是日 (6 月30日) 自製長假，到銀行奔波完一輪之後，要趕喺1 點LUNCH TIME 人潮高峰前食個QUICK LUNCH。本來想食"鄰居"，不過都係想食LIGHT D，所以去咗食餃子。千味手工餃子之前已經食過1 次，有兩邊門口，可以由商場外或商場內入。鋪面較細，座位都迫。人多時都要搭枱。餃子種類都好多, 可以揀湯餃或煎餃，亦可以雙併。
粟米豬肉+韭菜蝦湯餃 (6 隻雙拼)身為韭菜餃FANS, 當然要試下韭菜餃。坊間比較少係蝦做涵嘅，所以我就揀咗韭菜蝦湯餃同粟米豬肉湯餃。大約等咗5 分鐘就上菜啦。
湯底係豬骨淮山花膠湯，味道濃郁，配埋餃子一齊食, 味道都搭。
粟米豬肉餃 - 好多粟米粒, 而且餃子大大隻，好味! 
韭菜蝦餃 - 我細個時媽媽成日整韭菜蝦餃子，所以一見到呢度有就二話不說ORDER 咗。雖然蝦份量唔算多，但係蝦好食，彈牙。另外，餐廳有提供菜脯配餃子食，味道不錯，有興趣可以問店員拎。最後埋單$48，有兩款餃子食, 又有湯飲，女生嚟講都飽肚。…Read More
自製長假期嘅最後一日，想食好D! 於是去咗「道」食壽司。以往我同老公都會叫壽司拼盤加散點其他款，今次見到佢地有SET 叫，價錢都OK，於是就試試SET C。
餐廳以QR CODE 落單，可以登記做會員儲分及ONLINE 付款。前菜 - 蟹籽沙律青瓜同蟹籽都勁新鮮，仲有絲絲蟹柳 (仿)，份量算多! 口感不錯! 雞軟骨炸得酥脆，調味適中。雖然我哋唔太鍾意食炸物，但食食下都全部食晒。刺身4款 - 三文魚、油甘魚、帆立貝、北寄貝刺身超新鮮，帆立貝偏細，如果大隻D 會更滿足。壽司16件 - 拖羅、燒左口魚邊、深海池魚、熟蝦、鰻魚、加州卷、軍艦壽司有D 係火炙同熟蝦，唔係好食生嘢嘅老公都有得揀。魚生新鮮，正! 拖羅軍艦都好好食! 
食埋壽司已經飽飽，坐咗陣就ONLINE 結帳，順手儲埋分。結帳後SHOW 返俾店員睇就走得，方便! 總括而言，400 幾蚊可以食到如此優質食物，性價比高! 值得多支持!…Read More
星期六同🐶主子去南豐紗廠飲茶，飲飲下茶老公突然話想飲咖啡☕。於是佢就去樓下新開嘅% Arabica, 叫咗杯Iced Dark Latte, 盛惠60 大元。
(因為係第一次幫襯，聽到個價錢都有d 嚇親
) ☕Iced Dark Latte (凍黑朱古力拿鐵) 一開始飲時，第一啖係好重黑朱古力嘅苦澀味，係完全蓋過咗咖啡味。後來等D 冰溶緊d 之後，黑朱古力味就輕返﹐冇咁濃並融合埋咖啡，個味就平衡返好多，變得好好飲。可以同時飲到黑朱古力嘅苦澀，亦飲到咖啡，而且陣味留喺口腔好耐。不錯呀! 總括黎講，雖然咖啡價錢有d 高，但可以喺南豐紗廠有d 咁高質嘅咖啡選擇，都算不錯呀! …Read More
同朋友去睇完金宣虎粉絲見面會，懷住愉快嘅心情去德福搵食，見到原來有BEANS 分店，又趕到LAST ORDER 前到，於是入去碰碰運氣睇下有冇位先。去到喺門口企咗陣，店員話要21:15 落單, 22:00 SHARP 交枱，我哋當然冇問題!我哋一坐低，店員就即刻俾咗個QR CODE 我哋落單，不過係一個錯嘅QR CODE，同店員反映後，佢哋好快就俾過張新嘅QR CODE 我哋。我同朋友各點一個PASTA，朋友點咗蟹膏甲羅燒黃金蟹肉意大利粉，而我就點咗黑蒜磯燒鮑魚蜆肉白汁意粉。我哋2 個都各自另加咗小食 - 黑松醬露薯條同羽衣金藍藜麥沙律。(想提一下ORDR MAIN COURSE 係會送指定飲品的。)黑蒜磯燒鮑魚蜆肉白汁意粉其實唔睇返個名都唔知係白汁意粉講返個意粉好乾身同軟硬度適中，每一條都包住醬汁, 我覺得似日式豉油加燒汁嘅味, 好好味! 鮑魚好淋身，好易咬，蜆肉份量還好! 而我最鍾意嘅就係D 黑蒜，好甜好好味! 我都係第一次以黑蒜入饌嘅意粉，好新奇，味道好夾! 朋友點果個蟹膏甲羅燒黃金蟹肉意大利粉(冇影到相)，朋友讚不絕口! 而且份量大到佢食完飽到食唔落個薯條。羽衣金藍藜麥沙律(都係冇影到相)，沙律菜好夾脆，醋汁不會太酸。黑松露醬薯條，薯條炸得脆，黑松露醬都合乎正常水準吧! 整體嚟講，相比起葵芳店，我會較鍾意德福店格局，座位較寬闊同舒適! 有機會會再去的! …Read More
假期最後一日同主子去南豐紗廠行下，同佢識下朋友仔。行過見到樓下餐廳已經好多人，睇過下MENU 好似唔係好岩食，所以就轉去樓上The uniek 食。店員一見到我哋就立刻安排坐位，同狗狗一齊嘅話，只可以坐出面，但係都寬敞。而且狗狗都有位坐，仲有安排防水墊，貼心。餐廳以QR CODE 落單, 簡單快捷。MENU 有飯、意粉、PIZZA 同包，飲品有咖啡同茶，算多選擇。我就揀咗燒烤菇芝士薯餅風車包同美式咖啡。燒烤菇芝士薯餅風車包一上枱就好似漢堡包伴沙律咁，2塊包夾住大啡菇, 菇上面滿滿芝士。首先沙律菜以醋汁拌，味道清新，沙律菜亦好新鮮。大啡菇上面佈滿芝士，一切開，菇汁隨住刀而流出。而且大啡菇極鮮甜，唔會太乾，口感好好!差不多食咗一半大啡菇先食到薯仔，薯仔份量不足以用薯餅嚟形容。2 塊包好鬆軟，包塗上酸酸甜甜嘅千島醬，但本人不太鍾意千島醬，所以覺得塗得太多，如果少D 會好D! 另外美式咖啡方面，因為冇得揀想要NUTTY D 定FRUITY D，今次飲落唔夠NUTTY。如果可以俾客人揀，會更加加分。店員服務周到用心，讚! …Read More
成日去完南豐紗廠經白田壩街行返屋企時，見到新起嘅國際企業中心三期新開咗兩間餐廳，玻璃門望到入去，見裝修都幾靚。咁見長假期幾日，朋友又喺南豐紗廠擺市集，於是帶埋狗狗去探班，探班前要去搵下食。見到呢間CAFE pet friendly, 於是就同老公去試下啦! 入到去, 見到店面個店員, 同佢講我地2 位, 但係佢望住我哋冇反應! 然後，另一位喺廚房嘅員工安排入座。我哋坐咗喺最入面嘅位置, 初初唔知以為會有員工嚟落單, 於是揮手叫之前望住我哋冇反應嘅員工, 但係佢依然冇反應，後來先知原來要出去落單。室內樓底超高, 裝修係工業風, 玻璃門, 採光好好! 食物方面見到有BURGER 同ALL DAY BREAKFAST 都算多選擇。我同老公都不約而同叫左ALL DAY BREAKFAST 加凍AMERICANO。AMERICANO 夠凍, 而且用NUTTY 嘅咖啡豆, 不錯!ALL DAY BREAKFAST 份量可以, 好多沙律菜, 牛角包夠熱夠脆! 不錯不錯! 除咗一入店冇反應果位店員，其他所有店員都好NICE, 食完落雨好主動咁叫我哋坐住等, 又話借遮俾我哋!之後我哋都再有去食多次, 感覺都係不錯的! …Read More
星期日帶狗狗去沖涼之後食LUNCH，本來打算去荃灣廣搵下有咩食，一入去見到牛角次男坊唔駛排，又未試過喎! 同老公睇過MENU 都岩食, 就決定試下啦!客人要先付款點餐，之後先安排入座! 我老公點咗個豚肉丼餐，而我就點咗黯然消魂丼餐。店員安排咗座位後，先上左飲品。等咗一陣, 先上豚肉丼。豚肉丼飯上面係一層豬肉加上溫泉旦。豬肉甜甜的，都算嫩。飯好多，老公都食得飽。眼見老公已經食完佢個飯，我個黯然銷魂飯都仲未到! 當時食店都未客滿🤷♀️完全唔明點解要等咁耐! 等咗起碼20 分鐘，睇住老公食完佢個飯之後。我個黯然銷魂飯終於到啦! 勁香囉!黯然銷魂飯黯然銷魂飯上嘅肉係草飼牛腹腩，本來食第一舊都還好! 之後食咗好多舊都好多筋, 仲差D 哽親! 嚇死!牛腹腩偏肥, 重炭燒味! 不過真係太多筋, 同埋差D食到 哽親，應該都唔會再食了。…Read More
限聚令禁堂食後, 珍姐推出咗邊爐omakase + free flow 酒! 🧉🍶🍾🍷🍸🍹🍺於是同老公趁復活節假期去食返餐先! (
omakase 已經停咗)一坐低, 店員即刻問我哋想飲咩, 有啤酒, 清酒, 白酒! 唔飲酒嘅, 都可以有其他凍飲揀。我就揀咗白酒, 老公揀咗啤酒! 正! 湯底有芫茜皮蛋或沙嗲湯，老公唔係咁鍾意食芫茜, 所以揀咗沙嗲湯底。揀完湯底，酒又即上，店員隨即放低D 炸物俾我哋填肚+送酒。沙嗲湯底嚟到啦, 仲配埋啤酒, 爽! OMAKASE 嚟講, 真係上到嚟先知有咩食! 而拎到上嚟嘅都係正嘢啦! 仲要不斷有酒添! 紅酒, 白酒, 啤酒, SAKE, 仲有好出名嘅伯爵檸茶, 真係食得飲得勁開心呀! 第一次食牛胸爽, 簡直驚為天人! 好好食呀! 食食下都唔記得影相, 總之就食到好飽啦! 最後食埋個甜品, 簡直係完美的結束呀! 食完等埋單之際, 見到牆上嘅揮春, 講得好好呀! …Read More
復活節假期, 見疫情開始好轉, 於是出街行下。去到時代廣場見到LADY M 冇乜人排隊, 又有COUPON, 於是就去試下久違嘅堂食。排隊排咗大約半小時就被安排入座。見到呢期有紫薯千層蛋糕, 不過我唔好紫薯, 所以最後都係揀咗伯爵茶千層蛋糕，老公就揀返佢嘅最愛CHECKERS。天氣咁熱, 我哋當然點埋凍啡嚟解渴, 店員好細心咁問我哋要唔要埋糖同奶。等咗一陣, 店員先送上凍啡同另上糖同奶，凍啡好夠凍, 又夠濃Checkers由朱古力包住入面嘅雲尼拿和巧克力海綿蛋糕, 海綿蛋糕好柔軟, 加上外面滑滑嘅朱古力, 好MATCH! 好味但唔甜。Earl Grey Mille Crepes重重嘅PANCAKE 片中間夾住清香嘅伯爵茶忌廉, 好順滑, 又唔太甜! 而且PANCAKE 片好薄, 用叉一叉就可以叉開又唔散。我鍾意呢隻味多過原味呀! 滿足!! …Read More
越棧喺荃灣廣場搬咗舖後，就冇再食過了。而且近排疫情都比較嚴重，都好耐冇堂食了。今日趁星期六放工，約埋老公去商場行下，咁行行下老公話肚餓, 又咁岩見到越棧唔駛等位，於是就入去食。睇到MENU 同以前差唔多，但都有幾款新食物。 胡椒豬肉生牛肉撈檬 (走青) - 胡椒豬肉乾左D , 但都入味- 生牛肉係完全冇味, 但都明白既! 因為本身生牛肉應該要配湯- 撈檬花生碎係重點，但係一食落D 花生碎係益嘅, 完全食唔落, 好失望呀! 以一間賣撈檬嘅食店, 但係D 花生係益嘅嚟講, 真係接受唔到! 大失望! …Read More
疫情由過年後就開始升溫, 所以農曆新年後嘅LUNCH 都係食外賣。公司又鄰近柴灣角熟食中心, 基本上都係去呢度買外賣。平日同事都係食開吳章記嘅三餸飯，但食得多都想試下新嘢。於是我哋就去試下平日排三餸飯時成日見到嘅潮記，見佢MENU 有潮式、日式同韓式。又可以WHATSAPP 同打電話去落單, 落完單餐廳會WHATSAPP 返張單俾我, 感覺幾好! 日式照燒鯖魚飯係蛋包飯呀! 開心! 另外有個燒汁另上。鯖魚好厚實, 而且入味, 煮得好淋! 蛋都好滑, 加埋個甜甜地嘅燒汁, 勁好送飯! $50 包熱飲/湯, 算幾抵! 另外, 有次想星期五叫外賣, 點知原來佢哋只係開星期一至四, 想叫外賣嘅朋友留意下。…Read More
星期六晚上完堂返屋企, 心思思想食熱辣辣嘅中式糖水。諗返住咗荃灣幾年都未試過大良鴻輝記, 於是就早幾個站落車去川龍街買。由於收緊防疫措施, 晚上6 點後不設堂食, 所以當晚去到都幾多人排隊。門口已經有MENU, 都有好多款糖水揀。因為當晚都比較凍, 於是我揀咗熱椰香藜麥紫米露嚟食。等咗大約10 分鍾就有啦, 期間見到好多人透過外賣平台叫大量訂單, 但我都唔駛等太耐。而且食店都安排得好好, 唔亂! 返到屋企即刻打開黎食, 熱焫焫勁好食!椰香藜麥紫米露一打開見到有椰漿喺面, 溝勻食有椰味, 但又唔算太濃, 我好OK 呀! 因為本身唔係好鍾意食椰味, 但都接受到。食落口, 因為有藜麥, 好有咬口, 好多料, 正! 食落唔算好甜, 但好有飽足感, 暖晒! …Read More
自從100 米同西餐執咗之後, 食LUNCH 嘅選擇少咗好多。經過咗幾個月, 新餐廳牛奶冰室同ITAMOMO 終於裝修完開業啦。遠遠見到2 行隊排入座, 本來都諗住遲D 先去試。但今日同事早咗去麗城幫手拎位, 我哋7 個人, 去到時佢哋剛剛入咗座。點知入到去, 店員只安排咗一張4 人枱, 而我哋未安排到另一張枱, 混亂完一陣, 店員終於都安排到枱另一邊嘅枱俾我哋。好啦, 分開坐都冇所謂啦, 因為人多真係難搵位嘅。SET LUNCH 方面, 都飯、麵、常餐等。全日常餐 - 生滾牛肉湯米粉配牛乳炒滑蛋、蒜香牛油多士蒜香牛油多士 - 多士勁重蒜香, 而且好脆! NICE! 牛乳炒滑蛋 - 好滑但又唔會太生! 生滾牛肉湯米粉 - 牛肉都算多, 而家滑! 牛有牛味, 呢個好重要! 不過略嫌湯底有D 鹹, 份量較大, 食唔晒呀! 整體嚟講, 因為新開張, 見到運作方面都好亂下。希望RUN 順D 後可以改善。…Read More
打風打咗成日, 落波後同老公去食日式放題。遲左少少落去, 見兩間漁屋都FULL HOUSE! 咁就不如去海之戀果間極上千島櫻海景放題. 因為果間夠大!去到門口, $278 一個人 (要加10%服務費), 反正好耐冇食放題, 於是就GOGOGO! 店員安排入座, 去到店員俾咗張QR CODE 紙我哋落單。循例都睇下出面有咩食先! Häagen-Dazs 雪糕個雪櫃會鎖住嘅, 我哋唔係好知點拎, 所以最終我哋係冇成功拎到嚟食。仲有另一個雪櫃係放雪糕, 呢個係任食嘅。另外, 有一個雪櫃係放甜品, 都幾多種類。飲品櫃熱食區小食區最深印象係任飲SAKE! 熱同凍都有, 好開心! 期間因為我唔識點拎熱SAKE, 店員都細心教我。好啦! 一開波就梗係食刺身先。種類唔算好多, 但都岩我口味。上菜都快, 刺身都新鮮。壽司方面, 偏細舊, 不過咁仲好, 可以食多D。其他熱食都不錯, 上菜偏慢咗少少。呢個日式牛肉鍋超大, 我同老公唔小心每人要咗一個, 食完超勁飽。整體嚟講味道不錯, 食物總類唔算好多。明明地方好大, 座位偏排得好近, 疫情期間坐得唔係好舒服。…Read More
