Dragoncommander's Profile

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️⭐️以中環嘅美食嚟講，呢間嚟自大阪道頓堀嘅過江龍拉麵店，價錢非常親民，而且食物質素好好，作為拉麵控必定一試～原條慢煮豬軟骨拉麵配溏心蛋呢個招牌菜，由原條豬軟骨為主要食材，因為經過幾個鐘慢煮，成條豬軟骨好淋，好入味～ 豬軟骨嘅湯底好濃郁，配合埋豬軟骨好香濃，而且豬軟骨入口即溶。而拉麵口感彈牙，硬度適中，食起上嚟仲要好爽口，係一碗完美嘅豬軟骨拉麵！…Read More

👍🏼抵食指數：⭐️⭐️⭐️😋好食程度：⭐️⭐️⭐️⭐️⭐️連李小龍都幫襯過嘅香港首間意大利餐廳，開業半個世紀，不論環境、食物、價錢都係名不虛傳。餐廳位於亞士厘道，步入門口後需要行樓梯落去，好似係地窖咁，而內部裝修幾有特式，天花板上掛滿酒樽，充滿一種酒窖感覺，幾有氣氛！Spaghetti Carbonara 應該係得我食過最好食嘅 Carbonara！雙重芝士嘅味道好濃郁，好 creamy ，手工麵條好有口感，而且有啲彈牙。Bacon 又唔算好咸同好硬，有咬感，配合埋雙重芝士嘅汁，真係一流～ Bistecca alla fiorentina 個T骨唔係好多肥膏，都夠 junicy，而且香口得嚟有種煙薰味，但份量好似剛剛好Linguine alle Vongole蜆肉份量都幾好，而且唔係好腥，啖啖蜆肉加埋爽口嘅扁意粉，好好食，但值得一試溫提：個到無 tap water 供應，要自費買佢哋嘅支樽水…Read More

價比超低嘅Fusion 菜 唔建議大家試伏👍🏼抵食指數：👎🏼😋好食程度：⭐️之前見啲media 介紹呢間餐廳好似好正咁，所以就盲舂舂去試下，點知係大伏嚟... 之前無留意佢有最低消費，坐低先知要一個人需要叫三項菜式，三項菜式只係二選一，點知佢又兩項得返一個選擇，另一個賣晒，其實觀感都幾差，呢間餐廳係要book 位，而且要俾 deposit ，已經知道當日食客人數，但點解仲可以預唔夠食材呢？除咗個日本帶子燒賣配拖羅比較知自己食緊咩之外，其他「分子料理」得打卡嘅價值，都唔係太知自己食緊啲咩。可能作為平民食客，對太深奧嘅料理配搭唔太識欣賞，甚至有種九唔搭八嘅感覺，特別係開心果香草醬羊奶芝士手工意粉，又酸又咸又有開心果味，食咗第一啖已經唔想食落去。其他菜式包括韃靼牛肉日式銅鑼燒，以及澳洲和牛味噌芥末，因為係無得揀下所選擇，如果一個唔食牛嘅食客嚟講，真係可以即時離開。兩項菜式真心普普通通，甚至韃靼牛肉嘅牛味根本食唔出。主打 fusion 菜，本應要有比到食客嘅驚喜，只有「驚」，而無食完回眸一笑暖心嘅感覺，真心都幾失敗。對於食量較細嘅女士，要焗住揀咁多項菜式，仲要唔係每樣有得揀，實在唔理想。一餐$298 加一 嘅 fusion 菜，喺尖沙咀絕對有更理想嘅選擇～ …Read More

👍🏼抵食指數：⭐️⭐️⭐️⭐️⭐️😋好食程度：⭐️⭐️⭐️⭐️⭐️經朋友力薦呢間灣仔澳洲扒房，話佢好抵食又高汁。果然真係不負所望，100分鐘 $298 仲要免加一，任食安格斯牛板腱扒，有前菜、小食（任食）同埋甜品，真心好佛心，筆者極力推薦，不論食物方面，或者餐廳環境，乃至服務態度都為上品餐廳，平民價錢拍得住啲高級扒房嘅質素，實在難得！100分鐘任食安格斯牛板腱扒先來一客牛油蒜蓉包同忌廉湯，牛油蒜蓉包好香口，好好食，但忌廉湯反而就咸咗少少。之後嚟咗一盤小食（小食都係任食），有炸虎蝦、炸蠔、炸魚手指、燒雞錘、炸雲吞。筆者推薦可以再叫炸蠔同炸魚手指，兩者較為 juicy ，特別炸蠔好好食。主菜出場，美國安格斯牛板腱扒非常香，美味道來。砌落去，肉汁流晒出嚟，咬落去好 Juicy，而且好香口，好有驚喜！即使任食，主菜一啲都唔馬虎，好似去咗高級扒房嘅感覺。仲有佢嘅雞鹽薯條（又係任食），大大條，又好香口，建議再叫多一兩次！最後嚟咗一兜蕃茄仔，又好香同好 juicy ！至於最後嚟嘅甜品，係焦糖椰子雪糕，如果你鐘意食椰子食品，一定會愛上。埋單嘅時候，侍應都有問有無意見或改善嘅地方，態度非常好，好少有餐廳會咁問，值得欣賞！…Read More

👍🏼抵食指數：⭐️⭐️😋好食程度：⭐️⭐️⭐️泰式大蝦炒金邊粉一道極為失望菜式，望落去無咩色澤，味道亦唔夠濃郁，而且金邊粉較為濕，痴到一舊舊，食落去淡而無味，比一般泰菜衰廳食嘅更差... 香茅烤豬頸肉豬頸肉就烤得比較香口，而家咬落都幾 juicy 同厚身。碟上伴隨一件大大舊嘅燒菠蘿，但菠蘿味道較酸微微，同時都好多渣，反而舊燒菠蘿就有啲畫蛇添足嚕。泰式奶茶好靚嘅玻璃樽裝住，好適合打卡，茶味唔算好濃，奶同茶味道剛剛好～ 主打 Fusion 泰菜，伴碟係適合大家打卡，但味道或者食材嘅新鮮度就麻麻地了。…Read More

👍🏼抵食指數：⭐️😋好食程度：⭐️⭐️⭐️之前成日見網上好多人吹捧呢間餐廳嘅煲仔飯，但每次經過都好多人排隊，所以都未有機會去一嚐。終於約埋屋企人一行程六人6點鐘見無咩人排隊，點知前面都仲有8張枱，以為等一陣就有位。但因為我哋6個人，餐廳啲侍應唔知有咩考量，唔識拍枱或者調位，安排入坐，每次都係入2-4 人枱，即使4 人台有人埋單，都唔會 hold 張枱出嚟，同個侍應反映，又完全無視建議，服務態度極為惡劣，最後等到8點九先可以入坐座。田雞排骨煲仔飯味道尚可，田雞仔都夠嫩滑，排骨反而一般般。臘腸白鱔煲仔飯 呢個算係最好食嘅鎮店之寶，白鱔都幾厚肉，又唔腥，咬落去係幾好食，夾埋煲仔飯中嘅豬油同豉油，口感同味道真係絕配，加埋焗好嘅飯焦真係無得彈。但不論排隊、服務都較惡劣，食得好趕之餘，並唔係每碟菜式都咁好食。除咗白鱔煲仔飯較為好食，其他煲仔飯唔係真係咁特別或者好出色，呢個價錢可以有更好嘅味道同服務～ …Read More

👍🏼抵食指數：⭐️⭐️⭐️😋好食程度：⭐️⭐️⭐️⭐️汝州街呢間素年行嘅文青風，門口出面有個玄關位，放咗兩張圓枱，好啱大家打卡影相。餐廳入面有個大書架，上面擺咗唔同嘅書藉同CD，好有一種 Indie Style。素年經典不可能芝士漢堡上菜伴碟賣相好靚，比得上高級嘅cafe。芝士漢堡嘅漢堡包烘得有少少脆口，而且有陣牛油香味，入面嘅塊「肉」食落好似牛肉質感，厚厚地又 Juicy ，芝士味夠濃郁，薯條亦都好脆口。雖然係素食，但食落去都好有真正芝士漢堡嘅感覺，而且打卡值極高！香芋番薯波波香芋番薯口感外脆內軟，香芋味好出，又夠香口，好好食！溫提：最好Book 定位，因為都幾多人去食啊～ …Read More

👍🏼抵食指數：⭐️⭐️⭐️😋好食程度：⭐️⭐️⭐️⭐️原來喺香港都可以食到摩洛哥菜式，仲要有負責人都好熱情嘅款待，如果係第一次嚐非洲美食，氣氛又唔錯，係一次唔錯嘅體驗啊！Hummus with Chickens 鷹嘴豆泥應該係必選非洲菜，配合埋烤雞粒，雞肉味濃郁，燒烤味都好出，配合埋啲包，都幾好食～ 以為非洲菜會好重味，但夾埋鷹嘴豆泥唔太重口味，而且都幾開胃～Garlic Prawns 一個蕃茄海鮮鍋，入面有大大舊嘅鮮蝦同青口，鮮蝦夠爽口，蕃茄醬都夠濃郁。伴碟非常靚，打卡值極高～ 個度嘅負責人會同啲食客交流，又問啲嘢食好唔好食，食完之後仲會沖啲嘢飲，好飲檸檬水嘅，幫你消化。係度食飯，除咗食佢個摩登風味，亦體會到餐廳嘅人情味！…Read More

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️眾所週知荃灣多好西食，但呢間和風式料理係云云餐廳當中，算係性價比較高一間，不論環境氣氛、食物質素都屬於上品水平。餐廳係享成街內街，唔太著眼，但佢嘅裡面嘅裝修就以復古昭和時代嘅cafe 風格，暖色嘅燈光，配上深啡色嘅木製牆身，另一面牆配上幾塊長鏡，復古及高貴氣氛充斥住成間細細嘅餐廳。明太子奶醬蛋包飯應該係必食之選，上菜時，隻半熟蛋放係啲蕃茄飯上面，蕃茄飯周圍淋上明太子奶醬，而半熟蛋上亦有少許嘅明太子。用刀輕輕介開隻半熟蛋嘅表面，嘅蛋汁就慢慢流出嚟，配上明太子奶醬同蕃茄飯，味道非常可口，明太子奶醬非常濃郁同creamy，有少少蓋過咗蕃茄飯嘅味道，但加上蛋汁好嫩滑，口感非常獨到～ 紅酒燉牛肋條賣相好靚，牛肋條煮得好幼嫩，一咬即溶，再加上紅酒汁配上奶油，牛肋條煮得非常入味，啲汁建議撈飯食，非常美味焦糖雞蛋布丁好似喺日本食咁，個雞蛋布丁夠紮實，而且好滑，相信女仕們會好鐘意，蛋味同甜味都啱啱好！因為加咗套餐嘅關係，所以每個set 都有前菜同餐湯。前菜係一碟菜野菌，而餐湯係忌廉粟米湯，都好好飲～ 溫提：因為坐位有限，建議大家網上book 咗位先～ …Read More

👍🏼抵食指數：⭐️⭐️⭐️⭐️⭐️😋好食程度：⭐️⭐️⭐️⭐️⭐️之前食過中環過江龍座銀嘅雞白湯，以為係雞白湯嘅天花板，原來一山還有一山高，高手藏喺民間。一個喺太子嘅普通拉麵店，竟然食到米之蓮水準嘅雞白湯雞胸肉拉麵。雞白湯拉麵湯底好濃郁，好 creamy ，雞味好出，麵條就較幼身，咬感彈牙，而成碗麵最靈魂嘅部份竟然係塊雞胸，應該係食過最特別、最好食嘅雞胸肉，因為肉身夠厚，而且非常彈牙，爽口，口感好似食緊魚蛋咁，真係好驚喜。第二樣驚喜係隻醬油半熟溏心蛋，製作得非常出色，咬落去蛋黃慢慢流心，一般餐廳食唔到嘅感覺。不論湯底、麵條、雞胸同溏心蛋睇得出廚師係用心製作，平民價錢，仲無加一，但有米之蓮級數嘅水準，值得推介！一定再去食！ 溫提：平日放工去都要一陣排隊…Read More

👍🏼抵食指數：⭐️⭐️⭐️😋好食程度：⭐️⭐️⭐️⭐️今次嚟試下日本過江龍嘅人氣雞白湯拉麵店，餐廳位處於中環半山，舖頭內裝修以和式為主，有張Bar 枱可以睇住師傅悉心炮製拉麵。當日放工去，就有位師傅滿口h笑容企係門口招客，入到去嘅時候，侍應們都好有禮貌為我安排坐位，服務態度有別於其他拉麵店，真係好似返咗日本咁。Meun 上無咩菜式可以選擇，但嚟到緊係食雞白湯拉麵啦～ #雞白湯拉麵湯底非常濃郁，白白嘅雞湯，上面有一層泡沫，相信雞湯係有發打過，濃濃雞味撲鼻，非常吸引！放係麵上嘅炸牛蒡絲，一開始以為係炸蒜絲嚟，咬落去極脆口，配合埋雞白湯真係一流。麵質軟硬適中，唔係算太硬太軟，啱啱好，而且算爽口，而雞肉唔算好厚身，口感反而就一般，但味道配合雞湯就唔錯。整體上，最精粹係碗雞白湯上，配搭所有嘢，真係上等之作！…Read More

👍🏼抵食指數：⭐️⭐️⭐️⭐️😋好食程度：⭐️⭐️⭐️之前朋友介紹過呢間扒房，因為佢嘅薯條係無限添加，已經覺得好新奇，香港好少有呢類扒房可以任黑松露薯條，而且價錢唔算貴，性價比極高。而呢間 Top Blade Steak Lab 位於唔算好多人嘅布慎道，大家經常去cwb 搵食嘅一啲都唔陌生。限時推介 #酸洋蔥平鐵牛扒五成熟嘅 #牛扒，（夾埋 #薯條 ）份量夠一人食，塊扒都幾厚身，咬落下都幾嫩，而且明顯有鎖住肉汁，味道同口感唔錯，亦無太過熟，但唔算係好高質嘅肉扒，呢個價錢算係咁。個 #烤蒜頭 好好食，味道好出，夾埋牛扒一同進食，口感一流！反而佢配上酸洋蔥就有少少唔太夾，可能我唔太好食酸洋蔥，感覺有嘅怪怪地。 #牛肉汁扁意粉
反而個扁意粉有少少失色，意粉煮得有啲生，咬落口就有啲硬，個牛肉汁就不過不失，唔算好出眾，普通牛肉汁嘅味道。所以建議都係食返牛扒會好啲。佢嘅薯條係值得一讚，好脆口，而且侍應時不時都會問食客需唔需要添加。任食薯條確實係佢嘅一大賣點，性價比都尚算高。…Read More

👍🏼抵食指數：⭐️⭐️⭐️⭐️😋好食程度：⭐️⭐️⭐️尖沙咀俗稱「韓國街」上云云嘅韓式料理中，搵到一間傳統韓國家庭裝修嘅家庭式料理，見有幾個人排隊，預計應該都有啲人氣。#韓式雞肉石頭飯係一個set dinner 形式，有前菜、紫菜海帶湯，仲有一支好細嘅韓版益力多，伴碟賣相唔錯，加埋韓式辣椒醬伴飯，味道非常味美。同一般石頭鍋飯，佢就比較多蔬菜，雞肉就尚，但可惜無飯蕉食嚕。#泡菜煎餅 比其他韓國餐廳食會較足料同大份，足夠比一家人品嚐，唔係成舊都係麵粉包住，而係食得出有泡菜，而且仲有自家製辣椒油，煎餅本身有少少辣，如果唔覺得辣，可以點少少辣椒油，味道可口。但煎餅偏少少油，所以加埋辣椒油就有少少膩嚕。環境尚可，佢有一張大枱，有啲似係飯堂食食飯感覺…Read More

👍🏼抵食指數：⭐️⭐️😋好食程度：⭐️⭐️⭐️⭐️由朋友極力推介嘅大角咀米芝蓮泰菜果然名不虛傳，藍綠色嘅磚牆，室內嘅設計以東南亞風格為主，環境舒適企理，都好適合大家打卡啊～ 先嚟咗招牌菜式， #泰北咖喱金麵 ，賣相幾靚，有一舊炸過嘅麵條，咬落去香脆可口，麵條似炸過嘅伊麵。而湯底係椰香咖喱湯，炸麵浸淋喺湯中，口感唔錯，而且咖喱唔算辣，一般人應該容易入口。#炭火燒牛肉 亦都係另一個招牌菜式，一班朋友share 嚟食，份量都足夠，5成熟，仲感覺到鎖到牛肉肉汁，味道尚可，但咬起上嚟就有少少韌嚕～ 無論環境同食物，整體上算係中上水平嘅泰菜啊！…Read More

👍🏼抵食指數：⭐️⭐️😋好食程度：⭐️⭐️⭐️之前行過留白，已經覺得呢間餐廳好chill ，因為有 live band 駐場，好似好有 vibe 咁，但個次因為太多人無晒，所以無試到。今次可能去嘅時間尚早，反而人唔多，見到隊 band tune 緊聲，準備好表演。而侍應遞咗遞咗一張黑膠碟嚟，原來係張 menu ，都幾特別。 叫咗個 #四季芝士意大利飯、#蕃薯炸薯條 。四季芝士意大利飯確實好重芝士味，但個Risotto 就煮得太生了，兩個人食都無咩問題，因為都好膩。而個蕃薯炸薯條唔算太特別，普通甜薯味道，入口反而唔太香脆，仲有啲淋。整體食物味道中等，但配上live band 係幾有 vibe ，同朋友去感受氣氛係唔錯～ 埋單個時，仲送咗支紅酒比我哋添…Read More