kellyjillkelly's Profile

叫左個3-4人套餐, 入邊有16隻雞翼,一個主食加年糕同埋三罐飲品, 哩個價錢算係非常抵食。雞翼揀左黃飛鴻炸雞，俾個名吸引左，其實有d似辣醬雞翼，唔係好辣，但係都幾惹味。主食揀左泡菜豬肉飯, 啲飯食落好煙un，味道都幾正宗。年糕就揀左辣炒年糕，都係好似平時出街食嘅韓國年糕一樣，都係幾唔錯。…Read More

今日用咗apps book枱，餐牌上所有嘅食物都有半價， 所以就諗住去試下呢間連鎖餐廳。 我哋叫咗個佢出名嘅青口鍋、牛扒同埋是日推介嘅龍蝦risotto。 佢嘅青口鍋有半份同埋一份，我地三個人就叫咗半份黎食，但個份量都好大。 青口鍋有得揀唔同嘅醬汁，我哋揀咗西西里汁，食落有啲酸辣蕃茄嘅味道， 都幾開胃。 一個青口鍋大約有十幾隻青口，佢附送一舊麵包，舊麵包用嚟最後點佢啲醬汁好好食。 另外叫咗個牛扒， 牛扒煎得好香，同埋有牛油味，加上佢伴碟嘅薯條，炸得好脆同埋熱辣辣！ 最後係是日精選龍蝦risotto， 佢放咗原隻龍蝦落碟， 除咗risotto，仲可以食埋龍蝦頭同啲鉗既肉， risotto入面有好濃嘅龍蝦汁同埋有啲蝦肉， 分量都算大， 值得推介！…Read More

聽講西九龍海旁開咗好多新餐廳，所以今日專登嚟試下。 去到門口，都幾多人選擇坐戶外枱， 入面相對冇咁多人，但成間餐廳都坐咗六、七成人。 我哋叫咗一碟雞翼、pepperoni pizza同seafood linguine。 雞翼上嘅時候仲熱辣辣，個皮好脆，食落有少少辣，但入面啲肉仲好juicy。 跟住就上pizza， 我覺得pizza個底好脆，同埋都好多料。 個seafood linguine好多海鮮，有細細粒嘅帶子、蜆，同埋份量都算大。 整體嚟講啲食物都幾好食， 同埋入面嘅waiter都好service， 再加上佢係寵物友善餐廳，好多人都會帶埋狗狗入去一齊坐， 整體感覺好休閒。…Read More

呢間竹筒飯喺megabox邊都幾多人食， 入面經常都坐滿。 佢一個套餐大約六、七十蚊， 有前菜到甜品都有，都算幾抵食。 佢有一個蜆湯、 一碟前菜、一碟支豆、 竹筒飯同一粒糯米糍。 講返主角竹筒飯， 分量唔算好大，但係入面啲米好煙韌， 都仲係熱辣辣， 感覺食落好健康。 同埋佢個賣相都擺得好精緻， 好有日本feel。 其實竹筒飯有好多唔同嘅餸揀， 有蠔、牛舌、 魚生， 好多唔同種類嘅竹筒飯。 佢可以喺入面食，亦都可以拎出出面foodcourt度食， 所有人唔使驚等唔到位。…Read More

呢間係觀塘新開嘅梳乎厘班戟餐廳， 其實唔淨係得梳乎厘食，仲有其他主食。 我哋兩個人叫咗一碟大蝦意粉share，份量都適中， 仲好足料！ 另外主角叫咗榛子朱古力香蕉班戟($119)， 一碟有三個梳乎厘， 旁邊隻香蕉仲有燒過，好有心思！ 另外我嗌咗杯mocha， 佢用一隻好大嘅瓷杯裝住， 上面都有簡單嘅心形拉花， 都算幾好飲。 入邊環境好大，都有好多張枱， 佢係用電子落單形式， 自己用手機scan QR code落單。 而家新開期間仲有85折！…Read More

今日嚟咗K11Musea試下呢間新餐廳， 可能時間尚早，所以入面並唔係太多枱客人。 餐廳主要用粉紅色花朵做設計， 用上好多粉紅色梳化及餐椅， 感覺上有少女feel。 我哋叫咗個紫菜卷、炸蝦蕎麥麵同埋牛油果多士。紫菜卷一共有三個味，分咗三隻碟，每碟3件。 佢啲壽司卷並唔係熱辣辣嗰隻，同埋啲飯比較乾，我覺得唔算特別。 蕎麥麵嘅湯底係粉紅色，但係我食唔出係用咩做湯底， 隔離有碟櫻花蝦，可以按個人需要加落麵度，另外仲配有一舊炸蝦。整體上，我覺得個湯底比較稠，同埋啲面浸淋咗少少。 至於牛油果多士就比較正常，食落去仲熱熱地，加左d蕃茄同芝士。 另外仲叫咗三杯飲品，包括抹茶拿鐵、少女時代同紙醉金迷。 少女時代同紙醉金迷就用Lassi溝，飲起上嚟有啲yogurt嘅味道，加上唔同水果。至於甜品我覺得最吸引，抹茶撻配上紫米雪糕。 抹茶撻入面係流心，一切開d綠茶流晒出黎，同埋有濃濃抹茶味，正！…Read More

今日上堂前去食呢間cafe， 11am去到入面有三、四枱客人。 餐廳主要用木做設計， 同埋有一幅黑色嘅特色牆。 一坐低就攞到個menu， 有好多款唔同嘅Brunch choice。 因為唔係好肚餓，所以諗住食過Avocado Egg Benny ($97)。 等咗五分鐘左右就上菜， 個賣相都幾靚。 佢有兩塊麵包，其中一塊搽咗牛油果醬，另一塊就主要鋪沙律菜同藜麥，估唔到藜麥加Egg Benedict都幾好食。 雖然睇落份量唔多，但係都食得好飽。 我見都好多外國遊客幫襯， 多數就飲咖啡， 同埋傾下計， 享受quality time。 如果以環境舒適度同食物質素，都可以再幫襯。…Read More

今日11點左右嚟到，見到入面已經好多人。 入邊有一張吧枱，同埋有啲二人同四人枱， 出面都仲有兩張戶外枱。 見到入面幫襯嗰啲有本地人，又有好多遊客。 我上網見到啲人話佢個all day breakfast好好食，所以叫咗嚟試下。 等咗5至10分鐘左右，就已經準備好。 佢隻碟好大，而且食物的分量都好多， 包括有煙三文魚、香腸、煙肉、茄汁豆、炒蛋、沙律同兩片多士。 啲食物都算熱辣辣，整體都好食。 見到佢有好多款咖啡同茶提供， 好多人只係入嚟飲杯咖啡做早餐就走， 所以其實唔使點等位。 入邊個裝修都幾特別，同埋擺咗好多獎狀， 應該係佢哋去做咖啡品評師或者參加比賽攞返嚟。 下次嚟可以試佢哋啲咖啡，同埋佢哋都係好多唔同款嘅三文治同bagel。…Read More

今日去咗西灣河海旁試呢間餐廳， 佢係一間寵物友善餐廳， 客人可以帶著寵物坐喺佢戶外嘅餐枱度進食。 佢8pm前有happy hour，某些飲品買一送一。 我哋叫咗三個菜， 其中包括一個泰豬頸肉沙律， 有啲辣辣地， 好惹味。 然後有個茄子pastry， 係用酥皮做底，上面放咗啲茄子同埋沙律菜， 有啲似pizza。 然後再叫做一個西班牙海鮮飯， 個份量唔係好大， 夠兩個女仔食， 唔可以話好正宗， 但食落都ok。 入邊個空間好大，好多張枱，但係唔算好多人。…Read More

平時行過都覺得餐廳好靚，所以今日入去試下。 雖然冇book枱，咁啱有張3人枱可以望到街景，不過要1.5hr還枱。 其實入嚟主要係想飲杯嘢， 佢哋啲酒都好有signature， 由顏色同埋隻杯都好講究， 亦都有啲同出面唔同嘅飲品。 食物嚟講我覺得都中上，叫左fries, burger同risotto， 上菜都好快， 同埋食物都係熱辣辣。 入面地方唔算好大，所以枱與枱中間嘅位置比較少， 好彩我哋都唔會坐好耐。 但係佢個裝修好特別，有幾張枱係用鳥龍做設計。 我覺得可以望到中環夜景， 一邊飲酒一邊傾計，係一個好休閒嘅夜晚。…Read More

呢間有明星開嘅餐廳，經常都好多人去捧場， 我自己就係為咗佢個下午茶去試。 去入面嘅佈置好豪華、裝潢好靚， 仲有枱鋼琴係中間， 側邊有啲影相位， 入到去覺得好高級。 其實都唔使點餐，因為個個入去都係食tea set。 佢個層架有好多款唔同嘅鹹甜點， 每款都好特別。 最令我驚訝戲最後先上嘅頸鏈蛋糕， 估唔到你的頸鏈珠都可以食， 佢個紅色海綿蛋糕都好易入口， 又唔會好甜。 佢個下午茶set，一個二人枱都唔夠擺， 可能係啲餐具比較大。 咁嘅環境同埋食物質素，我覺得價錢都可以， 可能下次呢可以食佢嘅法式晚餐！…Read More

之前見雜誌介紹呢間下午茶, 諗住嚟打下卡。 去到嘅時候都幾多人， 雖然book咗但係都係外面等咗一陣。 我哋三個人，入到去畀咗一大間房我哋， 仲可以閂埋門，好有私人空間。 佢啲裝修好靚，好有英倫風， 但係張枱布有啲清， 我覺得好似有少少污糟。 後尾個set嚟咗，影相都幾靚， 食物質素我覺得一般，唔算好好食， 不過我都係為咗嚟打卡。 我見到有啲戶外位，可以見到出面啲風景， 影起上嚟都靚啲。 如果係為咗打卡，咁我覺得都值得黎， 不過啲食物唔會話好好食，係average。…Read More

喺openrice發現咗呢間餐廳，所以諗住去試下。 上網話lunch時間好多人，所以要事先book定位。 我哋專登早少少過去，入去嗰陣大約有三至四枱。 我叫咗佢哋出名鰻魚飯， 好快就上咗餐。 佢條鰻魚唔算好大條，但係睇落都燒得幾靚。 佢哋用雞蛋包住啲飯， 啲飯係炒過嚟，都幾大份。 佢個set仲有一隻雞蛋， 個蛋黃係liu過出黎，加咗啲紅色既材料再塞返入去(我自己唔係好食得出加咗啲咩落個蛋黃度)。 飲品我就叫咗佢哋杯薑蜜， 見到都有幾片薑係上面， 應該係真材實料。 大約到一點左右，就好多人要係出面排隊， 所以建議大家打嚟book定lunch time。…Read More

呢間係觀塘新開嘅西餐， 行高級路線。 我去咗食lunch set，去到嗰陣入面都只有我哋一堂。 餐廳係位於一個商業大廈嘅其中一層， 餐廳個感覺好似畀人搞event， 見到佢有個stage， 同埋有個reception， 我之前都未見過咁樣嘅餐廳setting好特別。 講返入面啲嘢食，好多都係加咗whisky釀製。 佢個湯係洋蔥湯，咁waitress會喺我哋面前滴一、兩滴whisky落去，飲落唔會話好大酒味，但係都幾特別。 同埋佢有杯杞子菊花茶， 用whisky杯裝住。 跟住就上main course， 我個friend嗌咗個明太子意粉， waiter會喺我哋面前燒嗰塊明太子，再加啲whisky落去燒， 燒熱咗就放返落碟意粉度上菜。 我覺得明太子食落好似鹹蛋黃， 同樣地都唔係好食得出whisky味。 佢個lunch set仲包咗個雲呢拿whisky雪糕配焦糖sauce, 同埋上面有三粒咖啡豆。 佢哋叫我哋要將咖啡豆同雪糕一齊食，因為咖啡豆食落苦苦地同埋好脆， 係一個幾特別嘅甜品。 最後佢仲包咗個飲品，佢哋介紹ginger latter， 有少少薑味，都好易入口。 整體嚟講佢個環境好大好舒服，同埋啲侍應都好有耐性咁serve，可能係因為新餐廳既關係。…Read More

今日諗住去K11 Musea 搵嘢食, 行過見到呢間餐廳好多人排隊, 所以我地又跟住一齊排。 排咗大約半個鐘終於入到去， 入面唔算好大，大约可以坐到20張枱。 佢個afternoon tea set係可以自己揀三款甜品， 我哋揀咗strawberry sponge cake, mont blanc同strawberry鬆餅。 佢哋啲甜品唔會太甜，同埋都唔會好細嚿， 我自己覺得都幾抵食， 個set仲包埋一杯嘢飲。 另外我哋仲叫咗個french toast, 即係好似西多士配埋個果醬， 佢炸得好脆，好好食。 反而才叫咗個蕃茄意粉，食落就唔係太特別， 仲配咗個菜湯， 可能唔夠afternoon tea set咁吸引。 …Read More