annacheung's Profile

如我所說呢間雪糕店服務態度好好，雪糕又好好食，尋晚無咩social 講嘢嘅意欲，但係服務員都好Nice，會主動埋嚟同我講嘢，仲俾咗兩隻雪糕我試味。其實之前都幫襯過，基本上啲雪糕都好好味。印象最深刻就係開心果味，有驚喜既。🥰…Read More

見好多Facebook 文章都介紹，一於去試試佢！花膠其實係魚肚黎，不過好正常既，甘平唔通俾花膠你咩真係。其實俾甘多心機整已經好有誠意分，不過有油益味呢個真係要睇下點去左陣油益味先得啦，係滑同有口感既。食左墨魚餅，彈牙有咬口。豬腸唔會勁多肥膏，好好味！酸齋就唔係我鍾意果種啦，佢俾左碗酸汁我自己點，點汁點得小會唔夠酸，點得多會搶喉，呢個我麻麻。個湯底係腩汁，不過唔夠濃，配蕃薯粉食因爲唔索湯既關係唔夠濃味。不過好值得一讚既係服務好好！好有禮貌同細心。…Read More

好小寫食評，但今次真係要寫一寫。尋日臨急臨忙book左呢間食buffet 慶祝媽媽節。reception 話2樓俾人包左場（平時擺semi buffet既地方），所以會係3樓function room 度擺full buffet, 會多野食過semi buffet, 聽落好似仲正，多野食d，$428包灑。我地1830去到。發覺唔多妥，d 野食放灑係走廊，刺身全部放灑係一隻圓碟度，俾人夾到打風甘。生蠔有d好似變左色, 其他凍海鮮望落都正常。熱野得數款，不過唔熱。雪糕唔係movenpick，係dreyer, 其他甜品無留意到o唔ok，因為俾個a經理激到想賣單走人。食到1912已經無野想再食，有個女職員黎問餐茶，我就順便同佢講d野食好唔店喎，d羊架生到無煮甘，d熱野又唔熱，款式又小，我未試過食buffet半個鐘就食完，甘樣收每位428好唔應該喎！女職員話其實下層d野食你地都可能攞咖，唔同款黎。甘我就同媽咪落2樓攞野食啦，個a經理係後面，落到2樓時佢話小姐，你地唔可以落2樓攞野食咖喎，2樓d野食價錢係唔同咖。我：但係女職員話可以咖喎。同埋樓上d野食好差喎，d 熱野唔熱，refill 慢，款式又勁小，甘收人428好過份喎！a經理答：款式都唔小，熱野有過10款，冷野又有........我：不如一齊上去數下呀？佢唔上⋯仲話你係覺得我地唔refill野食同唔夠熱，我馬上安排人跟進，我：我會係open rice 寫食評。佢：你可以。果下俾佢激到啤一聲⋯之後想即時賣單走，不過又覺得好唔值！個女職員過黎話sorry, 佢係part time 所以唔係甘清楚，都叫錯左其他客落樓下攞野食。我：唔緊要，不過d食物質素真係好差呀，食到好唔高興。之後有個full time 既waiter 黎問我想點，我話d野食差到我唔想俾$，因為覺得好唔值！之後就b經理黎話調我地去2樓食返semi buffet, 終於覺得佢地有返d誠意。好可惜，因為佢地d不潔生蠔，搞到腸胃炎，請左病假，今日先時間打呢篇食評。我無影相，因為走時都無打算要寫呢篇野，但係搞到腸胃炎，寫出黎希望大家唔好中招。信不信由你～…Read More

因為屋企無飯食, 所以同老公出去食, 本來想去譚仔(3哥)食左米線O既, 不過成日食, 又經過見到Tomato Club好似好吸引甘, 又好平, 就去試下啦。O個晚去要等位, 不過都好快, 等左5分鐘左右。見到MENU脆皮德國豬手蕃茄湯餐隔離有個"LIKE", 所以我就叫呢個LA, 叫左螺絲粉+小辣($39), 感覺上MATCH D, 老公就叫左石鍋蕃茄肥牛飯($78), 因為無菜食, 所以叫多個煙鴨胸雜菜沙律。待應話石鍋蕃茄肥牛飯要等20MINS, 不過唔係等左好耐, 大概15MINS。本來以為豬手得2舊仔O既, 黎到時原來真係有3舊, 蕃茄湯螺絲粉好大碗, 豬手皮好脆, 蕃茄湯小辣原來都幾辣, 不過辣得好好味, 又好有蕃茄味, 仲有好多滑旦, 不過敗筆在豬手有毛(都算多)。老公O既石鍋蕃茄肥牛飯好好味, 超超香(強調!!)都係有好多蕃茄, 有D菇, 有D 西蘭花, 同埋唔會好多飯蕉, 因為本人唔太好飯蕉, 同埋有雞旦, 不過佢同一般O既石鍋飯唔一樣, 因為佢隻旦放O係D 飯中間, 其實甘樣真係唔係太好, 因為整到隻旦太熟啦。煙鴨胸雜菜沙律都好食, 不過無咩特別野要寫。 XDXDOVER ALL, 樣樣野都幾好甘, 希望Tomato Club會睇到我呢篇食評, D 豬手真係要清毛清得乾淨D, 同埋石鍋飯隻旦唔好放O係中間LA。 HAHA...…Read More