alws910's Profile

好鍾意食中式既糖水，係香港，而家要搵到傳統既中式糖水店真係買小見小。呢間係荃灣既鴻輝記我細細個時就已經係到，都算係一間老店黎。佢都合桃糊同芝麻糊都做得好出式，唔係一般出面用水開出黎既。今次叫左兩溝，芝麻加合桃！仲有佢既桑寄生蓮子蛋茶都係好好味，唔會好甜，佢既蓮子飲浸過糖水咁，所以蓮子都有甜味。…Read More

今日朋友生日。我哋揀咗依間喺美麗華商場既德國餐廳，因為有人live唱歌同會有特別安排比生日既朋友。而家餐廳都好抵。做緊信用卡優惠。食滿$400就減100，$800就減$200（最多減$200），所以食到$800左右就最抵！我地一行5大3小叫左幾款唔同既野食。呢個小食拼盤好好味。都係新鮮炸出黎既。呢個飯就好一般。個底既飯得好小同味道麻麻地！之後我地再叫左一個德國腸仔拼盤，意粉仲有豬手。向你地推介，呢到既豬手整得好出色，個皮係整得好脆，而豬手既肉就好淋不過有樣野要留意係，如果你地想聚會又同到朋友傾計既，呢到就比較難d，因為有live唱歌係比較嘈，我地傾計都要嗌到好大聲先聽到，但呢到氣氛係唔錯既！…Read More

又到食好野時候呢間又係其中一間好想試既餐廳！一黎到order完就會送上洋蔥包。我地叫左生蠔半打過下口忍，都好鮮甜新鮮！之後就試咗龍蝦湯同洋蔥湯兩個都係我嘅至愛！呢度仲有一個好好嘅服務，就係我哋叫咗兩款湯,店員好細心幫我地分為每人兩小碗！鍾意飲湯嘅你一定要試吓！兩個湯都好足味同足料。特別係洋蔥湯上面嘅芝士，呢款係法國嘅洋蔥湯係主菜方面我哋叫咗肉眼扒，因為我哋都唔算食量好大，所以都唔敢叫太多。肉質好淋又有肉味！小食方面我叫咗個松露嘅薯條，新鮮出黎熱辣辣，好正！最後仲有一個疏乎厘甜品就結束左今晚嘅晚餐！…Read More

今日入元朗搵朋友，見到網上推介食花膠嘅餐廳！即刻去試吓！我哋兩個人叫咗一碟花膠香菇面同碗仔翅試下。大家可以膠下呢碟面既餸好足料。唔係得幾舊嫁，我地兩個人女仔咁樣食都好夠。因為要留肚再食其他野而碗仔翅就正正常常無太大特別。…Read More

每逢特別嘅日子，我哋都會揀一啲特別有情調嘅餐廳慶祝一下！今次我哋揀咗位於ICC既餐廳享受一下！不過當日天氣麻麻，有小小雨，所以景色都係比較陰暗。雖然係咁但都無影響我地心情一去到坐低，係坐係窗口嘅位置。我哋左兩杯香檳飲，我地揀左比較甜既香檳！味道好好！係我哋叫完食物之後，侍應就為我地送上餐前麵包，佢哋會好詳細介紹每一款麵包俾我哋知道！我老公一向對麵包都唔太感興趣，但係佢竟然食到唔停，成籃都比我地食晒每一款都好好味!呢個係餐前小食係餐廳送嘅就連食物上面嘅鮮花都食得嫁！之後我地叫左一個頭盤，生牛肉！呢個係我地從來都未試嘅食物，但一般無咩特別。主菜我地叫左意粉同和牛。意粉都一樣無太大既感覺，味道ok既。唯一另我地好吸引既係呢個牛，係煮得好出色，好淋好有肉味！鍾意食牛既朋友記得要試下呀！最後食埋個甜品再慢慢欣賞香港既夜景…Read More

今日係同老公嘅結婚周年記念日，我哋搵咗呢間一直都好想試嘅泰菜！我好彩我哋冇book位都好快可以入座但係就冇窗口位，因為我哋冇book位已經俾人book咗！睇到餐牌好多嘢都好想試，但得兩個人就唔能夠叫太多。首先我哋叫咗一個芒果柚子沙律，柚子好鮮甜係好開胃嘅沙律！之後我哋叫咗個蟹肉咖喱，鍾意食辣嘅朋友好推介大家試！個咖哩真係好好味，係出面未試過食過呢種味嘅咖喱。因為我哋叫左咖哩，所以叫咗蔥油薄餅同埋蒜蓉包點咖哩！另外我哋仲叫咗一個炒雜菜一樣好出色！最後當然唔少得甜品啦，就係芒果糯米飯真係必食嘅！有普通嘅糯米飯同埋紫糯米飯，中間就係芒果啦，係好甜好甜嘅芒果! 而最右手邊係一球雪糕，係朱古力味同雲呢嗱味…Read More

今日難得放假，去咗金滿庭食下午茶。一早就去排定隊等三點鐘下午茶時段。除咗一般特價優惠食物，餐牌上單點食物都有八五折，好抵食！我哋一行兩人叫咗¼隻雲吞雞，湯底勁鮮甜！再加一碟必食嘅雪菜肉絲炒年糕！呢度嘅雪菜炒年糕係我食過覺得最好味嘅，推介！…Read More