hksecondson's Profile

聽同事推介話有間Wooo Cafe嘅餐廳幾唔錯，我第一次去試咗佢哋嘅白酒蒜香虎蝦蟹肉意粉同埋一杯冰搖陳皮檸檬茶啡。講吓嗰碟白酒蒜香虎蝦蟹肉意粉，意粉煮得真心掂，夠晒Al dente，咬落去有陣陣彈牙嘅口感，火候拿捏得好好，睇得出廚師有落心機。不過，呢碟意粉有個大問題——菜單寫明有蟹肉，但上枱嗰陣竟然完全搵唔到蟹肉嘅蹤影！呢個失誤真係好扣分！意粉要$128，價錢唔平，無蟹肉仲咁貴，性價比真係令人搖頭。希望餐廳之後會檢查清楚食材，唔好再令食客失望。冰搖陳皮檸檬茶啡，入口真係幾特別，咖啡味略為失色，如果咖啡味可以再濃啲，應該會更加出色。…Read More

前日喺旺角收工，肚餓想食碗麵返去，諗起好耐冇食拉麵，於是去女人街打轉搵食。見到一間店冇咩人，決定入去試試，叫咗佢主打嘅原味濃拉麵。湯頭唔錯，入口有陣香味，但沒想像中濃郁同杰身，飲落略為清咗啲。麵底份量男人食可能唔夠飽，麵身用細麵，煮得Q彈有口感，我覺得幾好食。叉燒係薄身嗰款，兩片而已，唔會咬到痴牙肉，味道不過不失。附咗一粒味玉同啲荀，正常味道，冇特別驚喜。整體食物算OK，唔算出色但中規中矩。環境乾淨企理，坐得舒服，服務都OK。價錢偏貴咗啲，一碗拉麵喺香港咁嘅地段同質素，感覺略為唔抵。…Read More

呢間粉麵店我之前自己食咗幾次，真係唔錯，每次去都覺得質素穩定。今次又叫咗碗魚蛋河，佢哋主打日日新鮮製造。魚蛋食落比較軟身，口感偏軟，唔似嗰啲彈牙款，但味道好鮮甜，令人一試難忘。魚片切得厚身，唔係薄切所以咬落去有口感彈牙。河粉用咗幼身嗰款，滑溜又唔會太腍，配上湯底真係幾好味，湯清而帶點鮮甜，飲得出用心。最正係佢哋自家制辣油，加咗啲落去即刻令成碗河粉更加惹味，微辣中帶香，完全提升晒食嘅層次，又唔會蓋過魚蛋同魚片嘅鮮味。食咗咁多次，呢碗魚蛋河依然係我嘅心頭好。…Read More

今日特登去荃灣搵食，試咗間街坊狂推嘅牛肉麵！一上枱已經聞到陣陣藥材湯香，飲啖湯先——哇，真係有驚喜！湯頭濃得嚟唔油膩，飲到尾都唔會口渴，仲有淡淡當歸同紅棗味，暖胃又舒服。牛肉絕對係亮點，每舊都厚切過癮，燜到連筋膜都軟綿綿，入口即化，滷汁完全滲入肉紋，鹹香中帶少少甜，食到lam lam脷！可惜麵條有啲失手，煮得過淋冇咗口感，如果師傅撈麵時快手啲，留返少少咬口就perfect池。不過份量真係冇得彈，八十蚊有幾舊牛肉加堆到滿嘅麵，仲要係即叫即煮，熱辣辣上枱。加埋一匙自家製酸菜，爽脆微酸中和油膩，即刻醒神晒！坐低望下環境，雖然舖頭細細但乾淨企理，阿姐仲好nice添。呢個價錢喺連鎖店肯定食唔到咁足料嘅味道，湯底似足屋企老火湯，冇味精感。食完成個人都暖笠笠，經過荃灣絕對值得回頭，尤其凍冰冰嗰陣，嚟一碗真係由身暖到心啊！…Read More

琴晚我入咗深記仔想食個小菜，點咗個薑蔥魚腩試一試。魚腩煎到金黃香脆，裡面啲肉又滑又嫩，薑蔥嘅香味撲鼻而來，真係令人流晒口水。夾咗一舊魚肉入口，好滑嫩入味，而且薑嘅微辣同蔥嘅清香完美結合，食到停唔到口。呢道菜唔單止滿足咗我個胃，仲為呢個平凡嘅夜晚帶嚟咗一份溫暖同滿足，真係好正！食咁多肉梗係唔得啦，仲叫多左個腐乳通菜，平衡返！…Read More

琴晚喺度食團年飯，整體食物冇咩特別，算係正常水平。不過衛生情況真係令人失望，碗筷完全冇洗乾淨，摸上去油淋淋，連我咁求其嘅人都覺得好污糟。雖然食物味道尚可，但衛生問題真係扣分，希望餐廳可以改善，畢竟食得安心先係最重要。…Read More

收工後好鬼攰, 但又唔覺得太肚餓返到屋企又冇心機煮d野食, 求其係附近搭車地方食個面算之前都有食銘記, 諗住普通牛面鋪頭點知有d驚喜, 同以往食既好唔同今次就試試佢既牛丸先, 早排連某位網上KOL都黎介紹佢坐底要個牛丸米, 加個生菜, 搭杯凍檸茶個湯底夠鮮甜, 唔會太咸, 而且有鮮味牛丸有驚喜, 好鬼彈牙, 仲有牛肉味, 同平時買凍肉鋪既牛丸好唔同食食下, 對面坐左個阿姐, 望我碗野又叫埋一樣我就食米粉既, 尼間比較特別, 面唔會好長, 好容易夾到一小拙放入口再加口牛湯, 簡直冇得頂, 次次來都一定食佢米粉佢既油菜都好好味, 應該係加左D豬油, 好鬼香, 食落好鬼好味食完一菜一丸一米一檸茶, 8成飽, 夜晚食尼個成數夠晒, 太飽好難消化…Read More

努力工作一日後, 需要D飯氣收工搭車附近見開左兩間燒鵝既餐廳, 一個叫哥, 另一個叫記唔知有咩分別, 不過感覺叫襯記既多數都會貴D今次試一試哥先, 睇睇餐牌, 見到60蚊就有個碟頭燒鵝飯, +$4仲有凍飲同心目中差唔多價錢, 入去試一試睇睇環境唔錯, 始終新開, D燈光仲好光, 可能要睇真D隻燒鵝!?叫左尼到既主打, 陳皮燒鵝飯, 再加多杯凍檸茶唔錯唔錯, 賣相一流, 加埋燈光, 睇見都口水流配埋少許辣菜圃再搭條菜芯, 成碟野色香俱全先試試鵝肉先, 食落口有驚喜, 脆皮再加少少鵝油脂, 肉質非常嫩滑而味道非常入味, 加點小小梅子醬酸甜感再吊起燒鵝既肉味, 非常之好食點完梅子醬, 再夾一小拙菜圃搭燒鵝咸香辣既味道再夾燒鵝, 有驚喜, 仲爬多幾口飯整體份量我覺得岩岩好, 飲埋杯野都有8成飽夜晚就岩晒, 唔駛食得太飽肚!…Read More

睇完個早場後, 又想起近排睇戲見到既排骨飯見到佢食得津津有味既樣, 真係好鬼想再食香港冇邊間排酥炸排骨好食, 食開幾間都係又硬又死咸唯獨是老厝邊比較岩心水, 唔會過硬同過咸裝修環境都舒服, 簡約而且落單方便今次食既係便當, 有飯有醃制瓜, 黃芽同埋西蘭花有肉有菜好健康既便當再點左杯熟成鮮奶茶味道唔似平時飲開既台式奶茶點左少糖, 味道岩岩好唔會太死甜服務都正常, 收八達通, 而家俾錢好方便不過如果坐四人台, 兩人去好大機會要搭台另外都推薦食佢既香蔥油嫩雞伴面有時唔想食飯, 又唔想食熱辣辣既湯面伴面係一個好選擇!…Read More

老友好鍾意食豬油渣麵, 而且尼間既辣椒油特別惹味英記比較特別, 佢夜晚七點先開鋪, 等埋老友收工黎到差唔多8點可能而家北上越來越多人, 周末都沒咩人, 唔駛等位就入到去豬油渣有大有小, 未食野當然點碗大, 再點個菜小食雞翼同腸就唔駛啦, 主力都係食豬油渣麵豬油渣當然保持水準, 鍾意肥瘦渣多少, 可以特別落單講另外辣椒油好似沒以為咁辣!? 味覺錯左?!如果想乾淨D建議坐入面, 食食下旁邊鋪突然倒洗地水食慾頓時減少, 而且街邊都有車, 廢氣都多咁當然尼D係街頭風味黎既, 頂得順就沒問題, 又可以食返口煙唔岩心水坐入面涼冷氣會舒服D, 因為夏天會食到大汗疊細汗…Read More

係附近食完個午餐諗住返屋企, 不過口渴想入D野成日返倉都會經過見到, 今次終於有機會試下!叫左杯凍Hazelnut latte, 入埋門口位置慢慢品嚐可能下午關係, 店舖人流唔多, 但得每台有個客感覺唔太迫, 好舒服, 同出面人來人往既街景好強對比可以有個地方慢慢咁嘆下啡, 唔錯唔錯見到仲有d輕食既食物, 下次可以再試下! …Read More

發現中心新開左間日式店鋪, 見到價位大約$50-$80內, 可能新開沒耐, 同埋咁岩放假, 沒咩學生同人流, 人流真係好少選左南蠻吉烈豬扒丼$58, 可惜整體都唔掂豬扒炸得太耐好硬, 而且太薄身冇晒口感又乾, 好似食緊餅咁個飯又煮得唔好, 水份不足好硬身又乾, 沙律醬又一大勺掉落去菜到, 搞唔掂, 尼餐食得好唔開心應該唔會再食尼間怪唔之得尼個鋪位成日轉, 次次都做唔長D食物水準都做唔到應該既要求…Read More

好多年前香港仲未咁多拉麵鋪先, 橫綱絕對係當時既名店之一一來價錢比較便宜, 二來亦足料飽肚, 估唔到可以做到今時今日有時候經過都見唔少人有排隊, 當然冇以前咁誇張星期六見旺角人頭湧湧咁多開關落來既人士, 決定走向尖咀方向搵食見到鋪頭冇咩人, 好耐都冇食佢, 決定入去食返碗當然價錢係升左D, 合理, 上到台見到碗面熱辣辣, 叉燒半肥厚, 唔會過老痴牙湯底亦唔係味精湯, 飲落係順滑濃郁既豬骨味, 唔錯不過美中不足當然就係冇冰水, 仲係一杯熱茶而且食到半想加辣, 見到湯面係港式既辣椒油, 試左加一匙落去, 係唔夾既!…Read More

星期六下午去新蒲崗搵野食,  坐小巴出旺角都有見刊尼間, 但長期都好多人3點下午茶時間去到沒咩人, 入去女店員好主動招呼到位置上環境好舒服, 撞正沒咩人, 太陽曬左少少入來, 靜靜地咁坐係4人台選好左出去落單, 叫左3樣, 甜品女店員都主動話後上食埋當然滿意, 食評可以睇返各3張相服務都好滿意, 店員有主動收拾食好既餐具, 同有笑容:)好開心飽嚐美食既下午會下次再來!…Read More

閒日放假落SSP一轉, 平時去南昌街都有見到尼間由於時間都5點幾, 下午茶又過左晚飯又未到, 人都見唔到唔太多入鋪試一試店員見到我係門口都主動等待我入內, 而且過程中亦有替換餐具, 上菜亦有禮感覺好好, 服務都欣賞!平時努力工作, 都想食餐好獎勵自己叫左焗法國藍龍蝦配芝士扁意粉, 果然沒失望, 對得住價錢最後再加上鐵觀音伊予柑慕思, 尼客甜品真係喜出望外由食到食完, 成個人係好享受好開心會下次再來試試其他食物!…Read More