企鵝123's Profile

因為我係泰式肉碎飯迷，所以去到泰菜食店無論貴平，都會叫泰式肉碎。我覺得呢道既肉碎飯可以媲美九龍城泰菜舖，絕對好食過同商場泰菜Nara.👍一上枱就聞到好香炒辣九層塔香草。👍肉碎唔會太鹹唔算重口味又唔乾，剛剛好同時又有辣辣地好惹味。（食過Nara既肉碎偏鹹）👍煎蛋又脆又有蛋味，係半煎炸既流心荷包蛋。👎衰在飯唔熱＆偏硬(雖然少少頂胃但可以接受，因為啲肉碎熱，同飯一齊"筆"黎食都唔算好覺啲飯唔熱)跟飯既湯係鹹酸菜肉丸湯。感覺有啲似飲緊胡椒豬肚湯啲湯冇胡椒。個人覺得酸酸地好開胃，可以中和返啲硬飯同辣肉碎既味，令我又可以大啖大啖“筆”啲肉碎飯食。同行朋友食海南雞飯，啲雞份量較少，又唔算滑。但嗰個油飯真係入味到不得了，又夠熱。同我個白飯相差太遠。雖然1百幾蚊食個街邊50-70蚊既“碟頭飯”超級貴又奢侈(我星期日正價食仲貴)，但at least係好食同埋足料(勁多肉碎勁多辣椒勁多九層塔)，環境座位同氣氛太舒服。對我呢啲窮L黎講，間唔中好想食一個真係好食既肉碎飯咪忍荷包痛再黎囉。…Read More

openrice好多正評，所以去食。結果難食又唔抵到我要寫負評。又因為太難食所以唔想浪費我人生時間去寫太多字。。。講。重。點。1,叫左兩個菜式都有蝦，但呢個價位竟然啲蝦係茶餐廳水準雪左n年既“玻璃“蝦，冇蝦味，冇曬蝦既纖維。失望。。。2, 啲魷魚都係雪，冇味。3, 叻沙，濃既ok，但佢話咖哩，又冇咖哩味。。4, 炒蝦面，都係冇乜味。。雖然成碟面好多醬，但又冇味架喎。118蚊唔知自己食左乜。4, 環境，好迫。枱同枱既距離只有半隻手長。新餐廳都估唔到會擺到咁迫。5, 總括而言，普通茶餐廳水準味道，講唔到好食。唔值呢個價囉。所以，冇下次:(…Read More

明明其實見到open rice有好多張龍蝦，刺身帶子既相，但冇。因為我唔食蠔，所以我一心黎就係為左呢兩樣同長腳蟹（長腳蟹有幾甜但偏瘦）。唔知係咪因為我閒日dinner 1700頭round冇龍蝦同帶子？有冇人可以話我知哈哈。btw其他野雖然其實選擇唔多，熱盤同甜品都好食。例如牛肉壽喜燒，天婦羅（蝦refill勁慢，經常聽到人求姐姐整。我鐘意食炸菇同茄子，又薄又好脆又新鮮）只係現切嗰舊牛扒真係鞋過牛肉乾，可以skip。風景一流。環境乾淨。收碟都好快。只係真係好遺憾，山長水遠黎為左食龍蝦同刺身帶子，結果冇得食。…Read More

鐘意迪士尼的家人生日。而家人係白金卡會員關係，就決定book迪士尼酒店Buffet食晚餐。由於有好多卡通人物招待，喺主題酒店翠x庭buffet已滿，只好死死氣book間唔爆既Hollywood hotel buffet。入場前已知此分店比較差，但係冇計啦得呢日可以齊整去食。而且又平幾百蚊(5人總計)，都會有一個mickey招待。睇完openrice對比左啲菜式，其實都冇乜分別。就去都試下係咪真係差啦。食星期日晚巿第一輪，應該冇死掛？到場後果然都有大量各式魚生，冷盤，熱盤，扒類，即做車仔面，點心，甜品等等。而飲品就好慘咁只有凍橙汁+超多糖凍桃茶。想飲熱飲，只能喺你嗰每人一杯咖啡/茶叫，又或者叫佢俾杯滾(真係超滾)水你。如果飲汽水/酒，就要另外加$55-300。首先講魚生，最好食：甜蝦。雖然好細隻不過都好甜唔會苦唔好食：其他所有。每種都冇佢既魚生味，而且魚肉/蜆肉雪到又硬又鞋，想咬開係好困難，而且非常「冰鮮」，似咬舊冰多過一舊魚生。冷盤：小龍蝦：非常硬，非常鞋，完全冇龍蝦肉味。青口：入口有陣怪味+雪味長腳蟹肉：味道ok，每枱有較剪。但非常凍。翡翠螺：我屋企人話ok(真心建議，想試下龍蝦，攞半隻好喇真係！！攞多過半隻你一定喊住講後悔)芝士一堆：又硬……………又冇芝士味………熱盤：羊架：入味。好多筋要啲時間咬/切。牛小扒(牛塊其實)：墊底既蘑菇非常好食！係新鮮蘑菇非罐頭。塊牛就…都淋過舊羊架既…即切牛扒：又鞋，又硬…西蘭花魚柳：以為實冇事，點知舊魚柳仲鞋固舊牛扒避風塘炸魚柳：都係仲鞋舊牛，個炸皮硬到可以扑死mickey。一d避風塘味都冇！=_=龍蝦湯：有腎病既朋友勿飲。冇既朋友都唔好飲…………鹹過鹹魚蝦片：大部份淋Q曬既。好彩就有一兩塊好食。豬樣叉燒包：ok甜品：好食：咖啡焦糖布丁。面包布丁。其他都………差過美心西餅，特別係芝士蛋糕，口感粉狀，零芝士味。****有啲甜品上有卡通裝飾紙，呢張紙既質感同厚道太似一塊食用糖紙/白朱古力，其實係甩色既普通紙黎架！聽到有啲家長夾既時候同小朋友講朱古力黎食得架，真係好擔心！一係就整真朱古力裝飾啦！唔肯就不如咪擺害小朋友！提一提，呢間雖然都有mickey黎招待，不過係企喺餐廳門口，你要自己成家人行出口排隊揾佢影相。翠x庭就係卡通會親自逐枱黎揾你喺你張枱影。服務方面，每秒都俾侍應住你隻碟食完未，食完就會光速收碟。有侍應行動太快，唔小心收左我家人用開既碟，佢好好咁親自去幫我家人拎隻新既俾我。但係就冇主動幫你加熱水。五人，有優惠都要2200埋單。如果唔係屋企人鐘意迪士尼朋友。味道黎講，三舊水既尖咀放題仲好食。或者不如去半島/其他五星級酒店食自助午餐仲好…如果你愛迪士尼朋友，早啲book枱去翠x庭會開心啲。…Read More

呢間舖頭，可以令我呢個，咁耐以黎只係一心想做cd-rom既人，肯花時間寫我既第一篇食評，你就可以知道我的失望的動力有幾大！呢日，我同我遠道而黎既男朋友好想食拉麵。於是我search open rice顯示呢間野喺尖咀排名幾高，於是就去啦。一去到，好多人排隊等。應該都幾好食掛。排左15-20分鐘，終於入得。經常日本食拉麵既朋友應該都同我男友一樣會覺得會有一句「e拉sa依媽些」。結果冇，只有黑面。坐到門囗收銀位旁邊。嗰日好凍好大風，但係道門一直冇人入黎都不停打開，啲風吹到我男友唔舒服。於是我有禮地問下店員可否搬入去近後門嗰張冇人坐既枱。但係店員就：入面枱留俾員工食飯架喎。佢就行開左。 Okay fine，尖咀店客人多忙，原諒你。於是我又一廂情願諗住：如果啲野好食咪算囉。ok.兩碗拉麵黎到。灸燒豚肉拉麵，一碗辣一碗原味+蛋。湯底：湯底好濃。但係味道如果你鐘意食啲出前一丁就會覺得好好食。我就唔鐘意啦。。出得街食自家拉麵唔會係期望食呢種冇乜層次的味精湯底味。麵質：幼身麵雖然唔夠彈唔夠爽。但都接受到。灸燒豚肉：睇落好正。但係佢就算浸喺個湯道，肉乾都係乾既。一咬就散。一啲都唔彈牙爽口。而且味道冇灸燒既味道，似冷藏左非常耐(拉麵舖會冷藏叉燒其實唔出奇，但係都唔會食到冷藏左好耐既感覺)伴菜：荀，幾好食既。爽口，酸味入味。我唔鐘意荀都食左幾條。半熟蛋， 係凍既。熱既湯拉麵入面有粒蛋佢應該係會熱/暖？不過算啦如果好食凍同熱都冇所謂。不過佢外表有浸過啲調味好似有處理過，但係其實食唔出有調味，蛋味唔濃。店面拉麵廚房隔離有一大張黃底黑字「元氣乜乜乜」一堆日文既啟示。識日文既我男友就話係舖頭叫員工精精神神，要有服務態度既指引。但係尖咀店員工嗰個時候就似乎冇乜實現到喇。。。我仲見到店員當時對住係自己朋友既客人就嘻嘻哈哈。俾隔離顧客(包括我…)見到你地兩個樣就唔係幾好啦。。。。。總括而言，服務態度其實一向唔會影響我對食物既味道。不過呢間野，已經唔好食，服務態度仲咁差。我都唔明點解仲吸引咁多人排隊？可能每個人對拉麵既睇法都唔同啦，但係呢間野，鐘意食小店拉麵既我就真係唔會再去。。。…Read More