adrainwong522's Profile

同屋企人慶生一定係食粵菜，今次就揀咗坐落於天后嘅位於如心酒店底層嘅阿翁小館～試一試佢嘅大閘蟹宴。🚩生拆大閘蟹粉翅 蟹粉翅的質感綿密，翅配上蟹肉的鮮甜與濃郁嘅蟹黃，加埋醋個層次感就更加豐富喇！🚩28頭特選吉品鮑，清灼本地生葉膽 鮑魚好入味！肉質都好飽滿，鮮嫩彈牙，味道鮮甜。配埋口感清爽嘅本地生菜膽，望番d相都好想再食！🚩原隻江蘇大閘蟹（6兩） 終於到咗最期待嘅果道菜喇！6兩果然夠曬大隻，肉質鮮美蟹膏又多又濃郁。仲要配埋薑茶，即刻安撫到怕寒嘅老人家🫢🫢🚩薑蔥生煎鹽香雞 一上菜已經聞到好香！食落發現外皮金黃酥脆，但入面又保持到肉質的嫩滑。平時唔係特別鍾意食雞嘅我都食到停唔到口。🚩蟹粉蟹肉炒飯 十分足料，基本上啖啖都會食到蟹肉，配埋個炒飯底，簡直冇得彈。🚩原盅燉冰花官燕 官燕嘅份量超多，口感幼滑，唔會太甜。作為滋陰嘅甜品黎講十分出色。整體而言環境同服務質素都好滿意。侍應服務態度好好，個個都有笑容，好主動幫手加茶同埋會老人家傾下計，用餐過程十分愉快～…Read More

最鍾意試新野嘅我今日揀左間中高檔嘅居酒屋試下，金酒屋環境舒服,靜靜地傾下計都唔錯選擇,坐得都幾舒服,而餐廳擺放了日式物品配合日本風格睇左餐牌好多都想試，我地都叫左2款人氣銀丼及串燒雞皮蝦再叫幾款想試既食物首先銀丼見到個樣打卡必要，好多魚子鋪滿晒成個飯,睇到都流晒口水！ 撈埋啲蛋液同牛十分好味 幾款串燒雞皮蝦,月見雞肉棒等等,唔會食到成個口肥淋淋, 一點d都無油膩感!其實仲有雞翼,蘆筍都想試吓不過太飽無叫到最後下次要搵多啲朋友過去食,試多啲唔同嘅嘢食，職員服務質素很好,又係新裝修而且價錢合理,值得推介的日式餐廳…Read More

Amuse呢間野個名改得無錯真係令我好amused,咁嘅餐廳都可以有咁多好評。服務差都算，喺深水埗i have no expectation,但咁嘅食物質素都有人話必試，又文青餐廳又剩，真係r哂頭。叫左客意粉，個texture比自己煮得唔夠熟更衰，勁硬身，但又唔係彈口，感覺煮完唔夠熟放入微波爐叮返熱咁，完全無口感可言。$118一碟意粉再加一，無expect過可以咁差。唔講食物，兩位侍應係呀妹黎，希望公司係有提供足夠training比佢地，侍應工作做得非常不專業，無下次。…Read More

呢間日式小店位於西環嘅大街，呢度成條街都好多餐廳，要搵好嘢食一啲都唔難。今次入嚟呢間雖然唔係好起眼，但係食物質素著對會令你嘩然！三文魚他他沙律：每件三文魚都好厚身，半熟三文魚食落口感更佳！            日本南瓜天婦羅，入口仍然好熱，南瓜好甜，食落亦唔覺好油膩酒煮蜆，一碗蜆都唔少，而且蜆肉算大粒，吸晒湯嘅味道，好濃嘅清酒味～好足料黑豚胡麻沙律，平時嘅沙律都係得菜，不過呢度加埋豚肉，感覺更似一個飽肚菜式，加上麻醬更開胃～…Read More

有一種出血會流血不至，例如食左貴野，但又食唔返轉頭，咁下年點收科呢？聖誕節同友人去食好西，好就好在節日黎講邊到都一樣貴，既然係咁一定好東西食啦？！係中環返工，其實一直都知食間野嘅存在，只可惜銀彈有限，只捨得係大時大節花，所以同友人一齊豪一次！三款套餐，分為天、瀧、極！食咩黎講，基本上唔由到我地揀，因為Omakase係無得揀，不過依間又可以放心，因為水準好高好欣賞刺身！聞說過高級嘅日本餐廳，會將刺身係前之前幾個鍾，輕微回溫魚肉因為輕輕發酵而變得甘甜....有錯勿怪，平時睇電視多過食但今次真係食到個種果甜味！明明都係池魚、拖羅同鰤魚，但就好味到不得了，超出魚肉嘅甜味，唔點豉油會有陣果香甜味！OVERALL成餐水準當然高，友人亦滿意！環境係方便的，侍應都有禮貌，完。…Read More

今日同朋友去試下新野！去左銅鑼灣磯幸~去到就覺得餐廳門面裝修典雅，室內與門面風格一致，使用內斂沈穩的黑色優雅裝潢，有吧台和卡位選擇，座位舒適，還體貼地設有衣架供客人使用。 餐牌有不少海鮮刺身，仲有款磯燒海鮮、串燒等,好多選擇! 活赤貝，勁鮮甜爽口，中呑拿魚腩勁肥美好食有order到生蠔, 生蠔都好新鮮入口鮮甜又有海水味一流!!燒左份北海道活帆立貝！好厚肉架，同個裙邊都好爽仲有份蟹肉甲羅燒，勁多膏同蟹肉絲，仲可以用紫菜包住食！千兩茄子都幾特別，有d木魚碎係上面不錯整體都吾錯，食材新鮮，下次會再去…Read More

開心星期五放左工同朋友去食餐好既! 去左尖沙咀比較隱世既餐廳。香檳生蠔拼盤 – 好抵食既一個套餐, 有18隻蠔加一枝香檳，另外仲加左兩隻被名為生蠔界既勞斯萊斯Gillardeau No.0。之後再點左個海鮮拼盤(冷)，份量驚人!兩個人真係食唔哂! 跟住點左幾款熱食, 白酒煮紐西蘭青口、芝士牛油焗日本元貝同香草焗比目魚，每款海鮮都好食，最鐘意係比目魚，因為佢有特製既醬，好佢本身既魚油好夾。總括而言, 個環境好舒服，好適合兩三個朋友去食飯傾計。…Read More

我個好朋友生左小朋友，今日去柴灣探佢地一家，好日都吾會走入柴灣，今日就破例入左去，一早去到傾下計，不經不覺就到晚飯時間，佢suggest 我地去食富臨，叫餸食飯都okay我地叫左份琵琶豆腐，木桶雞，炒通菜，薯仔牛柳粒琵琶豆腐total 都有10舊到，大份夠食，個豆腐都幾實，幾有味，個汁係面幾惹味，熱辣辣好食啊木桶雞，富臨d雞不嬲都幾好食，d雞好有雞味，吾會話好肥，又夠大隻,so nice炒通菜，不過不失啊，幾好，煮到岩岩好薯仔牛柳係我至愛，呢個matching冇得頂，薯仔夠淋身，牛柳都係，個味就都夠甜嘅今餐整體都好滿意…Read More

呢排天氣凍，好想食辣野暖下身，上網睇下荃灣附近邊到有好野食，就搵到呢間肥姐麻辣館試下揸車同朋友到荃灣食好野，叫左一個蒜泥白肉，再叫多一個土匪雞同酸菜魚就開餐平時唔食得太辣，聽老闆娘話叫個BB辣試下先，其實唔太頂得順，不過就真係辣得好過引，所以都清晒枱如果平時唔太食辣又想試下可以叫老闆娘幫你同師傅講聲，叫師傅手下留情就岩岩好成餐飯最後悔就係揸左車，食辣野點可以唔飲酒呢，見到旁邊個班客有打邊爐打，下次黎可以再試下…Read More

上個星期同女朋友去試間越南菜 位置好方便 油麻地地鐵站出行幾步就到上到去環境唔錯 仲安排左轉角較入位置 有電視仲有波睇 女朋友見到即刻話要調位 坐位好舒適 大班朋友吹水都唔錯餸菜款色都幾多 選擇困難嘅我地就叫左個生蝦 龍蝦孖寶套餐 揀左避風塘野生辣龍蝦配星期一嘅香茅泰式明爐烏頭生蝦 夠新鮮 肉質彈牙 醬汁比較辣 怕辣嘅話記住唔好咁重龍蝦炒得夠火候 好惹味 要黎送飯就啱曬 本來唔期待龍蝦質素 諗住味道惹味就好 點知驚喜地肉味都幾有個蒸魚都幾大條 對兩個人黎講有啲多 有個火慶住條魚 令外仲有個湯跟 可以淋落條魚 或者就咁飲 重香茅味 味道好特別 平時都未試過咁樣飲品方面叫左椰青同龍眼水 椰青水好清甜 好好味 仲有好多椰肉食 龍眼水就正常最後食左個甜品 芒果紫米飯 芒果酸左少少 兩個人份量 比想像中靚好多 唔洗轉場又搵甜品舖整體都唔錯 唯獨上菜比較慢 平日夜晚都幾乎坐滿 要記住book 枱 唔洗去九龍城都有越泰野食 抵啦!…Read More

韓燒試過咁多間，都係鍾情於喜來稀肉！今日竟然聽到同事話原來附近開左，開心到即興約埋放工去食～店入面環境幾好，雖然好多客人，但都唔會好大油煙鐘意韓燒其中一個原因係我好鐘意食爐邊蛋，一邊放泡菜，一邊放芝士。食下肉，又食下蛋，好有風味～護心肉係每次都必食既，基本上每枱都會點。肉質鮮嫩、有口感，份量又夠多！都唔洗點介紹喇～總之一定要食啦！平時食開牛五花，今次試下真雪花牛肉先！menu上有手指公，應該都好食既～脂分佈平均，好有牛味，亦都唔會太油膩，好好食話說睇韓劇，見到佢地成日食泡菜湯之類既野，搞到我都好想食～所以就點左個海鮮牛胸肉大醬湯估唔到都幾足料，勁多海鮮，但比較重口味，哈哈兩個人食，飽晒！…Read More

今晚約咗朋友食晚飯，一向對上海菜情有獨鐘，“上海婆婆”見就見得多啦，試就真係第一次，入到去環境都幾好，d裝修有復古味，d侍應服務都唔錯，上菜速度都幾快。第一道上ge系醉乳鴿，平時醉雞就食得多，今次試下乳鴿，黃酒味非常濃，只乳鴿ge size都幾大，我覺得3個人食都夠，幾有特色。之後叫了黃金炒飯，個飯炒得粒粒分明，夠曬干身，最中意距落咗d鹹蛋黃黎炒，成個飯非常甘香，仲有d蝦仁做配料。宮保雞丁，一道我個人十分中意ge上海菜，距呢度整得夠曬辣，d花生又炒得夠香口，仲要道菜d雞肉都幾多下。特別推薦距個蟹粉小籠包。食得上海菜，小籠包系常識啦。一籠4只小籠包，聞落有淡淡ge蟹黃味，包入面ge湯汁非常多，個皮好薄，正。最後甜品叫了酒釀小丸子，非常香ge花味，小丸子夠曬彈牙。為全餐飯做個完美ending。推薦大家可以試下上海婆婆336。…Read More

依排已經路過左幾次，但係都係見到出面都有人排隊，所以都覺得唔想排隊，今日咁岩見到冇乜人排隊，於是馬上就趁依個機會黎試下依間潮州野。一行兩人，食唔到太多野，我地叫左兩味餸，一個係白灼鵝腸，另外一個就係叉燒撈麵。白灼鵝腸唔算獨有，坊間都有唔少食店有提供，最緊要都係新鮮鵝腸，灼得剛剛好，然後點一下醬汁就係最正風味。依間嘅鵝腸，係我食過嘅，可以排係top 3 ，鵝腸有熱氣冒起，超級爽脆，並唔會太肥，口感同味道都正。另外一個嘅撈麵就係無心之選，叉燒睇到個色澤同肥瘦比例係靚叉燒，食落香軟。而冇估到嘅係撈麵鋪左大量嘅白芝麻，令到個麵香左好多。麵身爽，撈得均勻，是意外之喜。可惜兩個人嘅飯量有限，本來有意欲食多啲其他野，但最後都係冇肚食。今次食落個質素頗有驚喜，下次可能會再黎 : )。…Read More

一進來，馬上被店內的陳設，畫作和裝潢而掩沒。店內的燈光不是很猛，地板和牆都呈現一種灰的色調，而擺設，例如動物的頭像，都是以一種極斑爛的彩色，而畫作則是灰冷和彩色交織，特別具有一種文藝與科幻交織的意境，其中一幅風景畫，卻是有著太空船和機械人。總之，風格十分之特別，但坐的地方又不具有這種鋒冷的觸感，而是很舒服的梳化，怪中見舒服，可能就是我對這個店內的第一印象。我們兩個人坐下，各自點了一份主食，再加一份甜品來share ，就是我們今晚的晚餐。我點的是蟹肉長通粉，他點了一份芝士千層麵，最後點的是一份tiramisu。可能是千層麵需要焗的關係，所以我的蟹肉長通粉先到，我也不客氣地先吃了。一吃一口，真的好吃！外表上是很難看得出來的，但吃的時候就能感受到那每口q 軟通粉都是滿滿的蟹肉的鮮味。而且甚至比直接吃蟹肉更鮮，也不知道餐廳是怎樣做出來的。很是不錯的一份主食。他的那份也不錯，一看已覺得那芝士極厚，拉絲效果做到有餘。我偷了一口來食，滿口都是芝香和美味牛肉，很有滿足感，不過看起來也很易飽。最後的tiramisu 濃滑帶酒香，輕輕一呷便融化在舌底。我總覺得，一份美好的甜品就是一個晚餐最為美好的終曲…Read More

彌敦左岸，名字頗為別緻，相信走過的人都會忍不住多看一眼，但也只是多看一眼而已。要進去一嘗，還是要靠朋友介紹。恰好這個星期五，便是我約了一個大學時的好友，他建議來這裡一食，我也樂得跟隨。室內燈光昏暗，氣氛還算不錯，未算過於嘈雜，仍有幾分寫意。隨意點了一個燒豬手，朋友則點了一個蟹黃意大利粉。這菜式看上去頗為特別，在外很少見，我們都有一點期待。大概是燒豬手需要久一點，我們聊了一陣子，到底是意粉先來。我們很熟了，所以也不見外地捲了一口來吃，味道甚是鮮甜，蟹肉沒有偷工減料，確是足料，蟹黃的鮮味也幾好食，配搭比想像中好。只是由於比較吃慣稠稠的意粉汁，所以在質感上不是特別慣.燒豬手說是德國名菜，現在幾乎很多餐廳都有提供了，甚至在一些大排檔也可以見到，所以也吃過不少。大致上都不會出甚麼差錯，不出我所料，這裡的燒豬手水準不錯，上桌時熱辣辣，皮很脆，而且脆中帶點啤酒香，顯然是正宗的做法。調味不會過咸，是一道我頗為滿意的燒豬手。只是份量有點大，最後吃不完，有點浪費。…Read More