totsang's Profile

綠茶餐廳終於嚟到香港啦！今日新開張，門口已經排晒長龍，大家都好期待。餐廳以蘇式園林做主題，坐低都覺得好舒服。新開張仲有八折優惠，門口有古箏表演，氣氛一流。我叫咗黑松露牛肉炒飯，炒飯粒粒分明，牛肉夠嫩，黑松露味道好突出，食落去好香。筆墨酥香好有創意，毛筆造型好得意，用朱古力醬做墨水，酥皮入面包住豆蓉，甜度啱啱好，唔會膩。麵餅醬香五花肉都好正，五花肉炸到外脆內嫩，用片皮鴨嘅做法，夾埋麵餅一齊食，口感豐富。茶香奶凍好滑，茶味清香，加上脆皮焦糖，食落清新。宋雙魚羹味道鮮甜，魚肉滑溜，值得推介。聽講menu係米芝蓮星級名廚設計，難怪每道菜都咁有水準。整體嚟講，綠茶餐廳真係值得一試，環境好，食物有驚喜，下次一定會再嚟！…Read More

呢間韓式cafe環境真係幾舒服，地方寬敞，裝修簡約又有主題色橙色，感覺好有活力，打卡一流。今次叫咗半半炸雞，分別係蜂蜜味同粟米味。蜂蜜味炸雞外皮香脆，甜甜地又唔會膩，雞肉嫩滑，真係一食停唔到口。粟米味就好特別，帶住淡淡粟米香，配埋炸雞一齊食，幾有驚喜。芝士辣味排骨鍋排骨鍋一上枱已經聞到香辣味，排骨夠入味，辣度啱啱好，唔會太嗆。芝士溶晒包住排骨，拉絲效果一流，芝士控一定要試。飯團搓成波波，加埋芝士一齊食，鹹香又有層次，食完好滿足。玫瑰醬八爪魚豬五花意粉 意粉掛滿韓式醬汁，味道特別，八爪魚同豬五花肉都幾彈牙，唔會太油膩，幾有新意。甜品賣相好吸引，窩夫外脆內軟，帶住淡淡牛油香，配上新鮮蜜瓜粒，清甜多汁。甜而不膩，真係有初戀嘅感覺！呢間cafe無論環境定食物都好有水準，服務又有禮，下次一定會再嚟試下其他菜式。…Read More

之前我去過荃灣嗰間，今次就嚟試下沙田分店嘅午市套餐。餐廳環境幾舒服，裝修有法式小酒館嘅感覺，坐得都幾自在。午市套餐可以加錢揀頭盤同甜品，我哋就試咗法式香草蛋沙律同法國生牛肉他他。蛋沙律用咗新鮮香草，蛋味香濃，配埋少少沙律菜，清新開胃。生牛肉他他切得幼細，調味適中，唔會太鹹，食落口感滑溜，配埋脆多士一齊食，好有層次。主菜方面，我揀咗三文魚蕎麥薄餅，入面有三文魚肉、意大利青瓜、忌廉芝士醬同火箭菜。薄餅外皮煎得香脆，三文魚新鮮，配搭青瓜同芝士醬，味道好夾，唔會膩。朋友嗌咗香橙油封鴨腿，鴨腿外皮脆卜卜，肉質嫩滑，帶有淡淡香橙味，配埋西蘭花苗同燒薯粒，感覺豐富又有飽足感。甜品方面，我哋揀咗榛子朱古力醬煎香蕉可麗餅。可麗餅薄身煙韌，朱古力醬香濃，香蕉沾上脆皮焦糖，甜度啱啱好，作為飯後甜品一流。總括嚟講，呢間小酒館嘅法式菜式水準穩定，價錢合理，午市套餐選擇多，份量足夠。無論同朋友聚餐定想試下傳統法國菜，都值得一試。…Read More

呢間素食餐廳係朋友推介，開喺花店入面，環境好舒服，坐低已經聞到花香，氣氛好chill。今次我哋揀咗特上套餐，包括前菜、主菜、甜品同飲品。前菜有磨菇湯同蔬菜春卷。磨菇湯菇味濃郁，質感幼滑，飲落去好暖胃。春卷外皮脆卜卜，餡料新鮮，唔油膩。香芒沙律用咗羽衣甘藍同新鮮芒果，醬汁酸甜開胃。乾鍋菜花有驚喜，辣味同麻香好突出，好入味，食到停唔到口。主菜的肉醬大啡菇配菠菜批都好正，大啡菇多汁，肉醬味道同真肉好似，菠菜批唔會太膩。忌廉芝士牛肝菌扁意粉忌廉香滑，牛肝菌味濃，意粉煙韌。甜品我揀咗抹茶雪糕同凍椰奶西米露。抹茶雪糕茶味濃郁，唔會太甜；椰奶西米露椰香突出，西米煙韌。飲品方面，西瓜沙冰同菠蘿荔枝沙冰都好清新解渴，啱晒夏天。總結嚟講，呢間餐廳環境舒服，食物有水準，素食都可以好有層次同驚喜。無論係素食者定普通食客，都值得一試！…Read More

呢間日式小店係朋友極力推薦之下去試，真係冇令我失望。雖然裝修簡約，但環境乾淨舒服，服務員都好有禮貌。最驚喜係食物質素，完全唔輸比啲貴價日式餐廳，價錢仲要親民得多，午市套餐真係超值。我哋叫咗特上壽司定食，壽司新鮮度一流，魚生切得厚身，入口即溶。中拖羅同大拖羅油脂分布均勻，味道鮮甜，三文魚都好滑。魷魚好彈牙，完全冇腥味。手卷都包得好靚，紫菜脆卜卜，餡料足料。軍艦壽司方面，蔥花拖羅同三文魚籽都好新鮮，脆卜卜。刺身定食都好抵食，三文魚、甜蝦、帶子同拖羅都好新鮮，切得厚身，食落好高質。加多二十蚊仲可以揀小食，我哋試咗唐揚墨魚咀同魷魚圈，外脆內嫩，唔會太油膩，配埋超大杯柚子梳打，清新解膩。呢間小店無論食物質素、價錢定服務都好有驚喜，絕對值得再嚟。下次會想試埋佢其他丼飯同定食。…Read More

早幾日同屋企人去咗馬灣新開嘅景點，順便搵間餐廳chill下。餐廳就喺沙灘側邊，對住藍天白雲，環境真係好舒服，坐喺度食嘢望住個海，感覺好寫意。最正係餐廳隔離有個專屬playground，小朋友可以玩滑梯、搖搖馬，家長都可以安心食飯。我哋叫咗$588嘅二人套餐，份量都幾足夠。頭盤有磨菇湯，菇味好濃郁，飲落滑滑地幾香。跟住有烤雞肉凱撒沙律，份量大，雞肉唔會太乾，配埋新鮮生菜同芝士碎，好開胃。小食拼盤有炸雞翼、洋蔥圈、魷魚圈同海鮮春卷。炸雞翼外脆內嫩，洋蔥圈同魷魚圈都唔會太油膩，海鮮春卷都幾有驚喜，餡料足。主菜係烤菠蘿牛臀蓋扒（10oz），牛扒烤得啱啱好，肉質嫩滑，配埋烤菠蘿的清甜味，好高質。甜品方面，有芒果熱情果慕斯蛋糕同雜莓荔枝慕斯蛋糕，賣相好精緻，味道都唔錯，啱晒夏天食。飲品叫咗凍檸茶同fruit punch，凍檸茶夠香夠凍，fruit punch都幾清新。臨走仲有coupon送，原來北角都有分店，值得光顧。…Read More

千海水產海鮮火鍋放題我已經第二次嚟啦！上次第一次試已經覺得好正，今次再嚟都一樣咁期待。自己出去任撈海鮮，真係好有趣，仲可以食到最新鮮嘅海鮮。用QR code落單，點咗火鍋湯底之後就即刻出去撈海鮮！海鮮種類依然好多，有花蟹、鮑魚、東風螺、基圍蝦、唔同種類嘅貝類，全部都好生猛！撈完之後有職員幫手清洗，真係好貼心，之後就可以落鍋啦！花蟹依然好鮮甜，肉都幾多，職員清洗完仲會幫你開邊，食起嚟好方便。鮑魚同基圍蝦都好彈牙，肉質好鮮美，可以任食真係好幸福。貝類都唔輸蝕，全部都開口，鮮味十足。除咗海鮮之外，仲可以任食M5和牛，入口即溶！燒榴槤都好正，榴槤控一定要試！仲有燒羊架、燒乳鴿、小龍蝦，仲有好多火鍋配菜任你揀！甜品、飲品同雪糕都唔少得，種類多到數唔晒，haagen-dazs雪糕任食，真係回本！第二次嚟都一樣咁滿足，朋友介紹得真係冇錯，呢度真係又好玩又好食！…Read More

呢間餐廳主打台式火鍋，座位夠寬敞，光線充足，坐得舒服，唔會覺得逼夾。而且食材選擇多元化，有唔少台灣特色嘅配料，令人好有新鮮感。小食方面，黃金地瓜條真係好吸引，外脆內軟，甜度啱啱好，食完想再encore。我地試咗日本壽喜燒Sukiyaki同野菌鍋拼埋一齊，味道層次豐富。台灣麻辣牛肉涮涮鍋都唔錯，小辣程度啱啱好，麻香味突出，唔會太辣，牛肉吸晒湯底精華。肉類選擇有極級Prime Grade安格斯牛頸脊同西班牙伊比利亞黑毛豬，全部都可以任食，肉質鮮嫩，油花分布靚。海鮮方面，沙白完全冇沙，蝦都新鮮彈牙。手工黑松露魚滑同麻辣牛手打墨魚丸都幾有驚喜，墨魚仔都好彈牙。飲品方面，推介佢哋自家制冬瓜茶，清甜解渴。最後仲有雪糕甜筒做結尾，滿足晒甜品控。餐廳食材新鮮，選擇多，環境舒適，服務都唔錯，值得一試！…Read More

餐廳環境以木系和大自然園景為主，綠意盎然，氣氛舒適，座位寬敞，令人用餐時特別放鬆。午市時段人氣極高，要排隊等位，但環境同食物都值得等。「漢堡扒全日早餐」用料高質，漢堡扒肉厚多汁，芝心脆皮腸鹹香脆口，煙三文魚油脂豐富，多士鬆軟，整體非常滿意。甜品「泰式梳乎芒果糯米飯」，梳孚孚厘蛋香鬆軟，配上鮮甜芒果和椰香糯米飯，層次豐富，打卡一流。椰香冬蔭功海鮮意粉醬汁creamy微辣，海鮮新鮮彈牙，加上香葉，香茅等，泰式風味突出。飲品推介糯米芒芒椰奶沙冰清新解渴，黃金比例泰茶（凍）茶香濃郁，配忌廉順滑。…Read More

朋友係蟹痴，今日特登約咗佢一齊嚟呢間餐廳試吓佢哋嘅蟹菜。今次揀咗經典自選2人餐，$644，份量都幾足。首先上枱係蒜香紅海蜇頭，份量真係唔少，海蜇爽口彈牙，蒜香味好突出，開胃一流。主角星洲黑胡椒蟹一上枱已經聞到陣陣胡椒香，蟹鉗超大隻，肉質札實又嫩滑，啖啖都食得出新鮮，黑胡椒醬汁好惹味但唔會搶咗蟹味，朋友食到停唔到口。薑蔥爆生魚片都好有驚喜，生魚片嫩滑，炒得夠鑊氣，薑蔥味道啱啱好，唔會蓋過魚味。古早魚香老鼠粉煲用咗特製鹹魚醬，鹹香味濃但唔會太重口味，配埋鮮蛋同唔同配料，食落層次豐富，老鼠粉煙韌又掛汁。最後甜品係清心丸綠豆爽，冰涼解膩，綠豆煮得夠腍，清心丸煙韌，食完一餐咁重口味啱啱好。呢餐真係好滿足，特別係蟹真係新鮮又大隻，價錢合理，服務都唔錯。…Read More

旺角分店係三間入面最大，地方真係好寬敞，坐得舒服，環境又企理又光猛，感覺好開揚。活海鮮任撈，職員會幫手清洗，衛生有保證。海鮮選擇超多，有唔同款蝦、蜆、鮑魚、蟹，蠔都有幾款揀，啱晒鍾意食海鮮嘅朋友。九肚魚同白繕似係呢間分店新加的，白繕特別肥美。最正係補貨好快，啲海鮮真係任撈任煮，保證有得食。熟食方面，呢間分店仲多咗金銀蒜粉絲蒸蝦子王，味道一流。肉類都有好多選擇，包括和牛、豬肉、羊肉切片，質素高，肉味濃。甜品同飲品都唔少，有烤榴槤、港式奶茶、精選點心、開胃小食、水果同甜品，選擇超多元化，回本無難度。…Read More

餐廳雖然位於尖沙咀嘅繁忙街道，但一入到去，真係估唔到環境咁放鬆，有啲似返咗去日本江戶時代咁。午市定食套餐選擇多，$98起，性價比唔錯。而且套餐包咗7品：主食、前菜、刺身、沙律、茶碗蒸、湯、甜品，真係好豐富。茶碗蒸鮮嫩滑溜，好好味。我哋點咗特選雜錦壽司定食同特盛海膽三文魚子爆丼。壽司新鮮，魚生味道好鮮甜，飯粒已經調好味，配魚生啱啱好。除咗常見嘅三文魚、吞拿魚，仲有帶子、炙燒牛肉、軍艦款式幾特別，食落有驚喜。特盛海膽三文魚子爆丼真係好吸引，賣相已經好豐富。海膽份量足，入口即溶，冇腥味，味道好鮮甜。三文魚子啖啖爆汁，配埋醋飯一齊食，層次感好豐富。服務方面，店員好有禮貌又細心，主動介紹餐牌，見我哋影相仲主動幫手，態度親切。整體體驗幾好，下次一定會再嚟試其他款式。…Read More

呢間泰奶應該無人唔識，朋友話原來沙田都有餐廳，所以睇完展覽就過嚟試下。餐廳有好多泰式小食及主食的選擇，我哋點咗：✨️黃咖喱雞柳法包法包外皮脆脆地，入面好鬆軟，吸晒啲濃郁咖喱汁，好香好惹味。✨️泰式香葉魷魚意粉意粉好入味，加咗香茅同香葉，食落真係有泰國feel，魷魚都幾彈牙。✨️泰茶千層蛋糕蛋糕層層分明，餅皮好軟，忌廉幼滑有茶香，唔會太甜，幾好食。✨️泰茶梳乎厘班戟班戟好鬆軟，有蛋香，奶茶醬好香茶味，果然係招牌。✨️斑蘭珍珠抹茶鮮奶幾特別，抹茶味都幾香。泰奶就一定要試，夠香夠滑。餐廳環境舒服，食物選擇多，值得encore！…Read More

呢間餐廳喺觀塘地鐵站行大約五分鐘就到，好方便。今日同朋友專登嚟試下佢最出名嘅梳乎厘。午市選擇都幾多，有扒、意粉、燉飯，價錢都算合理。我哋點咗日本手打和牛漢堡，個麵包烘得好香脆，和牛肉味好濃郁，加埋煎蛋一齊食好夾。薯條有調味，幾惹味，唔會太鹹。另外點咗虎蝦帶子意粉，有兩大隻虎蝦，肉質新鮮彈牙，意粉吸晒啲醬汁，好入味，配料都幾足。飲品方面，我叫咗鮮奶咖啡，朋友就試咗山政小山圍【RICH】一番焙茶，拉花都幾靚，見到有心思，又好飲。最後一定要試佢嘅原味梳乎厘配楓糖漿，份量比其他餐廳大，超級鬆軟，有蛋香，配埋新鮮水果同忌廉，好滿足。…Read More

大喜屋一直都係我同朋友嘅至愛，每次想食放題都會諗起佢。今次去咗旺角雅蘭中心分店，地方夠大又光猛，坐得舒服。落單之後，啲食物好快就送到，唔使等到餓親。食物選擇超多，仲會不時有新菜式，啱晒我哋啲鍾意試新嘢嘅人。避風塘炒大頭蝦：蝦夠大隻，炒得香口，蒜蓉味好突出，啖啖肉。龍仔桑拿大頭蝦：蝦肉彈牙，食完想再encore。海鹽燒大眼雞：魚肉新鮮厚實，燒得啱啱好。油鹽焗鮮蟹：蟹膏爆晒出嚟，蟹肉鮮甜，啖啖都係精華。燒榴槤：任食，燒完之後榴槤更甜更軟糯，榴槤控必試。極尚椰皇燕窩燉蛋白：蛋白滑溜，椰香濃郁，食完好滿足。刺身當然唔少得，北海道鮮帶子、北寄貝、赤貝、馬刀貝、池魚王刺身、油甘魚、三文魚、等等。連松葉蟹腳都有，全部都新鮮，刺身迷一定滿足。仲有大量酒精同無酒精飲品選擇，仲有雪糕同甜品任食。大喜屋真係物超所值，食物選擇多又新鮮，服務又快，啱晒同朋友聚會或者慶祝。下次一定會再嚟！…Read More