Ms.ZoieR's Profile

位於南豐紗廠的Fleur ，數年前已經曾經光顧。現在再次到來，餐廳仍是很美，不過唯一是沙發上有點污跡。最喜歡點這裏的Fleur Lover，因為可以讓我懷緬在澳洲最喜愛的Hot Cake。鬆餅上佈滿士多啤梨、無花果及藍莓，中間有一嚿大大的忌廉，灑上堅果及楓樹糖漿，可皆當天沒有食用花。鬆餅有點濕潤，味道不是太甜，連同生果、忌廉及堅果一起吃，每一口都是幸福的味道。今次到訪是Tea Time時間，包一杯飲品，性價比很高。點了Flat White，咖啡味道偏苦，下次會嘗試其他飲品。…Read More

一直都好想試KiKi拌麵，不過又唔想煮。臨近新年，想對自己好啲(其實係懶🤣)，去咗尖沙咀K11 MUSEA嘅KiKi麵店食晚餐。KiKi撈起($98) 係農曆新年期間限定，緊係要試吓！撈起係傳統賀年菜，「撈起、撈起，風生水起！」，相當有意頭。選用KiKi手工日曬乾拌麵，搭配煙三文魚，加上多款蔬菜絲，包括紅蘿蔔、青瓜、黑木耳、沙葛同紅椰菜，顏色非常豐富，而且清甜爽脆，絕對係追求健康嘅女生必食之選😋！仲有花生碎增加口感，配埋特製芝麻梅子醬，整個配搭好Fresh好清新！仲要係打卡一流📷！另一個主食係廚師推介嘅 蒼蠅頭拌麵($98)，同KiKi撈起截然不同。蒼蠅頭其實係指豆豉😂以韭菜、豆豉、辣椒同豬肉碎拌麵，非常香口惹味，仲有少少辣，令人一口接一口，越食越想食！小食點咗 蒜泥白肉($68) 同 蒜片台式腸($38)。坊間嘅蒜泥白肉一般係比較油膩，而KiKi麵店嘅蒜泥白肉蒜係少油Light版本， 爽脆白肉沾上蒜泥同甜醬油，很喜歡過個新版本！而蒜片台式腸都係Light版本！一般台式腸都很肥膩，食幾件就要停。而KiKii麵店嘅台式腸少啲肥膏，配埋蒜片好好食！黃金雪絨黑糖薑母鮮奶(單點：$38，撈起套餐：$128) 都係新年期間限定。以台灣天然黑糖同薑母加入鮮奶中，甜甜地同飲到微辣嘅薑味，熱飲飲完令人覺得好舒服😌。頂層嘅 #黃金蕃薯 奶蓋非常濃郁，蕃薯味好濃好香甜，Mix入薑母鮮奶超好飲！而 黑糖珍珠鮮奶($35) 係店長推薦。見到甜度係固定，都有少少擔心會唔會太甜。估唔到唔係太甜，甜度剛剛好，同埋珍珠Q彈煙韌，絕對不負店長推薦之名！話明要對自己好啲，點可以唔叫甜品❤！伯爵戚風蛋糕配黑糖珍珠($68) 又係打卡之選！戚風蛋糕非常軟熟，沾上茶味香濃嘅流心忌廉同黑糖珍珠，搭配好特別！仙草珍珠($28) 味道好清新，少少甜非常好味。雖然配上一小瓶黑糖，但個人覺得唔加黑糖仲好味，細味仙草嘅原味。比個Menu大家參考一吓～仲有其他麵同小食都想好食❤下次再去KiKi麵店！…Read More

有芝士的地方，就會有Zoie (笑）。黐線芝士黐住芝士治 ($78) 係No Milkshake No Life 的名物！一上枱，那半溶的crazy cheese絶對會令你尖叫❤️ 以紅菜頭製成的麵包相當鬆脆，面層灑滿芝士碎及香草，非常香口。而中間的重頭戲「半溶芝士」，應該至少有兩種芝士，芝士味超級濃厚，拉絲效果一流！不過食這個三文治係要同時間競賽，因為凍咗就彷彿失去了芝士的靈魂。來到No Milkshake No Life，除了芝士治，當然要點一杯Milkshake 啦！花生醬朱古力奶昔 ($44 / 12oz)，簡直是一杯液態花生醬！花生味超濃，而且都幾甜。對比之下，我非常推薦鮮雜莓奶昔 ($46 / 12oz)，雖然都是甜度十足，但因為有雜莓，酸酸甜甜會令你很開胃，而且可以中和返芝士的油膩，減低食這些邪惡美食的罪疚感（自欺欺人中😂）。店舖雖然很細，但超級喜歡他們的特色牆，掛了有很多畫同裝飾，最重要係近似Tiffany Blue的牆色，又一個拍照熱點！…Read More

我超級鍾意食芋頭，更試過自己整芋泥同芋頭鮮奶，不過真的很花時間！當知道元朗開咗沐白小農沐場這間台式茶飲店，而大甲芋頭鮮奶更係其招牌飲品之一，已經立即好想試！大甲芋泥已經佔了半杯，超重手，超足料！芋泥無額外添加任何糖，有好香的芋頭味，口感非常綿密。而鮮奶係用明治4.3特濃牛奶，大愛！因為我自己都係買開明治4.3！凍飲同熱飲我都試過，味道兩者都好好。不過我會推薦凍飲，因為可以清楚睇到半杯芋泥，感覺非常幸福，仲可以post相放閃！…Read More

這間拉麵店在登龍街入面，但不知為何一直都未光顧  ，原來好店一直在身邊！醬油炙燒五花叉燒拉麵 ($98)，叉燒燒得很香口，麵條軟硬度及湯底都OK。整體都算合格，但沒有太大驚喜。反而味噌海鮮拉麵 ($98)就非常出色！可能因為比較少食以海鮮為主題的拉麵，先飲湯底，味道非常鮮甜，配料都好豐富，其中帶子非常好味。另外點了蟹肉忌廉薯餅加汽水 (+$20)，雖然很香脆，但實在感受不到蟹肉的存在。但$20有小食同汽水，CP值都幾高。…Read More

早前去澳洲旅行，沒有品嚐當地很出名的西瓜蛋糕，幸好香港都有得食。雖然不是同一個，但不用搭飛機便可以食到，算是不錯吧。這個草莓西瓜蛋糕($65)的外型很相當吸引！最上層鋪滿草莓、玫瑰花花瓣同開心果碎，下層放滿玫瑰忌廉、西瓜同杏仁餅碎，未食已經覺得好開心。生果蛋糕就食得多，以西瓜為夾心就第一次。入口先是濃濃的玫瑰花香，之後是幼滑的忌廉，再配以西瓜及草莓的清甜，感覺好清新、好夏日！想不到西瓜同蛋糕可以這麼Match！ 雖然蛋糕是以草莓同西瓜為主題，但整個感覺最出的竟然是玫瑰！不過因為我是玫瑰控，反而又很喜歡這個超濃玫瑰花香的草莓西瓜蛋糕。LIFETASTIC在香港有2間分店，今次到訪的是位於西營盤的本店。一入店內你就會被一幅超大的壁畫吸引，顏色超colorful。由於樓底極高，空間感好大，在店內的感覺很舒服很cozy。到訪時是平日的下午茶時間，人客不多，絕對可以享受一個放空的下午。…Read More

我係一個芝士控🧀所以當朋友send Hami Harmony俾我時，我見到個芝士條就決定去食。這個馬蘇拉芝士條 ($65)超級邪惡！入面充滿滿滿的mozzarella cheese！外皮炸得很鬆脆，唔會太厚。仲係熱的時候，拉絲效果一流🤩點埋個醬汁，中和返少少熱氣，而且甜甜地更加好味！除咗小食，我和朋友另外點了兩個Lunch Set。All Day Breakfast ($98) 賣相好靚，個黑松露炒蛋超級滑，而最令我們驚喜的是焦糖香蕉！一般All Day Breakfast都係配哈蜜瓜，而這個焦糖香蕉真係超級好好味！上面一層薄薄的焦糖脆脆，配微熟的香蕉，超級香甜！另一個係牛肝菌意大利飯（素食，$68）。原本以為素食可能會比較清淡，但Risotto 醬汁好濃，有好多菇類，仲有洋蔥條，Creamy之餘又有少少清甜，推薦👍🏻。唯一問題，如果一個人食可能會太飽😂餐飲我點了餐湯，當日係南瓜湯。朋友轉飲熱朱古力（另加$22），係用法國朱古力豆。我們見IG的相超靚，問店員可唔可以拉這個，之後出來係「神還原」😍店內環境都幾小清新，打卡好地點📷！…Read More

我好鍾意食榴槤😋Lliked 榴槤BB Facebook 一段時間，早前終於去咗香港觀塘總店品嚐！仲要咁啱做緊限時9折❤❤原本諗住飲貓山王芝士雲頂炭燒烏龍茶，不過已經賣晒😭，唯有轉飲貓山王珍珠奶茶($43)。 榴槤味唔算好重，但真係飲到一絲絲榴槤肉，配埋奶茶，成個感覺很creamy，而珍珠亦都好有咬感！因為係固定甜度，平時飲開少甜嘅朋友，可能會覺得甜咗少少。不過一次半次，就無所謂啦～咁難得飲到😚我一定會再到訪，因為要飲返貓山王芝士雲頂炭燒烏龍茶！同埋食最出名嘅榴槤品鑒盤 ($150)！Cafe部份。其他榴槤產品❤❤…Read More

之前一直都想去酒店食Afternoon Tea，做吓偽少奶奶，今日終於一嘗心願啦😍！因為經網上訂位，所以完全唔使排隊等候。成個Tea Set性價比超高，整體來講非常好食，份量仲要超級多！我同朋友其實無食Lunch就去食Afternoon Tea，食完覺得超級飽！！兩個人價錢只係$498+10%，平均每人只係$273.9。唯一想改善嘅係如果多一點鹹點就好了，因為實在太好食😋！一開始先來一杯Welcome Drink同小食。Welcome Drink甜甜地仲有少少氣，非常Refreshing!小食係迷你鵝肝多士，雖然唔太想食鵝肝（因為製作過程好殘忍），但唔食仲更加浪費。鵝肝味道真係好一流😭 (Sorry鵝鵝)之後就來重點啦！Tea Set一共有四層，鹹點同甜點各兩層。而鮮果拼盤都會一齊上。三文治雖然好像好平凡，但這個龍蝦沙律紅菜頭三文治超級好食❤！係鹹點之中，我最喜歡嘅一個！每層嘅Close up❤❤除咗四層鹹點同甜點，仲有Afternoon Tea必備嘅英式鬆餅！鬆餅有2種口味(原味同士多啤梨)。另外有4種Topping 比你選擇。Scone唔係太熱，所以上了之後要即刻食。因為熱嘅Scone先係最好食！我喜歡原味＋忌廉Topping，最經典嘅組合！除了鬆餅，仲有一個Chocolate Tree。又係另一個影相呃Like位😂飲品有超多選擇。食Afternoon Tea緊係要配熱茶啦（呃Like重點）！如果想高級一點，可以選$698連2杯香檳。不過我覺得$498 version已經好滿足啦👍🏻香格里拉這個「鳥。語」下午茶完全滿足到你嘅胃口同相機！而因為係粉紅別注版，幾乎所有食物都係粉紅色！用來呃Like一流💓💓💓⭐溫馨提示：套餐只係於星期一至五供應 (公眾假期除外)，更需於網上預訂。每日限額30位，想食記得早啲Book啦。…Read More

已經幫襯漁民麵館N咁多次！每次都係叫招牌花膠蠔汁撈麵($48)及花膠湯麵($38)。今次到訪，見到有很多新產品，嘗試了漁民湯麵($40，花膠海參雙拼）。有一條海參仔，超級可愛，口感有少少爽口，配埋上蠔汁好好食！不過花膠仍然是我的至愛❤️老公一如以往，係招牌花膠蠔汁撈麵($48)。超級大隻及入味的冬菇! 仲有好多件花膠!雖然花膠比較薄身，但細細件，成件放入口都幾滿足😋粗麵亦很彈牙，而且好「掛」蠔汁，經常一流的撈麵！撈麵雖然比單拼湯麵貴$10，但冬菇同花膠的份量都比湯麵多好多！絕對是有誠意！點解已經幫襯漁民麵館N咁多次？因為每一次去水準都是一樣咁高👍🏻舖面不算很大，不過因為食品很快上而大部份食客食完都很快走即使要等位都唔會得好耐👍🏻👍🏻下次再食😋!…Read More