泡椒酸菜烤魚 $238一上枱就聞到陣陣泡椒同酸菜嘅香氣魚肉我地揀左新鮮鱸魚，條魚超級大條唔再講，仲輕微炸過個外皮好香之餘，但係魚肉一啲都唔鞋，上枱時煮到剛剛熟，入口嫩滑唔腥，仲吸盡湯底嘅精華🤩酸菜爽脆，泡椒嘅麻辣後勁慢慢滲出，愈食愈上癮！底層仲有芽菜 椰菜花 蓮藕 娃娃菜等配料撈埋湯汁送飯一流 淨係食完個烤魚已經飽到七成蒜蓉開邊蝦煲仔飯 $85蒜香爆棚，蝦肉彈牙😻開邊蝦做煲仔飯，又係坊間少見 點都要試一試煲仔飯一揭蓋，蒜蓉香氣圍繞着全場開邊蝦鋪滿飯面，蝦肉新鮮彈牙份量又多蒜蓉炒得金黃，豉油食得出係調製過，鹹甜十足，撈勻飯粒一齊食，香口到停唔到口飯底有大量飯焦脆脆哋，加埋蝦油滲入去，呢個我比100分！！！！豉油王爆大鱔條 — 呢個推薦指數都係爆棚！！$188 有足足半條鱔 每一嚿肉都超級大超級滿足 我係第一次喺香港餐廳食到呢個菜完全諗唔到白鱔，除咗豉汁同就咁煎之外，可以用呢個做法超有驚喜超好味鑊氣十足，外脆內嫩鱔條炸到外皮脆卜卜，內裡肉質仲係勁嫩滑！豉油王調味鹹甜適中，帶少少蜜糖香，食落完全唔膩配料嘅洋蔥同青椒炒得爽脆，整體鑊氣夠，又夠咸口，送酒一流 呢個我要比1000分🥹唔建議咁好食冇人知百川薈嘅菜式夠哂鑊氣，尤其係泡椒酸菜烤魚同蒜蓉蝦煲仔飯，酸辣鮮香樣樣齊，適合一班朋友share食。環境乾淨，服務都幾快手，係一間值得encore嘅川粵fusion小店！ …Read More
有兩張dinner set menu不過無我想食既野所以都係a la carte🤝🏾一開波先上左焗返熱暖笠笠既daily bread食三暖包真係好合我心意😘有3款：脆片、提子包，牛角包仲有strawberry jam 同牛油可以搽😍香辣蕃茄汁花甲天使麵 $198花甲份量都幾多 粒粒都好大粒肉天使麵同微辣既番茄醬原來咁夾個意粉調味辣辣地非常惹味、又香蕃茄味幾時都話蕃茄同辣真係好match！80z美國頂級西冷 $318作為牛魔王只要係食西餐一定要試試個扒叫左五成熟 要讚下配菜都整得好有心思有帶子形狀既煙肉薯仔、豆、蕃茄仔、白蘿蔔、牛油烘過嘅粟米牛扒上檯已經有微微炭烤肉香切開肉汁四溢勁juciy～～～香港西餐食牛扒雖然貴 但係求其一間都可以食到好高質嘅牛扒唔似內地食到個啲勁彈牙咬極都未咬完既牛扒火炙半熟三文魚伴紫蘇莎莎 $148呢個係最有驚喜嘅一道炙燒、塊塊都厚切三文魚 面頭微微燒過帶出三文魚既油脂味入口軟滑 超級鮮甜嘅三文魚味係口入面爆發配埋酸酸甜甜嘅紫蘇莎莎同沙律菜一齊食 好開胃
