稍嫌乾燥，可能因為外賣影響。食過午餐，鍾意飲他的朱古力，pizza好味，其他意粉飯一般般。總括而言，這家餐廳是budget 底既朋友不錯的選擇，值得一試。…Read More

朋友介紹，襯屋企人生日，即刻book位試吓呢間新餐廳，喺九記隔離開咗冇幾耐以前係homeless 星期六日有weekend brunch，聖誕節前期竟然喺中環Offer $298嘅4 course set brunch，性價比大癲👍🏻👍🏻👍🏻因為我哋好多朋友一齊，基本上係tasting MenuSoft boiled egg 勁濃郁蘑菇湯浸住溫泉蛋，我覺得有少少法國菜形式咁樣上菜，有少少泡沫一開始食以為係湯，唔會好鹹，又可以點包食Beef tartare 冇人能及，加咗生蛋黃喺上面，入邊啲香料同埋蔬菜唔會蓋過牛肉嘅鮮味，一啲都唔腥，配埋鬆脆嘅包，朋友一致好評Shrimp Salad 好鮮甜好好味好FRESHBurrata 冇得頂，用黑糖醋汁，酸酸甜甜開胃配搭埋切碎咗嘅蔬菜好爽口，估唔到佢可以將Burrata 做到咁精緻，你知啦好多餐廳就咁沙律加舊芝士好悶好冇特色，睇得出佢哋好有心機prepare每一道前菜Blue cheese risotto 基本上藍芝士好多人都係用蘋果一齊煮最夾，幾好味，但係有啲漏，要真係鍾意食飯之前先會鍾意Ravioli 高質海鮮味好濃郁，入邊啲肉整得好溶，仲有得即時轉vegetarian，即係佢哋個意粉即叫即包，估唔到咁有誠意照顧需要嘅朋友Crab orecchiette 本人覺得最好味首先我好鍾意食蟹，佢仲要拆晒肉有埋汁一啲都唔乾，佢全部都用海鮮汁睇得出係海鮮嘅精華自己流出嚟冇特別再加多餘嘅白汁，食晒成碟都唔會漏Duck 鴨腳最棹忌整得乾，佢竟然保持得好Juicy，仲要配埋超級重牛油味，但係唔係pure牛油味，好濃郁嘅smashed potato ，完全冇雜質做得勁幼滑，好想問廚師點樣整個薯蓉，西餐最基本嘅配菜做得好，就睇得出佢個廚師唔係Hea你Pork 都好好食，個香料汁用咗芫荽我勁鍾意，但係佢唔重芫荽味所以唔鍾意芫荽嘅朋友都一定會鍾意食，雖然佢冇講明係慢煮，但係我都幾肯定佢用咗好長時間先會做到啲肉質咁嫩口一啲都唔會靭，豬扒100分Cod 做得幾滑，但唔好期待有魚嘅鮮味🌟🌟🌟🌟French toast 唔使多講，必點，熱辣辣配上雲呢拿雪糕無敵，cheese cake not bad too 🌟🌟🌟🌟🌟Free flow +$198 極多酒選擇一定要加，最好係有朋友要揸車，佢唔一定要全枱一齊加，抵讚Had a wonderful lunch here at Bianco! Well done! 👏🏻👏🏻👏🏻…Read More

同屋企人喺觀塘工業區買嘢，未食lunch又唔想去APM，於是喺後街周圍搵吓有咩食，屋企人好鍾意食印度嘢，不過未食過呢一間諗住入去睇吓自助餐有咩食先坐低，個侍應非常之禮貌，仲叫我哋慢慢睇完全冇壓迫感。食物有雞有魚有牛有羊，仲有超入味嘅印度咖喱椰菜花，基本上啲肉質都好林，唔會乾到有渣，重點係佢有啲好似豆腐咁嘅芝士，煙煙韌韌勁好味，仲有啲好似墨魚丸啊魚餅啊嘅餐前小食，不得不提佢有個甜品望落好似糖不甩，內裏有啲好似西米露嘅餡，甜甜地好好味好細粒。嘢飲方面特飲竟然免費升級，有我哋超鍾意嘅Mango lasi，即叫即整佢勁有心機，加咗幾粒香料係上面。另外沙律吧仲有芝士同火腿，仲有好多蛋糕仔，同埋忌廉湯，食印度嘢食悶左，都有普通西餐配搭返。最後一定要講，佢送咗一個小食，脆卜卜入邊有好似Salad嘅餡，唔會油膩，最重要就係有埋印度薄餅，食咖喱又點少得Naan，煎得啱啱好平時嗰啲餐廳好焦，佢唔會好多黑色焦，如果再厚啲就Perfect。Yummy yummy! 附上圖片♥️😋…Read More

平時去SoHo買咖啡買得多 鍾意飲nutty / Choco咖啡豆嘅人唔可以錯過 本身自己麻麻地fruity 咖啡豆既酸味 呢度有得揀nutty/ fruity 真係好細心 滿足到唔同咖啡愛好者嘅需要☕️🫘今日行開銅鑼灣利園又未食lunch 即刻坐底試下 中環嗰間平時 lunch啲包好好食，unlimited refill，不過呢間set lunch冇包食，唔知關唔關平日同weekend有分別事Weekday set lunch 送任何咖啡唔使加錢，唔錯唔錯一坐低就比menu個A5牛烏冬吸引住，佢仲要係自家製gravy，即刻點嚟試吓，本人極鍾意食溫泉蛋，佢仲要有兩隻，滿足晒我嘅願望，啲牛肉生熟度煮得啱啱好，煙靭得黎入口即溶，好有牛味，油脂比例啱啱好，唔會太漏，烏冬食得出同個湯煮咗好耐，烏冬勁入味，一定唔係啱啱先擺落去淥兩下，整體勁濃郁超好味，佢仲有好多牛汁浸過林晒嘅洋蔥，有少少好感，配搭埋烏冬好好味，A5牛份量好多本身我以為得3/4塊，如果男士食都一定夠飽，如果烏冬可以煙靭返少少就200分👏🏻👏🏻食得出住得好用心同行朋友叫咗雞飯，中環我記得食物份量比較細，銅鑼灣相對上比例多好多，朋友啲飯直程食唔晒，個雞係慢煮，煮得好琳，類似燒春雞嘅形式，一啲都唔乾，配上好重牛油味嘅炒蛋，唔錯唔錯咖啡上面已經讚咗好多次，啲朱古力流晒出個杯度，擺盤都已經100 分，本身自己好怕好甜嘅飲品，但係呢杯mocha啱啱好😋😋🤤🤤上枱嘅時候夠晒熱，好味道順帶一提，好多餐廳就咁俾水喉水就算，佢啲水樽加咗備長炭過濾雜質，淨係呢一點都好抵讚…Read More

好夜先去到圓方，好多餐廳都爆滿，想同朋友靜靜哋傾心事，見到呢間餐廳有位，本身自己鍾意食西餐多個中餐，就入咗去好肚餓，淨係叫咗主菜，好記得每個主菜都係二百幾蚊價錢差唔多一模一樣，所以樣樣都嗌咗啲試下無花果鴨胸，本身自己鍾意食果醬，配埋鴨胸冇咁肥膩，成件事啱啱好，鴨胸唔會好乾，咬落唔會有渣，幾好味羊架，六至七成熟，煎得啱啱好，唔會有臊味，薯蓉好creamy好重芝士味我好鍾意，四碟裏面最鍾意呢一度菜，想食多幾舊雞，略嫌份量太少，有少少乾，冇特別，配菜仲多過主菜龍蝦Risotto唔算好重龍蝦味，份量都有啲少，如果一個人淨係食主菜會唔夠飽，勝在risotto個汁幾濃郁，龍蝦拆肉，大啖食，食得好方便，不過不失上菜速度好快，唔洗等好耐，餐廳環境坐得好舒服，全部一張一張梳化櫈，靜靜地傾偈坐咗好耐好滿足，起碼唔會比隔離枱嘈親😛…Read More

開返關之後去澳門超過10次 試過好多間蟹粥 澳門半島有食過 氹仔都有食過 間間都浠到好似水咁 唯一係肥仔文冇令我失望 雖然等嘅時間比較耐 我次次去都係同一大班朋友去起碼6個人以上 我諗都要等一個鐘 我打個電話，佢話冇得book位 唔緊要啦，成班朋友傾吓偈時間好快過 入到去一定要點大窩蟹粥，六個人通常要食兩至三個，入邊除咗啲粥朔晒蟹味非常濃郁，估唔到佢啲蟹都好鮮甜唔會諧霎霎乾爭爭，通常都懶唔想用手食，但係啲蟹係好味到令我破例一隻一隻用手用鉗慢慢夾開嚟食，佢哋真材實料用幾隻蟹煲到啲粥出晒味，先再加啲新鮮蟹落去煮，粥底同埋蟹都咁好味，真係好少餐廳做到，今時今日仲咁有心煮，真係食到我哋好滋味，抵佢咁多人排隊支持，等幾耐到抵椒鹽粟米，同埋其他椒鹽菜式都係冇得彈，類似避風塘方式既煮法，嗌任何椒鹽嘅菜式一定冇介紹錯雞煲可以唔使叫，啲雞好朝全部好似雞胸咁咬唔開唔入味麻麻哋蝦子麵不過不失，冇咩特別竹蔗水都幾好飲，唔會太甜蟹足100 Fun大滿足💯💯👏🏻👏🏻🦀🦀…Read More

次次去Soho入Uma Nota都淨係飲嘢，佢啲cocktail真係有驚喜 ，好出色，味道唔會一成不變，我話想要mint，好多時出邊啲bar tender都是但落啲香精搞到成杯牙膏味，Uma Nota bar tender唔會令你失望，成杯cocktail紫蘇味勁fresh勁香😉😉☺️☺️😛😛今次唔係淨係飲嘢，平時座無虛席，今晚行過竟然有兩個位，即刻同friend坐低食個晚飯好少食巴西菜，佢個炸木薯芝士粒Dadinhos de tapioca好煙韌好有咬口鹹鹹地好開胃，頭盤已經令我哋心心眼😍😍，份量好足夠兩個人食完已經有少少飽肚，雖然即叫即炸，但係完全冇油膩嘅感覺，nomnomBeterraba 係全部菜，佢應該醃製過再煎，甜甜地有少少燶，配埋佢個豆腐奶油好濃郁，鍾意白汁feel嘅朋友唔可以錯過，直程可以當主菜，非常飽肚Avacado roll 不過不失冇咩特別同出邊嘅熟壽司一樣Wagyu No brioche 和牛多士呢幾年好多餐廳都有，有少少失望，因為有啲油，佢啲和牛用咗好甜嘅洋蔥同埋洋蔥醬配埋一齊，所以蓋過咗和牛味道，和牛口感煎得啱啱好唔會太熟入口即溶，係我覺得個醬汁有啲over 成間嘢氣氛好好每台都傾得好開心好大聲😗👏🏻，如果同閨蜜想靜靜地傾偈建議坐吧枱，enjoyable night …Read More

行過好多地方都見到呢間餐廳，好多時都比佢個名吸引住，好有住家家常便飯feel，今日見多啲時間就坐低試下行去counter叫完2分鐘就有嘢食，食物一放低，有啲失望，份量好少，睇來都要叫埋甜品先夠飽粟米湯普通罐頭湯，因為唔夠鬆送飯，粟米湯濃郁所以送飯幾開胃好鍾意味噌鯖魚，整得唔錯幾入味，不過真係非常細夠，幾啖食晒蟹膏蟹肉幾有創意，諗到可以加入平時韓國料理會放喺飯面嘅冷盤蟹膏蟹肉，呢個主意唔錯，加$20，撈飯好好味😋蜜桃紅茶唔會好甜，我平時飲嘢係會走甜，杯嘢飲冇得走甜到竟然唔甜，非常讚賞！雖然係凍嘅，但係唔會冰凍，冇冰細細杯好好飲因為好少嘢好快食完，姨姨好自然會收走個盤，佢冇趕我走之餘，仲問我要唔要飲水，服務態度好好，非常抵讚😉😉…Read More

以前附近返工八文樓好多嘢食 有日經過佐敦又趕時間 不如食個快嘅有緣小聚好欣賞佢出邊嗰個好多筆畫嘅中文字，要保留biang biang麵條嘅文化都唔容易朋友叫咗湯麵不過不失，啲炸雞翼有少少油自己叫咗撈麵，個辣度啱啱好，好濃味仲非常惹味，佢嗰個辣好特別，配埋佢哋嗰啲配菜幾爽口，撈埋啲好煙韌嘅biang biang麵，份量好多，一定夠飽，唔錯唔錯建議叫埋佢哋嘅炒羊肉，入面好多蔥同芫荽勁香口，唔會特別騷，正🤭🤭…Read More

喺附近做完嘢聽講呢間French toast好好味，即刻過嚟試吓Weekday晏晝5pm未到放工時間所以唔多人排隊揀咗個main係煙肉卡邦尼carbonara 平時麻麻哋鍾意食白汁，因為好容易會漏好飽，佢個carbonara冇令我失望係用蒜炒香，勁乾身意粉好煙韌好好味嚟到我最期待嘅 French toast 除咗賣相好靚，有食用花五顏六色裝飾，佢舊牛油真係好香好濃郁，但係唔會漏，French Toast煎得啱啱好又唔會太林又唔會太硬，好脆好乾身唔多油，一定一定一定會再返嚟食😍😍…Read More

上網見到呢間餐廳逆市開舖好多專訪，聽講兩個老闆無開餐廳經驗都搞得有聲有色本身朋友唔多食齋，平時好鍾意食焗豬扒飯，一見到日式咖喱豬扒意大利飯即刻叫黎試吓，估唔到真係大開眼界，朋友平時食量好大，飯嘅份量都好多，個豬扒基本上都食唔出係用齋整，咖喱有啲重忌廉味，所以好快就好飽，所以都食唔晒，新世代嘅齋真係大開眼界，對於食肉獸嘅朋友嚟講都好滿意我自己叫咗圖片嗰款芫荽漢堡，好鍾意食芫荽，估唔到份量冇令我失望，除咗有生芫荽好新鮮洗得好乾淨，佢個芫荽芝士醬勁濃郁，不過牛肉用齋整應該難達到效果，所以你會食得出唔係真正牛肉比較容易咬開午餐跟餐有伯爵茶或者玄米茶我另外加錢叫咗火龍果香蕉特飲，正宗新鮮即叫即正，好味好味🤪🤪😛😛有時間一定會再帶想嘗試新嘢嘅朋友嚟食🥰…Read More

第一次用會員app遙距express攞飛，原來下一張枱就即刻有，超快入座我同朋友講笑元氣係咪轉左CEO？呢排勁多新嘅期間限定 全部都好好味圖片嗰個季節限定蔥香燒左口魚入邊有塊紫蘇葉 鍾意食嘅朋友真係唔可以錯過 佢啲蔥油好味到包住咗成舊壽司飯 nomnom😋😋 左口魚好肥美好正 咁嘅價錢仲要一碟有兩件壽司喺邊度搵？辛香雞翼同埋有個蕃茄三文魚都係呢排新嘅 冇令我哋失望👏🏻仲要讚賞埋佢哋服務態度 好有禮貌，抵讚👍🏻 …Read More

之前上網好難book位仲要落deposit 留位而家OpenRice竟然就咁book都book到梗係即刻嚟試吓點知希望越大失望越大Appetizer個clams個味道唔錯份量好足夠但係個garlic prawns 口感非常奇怪軟林林食唔晒食到一半叫佢收走算Tuna tartare 非常普通份量好少啲牛油果有啲放耐左嘅感覺Main 招牌菜Paella 好失望 私心推薦Pica Pica 有比較有傷害Steak fries medium rare非常一般肉質有啲太硬全晚唯一最好食 rigatoni 口感好煙韌 醬汁好濃郁好入味Dessert Churros 外脆內軟熱辣辣 朱古力醬唔係就咁用Nutella 係用溶左既dark chocolate 一啲都唔甜有誠意但係個拿破崙竟然硬到用刀點切都切唔開整體感覺係六星級酒店入邊嘅餐廳竟然只得呢個水準 非常失望侍應服務態度好環境好闊落坐得舒服呢一點都抵讚嘅分享一啲食物相片…Read More