kiyoting的個人專頁

對上一次寫食評已經兩年前😅不過今次唔寫對唔住自己，因為太高質啦😆我同老公每人嗌一份定食，老公叫左刺身定食，而我就係鰻魚定食，定食除左main course，仲有前菜，茶碗蒸，麵豉湯同野飲，樣樣都好好味🤤偷食左老公啲三文魚同帶子，完全無渣，同埋入口即溶，本身我唔食魚，所以食三文魚要點wasabi，但今次點左少少，但一啲都唔腥🤭而我嘅鰻魚，好足料，而且條魚係有肌肉架🤣因為好怕食鰻魚食到好膩，好肥美，但今日食嘅口感好juicy，好彈牙，好好咬😆😆仲有啲飯呀，落左紫菜同飯素，好吸引☺️所有野都好好味，仲有個洗手間好乾淨，大加分🤪…查看更多

本身無特別話黎呢間但話食台灣野就配起呢間小店位置方面都比較難搵而且鋪位裝修樸素 行過左都未必發覺必食嘅牛肉麵牛肉好軟身好稔而且麵身好滑 仲有個湯好正呀魯肉飯，本身以為會好肥，但食落又好ok wor !! 好好味呀小黃瓜好脆 好味 但份量太少，得幾舊仔甜不辣，完全係台灣嘅味道，好好食呀不可不飲嘅冬瓜茶唔太甜 又有冬瓜味 出面買果啲多數甜耶耶 但呢個好清甜不得不讚店家嘅細心為方便長髮女士食麵特別準備左橡膠加分位呀完全係下次一齊要再黎食…查看更多

原本想食譚仔架但男朋友話想試下呢間「麻麻地」所以就出左黎銅鑼灣啦😛一入到黎，玩味十足，好funny嘅一間cafe，環境好好，like like like 👍🏻👍🏻👍🏻Lunch time is 12-14:00所以要盡快落order 首選當然係鰻魚蛋包飯🍳個蛋好滑呀，滑得黎又唔會勁多蛋汁加埋鰻魚同木魚片 好好味呀而且份量都夠大 可以share 呢個pizza 都好好味薄批得黎加左薯仔喺中間 所以外脆內軟 上面有芝士，煙肉同洋蔥，juicy我地加左個薯條 🍟薯條好脆好乾爽但又唔會太油不過如果有多少少醬點下就好啦男朋友order左Ice mocha 不過朱古力味好淡 如果可轉用70%嘅朱古力就更好我嘅美式咖啡 不過不失 不喜歡咖啡嘅人就會覺得好苦另外，抵讚讚個餐湯好重黑松露味 而且仲有幾塊菇在但個沙律就欠佳黑醋太少啦，而且好少生果，不夠吸引呢…查看更多

同男朋友行完婚展 過左黎銅鑼灣本身想食烏冬但search到呢間餐廳好多like 所以入黎試一試哎，不錯喔首先係海南雞飯有菜呀竟然，好貼心隻雞都好滑，仲要啲蘿蔔絲都好爽最喜歡食底下嘅青瓜 油酥餅 原本以為會好乾 仲擔心要唔要order埋咖哩但okay wor 唔油之餘仲甜甜地果然係best order 呢個粉絲又係好正正 男朋友係咁話「呢間野好有heart 」因為好足料，同埋粉絲濕乾適中下面仲有蛋絲同加左炸蒜好好味呀 不如上面加少少花生碎就更好呢個芒果冰冰又係誠意之作平日食冰都會好快融但呢個竟然食到最後都唔太多水出原因係佢加左果肉去打冰所以goooooood 最後又點少得佢呀 芒果糯米飯好香嘅椰漿 仲要好creamy 糯米飯都好甜 有落椰水去煮而芒果都好香好甜 係差在啲糯米飯唔夠nim 成餐都好滿足 好正令我好想又去多轉泰國呀…查看更多

晚餐食左三餸一麵有金菇/蘿白/墨魚餅金菇加$8 但得好少而個蘿白好淋 但一入口就溶咁制無口感可言而個墨魚餅 竟然係炸嘅 好油下仲以為係煎...其實墨魚餅可以加粟米同馬蹄加強爽口嘅感覺但抵讚嘅係粉絲 好味道沙嗲都好香下…查看更多

第一次入黎食，以為好好食，但點知係知伏黎....嗌左個雞絲冷麵，本身滿心歡喜，但一入口，啲麵好硬，雞肉又少又鞋，而且麻醬太多，搞到成碟野好鹹，食左兩啖已經唔想食😪…查看更多

第一次黎呢間食泰國野一入到黎 環境好okay呀 只係燈光比較暗 食食下有啲眼瞓haha 三個人嗌左4碟野1） 馬拉盞通菜不過不失啦 但咸左少少 同埋菜真係好少囉🙈我地討論緊可能菜來貨比較貴啲.....2）蒜蓉包配黃咖哩個包真心正，好脆又香，而個咖哩都唔錯，微甘，但油太多，But 出黎時成匙油呢3）小食拼盤大部分都好好味，我最like 係個蝦捧，全部都係蝦蝦蝦，同埋好脆☺️但個雞翼太乾食，食完要飲好多水4）軟殼蟹金邊粉無咩特別 但個金邊粉太濕 我地唔太喜歡平日食果啲比較乾身 宜家一pat pat咁 🙄😅原本想坐多陣，但因為燈光太暗所以朋友仔覺得好眼訓 要早啲走人😂😂😂…查看更多

原來呢間野係爭鮮期下嘅不過都合理 因為見到餐牌用字就估到台灣開周細妹一齊lunch 一人一個set 細妹鐘意食海鮮丼而個丼都用料豐富有三文魚，珍寶蝦，帶子，希靈魚等等味道唔錯 但當然唔係頂級啦味噌湯咸左少少但有得無限加海帶 呢個吸引個泡芙都好味😘我嗌左醬油雞腿肉質好「淋」好岩老人家食不過我就嫌無嘜口感而且中間都帶肥膏如果可以有慢煮雞腿就好🙈我地仲嗌左三文魚刺身同明太子雞翼刺身唔記得影相不過幾好食而雞翼都唔錯 好彈牙而且入面有好多明太子 由於本人唔食魚 所以覺得一般但細妹話好好味🤭🤭…查看更多

同男朋友經過，見到好似好好食里，但入後發現係伏黎，never come again首先係牛肉烏冬，牛肉少到不得了，而且好un 好似食緊香口膠咁😅連平日好喜歡食肉嘅男朋友都唔想食同埋個豬骨湯，好油囉我食蕃茄湯配叉燒同雞肉雞肉又係好奇怪 一啲都唔嫩唯一可取嘅係叉燒唔錯喎 呢個可以一試除左烏冬，仲有嗌左雞泡魚乾同餃子未試過餃子係淋嘅，擺到明煎左好耐，整返熱就算好難食囉未試過有餃子咁難食🤦🏻‍♀️燒魚乾呢個好少少，幾好味，總括黎講，都唔會再食🤷🏻‍♀️…查看更多

咁岩男朋友接放工，都成8點幾，見到呢間餐廳有好多likes，就即管試一試😏嗌左兩個set dinner 1）帶子黑松露意大利飯鐘意黑松露嘅人，一定會😍😍Creamy 度岩岩好，唔會太「漏」，而且啲帶子都好大粒，入面仲有細細粒帶子，爽口並彈牙☺️2）BBQ Ribs個汁帶蕃茄味，但略嫌太酸，而個Ribs就太肥仔，唔夠淡淡肉，但咁嘅價格，咁大嘅份量，都係抵😌仲有甜品同龍蝦湯先講個湯，酥皮幾脆，味道剛剛好，我自己就喜歡將個酥皮浸落個湯度，但要扣分就係，個湯太少啦😞😞😞多返啲湯就唔駛將係食酥皮😂而甜品就揀左跟餐嘅，朱古力雪糕🍦球同綠茶紅豆慕絲朱古力好味啲，仲加左杏仁片，抵讚😘但個綠茶就無咩味，紅豆又太甜☹️…查看更多

今晚同屋企人食飯，佢地一人叫一個牛肉火鍋湯底係壽喜燒，雖然牛肉係少左啲，但半價火鍋喎，要求總不能太高😯入面仲有粉絲，金菇，龍蝦丸等，不過最欣賞佢個汁，好味🙆🏻‍♀️我嗌左鐵片牛仔骨，個汁幾好味，不過略嫌肥左少少如果女仔就要咬開啲肥膏先好食跟餐嘅麵鼓湯good good 食完正餐當然要食甜品🍮抹茶味好重，但生果可以多返少少或者加埋棉花糖 層次會豐富啲仲有黑糖紅荳寒天個雪糕好ok 但配料太少如果加返多啲啲生果或者白玉就更好…查看更多

行到門口俾張poster吸引到一蚊一碟三文魚刺身❤️呢間鋪頭新開嘅，之前做西餐嘅😬我同男朋友食個自選晚餐，$89 可以揀主食同兩個小食，仲有綠茶同麵豉湯😊😊😊中華沙律 X 加洲卷幾好味喎 不過washabi唔夠勁金菇肥牛卷 個汁好好味 啲金菇索晒啲汁，正呀🤭反而配沙律醬唔係咁夾😅炸蝦🍤卷❤️零期望之下異常好味蝦🦐炸得好脆 同埋蝦肉好彈牙到主食啦😘三文魚飯，落左飯素好好味🤗黑椒牛排🥩飯 好「林」黑椒汁好好味 仲要加炆蘿蔔 係牛腩嘅蘿蔔好多汁🙈仲要有驚喜呀......原來牛排底有蒜蓉螺肉😍😍😍登登登 仲有一蚊一碟三文魚入口即溶抵到不得了下次再黎😛…查看更多

第一次黎食buffet 坐嘅位好舒服 而且野食都唔錯不過就差在食物種類唔算多😂首先要讚讚啲長腳蟹好有鮮味 蟹肉夠結實 好好味而且要讚一讚 蟹殻有剪過 所以好易開我同男朋友食左成2大碟🙆🏻‍♀️出面仲有青口，麵包蟹同蜆 岩晒唔同口味嘅人食🤗然後食刺身，有五種：三文魚/帶子/魷魚🦑/希靈魚/吞拿三文魚好厚 而且入口即溶 好正呀壽司🍣種類唔多 但都好味道食食下聽到「叮叮」聲 原來餐廳有新野出。係蒸海鮮呀！立即去排隊拎 好鮮味呀每人都拎到一碟 有蝦又有蜆仲有帶子❤️坐下坐下又有驚喜半個鐘又有「叮叮」係澳洲和牛🐮🐮🐮🐮🐮呀今次不過太好食無影相🤭食到最後梗係食甜品女仔不嬲有兩個胃🤫🤫🤫係哈根大師嘅麻糬紅荳同藍莓薰衣草生果就自己加架hahahNice❤️甜品仲有好多呀！但食品晒咁多🤭男朋友話下次再黎過🤗…查看更多

之前同事推薦過呢間餐廳, 所以滿有期待~~之但係, 好失望呀/...\我地食左120分鐘牛扒任食夜, 寫左有25種沙律, 但SHOW出黎係5種only,佢話會refill, 但由於放出黎嘅沙律唔吸引, 所以無咩人食, 更唔好講refill或換第2款...最好食, 大概係個蒜蓉包...好啦, 講下主食, 今晚係肉眼同羊脾,無最好食嘅豬手, 而上面兩種肉肉亦好一般,仲要切到得手指尾咁多, 一口都食晒啦好韌...簡直咬唔開, 而且個waitress根本唔係熟手, 是是旦旦切, 無順住d肉紋, 而且d態度都好差lor佢: 小姐d肉要幾多成熟?我: 呢d係羊黎? 咁7成啦佢: 我搵同事幫你''同事: 小姐, 羊無得揀幾多成熟架我心諗: d_u 咁你講俾我聽咪得囉, 駛鬼叫你同事解釋俾我知, 同埋你又問我要幾多成熟?!無論質素定態度, 我都唔會再黎呢度食$218/位, 食都唔食知到有冇5塊肉, 浪費金錢…查看更多

第一次食，真係可以俾個"差"字，首先，女員工竟然喺客面前爆粗，一個x， 成間餐廳都聽到，我明得一個人做，係比較辛苦，但有禮貌係基本野囉第2，嗌左個鐵板漢堡扒，嘩，袖珍到呢，睇完都知唔夠飽，飯同意粉另上，但意粉乾爭爭，仲要一舊舊，點食呀大佬😂😂😂😂😂第3，嗌左個蘑菇牛肉丼，oh where is the mushroom?!個汁都見唔到有喎!!牛肉呢，肥膏同筋仲多過肉，真係好難食。。。。。。難怪無人幫襯啦，無下次啦😅…查看更多