為左多謝國畫老師既教導，要搵間有氣派、好招呼又好食既粵菜去同同學一齊搞謝師宴，簡左好耐，又就埋好既位置，搵左呢間望落好睇得既高級粵菜餐廳食晚飯。食完覺得真係無入錯門口，好掂🥳值得花時間打咁多字去寫食評！首先，地理位置📍好好啦，方便好多人，同夠高檔，一入到去，環境真係好靚好精緻，感受到嗰種優雅嘅氛圍，裝潢華麗又好溫馨，燈光柔和，真係好舒服，又唔會太揚，有格調👍🏻而服務生好有禮貌😇佢哋好快就為我介紹咗餐牌，睇地我地係咩群會咁介紹左啲岩食既野，仲細心問我地有冇特別嘅飲食要求。上菜速度都好快，等我唔使等太耐，亦都好有眼色，睇到食客既需要即時解決，換碗筷又勤，有講有笑，真係好貼心🥰我點咗幾道招牌菜，首先上嘅係蜜汁叉燒😋😋😋😋😋色澤誘人，表面光滑，咬下去肉質鮮嫩，蜜汁甜而不膩，電視機話入口即化原來係真係有架，真係一定要叫！。跟住試咗蒸蝦餃，皮好薄同透亮，蝦仁完全食得出係新鮮，口感彈牙，絕對對得起佢既價錢。再嚟就叫埋脆皮雞啦、鮑汁釀鵝掌啦（食得出好花時間整既野）、咕嚕肉啦、香煎蓮藕餅、蝦乾啫啫唐生菜、粉絲大蝦煲（好好食啦，蝦又大隻又新鮮，啲粉絲朔晒啲精華勁嘢味，都係想食嘅時候已經俾人夾晒啦），重有生炒糯米飯，呢個超級好食，晨早比人食哂啦，想要多碗都畢唔到啦，其他每碟都係好食，大家都知呢件事係依家平均既餐廳質素係幾咁難得，每一樣都食得大家好開心，食到唔想停😋😋😋😋😋😋最後，甜品方面我選咗紅棗椰汁千層糕，好食，差平時酒樓果啲勁多！又叫左個生磨蛋白杏仁茶，又係好好食！好滑好香，甜度又適中，完美結束今次嘅美食之旅。🤩🤩整體嚟講，今次嘅用餐體驗真心非常滿意，無論係食物質量、服務態度，甚至環境，都令我感受到粵菜嘅精髓。重點係作為cheap精既我，買單既時候都覺得物超所值，因為本身以為好貴啦，話哂高級粵菜麻，點知咁叫法都係唔貴，聽聞佢定時都會做下優惠，真心咁既價錢，食到咁既體驗，一定會推介畀朋友，有咩野都會再黎！🥳…Read More
