idct916's Profile

見佢新開，出面冇價錢牌，諗住用試試伏既心態尋日去左食早市，有鑑於對面羊城裝修，朝早7點幾都好爆場，座位間距都ok，唔會話點迫，直接入正題，叫左三樣野食，鳳爪排骨飯，蝦餃，豬肚燒賣，鳳爪排骨飯：鳳爪同排骨我自己覺得完全冇味，鳳爪冇任何醬味，排骨感覺冇醃過，飯食落好旱，冇米香味蝦餃：皮比較厚，入面啲味ok，不過打唔起膠，啲餡好散豬肚燒賣：出面比較少見，所以我比較唔到，豬肚同燒賣夾落係完全分開，冇痴埋既，第一舊食落有小小，好輕微既臭味，然後第三第三舊就冇，呢個整體啲味係幾好食，只係唔知豬肚同燒賣 係出面會唔會痴埋，整體黎講不過不失，服務態度幾nice，免茶芥免加一，飯同蝦餃係尊點，燒賣大點，賣單$102，太耐冇飲茶，到底依家飲茶係咪呢個價既，真係唔知…Read More

是日 , 四少我突然TAKE左野想同D FD聚聚 , 咁我地就係個WHATSUP GROUP到傾下食乜啦 , 本身我D FD就話"不如去強記丫(沙田行到幾入果間)" , 但係本四少之前食過一次有D唔係太KAI心既回憶 (等位好耐 , 但係D野食又太涷 , 我覺得唔值LOL)所以我就一野BAN左 , 咁大家都知本四少對食 , 有要求嫁MA , 所以成個WHATSUP GROUP就問我有咩好介紹 , 我當堂定左係到 , 你問我MK有咩野食我就知姐 , 仲要只可以問我放題 , 其他類別就真係GG啦 , 然後我當然就上開飯啦做做功課啦 , 以下係真實對話(呢間你地有冇食過 , 我都係睇OPENRICE搵)(其實我本來都打算去呢間，不過唔就腳而已)(我都未去過 , 但係我諗果到應該有車來回沙田/大圍?)(大圍，問我嘛！"笑臉1""笑臉1")(大圍站有VAN去: 803K)咁栓子就講完啦 , 入正題了 , 本身我地五個毒男就約8點半果到等既 , 但係包括我在內有三個就早左 , 7點45就到啦 , 然後就見到 ...... 爆到丫.....咁當中我地有一個神勇飛鷹俠就走左入去搵位霸 , 而我同另一個毒男就係門口睇女...丫唔係 , 係吹水 ,吹左真係10分鐘左右 , 我地既神勇飛鷹俠就同我地講(有位，come on19:55室內的19:55)(WELL~)好 , 不如直接入D主D既主題吧一開始我地就叫左蠔餅食住等先嘩 , 我平日係油地廟街果間蠔餅我都已經覺得算唔錯 , 但係呢間真係正 , 首先真係啖啖蠔 , 其次脆而不重油 , 唔加醬食又得 , 加醬食亦得 , 得左之後因為我地仲有兩個FD未到 , 我地就叫多個(下圖)同(下圖)啦首先個炒飯 , 唔係唔得 , 不過四少我唔鍾意食有白色汁汁既炒飯 , 但係都係叫好食既 , 其次個炒蜆 , 其實我唔鍾意食豉椒同青椒的 , 不過到最後我食到連D青椒都食埋....但係我都一定要堅持己見 , 只係比四星星咁食到咁上下呢 , 我地就有另一位靚仔到左吹水(真係靚仔 , 仲係待字閨中既 , 有冇絲打岩 , 介紹你識)然後因為我地就仲有一位靚仔8點半先係鰂魚涌收工 , 所以到最後我地都決定 , 叫多兩樣野咬住先第一個 , 你同阿姐講(唔該我想要果個食到成嘴黑炆炆既墨魚仔丫 , 丫唔係 , 果D都已經唔叫仔了)就OK , 講真 , 真心正 , 第一步首先玩腳 , 丫唔係 , 係食腳 , 點一點個汁 , 食左D腳 , 第二步 , 炆左墨魚仔中間果條"伊"出黎 第三步 , 用個匙倒D汁落去 , 一啖食落口 , 真係魔戒過魔戒三部曲到第二樣 , 辣酒煮田螺 , 佢D田螺我諗煮左好耐 , 好"林" , 好易挑出黎食 , 不過要小心 , 佢D田螺入面有好多螺仔 , 食落去唔好立即吞 , 要"妹"返d螺仔出黎先 , 但係"妹妹"下又幾過引 , 加埋d啤酒 , 丫係呀 , 我地五個小生一共叫左四支定五支啤酒 , 三支or二支燕京加兩支青島正 ~最後到九點半啦 , 我地d壓軸小生終於趕到黎 , 然後我地就叫左呢位小生一直都話要叫既"下圖" , 再加多件蠔餅 , 係呀 , 又叫呀 , 因為蠔餅等等食物已經係較早時份比三條半白堊紀時代既草食龍食晒了 , 所以為左地球既和平 , 同埋老屈最後黎果個夾返之前食d食物既錢 , 我地就叫多左次蠔餅蠔餅就唔講啦 , 都講左一次 , 但係真係正 , 到烏頭呢個呢~~我只可以講 , 我地用左5分鐘既時間就清晒成條魚 , 都仲有d唔夠喉 , 係呢到本四少又有d小建議 , 條魚唔好點汁 , 食原味 , 正好多倍好 , 咁食又食完啦 , ,到賣單 , 唔該盛惠771丫 , (好既 , 771 , 睇下有冇1蚊先 , 丫 , 冇添)(冇 , 唔緊要 , 我比你 , 收你800 , 找返30)到果陣我仲係發發地夢 , 咩事...?(丫 , 多謝晒)(歡迎下次再黎)嗯 , 下次本四少都會再黎既 , 仲有好多好多野未試 佢d鵝肉 , 本來我地都想叫 , 可惜 !!!!!! 賣晒....竟然賣晒呀你明唔明呀!!!!!!!!!!!.....…Read More

是日 , 家姐約左四少爺我出黎食飯 , 之前line果陣都係到諗緊食咩好 , 然後家姐就提議不如去呢間「老點」試下 , 因為佢話早前友人湘試過呢間 , 話幾好食咁喎~咁亦都因為本少爺最近去左何文田返工既關係 , 成日放工去火車站果陣都見到呢間野有好多人既關係 , 所以就去左呢間試下啦事不宜遲 , 食不宜速 , 開始今次既食評吧~咁一開始我跟家姐大約八點鐘左右係佢門口等 , 嘩真係唔少人喎 , 咁我地係等既過程竟已經諗定一陣叫咩食啦 , 等左大約廿分鐘左右啦 , 終於入到去啦 , 一坐底 , 落左十一樣野 , 其中兩樣係甜品 , 但係原來甜品係一落即上 , 所以我地係第一張單到cancel左先1.漢堡包第一樣黎既係呢樣唔記得全名了 , 總之有漢堡包呢幾隻字啦 , 呢個漢堡包外型的的色色 , 然後入面有一d沙律醬同青芥末醬吧 , 我自己左分左二層食落去 , 第一層食佢既包面 , 食落去佢d醬d味好正 , 感覺有d似之前m記出過一隻青芥末醬果種味 , 之後下面我記得好似係炸雞肉!?都係比個醬既味搶晒 , 所以我都唔記得自己叫左d咩肉了 , 整體黎講 , 唔好諗住真係一口咬晒 , 佢未至於細到你可以一口咬晒 , 到第二樣了 , 咖哩芝士咸水角 ,講真我自己真係覺得唔錯 , 雖然佢真係冇乜芝士味 ,但係就好重咖哩粉既味 , 但係陣味又唔會令到我覺得太嗆可惜的是 , 家姐對呢樣野既興趣不大 , 佢始終都係鍾意咖哩汁果隻味3. 薑汁千層糕薑汁千層糕薑汁千層糕呢舊野 , 佢個薑汁味超重 , 但係重既同時佢又唔怕令到你受唔到隻味而咳 , 個味其實有d似澳門d薑糖 , 我建議食既時候 , 一層一層咁去食 , 感覺正好多4 . 綠茶流沙包綠茶流沙包食到呢到既時候 , 我同老姐都不約而同咁樣注視呢個點心 , 而食完之後 , 我地相對望左一眼 , 之後家姐講左句「同我想像中唔同....」「me too...」我地兩個一直都以為佢係入面流既係綠茶 , 但係原來佢所指既綠茶,只係外面果層包皮-.-"咁當然 , 佢既味道其實唔錯的 , 只係我地本身一直諗錯左方向, 5.唔記得左咩名既複雜物堆  actually佢係叫唔知咩黎 海皇乜乜乜 , 但係點解我會叫佢做複雜物堆呢 , 因為佢真係好複雜下 , 佢入面係mix左幾種平時唔會放埋一齊既點心 , 之後用一層好厚....好厚既皮包住 , 食落味道一層層間開左 , 因為本身佢個皮已經間開左果三樣野 , 我諗如果單叫蝦餃既話 , 感覺會理想好多6.咩斑斕戚風馬拉糕之類既名稱戚風馬拉糕講真我食落果陣唔覺得有咩特別 , 可能係因為本身本少爺唔太鍾意食馬拉糕吧 , 所以呢個我只能說句,不過不失 , 7 灌湯餃雖然我食得小小 , 比唔到d咩意見 , 但係以我家姐咁嘴饞都清晒佢連d湯 , 我敢保證 , 呢個一定好食  , 如果真係唔好食既 , 那我~~~~~~~~~~~~~~~也沒辦法嚕~8 甜品*2圖左係朱古力慕絲 , 圖右係焦糖蛋蛋 , 朱古力慕絲味道唔錯 , 但係我真係好倒食客枱 , 希望佢既分量減返小小 , 因為講真 , 佢既味道淺嘗is ok , 但係太多就會有d「膩」anyway 我都好推薦呢個甜品 , 焦糖蛋我偷食左一啖 , 味道比較甜 , 嗜甜者必定要試 , 不過我就唔係太得另外我地仲試左叉包同鳳爪 , 感覺同出面其實冇咩大分別 , 臨走前我地問佢拎左個盒 , 然後有一位好似老細既人過左黎問「做咩呀~d野食唔好食咩」「唔係~我地食得太飽咋ma」特別係到提一提係因為呢位疑似老細親切既態度 , 令我係到加一加分 …Read More

是日 , 四少爺我三生有幸 , 約左位金髮美女傾下人生的意義 , 咁因為之前問左阿金想食乜 , 咁阿金就話係旺角食放題 , 當時本禽獸.....丫唔係...本少爺我約到位金髮美女 , 就幾大乜都話好好好嫁啦 , 一Whatsapp完 , 我心諗...旺角食放題....?好似間間都食過晒 , 冇乜邊間得嫁喎.....一係近近地去尖咀食大喜丫....但係得返三日...一定冇位啦....算啦,上黎呢到搵下有冇d隱世高店算 , 日本菜 , mk 油麻地 , 自助餐/放題 , 搜尋 五月花...聽講好難食...吉壽 . 組長 . 郎田 . 和田....平時食開都唔覺得好好火鳥 ......銀城既我一定唔去 , 然後 .... 依 , 乜創興有間叫大滿喜既咩@@睇落都多好評喎 , 所以就黎左呢到試下啦 , 好 , 入正題 , 一開波我地兩個5點九就上到去了 , 然後佢都直接比我地入 , 仲問我地食到七點半定八點半 , 如果食到七點半既就16幾一個 , 咁之後我就睇下阿髮既意見啦 , 之後你眼望我眼...可惜過唔到電 , 最後阿美都決定左食到八點半 , 之後入座啦 , 然後坐低 , 我就隨手一拋 , 拋左個波比阿女自己點野 , 唔洗九秒九 , 佢就比左三張紙我落單 , 第一樣黎既 , 刺身~本身放題吞拿魚刺身是個陷阱是常識吧 , 但係佢偏偏唔係不單止 , 仲幾好食喎 , 同埋最主要佢冇乜雪味 , 平時食放題 , 一定有雪味嫁啦 , 但係佢又真係唔覺得有雪味 , 依下真係加分 , 之後到雞翼同炸蠔佢個雞翼整得幾香 , 味道感覺上有小小辣味 , 但係實質上佢又唔係辣嫁喎 , 好難形容 , 總之好香啦 , 炸蠔 , 因為我只係食左一舊 , 但係平時食親果d , 佢d粉都做得好差下 , 而依個又真係唔怕喎 , 起碼我唔洗拆佢皮丫 , 蝦天婦羅 , 冇咩話好特別 , 都算整得幾好的然之後係依到插一插個小插曲先 , 正當本禽...本少爺同美女傾緊計 , 食緊雞翼果陣 , 突然有人從我身後插左把聲過黎....「請問兩位有冇叫過呢d野呀」原來有個侍應拎住張冇寫枱號人數既單 , 一張張枱咁問有冇人有叫過呢張單 , 係平時你係出面放題?人地理都唔理你啦 , 仲會過黎問!?呢下動作真係令到我對呢間野加晒分 , 而本少爺都好有禮貌 (自我感覺良好~) 地回左佢一句「唔好意思呀 , 呢張單唔係我地嫁 , 我地全部都有寫枱號嫁」之後黎左牛粒 (我真係冇睇到張單係點寫-.-全部由美人自己點=/=)阿美人話佢整得熟左啲=/= 我就覺得ok啦 , 佢又唔係話整到老晒 ,一陣佢黎左個生既就真係出事啦-.-" 同埋佢真係整得幾香 , 之後仲有一口冷面 , 可惜我唔記得take a 相 , 阿美人一口氣叫左四個-.-"佢好天真咁話「我以為佢一口既意思真係有碗湯整住幾條面咁樣上丫ma」....可愛既美人-.-到最後 , 雜菜 , 我唔鍾意食 , 佢又唔係話味精重既 , 但係比我感覺真係唔鍾意 , 最後 , 每人207~ , ~ 到佢回水既時候好搞笑 , 我拎完錢之後佢就話 「拎埋下面果兩張Coupon丫」到我拎左果兩張Coupon之後 , 「拎埋果張單丫 , 張單都拎得嫁 , 張單都有優惠嫁」真係好搞笑-.-"題外話~Coupon一張每人減30蚊 , 一張每人減20蚊 ,30蚊既要19:30前走人or22:00後入座20蚊既要20:00前走人or21:30後入座 , 講真幾正下 , 每人減30蚊喎 , 唔係一張單減30蚊喎 , 仲要不限人數 , 姐係你10個人去就減左300啦喎題外話2~話說到最後我全部單都冇睇過叫左d咩 =.=…Read More

今次題外話唔多講 , 四少我最近好支力 ,雖然只係過兩三日(第二次編輯稿件果陣已經過左好耐) , 但係d菜既正式名本少爺已經忘記了 入正題 , 本身 姐說打算搵返一間佢之前試詔唔錯既意式餐廳 , 但行下行下 姐就話 : 好似執左....然後經過 姐一輪掙扎之後 , 最後決定唔去意房菜 , 改黎呢間 BuoBuono ,入去,坐落,姐就比d生蠔吸引左 ,唔記得幾錢半打 , 叫左姐係比起之前係半島自助餐食果d好食好多 , 食落去有d海水味 , 然後就有d甜味 , 而我就覺得 , 半島果d好細隻-.-"而佢附送果隻醬 , 姐話拎黎送飯一流 , 但係我覺得唔落好過落 , 佢個醬d味太濃了 , 完全搶晒生蠔既味 , 搞到食落去就好似食醬咁 (我落左兩小滴醬而已) ,到前菜唔記得咩黑xx忌廉蛋 , 唔錯 , 上面d忌廉好重味 , 而下面就全部都係d蛋黃 , 真係幾ok巴馬腳 , 同樣唔記得左咩名 , 我覺得是唔錯的 , 而姐就覺得唔太好食 , 唔好食既原因我忘了 , 但係食落佢陣蠟味比較重 , 湯, 餐包 , 冇影相 , 湯有南瓜咩湯同牛尾湯(佢話)南瓜咩湯我試左一啖 ,味道已經忘了,但係姐話呢個湯好飲d , 所以就變左我飲果個佢話牛尾湯既羅宋湯 ,感覺....好一般 , 餐包....佢冇比餐包果d刀.....d包又涼涼地,.....gg之後我同姐兩個都叫左呢個d餐七成牛扒 (唔記得左咩名了)姐要左個紅酒汁 , 我就要左個青xx汁(忘了名字)我冇試到個紅酒汁 , 當姐試我個青xx汁果陣佢話好辣 , 當然我就唔覺啦 , 牛扒佢整得比較老左d , 我建議大家叫果陣可以叫五成就好了 , 整體都算唔錯的 , (第二次編輯稿件開始)之後到甜品 , 我地一人一個餐+20蚊叫埋兩種甜品布丁 , 幾好食 , 不過姐話唔夠滑 , 我試左口覺得ok , 係甜左小小而已提拉米蘇呢~好一般呢~是次消息每人大約265左右~…Read More

咪就係因為你話book中環囉-.-"自從19號果日四少爺我食完d好難食既野之後 , 我心情一直好低落 , 低到我打左n鋪Jubeat 都回復唔到 , 而咁岩之前因為一早約左家姐去呢間試 , 所以我就唔係幾舒服咁去啦5點50分左右,係附近行左陣m&s之後 , 我地上去了 , 一上去....嘩 , 好窄 ....不過我一路行入去果陣時 , 望去窗果邊 , 依 , 個景望落都好似幾舒服咁喎 , 結果我地係坐左係一條走廊旁邊 , 真係好窄......當時果個位對正個vip房 , 入面d人玩得好盡興.........好嘈.....不過佢地時不時爆左一兩句金句出黎 , 期間有幾次真係笑死 , 好~入返正題先刺身令人感到正斗既係 , 佢竟然有油甘魚 !! 真係讚讚 , 計放題界 , 整體黎講真係中上級 , 當然 , 我間間既放題 , 我點都會叫一次吞拿魚 , 結果都係一樣....牛舌我最愛 , 要趁熱食 , 炸物重點在芝士年糕,真係正爆 , 過兒女朋友冇乜印象 , 應該唔錯 , 焗蠔真係唔錯 , 佢上面d沙律醬好香 , 仲有d三色椒係上面 , d味好夾手卷不過不失啦 , 都冇乜印象 , 但係入面d料比較小 ,唔建議叫~火灸壽司佢有個柚子乜乜真係幾正 , 其他都唔錯但係個吞拿魚花之卷真係唔係太得-.-"最後 , 雞翼都算唔錯 , 幾好食 , 有相既就咁多,之後到冇相既 , 炸淮山 , 甜甜地 , 好正好好食 , 拎黎送酒一流鴨舌 : 辣辣地 , 又係送酒一流 , 我第二愛~羊架 : 感覺一般 , 冇乜味 , 唔建議叫~多春魚 : 佢又燒得幾香嫁喎~不過上果陣已經好飽 , 搞到冇乜感覺油甘魚頭湯 : 好甜 , 不岩我口味 , 紅酒牛腩 : 都係唔岩我口味 , 但係係幾好食的 . 幾香…Read More

今日本身係四少爺我七年先一度既運動日 , 全男班由大水坑來回大埔海濱公園超攰 , 之後友人S早前己經打左電話Book左呢間試下 , 6點左右交車山長水遠由大水坑轉大圍轉九龍塘轉旺角轉佐敦 , 食完我真的想說粗口 , 7點02分去到 , 冇人企出面 , 唔理啦 , 超攰 , 坐左係佢出面果兩行sofa到等佢地有人出黎 , 等到07分先出黎 , 然而入面真係多空枱到呢.... 唔緊要啦 , 真支力既時候真係唔諗過呢d野 , 入到去 , 坐低 , 友人s早前print左張 泰式明爐魚既優惠劵 , 唔理了 , 寫刺身寫野飲先啦唔該 , 寫完順手比埋「魚劵」佢 , 咁第一樣野黎既竟然就係魚 , 不過食開泰野既評友都知多數佢係生既咁樣拎上黎 , 之後下面搵個爐煮佢嫁啦 , 咁煮啦等啦 , 到條魚熟 , 刺身先黎「嘩~好吸引呀」發夢啦你 , 第一個刺身佢係有張特別d既紙黎比你填 , 我記得張紙上面有個(like)既印仔 , 不過食完之後真係唔多久like)囉 先講條魚先 , 好辣 , 不過四少爺我最愛食辣 , 依個真係唔錯 , 佢有D菜係面 , 我就專夾佢D菜加佢上面D醬 , 辣得夠過引既依下真係 , 不過之後到講刺身第一輪刺身包括有 三文魚 , 螺肉 , 吞拿魚 , 甜蝦 , 好似係鮑片 , 希靈魚 , 同埋圖中三文角同吞拿魚中間下面既唔記得咩魚首先三文魚 , 一般 , 真係好一般 , 同你出面$3一件三文魚壽司果d三文魚差唔多 , 螺肉 , 一般 , 唔多講 , 總之放得入口 , 吞拿魚 , 其實去得放題你都唔好諗住有好食既吞拿魚 , 不過呢個真係好難食 , 甜蝦 , 都ok , 我最鍾意食佢個頭 , 不過只有第一次佢有比頭,之後冇了q_q好似係鮑片 , 點解好似係呢 , 因為我唔知佢地叫左d咩 , 但係呢個有鮑片味 , 都叫做食得落口 , 希靈魚 , 大路野 , BJ4 , 唔記得咩魚 , 好大陣雪味 , 雪味豐富 , 我要食雪我自己回家食唔好!?刺身插完 , 到服務先咁辣完啦 , 之後其間我叫左兩次野飲 , 佢涷野好快到 , 但係熱飲佢就要等12MIN先到 , 其間我問過其中一個後生 , 都唔算後生既金毛侍應 , 「唔該 , 我地叫左兩杯熱菜蜜呢 , 等左好耐都仲未到呀 , 麻煩你可唔可以幫我地睇睇呀」果陣我地D涷檸茶都飲完了 , 「你等下啦」之後走左 , 哦 , 點解我黎食野消費 , 好似變左黎乞食咁既?你話我問侯你 , 叉叉你 , 你咁回我 , 我都抵死丫 , 我好聲好氣問你 , 你咁黎答我 , 難道我前世跟你全家有仇而我今世唔知?ok , f....f.......f..................fine !~fine都唔緊要 , 咁d野你都起碼收下丫 , 全場二小時 , 收左4次野 , 你睇只係其中二個人飲完既杯 , 都可以咁樣層層疊 , 真係不知所謂之後 , 到串燒同峴 , 串燒我幾鍾意食 , 不過其實真係好一般 , 峴 , 四少爺我唔係太食呢味野 , 但係佢個味真係唔錯 , 一口牛推介美食!? 熱門選擇!?老實講佢d牛只係大家樂平時賣開既梳打粉牛 , 姐係搵d梳打粉發到佢大一大 , 但係就比梳打粉"那"到佢乜味都冇 , 真係當我睇到某d食評 , 真係令我不禁懷疑 , 係我今日當黑 , 定係有人請槍手 , 不過一口牛入面既翠肉瓜都叫不過不失 , 咕嚕肉 , 涷嫁喎!?唔熟嫁喎 , 見紅嫁喎 , 你冇野呀你?想減肥既可以食 , 我仲肚痛緊 , 最後成碟冇人食之後果一個鐘頭 , 我地除左食左一次叫12件黎得6年既刺身 同埋d好難食既火灸 and好難食既芝麻骨之外 , 都只係係到狂等佢地miss單 , 因為等緊果陣 , 有個女性朋友打黎 , 所以我就r水吹吹左17分鐘 , 吹到咁上下既時候 , 有個可愛女侍應妹妹走黎同我地講 last order , 我聽到呢句之後我就唔理電話中溫柔的那位 , 一野就ban埋去個妹妹到 , 依家諗起我都覺得我自己過份「last order?唔好意思 , 我地入左n咁多樣野 , 你一樣都冇黎 , 如果你miss左我地d單 , 而我地又唔落既 , 咁我地咪真係last? 如果我地再落 , 你地又黎返咪大鑊 , 唔該你地check到底係咪miss晒我地d野之後再覆返我 , 我地先last order 啦」 , 咁當然冇覆啦 , 我繼續電話 , 電左一陣 , 收線 , 我就已經見到其他人已經密謀last d 咩 , 講返火灸同芝麻骨先 , 我地叫左火灸三文魚 , 火灸吞拿魚 , 同埋鰻魚壽c佢難食就難食在 , 佢又係涷嫁 , 涷都唔緊要 , 最重要佢上面d沙律醬都冇味嫁 , 真係我真係冇食開咁難食既火灸 , 旺角吉壽都已經叫差嫁啦 , 呢間仲青出於藍 , 真係 fine芝麻骨 , 同樣梳打粉肉 , 見上面一口牛解ok , 密謀完之後 , 我唔知佢地真係餓到咩咁塹左咁多 , 定係真係佢地玩野一次過出 , 圖中所見就係佢地last order出既野 , 另加一個炒飯 , 6件刺身 (怪我囉 , 我黎乞食囉 , 多謝你比6件我囉 , 我寫左12件囉)同埋炒峴 , 仲有豬頸肉 , 講返豬頸肉 , 都叫做唔錯 , 但係佢冇汁點既...仲有甜品佢個甜品紙上面寫 「藍妹芝士旦糕」,我仲諗緊「依~用藍妹黎做芝士蛋糕 , 試下先」結果黎就黎左「藍莓芝士蛋糕」, 你地間鋪洗唔洗搵「最緊要正字」黎幫手執執?講返蛋糕 , 多數不過不失 , 不過圖中面既紅豆 , 圖右上果件七彩咁既野 , 真係好難食 ,是次消費每人196.8keep單累積消費滿2000蚊 , d單可以當100蚊用 , 我掉左了 , 下面5樓果間板燒郎都係佢地的 , 各位評友可以去試下 , 當然出左事記得openrice下 , 依家我去樓下7仔睇下有冇喇叭牌買先 2013-01-20 上午12:52…Read More

最近好差忙 , 所以一個月前食既野要到今日先打到 , 因為家姐既睇完開飯入面既食評之後被迷倒 , 所以就要我早三日前就打去Book , 當日早上係呢個CWT , 呢D題外話就唔講啦 , 不過講開又講 , 果日真係好差多人...又晒....又.....(變成抱怨文)好 , 咁BOOK完就未得既 , 最緊要既係佢會係當日下午2點定3點前會打一次比你Confirm 加比 Book Number你 , 呢下要Remenber緊記開機 , 留意 , 當然你聽唔到電話響 , 佢打唔通佢都會留個言 , send個 message比你叫你盡快打返去Confirm (明顯地我係聽唔到電話響所以先知呢d經歷啦) 好,冇記錯既話我係Book下午6點至8點15分果part既 , 咁一開波你係需要係佢個廣場樓下等life , 我5點35左右到果陣已經有好多人等緊 , 佢滿屋方面都有兩個同事落黎講解同維持一下秩序既 , 好 , 之後等到5點55分左右 , 佢就開始放人上去 , 但係好似得4部life .... 要等life上 , 咁千辛萬苦上到去啦 , 好多人..............................(下刪千字文)排到入去櫃枱 , 講number , 佢就有人帶入去 , 好正常既做法 ,好 , 開始入入正題啦 入面d野食有d好好食 , 有d好陷阱 , 我就重點講幾樣啦 小食類 , 咩八爪魚呀 , 咩辣螺肉呀 ~ 陷阱! 絕對陷阱 ! 咁當然你唔信既可以試下 , 不管你信不信 , 反正我就信了 ,但係~但係佢個酸薑!? 就ok幾好食 , 咬下咬下唔錯~燒牛舌 , 我最愛 , 唔係話特別 "好好食呀" , 但係都值得係個胃到分一點點空間比佢 迷你手卷 , 真係好迷你 , 我齋食左海膽迷你 , 真係好足料 , 結果我一共係食左三件迷你海膽 , 鍾意海膽既同食真係叫黎食食~蒲燒金目鯛 , 依個真係重點食物 , 唔錯 , 好食 , 真係依件野係回本食物 , 點都叫叫 , 刺身整體唔錯 , 咁當然任何放題都冇乜人建議你食吞拿魚刺食既 , 我都一樣 , 特別重點係甜蝦刺身 , 佢個頭真係好好食 , 我本住"百毒一侵就病假唔返工 " " 死就死得轟轟轟轟 ' 既精神去狂食佢既甜蝦包括佢個蝦頭個腦 , 個腦好回味呢~結果我竟然冇事返到工 , 係唔夠精神姐 , 雞骨 , 丫唔係 , 係雞翼 , 我唔記得左影相 , 食完之後都冇乜時間加上勁飽 , 所以影一影個雞骨黎重點介紹下佢 , 一樣點都要叫既食物黎 , 真係唔錯 , 燒左過兒條女 , 真係幾好食 , 佢唔會好乾 , 都係d返食食物 , 附上 " 賓客意見調查"表 , 整體唔錯 , 但係漏單出野慢依下真係有待大大力改善 ,仲有健怡可樂太快賣晒 , (其實我想飲zero......)仲有!!!!睇返我自己d相先記得 火炙 日本平目魚邊壽司 , 我唔理你食其他d咩都好, 呢個一定要食 , 必定要食 , 絕對要食 , 大大力咁食不過openrice d 相上限得8張~~冇相比你地睇lu~…Read More

話說尋日，四少爺我自己行完街之後同左 某友人ｋ去mk搵野食，咁友人ｋ就話佢行過黎果陣見到有間叫築地既拉麵好似幾ｏｋ，故鄙人與阿友人ｋ就行左去呢間係 ( 某某人所掘既 ) 地庫(!?...地牢!?... ) 既 (唔知係唔係) 自家製拉麵鋪 到啦 。咁就由於天氣好熱好熱好熱，所以四少爺我一坐低就飲晒成杯水啦，然後先睇餐牌，睇下睇下，’又睇下睇下，經過唔知幾多番既討論，最後本人就叫左個唔記得叫地獄咩之類既拉麵，總之佢牌上係得果個係辣既，而友人ｋ就叫左個唔知咩叉燒拉麵，另外叫多個咩七味炸蠔，咁等啦等啦，等啦等啦，咁因為仲係好熱，所以我又繼續飲水啦，喂，咪住，唔記得頭先飲晒嫁啦喎，" 呀唔該 ~ 先生唔該 ~ " 我對住一個渣住個水壺既男侍應說。他回回頭，我指指杯，然後，他走去另一枱客到問食咩...　ok ... f....f...fine~之後到我回回頭，再叫一叫係我後面果三位自high互傾既侍應，"唔該，可唔可以幫我斟斟水呀" 自high一詞是有理由的，鄙人不作解釋，好，終於有野食，第一樣黎既係果個咩七味炸蠔 "唔該斟斟水丫" 終於有水飲....唔....嗯!!!....um......咩起承轉合我係果刻感受晒...起：望落出煙；　承：入口好熱；　轉：嘩好厚粉；　合：f...f...fine you ar ，入面涷既...!..............................友人ｋ食完又冇事，咁一人兩舊丫ｍａ，我之後食果舊都冇事既，係好厚粉姐，鍾意食厚粉既炸物既人我諗會好鍾意食之後黎既係友人ｋ既拉麵，我食左一塊叉燒覺得都叫ｏｋ既，最後黎既係我個拉麵，真係別講笑，咸到爆開了，好咸，不辣，係好咸，飲水量一百八十％上升上面ｄ肉...好咸...幾硬...丫唔係...唔熟...丫唔係....有口感...嗯，幾有咬口...咁就因為四少爺我食野比較快......所以雖然阿友人ｋ食先過我，咁都係我食完先...同埋因為我流汗會比較多，所以我一共用左三"張"紙巾(我知一定有人話三包既) ...一段奇妙既旅程就係咁樣發生....只見一個幾似"大島由加利"既女侍應　(唔好問我點解，佢個樣cool既程度真係令我覺得我係前9世都係欠左佢錢咁樣)左手一野拎走我三張紙巾，右手拎走我食完晒既果碗拉麵，一野抌 (dam2)落去碗拉麵到.... 阿 大島由加利 ，我想問下你知唔知我ｄ紙巾抹過ｄ咩嫁....收完碗野之後立即去左上第二 枱客ｄ野食.....咳咳咳....事後，我同返友人ｋ講返呢件事......咳咳....…Read More

早排興起幅射熱~咁為左證明我唔怕死,咁就約左兩位女仕去呢間漁屋到食,一開頭我建議大家可以早,可以準時,但係唔好遲,佢果到最多等你5分鐘,因為佢真係好爆,你唔book位既話就88得~講埋漏單方面,佢既漏單指數係2次,而我總數叫左7次野,有3次係野飲,野飲冇漏,姐係d野食係漏左2次,指數都算驚人咁一開頭見d食評推介個清酒煮蜆啦食落,又ok喎~佢有少少醉醉地果d味,不過d蜆有1/5係冇肉既-.-"任食無所謂啦,最多再叫過,另外就係三文魚腩刺身同帶子刺身啦個魚腩真係好好食囉,個帶子反而一般,但係佢最小冇雪味,之後值得一講既係佢果個乜生薑炒肥牛(類似名詞),個名差唔多啦,忘記了,呢個又係好正,佢d牛牛d汁好香,但係有幾樣食物,鍾意既人會好鍾意,唔鍾意既人會大力批評,就係佢個咩 地獄雞扒(類似名詞) , 軟穀蟹天婦羅(類似名詞) , 同埋個芝麻八爪魚啦,個咩 地獄雞扒 呢,我本人就覺得,佢得d辣味,除左辣味之外就咩都冇啦,鍾意辣既人可以試下,但係真係冇乜其他味,軟穀蟹天婦羅(類似名詞)呢個我覺得唔關佢手工果邊事,而係關出面樓面果到事,因為我食果d已經唔多熱,芝麻八爪魚,我既最愛,真係好好食,但係有段小插曲,就係我同一位女仕都食左呢樣野,而之後我地兩個都不約而同地腸胃炎左三個星期,本人入左院,以上,講真好好食,不過下次我要割愛唔叫八爪魚囉…Read More