Shum p's Profile

平日中午鯉魚門海鮮餐，舒服唔使同人迫。油塘地鐵站坐24號小巴轉個彎就到，食飽沿路直行消化下，十分鐘左右又回到地鐵站商場大本營，又可以嘆杯咖啡☕️Aeon Style買下日用品。今日食龍蝦$468，上湯米粉底，配合龍蝦上湯又脆口。師傅芡汁控制得恰到好處。東星班都係食名氣（大約街市價$350），今次食藍瓜子$650，更有質感，好海鮮。扇貝$50一隻，蒜蓉粉絲蒸，簡單新鮮。油鹽水浸菜，餐後每人有芒菓西瓜。每次都係去金輝，佢地唔做團餐，所以地方坐椅洗手間整潔，每枱用temple紙手巾。景觀開揚，望公園，維港，樓下可以坐露台，樓上亦有廳房坐地玻璃，高一層景色更一覽無遺。可能員工都有親屬關係，地方環境管理得好好，海鮮就係對面海鮮檔，衆人叫舅父，唔使點擔心會開天殺價，信任舅父安排便好了😀…Read More

上湯雜菜煲，同平時清湯已經唔同咗，湯面多咗一層油，食剩三條竹笙，吸晒油，唔敢食，嘥晒。裡面嘅松茸，趙趙下有陣嘢生味走出嚟，應該係浸泡咗，未有再煲返熟，但已經吐唔切。招牌金磚豆腐，同平時同餐牌相完全係兩樣，睇今次豆腐外皮，似茶餐廳炆斑腩做法，上邊覆蓋左一大湯殼菇菌醬汁，轉頭已經發脹晒，要解剖豆腐出嚟食，多咗一堆嘢。菜式叫得招牌菜，原本係做得好精緻，恰到好處。星洲炒米，一向做得最出色，好過好多星馬餐廳，但今日唔夠乾身，香料都未炒出味道，米粉口感似湯粉，各自試咗幾啖，剩返大半碟。終於係食到冇哂胃口，兩點起身埋單，原來走剩兩枱，應該大家都已知乜情況，只係我地剛剛知。…Read More

QR code落單附注，‘繁忙時間食物可能等45分鐘以上’😳都係一般日式午餐定食啫🤔不敢怠慢，12:55成功入單，其中一份豚肉飯，真係13:40都未上到枱😩鱈魚飯，男仕一口已將啖鱈魚食哂，少得可憐，$138，不如再收貴啲，正常啲份量啦。豚肉飯，好薄，但又好鞋口，煲過湯咁，究竟咁樣可以做到咁嘅效果🤔$98最後我用8分鐘食完，倒埋杯咖啡落肚，朋友同步埋單，14:00前跑到返上德成街公司。辛苦，貼錢買難受。…Read More

今日去咗MegaBox午飯，正午12點左右，揀咗13樓嘅新斗記，印象中我屋企都有一張新斗記嘅VIP卡，應該係以前佐敦分店比嘅。因為兩位入座嘅撳票係攞到A票，004，剛叫完002，心諗應該唔會太耐，B票就係三位至四位（後來入到去，發現兩位A票同三位B票，都係坐一樣嘅四人卡位）等等下，螢幕顯示前面003票係12:36已經入咗去，跟住就一路都只係叫B票三至四位。我地係出面13樓，全層都係得返我地兩個人罰企，連個接待都消失埋☹️咁我見個女接待出返嚟，就即時上前禮貌地問下，兩位係咪仲要等，佢只係低着頭整理自己已完成嘅一張訂位名單，眼都冇望我一下，就只答‘仲未有位’四個字⋯雙方都dead air咗😑眼見手錶已經到咗13:00，佢又開始不斷按B票號碼，而一直冇人應，佢另一隻手就攞住電話答緊對方訂位，但一直無視我又去咗佢面前，當佢一放低電話，我就即刻阻止佢，問佢其實我兩位A票，係會唔會安排？佢就即刻發火，話佢安排緊啦，另一隻手快速地按A票，按走兩個號碼，突然就去到006，好彩又係冇人應。咁我都唔再客氣同佢出示，話我就係004啦！點知我都未鬧佢無視我，佢就先鬧我😳我做客，真係第一次企喺度要俾職員鬧。如果門口唔係大大個月餅，掛住係車呔人星級餐廳，我都唔打算寫出嚟，第一下嘅招迎服務，已足以要搣走乜星星啦🌟食物方面，有薑蔥焗美國桶蠔，豉汁涼瓜炒牛肉，兩個點心，燒賣同叉燒酥，都相當出色，除咗碟蒜蓉炒豆苗，咸到苦，食唔掂，搵咗個西裝男幫手，退返俾佢，請佢找師傅自己試吓先（咪虐待我地食客😌）佢真係攞咗去要一段時間，先再返嚟，我見佢唔知講乜好，我就禮貌地同佢講，炒過一碟就得喇，佢就去咗執行，原來佢係AI 人 一個，Robot嚟㗎😂呢間真係我遇到嘅非一般星級服務食店，員工服務範圍，絕對唔包括講道歉。兩位埋單連加一係$647，走嘅時候，又有一個西裝男，同我哋嘅背影講多謝😅😂…Read More

期待已久係popcorn中庭入口嘅Agnes b. Cafe，經歴3星期圍板裝修，今日終於重開了🤩多咗一份驚喜係new coffee brew section, 可以坐counter bar 櫈觀賞barista Yvonne，同靚女店長Sammi精心炮制咖啡☕️過程🤓5款咖啡豆，3種冲調方式，今日就揀咗Brazil San Fran 以Siphon冲調。口感薄身，淸新，又唔太酸，再配搭返一小杯Agnes b. Chocolate 雪糕杯（$38）絕對係午餐後最高享受😙新裝修店內設計，新座椅及擺設風格都較以前明亮，簡潔，又帶點法國🇫🇷風情，再配合埋旁邊Agnes b. Voyage 品牌商店，正係約埋朋友短聚好地方🥰…Read More

唔食生蠔唔飲酒，嚟Sheraton酒店頂樓嘅oyster & wine bar，就係為咗食景。隨便作個理由話happy anniversary🤫🤫提早book咗張window side table。已經有一段時間冇嚟過，幾張window side table擺到排排坐，面向玻璃窗。有啲唔慣，感覺背後受敵。唔知侍應上菜左定右嚟，有時咁啱同朋友傾計，又遇上中間插入😅危險動作，嚇你一驚😂叫侍應又要下下扭腰，雖然佢哋好醒目，未轉身已經估到你所需（係咪受緊監視呀😅😂🤣）今晚主菜食鴨，同16 安士pork chop。上枱比你相機食先，之後收走切片，好貼心嘅服務。咁重份量咁厚嘅豬肉，烹飪掌握得好好，酒店餐廳師傅功力，總唔會令人失望。鴨有啲咸，好彩份量唔多。甜品疏乎厘做得一般($160喎）朱古力甜品就變相顯得出色（都係$160😬）其實頭盤boston lobster，得3粒，都要$350😅不過餐前每位tasting soup drink同pastry，有特色。餐後亦送朱古力粒粒甜品，又加番分啦🤗HSBC visa signature 仍有8折優惠，算係咁😉…Read More

今晚去BluHouse晚餐，入去再深入原來有個Dinning Room section。Open kitchen 見到哂廚師團隊繁忙中。有兩張二人枱可以向住維港景。根據一位廣東話女侍應介紹，外面佢地叫Food hall 係6月初開，有all day menu，佢之前就係serve個邊。呢邊佢地叫‘elevated’ dinning 😅😂⋯⋯係咪價錢elevated 咗先😜佢話暫時呢邊只做晚餐，六月底開嘅。今晚晚餐時段比較早，6點左右，天都未黑。所以只點每項一份，二人share食，留返啲位置比飯後甜品嘆下茶☕️絕對係明智之舉👍先送來一盆5款面包，有專人介紹出場，枱面olive oil及balsamic vinegar，專員強調醋係aged㗎。呷慣醋嘅，就一定唔可以錯過🤩有waitress𥄫住，否則飲佢兩匙🥄😝Lobster salad好清新，其中有兩款顏色citrus，唔會一大堆沙律醬。Lamb rank好鮮味，肉質又tender。原先為咗medium 定well done 糾纏左一輪😂雖然我哋爭取落到單做well done，最後上枱介紹仍然係medium🤣意大利人，真堅持自己嘅出品🤪Risotto比較咸，好彩每人得兩平湯匙🥄甜品絕對唔會令人失望⋯⋯Tiramisu講明冇落酒，上面係一層薄薄脆片，卜開跌咗落去，先係主體，唔知點制作呢🧐食落texture 好紮實，唔係死甜😋Chocolate Hazelnut （大慨咁嘅名啦😂）一份朱古力甜品可以做出4種質感，朱古力控可以一次過滿足哂。最後又送上每枱小點甜品，兩個類似croissant，裏面包住點點蘋果玉桂味，雖然細，但都做得好鬆好多layer，同埋兩粒有金箔嘅dark choco⋯送嘅都做得咁認真👍似乎每枱都有飲酒，我哋冇，就快快趣食完還返張枱，重可以行出去睇幻彩詠香冮🤓…Read More

星期一靜靜地，獨佔師傅及助手1個多小時🤭裝修好，抽風亦做得好😀食材優質，份量足，龍蝦都頗大隻😲和牛冇渣，真蠔及時魚亦食得到鮮味😋師傅好專注做好每道菜，烹煮時間掌握得非常好👍今次係1957會員尊享，都係「二人同行一人免費優惠」$2380 加一（第三位可半價）物有所值，值得推介🤩…Read More

兩個年青人，默默忙著實現自己的創作。咖啡制作一點都不馬虎。最好先調整一下自己的步伐，輕鬆地等著咖啡師為你送上驚喜😀再由’內有惡廚‘為你建議廚師話事😂今日食乜嘢😆清新小吃，恰到好處😚…Read More

認識Just_inBakery，一切從一頁紙嘅烹廚理念開始⋯簡單，零添加，突顯食材本質原味⋯就靜靜地坐落於Crazy Monkey Cafe內。還境舒適，空間感十足，帶住點禪味。Basque Burnt芝士蛋糕+Piccolo latte咖啡，少少奶更能突出咖啡豆香，係我每次不二之選。其他食材亦迎合蛋奶素人對食得健康嘅要求，mocktail很有創意。就係欣賞兩位年青人對自己嘅理念，堅持落實嘅認真態度😊…Read More

朋友介紹灣仔一間不一樣嘅車仔麵店。見近日疫情緩和，決定一試。冇咗傳統車仔麵自選配料方式，抬頭一望係四款特選推介，以為中伏🤭好彩仍然可以揀麵條及湯底。揀咗酸菜魚配菠菜麵。上來碗面有兩粒車厘茄，提鮮味覺，好特別。湯底冇咗一般死實鹹味，跟波菜麵配搭清新，麵質軟綿，魚片亦新鮮😋餐飲揀咗‘頂級’鐵觀音，因為個名好掂😂隨精緻茶具套裝奉上🤩飲起嚟有感覺喎，應該係好嘢😆堂食先有嘅味覺視覺享受，值得encore😚…Read More