malikaka's Profile

小弟對於韓國文化並不熟悉，但幾年前曾經到首爾，接受外國公司同事熱情招待，食左唔少當地傳統料理，非常美味。於是，趁新一年開始經過尖沙嘴，就去金巴利街同金巴利道一帶，搜尋韓式料理店，趁機會緬懷一下韓式料理個種些少混入日式同中式飲食風格ge特色。結果就被「家家戶戶」吸引左。小弟完全無資格形容自己食到的菜式系唔系正宗，最多只能夠系呢度分享自己ge感受。先介紹呢個「漁糕湯」。漁糕湯最主要食材，應該系個十幾片比魚片軟ge「漁糕」，然後配合冬菇、蘿蔔絲煮出黎ge清湯。無肉湯油膩感，十分清甜。不過無捻過裡面再加埋類似「冬粉」ge系透明麵條（歡迎高手指正）。好彩小弟「大肚腩」特性，總算無浪費食物（喂）然後呢個雞肉石鍋飯，非常有平時網絡上見到，韓式家庭ge感覺。石鍋飯正中間，明顯見到生蛋黃，然後見到鋪滿鍋面ge雞肉同雜菜絲，飯好似用珍珠米煮，然後加左些少辣粉同埋番茄醬。當然，旁邊ge海帶湯、細條韭菜、自家泡菜、通菜，都系韓式料理常見配菜，不過唔肯定最右邊道配菜系唔系姜，同樣歡迎高手指正。總之，成件事感覺「好得意」：切過同煎鍋ge雞肉帶有ge微肉香，生蛋黃同番茄醬撈埋白飯同雞肉個種順滑感，泡菜同鍋飯帶有ge辣味；結果系成個飯「又甜（唔系死甜）、又香、又辣（但唔系完全食唔落個隻）」，反而有種欲罷不能ge感覺。題外話，好耐無試過食到辣之後會飆曬汗「家家戶戶」用黎做店名，應該系老闆們話比我地呢Ｄ顧客知，佢地ge菜式都系大部分韓國人／餐廳都會準備到，經常食到ge料理，餐單上見到ge其他菜式，都系炒年糕、韓粥、石鍋湯、豆腐湯、泡麵（即食麵）一類韓式家庭料理。突然間，回想到有高手分享過呢間料理店「夠韓式傳統」。至於小弟，會再搵機會試埋其他菜式。…Read More

香港見到ge日式餐飲除左壽司、拉麵之外，炸物亦大受香港人歡迎。始終炸物香口惹味，好難令人唔鍾意。呢間TONKICHI日本本店，其實已經流傳港人口中好多年，話系其中一間必食名店；店舖主打「吉列」類豬、牛及蝦類炸物，食物款式以定食為主。但系，我呢次去ge尖沙嘴分店，開正The One裡面，所以價位絕對唔相宜。但系，小弟難得「牛一」唔駛系工作中度過，又甘多年無悠閒過，又忍唔住奢侈一次。呢次試ge﹐就系佢地其中一款主打－「鹿兒島厚切豚肉定食」。之前未試過呢間ge「吉列」界愛好者，就甘望呢張相，可能心捻：「好似只系用高級擺設，裝份日式炸豬扒姐」小弟未試之前，都系捻吉列豬扒，度度食都差唔多；結果...自然系直接打左小弟塊面兩巴，無聲抗議小弟無知。左上角個細碟小伴菜，分量輕微，以酸味為主，適合炎炎夏日開餐前「醒胃」。右上角個碗misou，昆布份量適中、黃豆味比起坊間製作ge濃，更重要系裡面原來有海鮮吊味（食到有蜆）。碗湯我留左最尾飲。最令小弟開心ge，系個主菜同白飯。平時日式餐廳食到ge，主要系珍珠米，米飯粒粒分明；呢間ge白飯微微黏口，但唔系屋企飯煲煮出黎個種效果。終之同跟住落黎介紹ge豬扒異常夾。終於要介紹份「吉列豬扒」；豬扒特意選擇厚切，甘先令我領教到豬扒本身點優質。側邊配菜同調味同塊豬扒選擇多多，非常適合小弟嘗鮮－1.  厚切豬扒配左大份量生菜絲同小番茄，驚豬扒太膩ge話，可以直接豬扒夾埋生菜絲，一口食落去2.  如果想系豬扒外衣同肉之間再微微添加咬口，可以將豬扒直接蘸上白芝麻3.  如果想試「咸上加咸」個種獨有感覺，可以將豬扒直接蘸上細碟海鹽（小弟推薦）4.  當然，檸檬同黃芥末呢兩樣「日式炸物例牌」同樣有提供至於主角豬扒，至少系小弟暫時食過最好食ge。豬扒個層外衣薄而不鬆散，而且非常香口；豬扒肉質更加系微韌帶嫩（部分再微微帶本身油脂）對住呢份定食，至少我唔可以囫圇吞棗，要好好享受呢份奢侈品。呢間名店開系The One入面，價錢自然至少系「ＬＶ」級別價錢。但系服務唔差，餐後仲有細杯生果，始終「一分錢一分貨」，要賀自己牛一就預左。將來有機會ge話，可以試埋「吉列牛」同「吉列蝦」…Read More

好耐無奢侈出街食餐好，小弟趁岩岩出糧，順道經過深水埗, 試一試呢間出名食雞ge食店。呢間醉藥雞，最最出名ge，系佢地ge「砂鍋系列」。而我呢次叫「砂鍋醉雞煲」（好似記錯）就系其中之一。事不宜遲，都系講講小弟ge食後感。各路高手成日話「色、香、味」要俱全先叫上乘。呢個醉雞鍋，完全符合呢Ｄ條件。「色」－侍應拎個砂鍋系我面前，完全呈現類似「生滾」狀態。如果系其他熱菜，以小弟十級怕熱的特性，早就避之則吉；但系雞煲本來就系趁熱先至有用，至少可以講，呢間雞煲絕對無欺場。但最吸引我注意ge，系個鍋面頭個浸類似「黃油」ge物體，原本誤會系雞油（真失禮），捻捻下間舖頭主打養生，「黃油」應該系煮食用黃酒先岩（如果小弟都系講錯，非常歡迎各位高手指正）成件事，「黃油」個種深黃，配上偏白ge砂鍋內湯底，深淺分明，印象分大大提升。「香」－砂鍋上抬，撲鼻而來ge酒味，唔駛甘多廢話，「相機」先享受，然後到小弟大快朵頤。「味」－講完個雞煲賣相同酒香點吸引，終於都要講主角－雞；但講雞之前，先講講配料。呢次叫個砂鍋，由於以藥湯做基底，所以除左微微黃酒味之外，湯底見到紅棗、淮山，另外加左疑似老姜（？）。不過，小弟完全唔覺得個藥湯「燥熱」，反而覺得好舒服。以微微酒味帶出雞湯的清、甜。着實加分。如果好似小弟甘，追求飽肚感，麵底可以選粗麵類，例如刀削麵；相反，可以選配米粉、瀨粉之類，以享受食材同湯ge味道為主。然後到「雞」。小弟唔系食家，所以唔識得分雞ge品種，同埋系唔系冰鮮、雪藏之類。但系，咬到雞肉個刻，突然間有種「呢Ｄ先系應該有ge雞肉味道」感覺。連皮帶肉，肉質算嫩滑，皮唔會太油膩。連埋湯食落口個下，最後一個字－當天氣越黎越反覆無常，令我地身體越黎越差，但又未必的起心肝做運動，甘不如先從飲食開始，慰勞一下因平日拚搏而操勞ge身體，等自己開心一下。雖然個砂鍋雞真系幾熱，但呢間店，小弟覺得可以作為「個人小小食療」第一步。…Read More

近年香港人主打健康生活，引致三高ge食物避得救避；但系有時忍唔住想食Ｄ重口味食物。香港ge東南亞餐廳總數唔算多，主要以星馬菜系同泰國各地菜式為主。印尼菜－系試呢間之前真系「只聞樓梯響」。呢間「峇里堂」ge來頭，相信好多高手已經詳細介紹過，小弟唔再「亂拋書包」。好多人對印尼菜式或者食物，主要有以下印象：印尼沙嗲、蝦片、重甜、重辣。當然，呢次試到ge款式，自然包括岩岩提到ge感覺；不過，「峇里堂」ge印尼廚師會唔會遷就香港人，將自己ge特色「加加減減」，定系原汁原味，比我地嘗試到印尼菜原本風味。總算趁呢次的起心肝，見識一下呢間排隊名店。小弟幫襯星期六晚餐，始終比較多人；等左十幾分鐘，終於可以系選擇困難症發作後，揀左以下菜式嘗鮮：第一款送到小弟面前ge，系呢款「沙嗲豬肉配米餅」。單純作為晚餐菜式，份量唔算多，賣相唔系走精緻路線；但系味道就好深刻：－米餅炸到外皮金黃，咬落去算爽脆，唔會太硬，加埋醬汁岩岩好；好難得食道一間餐廳ge米餅系「舒服」－個切絲豬肉更令小弟驚喜。本來試到些少甜醬個陣，已經覺得好得意，因為甜味稍稍蓋過豬肉本來微鹹同微油　ge風味；但裡面再加埋沙嗲（呢間沙嗲帶少辣同少少黃姜味）；結果成件事「微辣、帶甜、微鹹、微油」。　「嘩，真不愧重口味」差唔多食完個米餅豬肉個陣，第二道送到小弟面前ge，就系呢款炒通菜。「炒通菜？其他餐廳都有啦」－對唔住，您真系試左先再講。呢間選用ge通菜，比起其他餐廳ge更幼身。如果您怕食到比較硬ge部分，放心，個通菜同樣爽脆。只系通菜真系太新鮮，炒個陣出左好多水，稍微沖淡蝦醬個味道。最後送到面前ge，就系呢四串羊肉串燒。個碟串燒「完美示範」乜野叫做印尼沙嗲：本來捻住羊肉會有少少騷味，點知成個串燒淨系食到「沙嗲＋甜醬＋花生粉(唔肯定?) 」味道，羊肉淨番少少韌性質地，唔算難咬，真系主力食汁。試曬三款菜式，系唔系覺得好奇怪，「點解唔配埋個黃姜飯？」查實系小弟食唔到甘多如果想黎試呢間，記住記住記住，一定要配飯。呢間排隊名店，環境算乾淨，服務算唔錯，但老闆加員工人數較少，整體等候試間較長（尤其周末及公眾假期），加上價錢有Ｄ小貴；可能平日下晝，或者三五知己一起幫襯ge話比較化算。…Read More

在林林總總的日式食材及餐牌種類中，唔少已經為香港人熟悉－咖哩（甜咖哩較常見）、拉麵、壽司、炸物等等已經耳熟能詳。但系，近年北海道新興ge一種食物種類，比「沾麵」更少為香港人熟悉（但系北海道，絕對系當地名物之一）。所以，呢次「奢侈系列」ge主角，就系系朗豪坊開香港第一家分店，以「湯咖哩」為主打ge Suage。日本人對於食材ge嚴謹程度，絕對令自己唔敢系呢班高手面前亂講野。不過．自己真系好奇，究竟「湯咖哩」等於「咖哩味道ge湯」，定系「飲得ge咖哩」？於是，小弟懷著頗為興奮「食好西」ge心情，試左餐牌上ge店長推介－「脆皮日本錦爽雞腿肉串湯咖哩」。呢間湯咖哩，唔用以日式食材較常見ge甜咖哩，而用左比較辣ge日式咖哩；不過小弟唔食得辣，唯有用「BB辣」級別嘗鮮。將來有機會再請教原味個辣度去到邊，然後在挑戰自己。成碗ge配菜屬於正常種類：兩塊雞腿肉（各自一串）、茄子、紅蘿蔔、薯仔、車厘茄同半邊糖心蛋。可以自行選擇配拉麵、白飯或者同小弟一樣ge烏冬。雞腿肉肉質算實淨有咬口，唔會太愛愛太柴（可能晚餐繁忙時間關係，唔好要求太高）；蔬菜之中茄子算「索汁」得黎，保留到自身ge風味；其他配菜，正常水平「索汁」用。終於到主角「原味湯咖哩」。呢碗咖哩ge「BB辣」，原來以胡椒味道做主打；胡椒味道可以接受，但分量可以稍為減Ｄ（可能唔系原本辣度關係:(）。湯咖哩質感偏「杰身」，唔系平時個種對湯ge理解；但小弟反而鍾意呢種湯，配合頗為掛汁ge烏冬，成碗咖哩烏冬算食得舒服。小食追加自己鍾意食ge可樂餅－「紫芋甘栗甜薯可樂餅」，絕對系近期食過極好ge選擇之一；可樂餅外層炸粉薄而不散，裡面紫芋混埋甜薯甜而不「漏」，小小甘栗補足些微回甘，「一甜一脆一甘」，加上趁熱炸好，絕對系享受呢間香港新開ge第一間「湯咖哩」分店，揀左系朗豪坊呢個大型商場進駐，相信系日本總公司先用商場人流「試水溫」。小弟唔知道而家食到ge，系唔系原本日本個邊湯咖哩個味道。但至少，以後同其他人講食日本野，都可以有多一種好選擇，唔會「獨沽幾味」。…Read More

自從小弟之前「中招」之後，有時覺得自己「細食」左之餘，好似連搵好西ge動力都無埋。於是又一次趁出糧之際，的起心肝好好祭拜自己的「五臟廟」作為近年新搬黎ge佐敦人，有時都慶幸附近有唔少餐廳選擇；雖然唔少舊餐廳系自己之前未試過ge情況下結業，亦有唔少新餐廳進駐。所以，小弟依然算幸運，可以試一試呢Ｄ新餐廳。廢話唔多講，好好講下呢間「肉肉烏冬」。小弟好耐無食過烏冬，見到樓下新開呢間主打日本烏冬的新餐廳，加上環境光亮整潔，人又唔算太多ge狀態下，試試新野。「肉肉烏冬」門口個餐牌算簡單，講明餐廳主打「烏冬」同「丼飯」。小弟呢餐就揀左：武藏野風豚汁烏冬跟套餐。先講講呢次選擇ge配菜：炸雞。小弟唔肯定個炸雞系唔系「南蠻（式）炸雞」，但雞肉算嫩滑，帶有些少肉汁；外層炸衣薄脆，唔會有太重「油抑味」。如果自己無辦法控制榨檸檬汁個份量，純粹想減少炸雞ge油膩感，其實個沙律醬已經足夠；唔系ge話就好似小弟呢次「手殘」，檸檬汁重手左，檸檬酸味蓋過炸雞ge香脆滋味。So sad跟住就講呢次ge主菜：烏冬。烏冬其實算偏幼，唔系小弟鍾意個種粗身麵條；但系非常入味。首先系湯底：湯應該加左醬油（錯ge話麻煩指正），但系無捻過竟然系偏菜湯（見到豆卜同日式冬菇）；小弟忍唔住，粗人方式成碗醬油湯飲曬，但竟然唔會「確喉」。再講講主菜：薄切豚肉。豚肉鋪系烏冬面，上面加左少少蔥花同檸檬皮去微腥兼吊味；小弟總算見識到豚肉ge薄（「食肉獸」人士可能覺得「唔夠喉」）。難得ge系，個幾塊豚肉竟然唔會被醬油湯沖走所有油脂味道。結果成碗烏冬，令到小弟再次感受到乜野叫做「心機」；再換句話講：舒服。香港食烏冬ge地方唔少，如果住系油尖旺（尤其佐敦），唔想食連鎖或者花太長時間試排隊名店，呢間都可以黎試試…Read More

香港有好多日式、韓式、台式，或者港式茶餐廳、歐美自助餐等等不同種類的美食。但好似無乜見過中、南美洲特色的餐廳或者店舖。小弟呢次集中系駱駝漆三期，偶然間發現呢間主打＂taco＂、薄餅以及少許墨西哥式飯類及沙律的小店。於是，又到左「不定期奢侈」系列ge時候。呢間系駱駝漆三期ge小店，同其他店舖相比，屬於小店格局；但系店舖的裝修，同小弟印象中南美洲特色餐廳主打ge「深沉色點」有Ｄ分別。如果有講錯ge話，小弟再次承認見識淺薄，請多包涵。系小店用QR Code落單個陣，一直系＂taco＂同薄餅之間掙扎（始終唔想食白飯），最後試左佢地ge＂taco＂套餐。呢次先試兩款＂taco＂ge套餐。套餐ge＂taco＂，嚴格黎講，出左墨西哥辣雞口味同墨西哥有關連外，其他口味反而屬於我地熟悉ge風味：日式「吉列蝦」、港式「沙嗲牛肉」等等（抱歉，記憶力較差）。換句話講，如果想試正宗＂taco＂ge話，呢間未必系您杯茶。＂taco＂餅皮較細，而且偏硬，但唔算太乾。呢次叫ge「吉列蝦」同「十五味豬肉」，岩岩都屬於偏鹹ge內餡，所以配搭＂taco＂內裏ge番茄同青菜，成個＂taco＂唔會太「漏」，又唔會太「難啃」，算系舒服又唔會太大負擔。如果下午茶想試Ｄ新奇款式，又唔想份量太多ge話，呢間ge＂taco＂值得考慮。餐湯系義大利式雜菜湯，同樣算舒服。呢次套餐令我稍為意想唔到ge系，居然有少量西瓜作為餐點。可能考慮到而家ge天氣。呢間"Hunger Point"，無論小店裝潢、員工服務態度都令人滿意。想簡簡單單又一餐好餐？"Hunger Point"可以幫到您。…Read More

小弟一段時間無做「大花筒」，加上中新冠康復後，胃口開始恢復，於是趁個人假期的最後一日，試一種近年新興食日式燒肉的用餐方式。以往食日式／韓式燒肉，由於大部分店舖無單設一人座位，加上價錢普遍偏高，於是比人感覺「要食好多野先回本」；結果，單單食物數量以及價格兩個問題，已經令好多人「望日式／韓式燒肉店而卻步」。不過，日本近年開始興起「一人ＸＸ店」，開始為像我這些平常極少約朋友，又較為喜愛獨處ge「自私精」黎講，至少唔會遇到食物浪費的問題，而且價錢唔會太貴。呢間位處旺角鬧市中ge牛繁，就系其中之一。牛繁主打日式燒肉系列（但都有韓式燒肉選擇），不論系肉類種類、份量，都可以因應自己的食量做出選擇。由於「選擇困難症」發作，唯有先求穩陣，選擇燒肉店較常見到ge牛胸花及豬五花（至少就算自己手殘，完全無烹飪天分，都無甘容易浪費食材）牛胸花及豬五花套餐（生菜另加）牛繁ge一人套餐，除了自己選擇ge肉類（再細分不同份量，通常100-300g），再包一碗白飯（可加錢換其他主食）、麵豉湯以及小配菜（芽菜及菠菜），凍飲同樣要加錢。為左好好體驗呢種用餐方式，我淨系選擇白飯同飲水，另外加添生菜，模仿韓式生菜包肉食法，稍為減少食燒肉時帶黎ge油膩感。麵豉湯稍稍偏咸，其他的白飯（小弟轉大碗）、小配菜以及生菜屬於正常發揮。稍為讓我驚奇ge，正正系兩個主角－牛胸花及豬五花。小弟叫ge呢個餐，屬於可以叫到肉類最大分量ge餐單。萬萬想不到，原本以為50-50個種分配，到正式上菜個陣，居然牛胸花份量稍為比豬五花多少少。先講牛胸花：牛胸花薄切上碟，而且較為幸運ge，系牛肉肥瘦均勻，唔會「肥膏」或者「瘦肉」太多，岩岩好接近50-50；當然，想見到牛肉脂肪以「雪花」方式呈現的話，可能要抱住類似買「六合彩」ge心情。至於豬五花：明顯六片同樣50-50肥瘦分布ge豬五花，燒完後油花佈滿豬肉面ge感覺過癮；不過可能太耐無食油膩野，呢種油膩感暫時仲未完全習慣（牛肉油膩感相對較少）。好彩自己身來一筆，加生菜配肉食，油膩感消減唔少。小弟幫襯個陣，岩岩過左晏晝最忙個段時間；店舖空位多之餘，服務員態度唔錯，呢間牛繁，算系小弟幫襯「一人燒肉店」一個感覺舒服ge入門；將來可以再系其他地區，發掘呢類「一人ＸＸ店」。甘，就算自己第時想再做「大花筒」個陣，都有多Ｄ令人賞心悅目ge美食選擇。…Read More

小弟早排因為手緊的關係，晚晚主力食「頹」餐，食到個人又懶又無心機。所以公司一出糧，唔理三七廿一，就去左試一間之前經過個陣，已經想試ge呢間「十三姨」。系入去幫襯十三姨之前，望過幾次佢地Ｄ特色招牌菜名，非常有香港特色。例如：「十三飛」（唔通老闆鍾意打麻雀:(），小弟記性越黎越差，食完飯後要打下，防下腦退化。今晚奢侈地幫襯ge麵食，就叫「嚦咕嚦咕」；餐廳上左蝦片作為前菜（紙袋應該比人袋走蝦片），再加一杯茶包泡茶。小弟見識少，呢個配搭真心估唔到。「嚦咕嚦咕」其實系一份以雞為主食ge晚餐，個麵用細煲上。除左麵裡面ge雞肉片、半熟蛋、芽菜、魚乾同腸粉（講錯的話請指正）之外，另外三小塊雞槌用細碟上。小弟比較喜好食較為粗身ge麵，所以換左陽春麵取代原本個粉絲。根據店家推薦食法，舊檸檬可以滴落碗湯度，試下個湯味道岩唔岩心水；但我怕雞槌太油膩，於是我將部分檸檬汁"jit"左幾滴上去，其他就加左系碗湯度。識打麻雀ge人，應該知道「嚦咕嚦咕」都唔算容易打到；我估餐廳可能覺得，個麵應該比到顧客驚喜。但可能小弟太耐無食好野，個麵似乎比唔到我太多驚喜。可能遇著晚餐繁忙時間，雞槌外皮頗脆，但部分雞肉就算滴左檸檬汁，或者加左米通一齊食，都仲系偏「漏」。細煲入面個湯好多，但飲唔出系唔系雞湯。其他ge麵條、蔥花、魚乾、芽菜，尚算正常。真系叫做「驚喜」ge：半熟蛋蛋黃夠淋夠滑身、切成圓塊的雞肉有少少煙燻味道，肉質算滑（但無加系湯入面比較好，無比湯沖淡的話會更惹味）。呢間系佐敦同旺角都有分店，就算平日都有唔少人幫襯。下次要食其他菜式的話，應該唔好揀繁忙時間去。…Read More

觀塘多「好西」就系人都知，所以小弟都唔賣關子，直接講下今日趁去個邊買野之後，揀左呢間一直想試，私人清單內的名店食晚餐。好多高手都話呢間名店的食物，超接近台灣本土的風味，而且價錢唔算太貴。小弟唔係食家，所以呢度只係講講食完之後的感受；至於煮法、味道、擺盤方式等等，小弟無資格評論，淨係非常感恩可以有一餐「好西」醫醫五臟廟。今日無揀到呢間名店的牛肉湯麵，反而試左正常的「炸排骨麵」（小弟唔多食辣．所以叫左走辣）。呢碗與其話係炸排骨麵，不如話係「炸豬扒麵」更貼切。呢碗湯麵，用ge係接近台灣米粉個種幼身的細麵，麵質尚算細滑，而且頗為掛湯，幼麵浸在湯裡面一段時間，都唔會淋曬。如果系好似小弟一樣，比較中意食粗身的麵條，＋５蚊轉刀削麵可以系一個選擇（或者同樣＋５蚊轉轉冬粉都得）。唔夠食ge話仲可以比＄加底。至於個清湯底，唔敢講有無些少牛肉味道（試唔出:(），不過蘿蔔的味道非常突出，加上小唐菜、蔥花同少少乾蔥，湯底絕不油膩；蘿蔔更加系爽滑無渣。成碗湯麵，小弟覺得湯同配料比起麵條本身更出色。至於個幾件「炸豬扒」（唔系，系排骨），肉質唔屬於鬆軟個種（系小弟比較中意的硬身感覺）；肉身見到少少油分，但唔會令人食塊「豬扒」個陣，有種討厭的油膩感。部分面頭的炸衣，可能因為放置時間常的關係，會有少少剝落的感覺（當然唔影響肉扒本身的質素）。衰在今天晏晝個陣，「眼闊肚窄」食左太多野，唔係ge話絕對會加底，然後揀返牛肉麵或者其他麵款去試。至於小食，終於都試左台式食店的「基本功」之一－「蚵仔煎」。「蚵仔煎」其實系廣東潮汕一帶、福建同台灣地區流行，唔同地方ge「蚵仔煎」有唔同的面相同食後感。今次系度試到ge「台式蚵仔煎」，餅皮比較軟糯，但帶少少煙韌。蛋味較淡，面頭的甜醬唔太甜，反而同個餅皮以及入面ge青菜相得益彰，材料之間唔會互相搶去各自ge味道。成個煎餅最令小弟滿意ge地方，在於入面的蠔仔，終於系唔腥，而且有少少蠔仔本身的咸鮮味道。所以，小弟覺得呢個「蚵仔煎」，可以算系一個非常好食的蠔餅入門。呢份奢侈的「好西」，希望成為將來小弟有機會去台灣個陣，一個小小的記憶點，看看有無運氣食到更「古早味」的台食；而家未有機會去台灣，唯有幫襯呢間出色的日月堂頂住癮先。…Read More

香港自20世紀20至30年代開始，不少上海人由於各種原因，開始遷移至香港，於是上海菜開始在香港大行其道。時至今日，香港見到的上海菜店舖數量，已經多如繁星，而且各有不同特色，琳瑯滿目。至於系唔系正宗呢種問題...各位高手就自行判斷，小弟就唔講野:(。今次試ge呢間滄浪亭，其實都有唔少系上海菜式入面，見到的「基本款」，例如：獅子頭。不過，小弟選擇左以下呢款聞名的麵款－「嫩雞煨麵」。呢碗老闆親自推介的麵食，其實配搭頗為簡單：雞肉、小白菜、幼米粉（？）同埋加左奶的雞湯。但系呢碗簡簡單單的湯麵，卻令到小弟覺得驚喜十足又舒服。幼粉其實唔算多，不過湯麵的碗好大個，而且裏面的白菜同雞肉已經切到細細塊，相信牙力相對吃力的長輩，亦可享受；雞肉尚算嫩滑，配上小白菜加添健康成份，幼米粉同樣做到掛湯的效果，增添幼粉的爽滑感。但成碗湯麵最令小弟覺得出色的地方，在於湯底。根據老闆介紹，呢個白湯底（小弟隱約飲到雞湯味，有錯的話又要麻煩高手指正）原來加左奶（牛奶？），成碗白湯飲落醇滑之餘，充斥著濃濃的奶味，兼夾小小雞湯味；由於小弟細個飲左好多年牛奶，所以成件事令小弟感覺舒服，尤其天氣開始轉冷，呢個奶白雞湯可以增添些少溫暖。至於小食，老闆同樣熱心推介「烤菇」比小弟試，不過呢個菇就好特別。碗「烤菇」其實有加到少少木耳，木耳算清爽；不過個菇似乎唔覺有烤過的痕跡，反而因為碗入面的醬汁，成件事反而有種甜甜酸酸的感覺。呢個小菜，似系開胃小菜多Ｄ；當然同樣系好好食，值得推薦。呢間滄浪亭，其實都有唔少高手推介過，小弟呢次幫襯果陣，由於「選擇困難症」發作，於是膽粗粗問老闆有乜好推介；老闆非常熱心講左上面個兩款菜色，而且全程非常有禮貌，對住客人永遠斯斯文文，「唔該前唔該後」。就算小店環境頗為狹窄，小弟都可以抱著享受的心情，親嚐老闆的推介，連帶小弟緊張的壞習性，都可以稍為減退。臨走個陣，老闆就算十分繁忙，都同小弟禮貌地推介埋醬油湯底的麵食（唔系hardsell）；淨系呢種親和力，小弟已經bookmark左呢間小店，絕對會問機會再幫襯…Read More

一直以黎，日本除左拉麵文化殖根香港外，近年香港亦興起另一種吸引人的日本麵類－「沾麵」。根據不同高手們的解釋，沾麵原來係日本只系興起左大概十至二十年左右；而且由拉麵的食法引申出來（有錯的話歡迎高手們指正）。所以部分對拉麵十分喜愛的日本人，其實頗為討厭沾麵。不過，對於日本文化了解甚淺的小弟黎講，其實都系個句老土說話：「英雄莫問出處；好味ge野『有麝自然香』。」而且小弟未接觸過沾麵，自然要搵機會奢侈一番。網路上眾多高手介紹過唔同地區的推介，其中小弟身處的九龍，就有呢間排隊小店－「海老名沾麵」。「沾麵」最主要ge特色，在於自己將麵夾過去碗「湯／汁」度，然後再夾起麵黎食。要搵正宗沾麵，當然可以趁而家開關﹑「返鄉下」自己摸索，碰碰運氣，看看搵唔搵到間令自己滿意ge；但系好似小弟無乜「銀兩」，又想嘗鮮的話。呢間主打海老（蝦）沾麵的著名小店。可能系其中一個好選擇。店舖面積非常細，而且門面無寫明店名「海老名沾麵」，但都無損Ｄ熟客、高手們前黎排隊的決心；而且環境算乾淨企理，服務員頗為細心。顧名思義，呢間小店其實只有櫻花蝦沾麵，不過有味僧、醬油同埋番茄味道選擇；小弟第一次幫襯，揀左味僧版本。之後可以自己加錢追加配料同飲品；小弟誤會左無半熟蛋，所以呢次追加隻「玉子」（不過呢個誤會反而令小弟因禍得福，食左兩隻唔錯ge蛋）。小店ge沾麵，比起一般拉麵粗身，外表望落平平無奇（可能小弟唔識野），但系夾起Ｄ麵過去碗「蝦湯」個時，終於見識到乜野叫做「掛汁」。沾麵撈落碗汁之後，麵條沾上蝦湯所顯現的蝦紅色（而且唔「甩色」），極度吸引小弟眼球；食個啖麵ge時候，麵條充滿蝦湯的味道，兼且麵條尚算彈牙，唔會太淋（小弟比較喜好煙韌ge粗身麵條）。食落去只需要一個字形容當下感覺－「爽」至於「蝦湯」本身分量唔算大碗，叉燒同埋筍量唔算多，又唔算大舊（但系半熟蛋反而成隻上）；遇著小弟呢種比一般人大食的「為食鬼」，有Ｄ唔夠喉（一般人的話應該岩岩好）。最後，小弟忍唔住連埋蝦汁全清。埋單出去，價錢屬於香港拉麵、沾麵店的正常價位；作為沾麵入門，呢間真心唔錯，下次幫襯個陣，可以看看應該加Ｄ乜野配料。…Read More

小弟已經有段時間，無食日式套餐；除了因爲價錢外，更因爲好怕中伏。不過，呢間隱藏於佐敦同尖沙咀之間，位於住宅大廈内的天井食堂，就係小弟難得遇到的驚喜。呢間食堂，最近先被高手們採訪，小弟被食堂的老闆們感動；感動在他們堅持在合理價錢下，選用優質食材，製作極爲優質的味道。小店的食物選擇唔算多，但係配搭頗爲新鮮。例如：漢堡肉可以成為丼飯的食材。不過，對於有 ”選擇困難症“ge小弟來講，呢次選擇較爲傳統的日式鰻魚飯。外面食到的鰻魚飯，一般係【鰻魚+米飯+燒汁/甜醬】；好似小弟呢種大食鬼， 大碗的話至少都要$100起跳（如果講錯的話，歡迎高手指正）。呢個鰻魚飯的價位其實同外面差唔多， 但係當碗飯放到小弟面前ge時候，我有少少嚇親，然後好興奮。因爲呢個飯呈現的方式係【鰻魚+米飯+甜燒汁+蘭王半熟蛋+葱花】出面食到的鰻魚，主要食個汁；但呢個鰻魚，食到微甜的汁之餘，同時食到鰻魚肉的滑順。然後蘭王半熟蛋+葱花撈埋個飯到，蘭王蛋的味道超突出，加埋葱花的清新；個飯真心食得好開心。所以呢個飯，小弟會形容為 ”近期難得一見的好作品“。同時間，小弟試埋店舖期間限定的唐揚炸鷄。6舊炸鷄都算大份，配埋菜絲，檸檬（純榨汁用）同白醬；都係外面見到的配搭。但係個炸鷄外面層炸粉唔會太厚之餘，炸鷄本身有微微的肉汁；好難得食炸鷄唔會食到”損口“。小店面積唔算大，但算整齊企理；價錢對小弟來講都頗爲感到負擔，但係成個”CP值“算高（極優質食材+唔使加一）。總之，一字記之曰：爽絕對會再試其他推介…Read More

天后近年多左好多新型食肆，其中 "亨環 。天后 " 成爲不少新食店的駐腳點。 小弟原本以爲呢個係天后的新型food court，只有貴價的外賣店或者連鎖食店。難得小弟今日下定決心“忙裏偷懶”，於是趁晏晝同下午茶之間的小小時間，見識見識一下。呢個新型food court入面，原來有唔少類型的店鋪。有韓國小食、港式甜品、咖啡等等。但係最吸引我的，竟然係呢間主打沙爹食材的小店。之前在網上見過“Satay Pop” 的簡介，原來係香港人開設（有講錯的話，麻煩高手指正），他們主打配搭沙爹的主食以及串燒。今日小弟試ge，係他們其中一個主打的午市套餐 - “沙爹鷄扒撈麵餐”。小弟因爲腸胃差，近年已經少食即食麵類的套餐。但係舖頭展示的相，見到分量唔細，而且賣相唔差，結果忍唔住買黎試。曾經有位高手講過：有時好味ge野，唔使太複雜，簡簡單單就可以一餐。呢份鷄扒撈麵餐，裏面只有沙爹醃過的鷄扒同公仔麵，另外加少少青瓜、紫洋葱同花生醬；但係絕對唔能夠看少呢份撈麵。青瓜同紫洋葱屬於正常發揮，唔鍾意紫洋葱個青葱味的食家，可能會被嚇怕（青葱味頗重）；不過，公仔麵同花生醬呢個“不敗組合”，已經為呢個餐加唔少分；花生醬唔會太多，撈埋去公仔麵，完全係“幸福的罪惡感”。紫洋葱個青葱味，正正可以減少花生醬撈麵帶黎的油膩感。最令小弟驚喜ge，係份鷄扒。鷄扒事前應該用沙爹醃過，到鷄排加熱、上碟後，鷄排原本的鷄油唔少，但唔會令到塊排太油；成塊鷄扒食落，肉唔會“鞋”，沙爹味濃但唔會蓋過鷄扒本來的肉味。近年係外面食醃肉，一系醬汁唔夠，令到舊肉無味（雖然小弟偏好原味食材），一系醬料太濃，蓋過食材本來味道。呢塊鷄扒，應該係小弟近年食過，食得最爽快的醃鷄扒小弟其實極少試沙爹類型的套餐，但係呢間Satay Pop，絕對值得一試；尤其是平時少食沙爹的高手們，呢度可以算係值得推薦的沙爹入門小店。第時揾機會再試更出名ge沙爹串燒 （捻起都開心）…Read More

雖然而家陸續有不同國家「開關」，但疫情始終令人擔心，小弟唔敢貿貿然系呢個時候旅行。近年小弟迷上台灣菜，所以不斷搵網絡上高手的社交媒體，同埋不同的關注組、討論區等等，看看香港有咩推介。當然，唔會奢望完全食到同台灣的同樣味道，只要有接近的感覺，而且味道一流就好。香港區區食台灣菜的地方唔少（當然系唔系「正宗」就見仁見智），而呢間「六両三」，絕對唔系店如其名，只有「六両三」的水準；一個字講曬：「」。呢間名店系尖沙咀都有分店，但系觀塘分店店舖面積較大，環境較寬闊開揚。小弟第一次幫襯，見到可以選擇的種類唔多，都系正路的「便當類」、麵類、台式小食、台式飲料等等。「正路野無特別姐」－對唔住，您真系有試過先再講。小弟試左個蔥油拌麵，套餐跟鹵甜不辣同埋薑母茶。甜不辣偏煙軔，但唔系硬到咬唔到個隻（算唔算所謂台式麻糬的咬口:(）；甜不辣上的醬汁酸酸甜甜，但唔會太過份，十分開胃。薑母茶完全系比起外面飲到薑味的更濃，完全系「小弟杯茶」；更細心的系，店舖怕客人攞到熱飲時會「辣」手，所以系杯外面加層厚紙皮；對小弟呢種十級怕熱的人黎講，絕對歡迎（但好似唔環保？）到左蔥油拌麵，完全可以「嘩」一聲。成碗麵未撈埋乾蔥同麻油之前，蔥同油的香味已經飄散出黎（無誇張），店員仲溫馨提示，要趁熱將麵同蔥油撈埋更好食。碗麵的滋味程度，真系值得身體十級虧的小弟再冒「油鹽糖份爆標」的風險去食－雖然唔系小弟較為喜好的粗麵，但每一寸幼麵都可以撈到麻油，而且乾蔥事先好似有炒到呈深啡色，將乾蔥的香氣逼出黎；麵、蔥食落去系油，但油而不膩，麵條食落仲有些少滑溜的感覺。當然，成碗麵最後食到乾乾淨淨，就系對舖頭最好表達「好味」的方式。簡簡單單的蔥油拌麵都可以整到甘好味，小弟已經期待下次再試其他更有名的款式。…Read More