patpetpig的個人專頁

同隻狗行完大棠之後餓餓地想搵野食帶著隻狗選擇唔係好多上山之前留意到呢間野一於試下坐底之後見到個餐牌d野都唔係好貴價錢好正常我地黎嘅時候好肚餓 但係已經係4，5點過冇幾耐就要食晚飯 所以兩個人叫左碟正價飯加杯野飲杯野飲都幾大杯飲極都有咸魚雞粒炒飯都好足料 好多雞粒 咸魚份量岩岩好 好夠鑊氣 而且幾大碟呢個優惠都好抵玩 食夠一百蚊就送兩張有機生態園即日入場劵 下次要早d黎嘆個早餐就可以由朝玩到黑呢度環境唔錯 好空曠 唔會好熱 又可以免費泊車 …查看更多

今日lunch經過金拇指門口見冇乜人就入去食平時外賣叫得多 堂食真係第一次一入門口就見到餐牌牆 款式選擇都好多炒粉麵飯乜都有落單係快餐店形式門口收銀處落單 叫米線的話就等嗌number坐位係自己搵嘅今日嗌左個酸辣少辣牛丸腩肉米線跟湯配菜有酸菜 花生 芽菜湯底有麻醬味又有少少花生味 再配埋酸味都幾獨特 加上微辣好開胃腩肉係薄切 牛丸唔會好粉 個湯底好濃味 所以食每一樣野都係湯底味 食到尾可能食得太多酸菜 就覺得個湯底酸左少少…查看更多

舊式扒房開分店一於試下會唔會有唔同疫症關係閒日晚上人港不多先黎個餐湯味道淡左少少 水溝得太多了焗田螺 薯蓉焗得幾好 個邊幾好食 田螺都好肥美神戶口柳碟上 舊扒本身靚 所以幾好食西冷 有輕輕力‘拿’過 所以唔靭 都食到有一絲絲嘅肉 薯條放底燶左少少 不過鐵板上嘅都會係咁樣雖然好大塊 望落好抵食 但其實佢係最唔好食 ‘拿’到完全唔似肉 食落口果陣‘拿’過嘅味覆蓋左黑椒汁陣味 肉質係霉嘅 唔係好知食緊咩成餐飯都坐得幾舒服 位置幾闊落究竟舊式扒房係食老字號呢個名氣還是食淋汁落鐵板果下果陣煙？但一定唔會係為左食好食嘅扒而黎…查看更多

每次經過門口都見到排晒長龍今日特登早少少出黎 所以唔洗等位揀左個精挑細選套餐原味肉燥飯 娃娃菜 台灣腸 鹽酥雞 蜂密紅茶配搭好豐富要等10幾分鐘先上菜賣相唔錯先試雞 係暖嘅 唔多脆亦唔夠咸 好淡口 最夠味應該係d蒜台灣腸 冇出面凍肉舖果d咁好食 都係暖嘅 金銀蛋娃娃菜 味道適中 但係都係暖嘅肉燥飯 d肉燥都唔錯 味道適中 好好送飯依然都係暖嘅熱蜂蜜紅茶 成個餐最熱就係呢杯野 甜度適中呢度坐位 燈光同裝修都幾舒適 只係食物溫度有待改善下次如果唔洗等位嘅 應該會試多次 俾多次機會佢 …查看更多

而家冇得去台灣 唯有食台灣野回味下朋友推介食呢間 咁就一於試下今日閒日 黎到都唔洗等位一坐底侍應就同我地探熱同埋俾消毒液我地噴雙手我地3個人嗌左4樣野呢個古早味嘅鵝做緊特價78蚊 好抵食隻鵝肥瘦適中 底下仲有麵根同花生好入味柯仔煎 好多柯仔 煎到好薄 煙煙靭靭又甜甜地好正呀滷水拼盤我地揀左細嘅 自選三款腩肉三舊 好厚切 肥瘦適中豆腐三塊 同埋豬肚 滷到入晒味新竹炒米粉 好足料有蛋有蔥有菜大蝦米仲有肉 米粉好幼細 好夠火喉呢度服務態度好好 食物又好味而且又唔貴一定會再黎呀…查看更多

假日黎到大尾督 諗著食下野行下點知多人都爆炸去搵食都好多人 咁岩行到呢間舖門口個店員向我地招手 咁就入左黎喇首先黎個海南雞飯 d雞冇起骨亦都冇雞皮同雞肉之間果層啫喱 但係都幾滑個飯就係普遍油飯 個醬汁幾好味喇沙湯麵 味道都唔錯 俾左好多肥牛之餘仲有豆卜 魚片 蛋 餸菜相當豐富 湯底味道濃郁好香無骨豬手飯 豬手都好入味炆得好淋 而且都俾好多仲有半隻蛋 豬手多到食晒碟飯仲有 個汁好好送飯 環境方面我地坐戶外 都坐得好闊落 環境幾寫意 地方都幾乾淨 服務態度都唔錯…查看更多

黎到九龍城唔想食泰菜同越南菜 我就會黎食清真牛肉館一坐底就緊係要一人一個牛肉餅新鮮滾熱辣咁上枱 皮薄餡靚仲爆晒汁 食嘅時候要小心辣親咀雞絲涼皮 好鍾意麻醬撈麵食 配埋d青瓜完全可以中和返麻醬嘅膩口感覺 呢個菜式食落口覺得好青新奶油津白 d菜索晒個汁 黃金蝦 邪惡咸蛋黃系列 蝦都好大隻咬每一啖都充滿咸蛋黃 真係停不了口 清真炒飯 可以話係牛什粒加牛肉粒炒飯 再加埋少少辣 好開胃煎羊肉餃 羊肉唔會好羶 都幾多餡個人比較鍾意食湯餃多d呢間分店都坐得算舒服 唔會迫到人貼人咁坐 環境都算乾淨…查看更多

一到假日就會諗起端記因為起身起得遲又唔知食乜 咁就去飲茶每次黎都好鍾意坐招牌個位貪佢視野廣闊又開揚 而且可以睇下d人泊車食物方面 佢個蝦角真係冇得頂 個皮炸得好脆 而入面有好多隻蝦 咬極都係蝦加埋個沙律醬真係好正 佢個菜圃都好好食 好鍾意攞黎撈飯豬腸冇臭味 相當肥美 d醬汁入晒味 好正蒸飯都好新鮮亦都相當多選擇雞扎好足料呢度嘅野食係會慢慢出 每次一出就會個個走去搶 供不應求 而每次出嘅野都唔同 上次食到黃酒煮雞都好正 每啖都有酒香雞又唔會太肥 成碗野唔會飄層油係面 甜甜地客家茶果都好多種類 無論咸定甜都好食呢度杯茶真係特別好飲 而家假日黎都超多人搵個位都唔容易 …查看更多

周末想帶隻狗去大棠玩下玩之前想食d野 就去左天空之城我地想食港式茶記 咁岩見到門口呢間好大 門口又有位 就入左黎由於冇食lunch嘅關係我地叫左個咖哩牛腩飯 呢個飯會配一個中湯或者西湯 再加多杯野飲我地揀左中湯 今日係花生眉豆雞腳 好足料 好夠味個咖哩都好正 係港式咖哩牛腩同牛筋都炆得幾淋 有d仲係半筋半腩 薯仔都好淋 反而最硬係舊西蘭花黎多個西多士西多炸得剛好 上碟都冇多餘嘅油 個邊炸得好脆 中間夾左一層花生醬（因為之前食過冇花生醬嘅西多）總括黎講呢間餐廳食物同環境都幾好 主要係可以帶主子黎 方便去玩…查看更多

今晚朋友突然話好掛著蟹粉豆腐鍋嘅味道 於是去左沙嗲王蟹粉豆腐鍋 一如既往好味 蟹粉味滲透咸蛋王味 好邪惡 蟹肉就比平時多左薄餅好鬆軟 好大塊 配呢個鍋真係絕配呢個新出嘅組合都好抵食 4十幾蚊有埋野似滑蛋香茅豬扒飯 豬扒醃得好入味 每一啖都有香茅味仲有呢個黃金軟殼蟹好正 用咗好多鹹蛋黃去炸隻軟殼蟹食落口充滿鹹蛋黃同鹹蛋黃嘅油 食完真係罪惡感爆棚太多咸蛋黃嘅關係兩個人都食唔晒呢度嘅野環境方面呢度啲位都幾闊落 坐得都幾舒服 餐廳都算乾淨…查看更多

成日lunch都唔知食咩好就會求其食個兩餸飯其實已經食過好多次D餸大部分都每日一樣偶然會有新菜式今次揀左芥蘭炒臘味臘腸正常 芥蘭都唔苦 不過好多油蒸肉餅有d魷魚係面 豬肉都 好入味 好好送飯湯 好夠味 味道係典型茶記例湯入面都會有d湯渣俾你食下我個人認為佢嘅野都幾油次次食到底都會有層油有次食過火腩 豬味好濃 都係有層油係底生炒骨就太酸 所以真係唔知食咩懶得行嘅情況先會食不過38蚊有兩個餸有個湯係呢邊黎講都係抵食嘅 呢個價錢只限外賣自取…查看更多

奇華小廚我覺得佢係荔枝角黎講都幾高質味道方面拍得著酒樓質素上次係度堂食左個魚香茄子炆米咸咸香香超野味食左半碟已經超級飽 用料充足份量超多今次就試下燒味飯外賣自取37蚊呢個價錢非常吸引同堂食差十蚊真係食幾次就慳到個飯我食嘅係雙拼 蜜汁叉燒拼燒肉飯姜蓉要另外同師傅講先會有叉燒唔會太肥食而且都會食到甜甜嘅蜜味燒肉都夠晒味 外皮都好脆份量方面我認為37蚊有咁多肉係物超所值飯量就冇堂食咁多 但係對我黎講都夠食堂食的話餐廳環境都好大好舒適亦非常乾淨…查看更多

最近連旺角都冇乜人平時排長龍嘅店 而家都唔洗排隊直接入去就食得 所以終於有機會試爆丼屋一打開個餐牌真係每款都想食最終揀左食三文魚火山盛丼首先堆滿一堆吞拿魚蓉 再用三文魚粒圍邊加埋d魚子 超豐富 真係唔知點落手好個湯都好正 飲飲下先見到入面有蝦真係真材實料朋友要戒醣 唔食得飯只可以叫其他野食佢就叫左竹炭汁燒雞串鹽燒靖花魚玉子明太子燒見到個樣都覺得好正不過我食晒我個飯都已經勁滿足 試唔到其他野排晒長龍食真係有佢嘅理由用料新鮮 飯亦都係壽司飯好想快d再食呀…查看更多

今個周末選擇去石澳吹下海風一到步先去醫肚由於唔想食茶記 所以就入左黎食泰菜木瓜沙律酸酸甜甜非常開胃 材料有青木瓜 蝦米 甘筍絲 蕃茄仔同埋生菜 我覺得蝦米就硬左少少其他都幾唔錯蒜蓉炒雜菜真係乜都有 望落清清地食落都有味唔會太咸生菜包用料好足 有微辣 唔知點解每次食生菜包都會一路食一路滴水滴到成手都係 菠蘿海鮮炒飯 材料非常豐富有蝦肉鬆 魷魚 腰果仲有菠蘿同埋炒飯底 炒飯底入面仲有啲泰式嘅臘腸同埋提子乾 所以食落口甜甜地咸咸地好 好好 食腰果亦都好脆我哋三個人食咗四樣嘢飲咗兩杯野都係三百零蚊 同出面價錢差唔多 所以以石澳來講都幾抵食…查看更多

今日lunch經過見到呢間平時堆滿人等位嘅餐廳竟然有位 即刻入去坐底食今日星期五就食返個德國黑椒蜜糖豬手配意粉加南瓜餐湯個湯係南瓜蓉煲嘅 飲落去好似食緊南瓜咁但係都有陣陣嘅草青味 所以個湯麻麻地豬手方面都有幾舊大嘅 都焗得幾淋蜜糖都落得好夠唯一係邊位嘅肉有點乾同鞋會攝牙罅黑椒汁好濃味 好足料 食食下有d辣意粉軟硬適中 配菜就冇乜味坐位方面我地兩個人坐二人枱就迫左少少餐廳店面都幾乾淨總括黎講佢一般般 下次如果唔洗等位的話都會再食…查看更多