baocho2012's Profile

我同frd 誤打誤撞就入左呢間篤篤船麵食。講起船麵，每次去泰國旅行一定會食船麵，因為佢份量唔太大，岩哂我呢啲胃口細既人啦！今次係香港第一次食到船麵。入去前，侍應會為我地探針，消下毒啲手先入去食。然後我睇到餐牌，有啲唔係好明，所以就問左侍應，侍應都好有禮貌咁答返我地既問題。姐係話如果我揀左4碗船麵，每一碗都可以揀一款餸、粉麵以及湯底。可以一次過試唔同既材料，真係好岩自己食喎，好得意！然後諗左一陣就寫底左比侍應，但佢地都好快上菜我一個人就叫左四碗，一碗食3,4啖已經食完，所以唔太大份架！對我黎講，4碗等於食一碗麵。好，上菜後第一時間就係試湯底先。湯底分別叫左牛辣湯、豬湯、冬蔭功湯，我覺得牛辣湯真係好好飲呢樣值得推介湯底。餸方面我覺得肥牛好入味，好肥！至於其他餸好似都係差唔多粉麵個啲都係咁上下，夠彈牙的。第一次可以一次過食哂4碗，好滿足不過都辛苦洗碗姐姐了！最後我叫左椰子水。呢隻牌子又真係幾好飲喎，如果中意飲椰子水可以試試最後埋單每人付50幾元左右，感覺都好抵食整體來講，會再食過…Read More

以前一直想試呢間，因為貪佢一人食一鍋，又可以保持衛生。但係因為平時好多人排隊，唔知要等幾耐咁，所以未有機會去食。今次我同朋友剛好要過尖沙咀，順便行去呢間嘢望望，發覺唔洗等位就立刻入去食我地坐個位置既冷氣比較大，好彩侍應幫我地安排坐另一座既位置我就叫左招牌臭臭鍋，呢個名令我不禁想起台灣，台灣既食物真係唔錯架，尤其係臭豆腐！大部分鍋都係$115，包一鍋同一碗粉絲。等左冇幾耐，侍應就好快上菜比我地食！招牌臭臭鍋，小辣。香噴噴既臭臭鍋，好有臭豆腐既氣味！賣相好豐富，好吸引食！然後等佢的湯滾左先試下飲湯。其實湯的味道唔太食到台灣個種臭臭鍋既味道，可能味道唔夠強烈，但味道不過不失。所以係呢方面有少許失望既。我覺得豚肉份量岩岩好，如果胃口大既人會覺得肉既份量會好少。呢隻豚肉既味道好好食，好新鮮如有再多啲肉就好啦！其他蔬菜都OK新鮮的。佢會有4隻唔同醫汁比你落：辣椒汁、沙茶醬、蒜蓉汁、豆瓣醬沙茶醬真係好食，所以就揀左沙嗲醬最後埋單都要$115 再加一服務費。我覺得一個鍋要食成百幾元唔算話好抵食，因為冇乜包飲品整體來說，我是比較喜歡一人一鍋的特色、豚豬肉都幾新鮮。如果胃口大應該食唔飽，可能要叫兩份…Read More

今日同友人係九龍塘又一城shopping ，突然好想食壽司。所以就揀左千両，好耐冇食千両啦，記得對上一次食千両係2019年，個陣都覺得ok好食架，所以就揀左千両黎食啦我地6點就入去食，好彩冇乜客人，唔洗等位呢到服務真係唔錯，好好禮貌，仲會送上口罩袋比我地放口罩。我見到有個優惠食特選刺身拼盤，本身係$590，而家做緊特價$295，好似幾坻食咁。然後再喊其他壽司🍣然後侍應送上刺身拼盤。我又唔覺得佢地真係咁新鮮既，好似好普通既刺身，只係勁大舊同大份，除咗吞拿魚腩ok好食。我都唔記得自己喊左啲咩壽司食了。不過感覺今次味道質素好似冇以前咁好食了可能係分店既問題。我同友人都坐左1個鐘幾，間中我地有好幾次飲哂啲茶，侍應都好主動幫我哋加茶，呢樣唔錯整體來說，食物質素還可以的…Read More

今日中午有個同事話想食泰國野，我地就是但搵啦，點知行下行下就見到呢間野，間野好似係岩岩新開咁，呢段時間會有88折優優，好吸引！一入去見到一個南亞裔侍應同南亞裔廚師佢哋都算有禮貌。然後我見到個餐牌，個套餐都幾抵食仲要包沙律、小食以及甜品。叫完食後，無幾耐就上左青木瓜沙律、泰式鳳爪、芒果糯米飯賣相算不錯了！芒果糯米飯味道跟泰國食的都幾似味道岩岩好，好多椰奶，芒果又鮮甜泰式鳳爪，食落黎味道真係好好，又酸又辣，重點佢份量唔少。青木瓜沙律，呢個有啲比較辣辣地，如果唔係好食得辣基本上係食唔哂，會食到流鼻水但整體而言，味道算係唔錯的。然後上主菜-泰式香葉肉碎飯伴荷包蛋。個荷包蛋真係煎得幾靚，不過如果蛋黃可以再流心少少就完美了。碎肉炒得幾香，味道剛剛好，食到辣又唔會太咸，呢隻辣算係中小辣。飯的味道不過不失最後差唔多食完，個侍應就送咗杯香茅茶比我哋飲。一開始以為係蕃薯水，因為佢的味道比較偏甜，有蕃薯既味道，但甜得後可以接受。最後問左侍應先知呢杯叫香茅茶都幾好飲！整體來講，個套餐算坻食，係香港食泰國菜黎講算唔錯了…Read More

因為週末假，約了多年沒見的朋友聚下會，見到呢間餐好大，環境舒適度都唔錯，食物價錢唔平但又唔算貴，價錢都係中下。於是就入左去食啦入去前，侍應都會為我們做探針才入去。我就叫了蟹肉味增扁意粉。飲品方面叫了朱古力咖啡。我們都等了十幾分鐘先上到菜比我地。意粉個汁既味道其實好普通，是蟹肉唔算多，味道都可以接受，即係自己屋企可以整到。但勝在佢會有湯同紫薯味增湯算太濃又唔算太淡，味道剛剛好。由於佢外型好似雪糕，食落去原來係紫薯，食落有啲凍凍地，味道沒什麼特別，似擺過係雪櫃，不過係整得幾靚既另一方面，友人則叫了芝士黑松露野菌意大利飯。味道非常的淡，也吃不出芝士和黑松露的味道對這道餐有少許失望。最後叫了侍應比啲鹽同胡椒粉，落返啲起碼有啲味道。我們差不多吃完了，他們才送上咖啡來。佢會有埋盒，都幾得意，但唔知盒底有冇人洗過，因為個底感覺唔算太乾淨既。至於咖啡的味道好大眾化，沒有個人特色的咖啡味道，但呢隻咖啡好過星巴克少少。飲落去完全冇朱古力既味道點知差唔多飲完咖啡個陣見到有舊朱古力係到⋯唔怪之得冇朱古力味道了，只因沖得不平衡最後埋單200幾元。提一提原來某一些信用卡係有優惠，點知侍應冇同過我地提過有優惠要自己用信用卡埋單先知有優惠。整體來講，打卡一流、與友人聚會一流、環境整齊舒服，但如果對食物有很高的要求就不建議來這裡了。…Read More

因為疫情以下，搞到我好少出街食飯。眼前疫情好似越來越好咁，所以就比自己放鬆出一出街，但當然要做好清潔衛生保護自己！我跟友人在尖沙咀行街，行完街就行到附近是但揀餐廳，我地睇左呢間餐廳既餐單，就睇中左佢個龍蝦沾麵，仲要免費加湯，所以就揀左佢地黎試下我地拎飛都等左半個中先有得入去食，待應好有禮貌同我地探針同帶我地入位，佢地張桌一定會有經消毒處理，所以都會安心些我地就叫了元祖龍蝦沾麵、極上芝士海膽沾麵以及元祖奶蓋芝士萊莉綠茶。我就食龍蝦沾麵。我食落去的時候，個腦出現：喵的喵的，點解咁好食既！我食過咁多間沾麵，第一次覺得咁好食！隻龍蝦沾麵好濃郁既龍蝦味，已經不斷飲佢啲湯，飲極也不厭！再來是麵，呢隻麵好一般，沒什麼特別。再來是流心蛋，嘩，食落去既時候有種酸酸的，酒酒的，味道特別啊友人則叫了極上芝士海膽沾麵，看起來很吸引！還附上原隻的海膽板！我的眼睛一直望海膽板，然後一邊吃自己的龍蝦沾麵，然後忍不住想食幾舊海膽來試啦每一塊的海膽味道很不同！好鮮甜，沒有腥味，十分難得我食到麵食到一半，啲龍蝦湯已經無哂，我打算叫難力既待應妹妹幫我加少少湯比我，點知廚房就加滿左比我，免費加湯呢樣嘢超吸引！最後食飽了後，飲了奶蓋芝士萊莉綠茶，一飲腦海又出現左喵的喵的，點解咁好飲既！個奶蓋入面有粒粒芝士好好飲！下次會再食…Read More

Jollibee 個名就識啦, 但係就一次都無去過。點解? 因為Jollibee 比人既感覺係姐姐去食既, 好食極有限啦....今次因為做功課既原因黎食第一次Jollibee, 好後悔點解之前唔揀呢度食T_T雖然個商場好似有D UP DUP, 但入到Jollibee 好似另一個世界咁~ 間舖好乾淨好舒服..我同同學叫左一個意粉餐加多一舊雞SHARE, 第一次試唔知好唔好食架麻...一口咬落舊雞度....哇...有汁既?! 個皮又薄, 好食到爆! 好耐無食過D JUICY 既炸雞! 唔好講笑真係好食到呆左...試埋個意粉, 一睇賣相就覺得佢好食啦咁足料....個意粉有腸仔同埋好多芝士0係面, 一開盒見到都好開心啊....味道都好好啊, 酸酸甜甜咁~試食左呢餐之後, 我一想食炸雞就會黎呢度~ 希望佢地可以一直做落去啦~ 佢D 炸雞真係好好食架! 而家我同D 賓姐姐一樣做左佢FANS~ …Read More

今日朋友生日, 而朋友又好喜歡吃西餐, 於是上網搵左間充滿美國風既餐廳同佢慶祝。因為預先訂位的關係, 一入到餐廳便安排入座。卡位在餐廳較入位置, 人比較少,非常舒適。侍應們都非常有禮貌為我地介紹當日SPECIAL。呢間餐廳好特別, 餐牌上是沒有PASTA揀的, 因為PASTA是每日新鮮做, 賣完就無了!所以鍾意食PASTA既朋友要早D黎試下佢地既每日SPECIAL了! 好好彩我地到既時候仲有PASTA, 可惜我唔記得左佢個名T_T味道非常好, 我地兩個女仔食晒! 佢地個MENU仲有幾款好特別既PIZZA, 款款都好想試! 今次我地就試左四川PIZZA。PIZZA一黎到時真係比佢嚇親, 咁大堆辣椒會唔會辣死?!但其實並唔係太辣, 岩岩好, 仲好香添! 真係一塊都唔想浪費啊~不得不提既仲有佢地個MILKTEA PANA COTTA, 一出黎直頭成杯茶餐廳奶茶咁! 食之前要狂影相先肯破壞佢。 一入口香濃既奶茶味,令人念念不忘啊~呢度仲有好多款手工啤酒的, 鍾意飲啤酒既朋友不妨黎試下!…Read More