loveglass's Profile

上網見到食評大家都話唔錯,所以就諗住同fd去試下~我知呢間野成日full,所以book左三點三條友一行人殺上去~~其實係幾好食既,熱辣辣脆卜卜,不過係咪話好有驚喜又唔算係呢個反而幾有驚喜,沙津醬係我鐘意食的個種沙津醬,味道幾好其實本身佢都有撈到比你,所以又唔洗擔心驚自己撈到唔勻或者好論盡咁上面個d沙津醬只係裝飾其實都好食既,至少在cafe而言不過可能係因為我平時係屋企都有整呢種雞翼,自己的要求會高d所以我有少少嫌佢香草太少但都夠嫩,幾入味呢個勁正,熱辣辣,大大條而且仲好大碟添呀d芝士會牽絲嫁,真係very good不過味道我個人覺得比較淡,望個樣雖然好似幾濃味咁不過唔仔細食真d會覺得佢無咩味無咩特別啦!不過份量很足全日至有驚喜係呢杯野,因為我好鐘意薄荷,成日飲野食野都會不由自主咁揀左薄荷但好多時候都好失望,因為通常都得好少薄荷味但呢杯望落去雖然唔係青色,但係薄荷好足夠,唔洗飲幾啖先飲得出有薄荷鐘意薄荷的人千萬不要錯過!…Read More

最近見禾輋新開左一間日本料理,又咁岩出左糧,咁就諗住請媽媽食啦!又約埋親戚一行八人去試下.結果兩個小時的任食時間,我地不斷地發牢騷刺身:作為一個日本料理餐廳最重要的刺身都可以咁差....三文魚還可以接受,係全部野入部最新鮮的甜蝦要自己搣,但呢個都唔係最大的問題,而係入面d肉係"梅"既北寄貝問題都唔大...最大的問題係魷魚.平時食開的都係爽口嫁,.但唔知點解佢d魷魚係一放入口係好似朱古力咁溶開左...完全唔敢再食落去壽司:勁差本身壽司總類已經少,連鰻魚都無-口-仲要個d軍艦壽司瘦到企唔到,仲差過明將,,起碼人地都有個樣呀紫菜尚算脆,最搞笑係個中華沙津壽司,我地叫左兩件,結果佢只係將一團(一件份量都無)的中華沙津放在個兩舊壽司飯上面好心就唔好做到咁肉酸啦,中華沙津咋喎...熱食:超差佢有好多種熱食,咩四川,越泰美食,總知好多好多,但全部都勁難食就好似上面個盤炒蜆,我媽媽食食下發現有死蜆,可想而知佢間野d野食有幾"新鮮"仲有鰻魚炒飯,聽我媽媽講話勁甜..至於鰻魚...我剩係見到兩粒好似手指尾指甲一半大細的鰻魚粒:(冷盤:好差個日我都食左幾多個冷盤,不過全部都好奇怪,味道就係無咩味...其中有一樣野叫香辣小黃瓜,我地明明無叫到,佢就不斷隊上黎比我地...最奇怪的係小黃瓜在我的認知中應該係青瓜,...但佢係醃蘿蔔...而且呢個醃蘿蔔係川辣皮蛋的配菜....咁即係話配菜轉一轉個名就可以變成一碟中的菜...串燒:無味兼燒到幹哂我已經唔想講佢究竟有幾差,大家睇下呢張相就明白...真係睇到都覺得幹:(飲品:只有巨峰提子特飲同埋荔枝冰比較特別,其實都係普通野,可口可樂個d一開始我地差唔多全部人都叫巨峰提子特飲,結果係...無味的....佢溝左好多好水,仲要唔夠凍,最後唯有都係叫番可樂算...甜品:只有意大利芝士蛋糕比較好,但都唔係好味個隻...無芝士味,但都算滑藍莓芝士勁奇怪,好滑但係好重牛油味...完全無芝士味..至於藍莓..你睇下個pat醬就知都唔慌會有咩藍莓味其實仲有木糠布旬..但其實只有最上面個層係餅碎,最低個層係蛋糕.中間全部都係cream,完全唔夠凍全晚最奇怪可以話係呢件長方形的章魚小丸子.一上枱就完全唔知佢係咩..食落有d似章魚小丸子.我諗佢應該係章魚小丸子啩...總知真係勁有趣..但味道其實ok.但係無章魚小丸子個d汁醬就真係差d服務:差得好犀利雖然我都知食放題都會漏單,但係佢真係漏得好犀利,我食左碟刺身啦,叫左兩次,等左都唔多左九個子佢先施施然比一碟刺身我...得一碟...我想問我之前寫個d去哂邊?到食完走個一刻我總共叫左四碟刺身.佢只係比左一碟我-口-唔關多唔多人的問題,一開始少人都係咁最恐怖係連要罐可樂都要等三至四個字....乜係係開雪櫃門再攞出黎咋咩..其實野食毫加唔好提.連加一一個成162蚊.咁的質素真係搵鬼去食睇怕佢最後都係執嫁啦,最好快d執...…Read More

行過續杯竟然有最近大熱的乳酪雪糕喎!有d期待因為沙田好似冇咩店買乳酪雪糕,所以我比較少食..同fd share左個細杯,有一款topping, 選擇算幾多但就無咩特別.都係個d野啦~最後揀左爆爆珠~~因為我fd想食~有三種醬揀,藍莓,士多啤梨同埋朱古力冇咩特別..最後都係揀左草莓雪糕味道比想像中好,有乳酪味,酸酸地,個味幾出可能我鐘意食酸所以我覺得好食!:)質地有些少硬唔係好軟大杯30蚊兩款toppings,不過如果唔需要太多toppings的話細杯兩個食已足夠總結:因為我住沙田啦,又唔多鐘意出去太遠的地方,呢間位置就腳又唔算好貴,所以會再黎食 但專登黎食就冇咩必要.. 以雪糕黎講我鐘意呢間多d,.不過topping的話就crumbs好d,如果兩者可以結合就完美啦!!!…Read More

係雜誌見到有介紹,又咁岩去旺角喎!順便去埋啦~雜誌介紹左米苔目,20蚊碗黎講有少少細碗,如果真係好肚餓的可能要食兩碗先夠...不過個日純粹想試下好唔好味,唔係為左醫肚,所以同fd share左一碗個樣有d似烏冬,但比烏冬q,口感好好.個湯底好甜幾好飲上面d肉碎幾好食..冰苔目其實係類似刨冰的甜品24蚊唔算太貴,因為好大碗,兩至三個人食都夠食可以揀一款配料同埋汁佢有黑糖同煉奶,兩溝都得本身想揀黑糖,不過個店員話兩溝會好食d...所以最後揀左兩溝配料想揀芋圓或者地瓜圓(因為呢樣算係比較特別)可惜都無,有d失望最後唯有揀仙草啦~~味道唔錯,不過食個陣記得"抄"埋個底個d米苔目食!!!!因為太遲食會變得太硬,冇咁好食d冰做得唔錯,冇太大粒的冰,d冰唔需要點咬..不過溶得幾快,所以要快手d~~~服務生態度好好,問路都會好好態度咁答你~~不過講野實在係細聲左d總結:個冰苔目好值得食,米苔目都唔錯~應該會有下次啦!!!!…Read More

聞名已久的大塊雞,去到個陣已經好多人排隊,不過好快就排到啦!見到佢d雞扒不斷炸炸炸炸,又好大塊!!有d期待熱辣辣的雞攞到手又超大塊.真係超興奮第一啖幾好,比想像中冇咁油.炸得唔錯不過第一啖係唔到d肉的第二啖食到d肉,覺得無味之餘又鞋鞋地...不過有d肉汁可以補救下食食下就會發覺個皮同d肉係分開的,真係唔知點解...食到最後有骨,搞到食得有d狼狽塊雞真係太大塊,要同人share先好去食總結:貪新鮮食一次就算,如果25蚊兩個兩都唔算好貴ga 雖然係貴過台灣兩倍,但冇辦法啦~鬼叫香港地租貴咩..…Read More

可能因為太早就去到啦!佢先岩岩開門...結果我成為個日的第一位客人雖然我唔係鐘意蚵仔,但同我share的fd鐘食食,所以最終揀左蚵仔面線一攞出黎見到碗面有d失望,個色好單調,點解連蔥都無?但係食落個湯幾好,好香,我個fd嫌佢腥,我唔係好覺面線食落唔會一patpat.,根根分明不過用匙食有d唔方便,次次都剩係畢到湯食唔係d面幸好我地食個陣得少少人,如果唔係我真係想像唔到多人的時候攞住碗熱野點食..我fd買左個鹽酥雞,唔算難食但又唔算超級好食.唔知26定24有d貴囉,我覺得食唔過...總結:下次可以試下其他面線,但鹽酥雞可以唔食…Read More

本身冇諗住食,但行過個fd話想食咁咪一齊share囉!因為兩個人食所以揀左大杯,可以揀兩樣野唔算好多野揀啦!最想食的蛋白餅唔見有,有少少失望最後係心大心細之下揀左紅桑子同埋oreo啦!見個店員畢左超多落個杯度,又擠左好多乳酪落去!!真係好開心紅桑子因為有汁所以好靚,,我比較鐘意酸,所以我覺得咁岩岩好,唔會好膩但如果唔係好食得酸的就唔好揀呢個比較好oreo餅幾大塊,唔可以叫做碎,可能我比較鐘意細塊d啦,我覺得太大塊好難食..不過如果下次去旺角,我覺得可以再食多次.,..p.s兩個人一齊食會好d,因為真係餈大杯下…Read More

本來以為要等位等好耐啦!點知入到去唔係好多人咋喎!!!!我叫左中辣的酸辣粉,因為本人食得辣...個樣紅卜卜咁,好似好恐怖但食落比我想像中冇咁辣~~:)但麻麻地,辣得黎夠黎配料幾豐富,粉好Q好好食,唔錯可能因為我比較鐘意食酸啦!所以我覺得佢唔夠酸,如果酸D會更好應該會有下次~~…Read More