ltwching's Profile

同朋友去行山，帶佢食菠蘿油，難得是日係平日，唔洗排隊，有位坐。：）我叫左通粉餐，有個蕃茄通加餐包，餐包無得轉其他包，有d唔chur...但通粉尚算可以，台灣朋友問，點解香港人咁中意食通粉，唔了解，因為佢又唔算好好味，好平凡，但有時朝早食個有湯水又易消化既野，最重要係咁多年比茶仔洗左腦，食慣左通粉個味，呢d就係香港古早味🤗🤗🤗招牌菠蘿油，好邪惡呀，無咩勇氣真係食唔到。懷念以前何為卡路里既日子。奶茶中等，咖啡都中等。黎食真係為食包。：）其他唔好咁高要求啦。…Read More

帶外地朋友在香港遊玩，想不到很厲害的行程，只好帶他去我日常喜歡去的地方，淺水灣。淺水灣好奇怪，離市區好近，但風情、步調都離市區好大分別。因為我是常客，所以食物都是我點的，先叫了威尼斯沙律，加芝士頭盤。沙律醬汁非常開胃，菜款式配搭很好！後面是芝士冷盤，我個人至愛，羊奶芝士加olives! 咸香咸香。朋友也大讚！男生總是來點飽肚的。牛肉多汁，加pickles, 不錯我們去的時候剛好在門口對著海邊的搖搖椅有位，兩個人，看著海，吃對的食物，甚麼也都對了。…Read More

朋友推介這裡的yogurt, 於是相約一齊去食個靚早。星期五早上，未算多人，門口可以帶狗狗一齊坐，狗主有福了！ 麵多士烘的我叫左雞肉香草三文治，非常香的香草味，麵包處理得好好，功勞是外層是沾油去烘，香！脆！朋友食的牛油果sourdough, 佢都大讚一流，調味好好，上面的zataar係我食完mana後愛上既香料。Flat white. 算濃，但每個人心中都有杯咖啡店，取代唔到。食物同咖啡都出色，西營盤既咖啡館愈黎化有質素。🤤…Read More

買野上朋友家聚餐，朋友至愛海鮮同海膽，豪一豪去citysuper買。海鮮拼盤$298！好滿意！好鮮味！魷魚香，唔un, 蝦甜彈牙，龍蝦都好新鮮！唯獨最期待4支蟹腳無咩鮮甜，但質地都係新鮮的。海膽$108，好正！好香濃又無腥味！好滿足一餐！…Read More

是日生日，被同事帶到一直想試既b&l食burger, 已經吽左個lambo special好耐（羊肉），一望餐牌就二話不說叫左。漢堡包未到，飲品先到，飲品都好正！但份量可能少左d, 同事飲雲呢拿奶昔，係用雪糕打的，好滑好正。我杯peppermint tea都好醒神😍羊黎啦！係手撕羊，焦香又惹味，配洋蔥、、椒蕃茄等等，好match,個包好軟好香，每一啖都係享受！難怪熱棒！同事是素食者，叫左beetroot, 都好香好惹味。生日送的頭盤，d菜好新鮮！而且好多選擇，平衡下漢堡包既肉膩。送完一樣，好驚喜！再加送甜品！超萬惡，曲奇加流心朱古力再林full cream食得好開心！服務真係好好！食物都好滿意！…Read More

一直係中東菜fans! 平民價錢又口碑好既ebeneezer 係我首選，個羊肉卡巴食到我lamlam利。是日lunch去食卡巴，可惜lunch set無羊肉揀，揀左雞肉卡巴，$55連飲品，中環黎講算好合理。因為怕肥，叫左少醬，雖然都深明多醬會提升滋味十倍，忍一忍啦，因為真係唔知成份係乜。買個時大部份人同我一樣都叫雞肉卡巴，睇住一個人好純熟咁包包包，就因為我睇住既關係，佢一次過包幾條，有一條比d料特別少，菜既份量係人地一半，心諗個條唔好係我，我好需要食菜😭，最後個條營養不良既卡巴被寫上"LS",即係less sauce....人地條卡巴通常都爆到滿瀉，我個條包完一整圈塊皮仲可以重疊，其實個味係好的，係今次唔好彩店員太忙無拿掐好份量，都體諒既，下次會再買。雞肉惹味加中東醬好match,又有菜fresh一下，一個午餐都可以好滿足。😇…Read More

今晚黎灣仔睇show,同朋友偏愛平價餐廳，我又鍾情健康餐，黎糙米家係不二之選。平時食為求食菜，成日食沙律，難得有一間係熟食又唔多油既多菜正餐，決定左叫健康煮，暖一暖個胃。睇個名已經好吸引，全部係我喜愛既，南瓜湯底，菜加雞肉加糙米，營養十足。賣相當然無相咁好，但要有既真係都齊，食到雞肉好驚喜，因為真係好嫩滑，南瓜湯都鮮甜，加埋適量糙米，飽肚又滿足。…Read More

每朝一杯咖啡已經成為我習慣，無論返工放假都需要一杯。每日返工都會經過nodi, 對非連鎖咖啡店總想一試，今日終於買黎試下。叫左杯latte, 唔... 奶味比Starbucks 仲要重，同細杯左少少。但咖啡豆個味唔錯，不太酸，但我會中意the cupping room多一些。…Read More

第2次叫gym box , 好方便的健康餐係官網直接order夠 3個就會送外賣（只限附近啦），叫左兩雞一魚。一菜一澱粉質一蛋白質。$68 接近無油的健康餐，標示上只有3百幾大卡，真係好適合workout完補充能量。雞胸唔鞋口，都幾滑，加少少蕃茄醬調味，好食過白烚雞好多！菜份量太少，標準係2份蔬菜先算均衡飲食。但呢度份量只有大約一份，可以加十蚊double 份量，但加十蚊就不是太抵了。蕃薯泥，ok la。蕃薯唔太甜，同加左少少水？有d太爛感覺。整體黎講，太忙又想keep fit可以叫，但自己絕對煮到同無咩難度，希望多返d蔬菜份量同選擇啦。…Read More

睇完戲，一個人去zara入貨轉季。Salad lover 係唔會放週任何嘗試未食過既沙律機會。去左a1餐廳 parkview到食，揀佢因為比佢既燒牛肉沙律相吸引。一坐底光速點左燒牛肉沙律同龍蝦忌廉湯。對沙律好大期望，對龍蝦就抱一般態度，畢竟$42，想幾豪華😳沙律黎先！嘩！比張相更加吸引！材料真係如菜名一樣，美國燒牛肉生菜同蕃茄伴黑醋，多一樣野都無，生菜是新鮮爽脆的，黑醋係杰身甜醋，唔會太酸，個味夾！再食牛肉！不得了！好juicy!好香油脂同牛味！的確好好食，份量既話share可能不太夠，一人食就好滿足，唯一美中不足係材料唔夠多元化，如果加d洋蔥、芝士或南瓜就完美了。龍蝦湯！$42算係咁，都幾大碗，得體的，有小蝦肉，但味道有d腥，我是可以接受的，太愛食海鮮。繼續我食勻全港沙律故事。…Read More

一向鍾情中東食物，hummus呀，茄子泥呀，卡巴卷都好愛。係尖東遊走見呢間野派傳單，捨棄安全的翠華而冒險一試。。我揀野食其中一點，平時多唔多機會食，好愛羊，自己屋企又少煮，所以卡巴卷都揀左羊肉。食物一到好失望，d料仲少過subway! 羊肉麻麻唔juicy....得d生菜同蕃茄，口感唔豐富。仲要係勁貴！$88加一 成92蚊食個咁差巴卡巴卷。…Read More

星期日的早餐，係眾大連鎖快餐中選擇，其實未試過吉野家的。睇餐牌，都唔錯幾多選擇。叫左set b : 煎雞滑蛋野菜配腸仔米。$30 都幾豐富，其實成餐都港式，不過加左少少海帶同木魚加添日式風味。煎雞個味都相當好，燒汁真係肉既好拍擋。滑蛋都幾好，無過多油/牛油，都幾滑。腸仔唔洗講，廚師牌。有野菜，加分！快餐中好難搵架！…Read More

娘親最愛吃壽司，今年中秋第一次無仆返屋企食飯，同老媽子出街食無咁辛苦。由於唔係會員，當然要拎飛等位，等左大半個鐘左右，入席。三文魚刺身，我媽至愛，元氣質素確實好！吃得出的新鮮！到我至愛，北寄貝刺身，其他都可以，是新鮮的：）三文魚壽司，顏色好靚，光澤！無太多肥紋！加上元氣既wasabi都ok, 滿意！自從下午茶食過三文魚湯後都中意左，麵豉味唔會死咸，鮮味十足！蟹籽沙律應該係全餐最唔滿意既一款，太碎，個醬又稀，但蟹籽是新鮮的。全晚高潮黎唔！蒲燒鰻魚芝士卷！塊鰻魚厚切肥美！加芝士好夾，有青瓜同飯中和鰻魚芝士既濃味！推介！食飽就夠鐘賞月啦！…Read More

十日有九日都係食穀麥做早餐，今日想食咸野。知道昭隆有蕃茄湯通粉，試一試。30蚊連野飲，中價啦。打開見到有真蕃茄有驚喜，湯唔係好濃，咁先好，有時餐廳落太多茄膏，昭隆做得幾清甜，有洋蔥，再試一試牛肉，嘩！咁林既？鬆肉粉？林到同講炒質地一樣，呢樣爭少少。久違的熱鴦，叫左少奶依然係奶味重，但味道可以。唔怕肥既朋友可以試蕃茄豬扒，好似比較好味。…Read More

見到網上有人SHARE BAGEL 相，雙眼已發光，加埋開朝早7:30，天助我也。晨早7:35 到達R＆R，太早關係無須排隊，正！先講環境，裝修幾有格調。 再睇MENU，嗯，係幾貴，都無計啦，鬼叫自己中意食，HAPPY FRIDAY MA！朝早有3個包係BREAKFAST ONLY，但我一心想食SMOKED SALMON，都無揀BREAKFAST SPECIAL 了。BAGEL有幾款選擇，PLAIN啦，POPPY啦，SEASEME 啦，CINNAMON啦，全麥啦，我揀左POLLY, 即係罌粟籽，我同事要左PLAIN。外賣衝返公司食，一開不得了！食指大動首先要揭開影相，丫唔係，係揭開擠檸檬，LEMON＋SMOKED SALMON＋CREAM CHEESE，人生咪就係咁之MA 。一食，果然BAGEL好煙UN加生洋蔥好FRESH，再食，CREAM CHEESE濃香，三食SMOKED SALMON加酸豆，我人生完滿了。講完廢話，BAGEL包質地煙UN，加罌粟籽口感豐富，CREAM CHEESE落手重，好濃好滑，SMOKED SALMON加左檸檬好夾咸香咸香，另有蕃茄、刁草加酸豆，整個非常配合，WHAT A HAPPY FRIDAY。…Read More