美食幽靈's Profile

以前喺中環返工呢間食lunch真係一個唔錯嘅選擇！以前$50 有湯兩餸飯 ！聽講朋友講而家要$52！ 唔知點解我總係覺得全世界嘅餐廳都好似慢慢慢慢咁加價咁⋯點都好反正今日返咗嚟今日就嚟試下從未試過嘅堂食晚飯！之前聽人講過個收銀阿姐態度好差我今晚真係領教過！佢大聲得來又粗聲粗氣！你食個飯好似爭佢幾廿萬咁！哈哈！我開始明白點解我啲同事叫親佢哋外賣都黑住面返嚟！不過我唔係幫個阿姐講說話我只係覺得個阿姐佢唔係好識表達自己（可能咁樣心理上個人會平衡啲）講返食物佢個叉燒同以前冇乜分別都係咁好食燒肉就不過不失囉！我其實好想食個二人餐！但我冇另一半所以我暫時食唔到so sad！是日晚餐成為$57兩餸燒味連埋個湯整體上我覺得幾OK！頭先肚餓得滯唔記得咗影相:（…Read More

早幾日係我去中環工作嘅最後一日！最後的午餐約咗遲到大王一齊食Lunch ！點鬼知一去到公司樓下就狂風暴雨係唔想麻煩嘅情況下約咗佢喺中環中心等！咁等佢嘅途中我順手睇吓有冇乜嘢可以食！途中我發現咗一間門口有藍色大笨象嘅Cafe ！入面都幾多人排緊隊！行到去Cafe門口我發現有一個好似涼茶舖嘅銅煲！再行去睇真啲原來係一部咖啡機！ 起初我都唔知呢部係乜鬼嘢！朋友之後同返我講其實佢係一部咖啡機！哈哈第一次見到一部咁嘅咖啡機！真係好想知道佢係咪真係用到！講句老實說話第一眼望落去個裝修幾靚！裏面個設計以啡色同黑色為主！但唔知係咪先入為主。本身隻大笨象牌子係買口罩！然後嗰個藍色招牌同間鋪感覺好似有啲奇怪！當我喺度遠距離八卦緊嘅時候！呢個遲到大王終於都出現啦！朋友話呢間cafe 幾好食問我有冇興趣試下 ！我呢個有選擇困難症嘅人當然話好啦 ！ 經朋友介紹我揀咗蒜香雜菌意粉！加意大利雜菜湯！跟餐仲有一個細沙律 （其實呢個餐本身係佢幫我揀！因為佢之前食過話超好味 ！原本諗住喺度食但見到咁多人最後我哋兩個都係決定返公司食！一入到公司我就已經急不及待咁樣打開個意粉！唔知係咪好肚餓嘅關係！一打開盒！嘩！D蒜香味直頭可以用襲擊我嚟形容！食落去第一口個意粉唔油軟硬度適中！呢係真係好好味！朋友果然冇介紹錯今日雖然係最後一日但估唔到我會食到一個咁好味嘅外賣意粉感覺就好似最後加上咗一個完美嘅句號咁值得一提嘅係朋友叫咗一個白汁雞肉螺絲粉朋友share咗少少俾我食！雖然我唔鍾意白汁但我覺得都好好味！仲有一杯佢個人極力推介話好好飲嘅Earlgrey coffee ！下午茶時段佢靜靜雞落咗去買咗一杯俾我飲！老實講句我好少飲咖啡！但係呢杯我都覺得要推薦比大家 唔識點評論總之好飲囉！不過如果下次返嚟中環我一定要現場食一次個雜菌意粉:)…Read More

上去搵家姐之前睇過寶琳嗰邊嘅食評！見咁多人話個海南雞飯好好味！又話冇味精又話食完唔會口渴要狂飲水!咁啱經過呢度又見到有一間咪入去試吓囉！六點幾入去唔係好多人唔使等位！格局係茶餐廳咁嘅feel！環境真係冇乜嘢好講！而嗰海南雞飯80幾蚊！我只能夠話唔差囉！如果冇得選擇又唔想諗個晚餐我都會幫襯佢嘅！講返個海南雞飯！雞肉整得幾滑同個飯都做得幾好！醬汁味道正常囉！有冇落味精我就真係唔清楚同食唔出！呢個晚餐依個地區來講正常㗎囉！冇話特別抵食…Read More