candy1985's Profile

首先我2年前去過一次晚上食雞煲，覺得都好滿意，上過星期又再去飲茶，已經覺得佢哋對客態度有D 差，但唔係對我，咁就有佢啦，而且老實講佢哋食物質數亦唔差，價錢合理，特別係干炒牛河，好過稻香添⋯⋯但我老友同我講話佢地態度好差，我都唔信，昨天再去飲茶，我老友見好多人，問下酒家埋邊有冇位，果位站在門口幫人度體溫的男人怒喝話：「有就有，冇就冇，要就等吓啦！」真係完全冇態度可言，有時食嘢，除咗味道好，太態度都要好！唉，我從來都唔會比錢受氣，於是行遠啲去咗壹滙酒樓。真係同佢冇今生亦冇來世。忘記它…Read More

第一次去將軍澳中心叫做大茶飯嘅台式快餐試吓啦，見到食評寫到咁好90幾個都讚好，於是諗一定唔會令人失望的心態去試吓啦，點知真係令人極之失望，所以我同朋友講食評通常都係假嘅，因為我瀨過好多次野， even我朋友同我講佢話曾經係小儀嗰個 飲食節目都有介紹。咁我叫咗鹽酥雞，再加豬肉韭菜餃，再要左杯薏米水。首先，台式鹽酥雞我食過好多㗎啦，佢嘅鹽酥雞就真係好那西呀，點解好似食評咁㗎咁大件，而外皮又厚，又細粒，又乾身，有啲係炸過的時候留低嘅碎片，如果係正式嘅台灣炸雞店，就一定揼咗佢㗎啦，佢有乜理由攞埋比客食架，如果同繼光雞比較，繼光雞嘅雞肉的鮮嫩多汁，皮又趣完全冇可能比啦，而且佢價錢又唔比繼光雞嘅價錢平。第二，豬肉韭菜餃，真係好大隻啦，但味道嫌淡呀，你可以話我食得喊，但係搵最普通果間八方雲集比較，人哋價錢又平過佢味道又好食過佢，份量仲多啲添。最後令我都十分之失望嘅竟然係嗰杯薏米水，嗰杯薏米根本就好硬，我覺得基本上係未熟，因為我都知道薏米係需要煮比較長嘅時間才會諗，因為咁樣可能未出味啦，飲落真係好似飲斯姑尿咁。總括嚟講，一定唔會有下次， 各位睇食評時候要小心啊！總之今次又係中伏。…Read More

老實講，呢間野我第一次去食真的使人失望，我見到嗰間鋪頭都幾光猛，又唔係算太多人，中午12:30鐘左右，於是入去試吓，點左個咖喱雞扒蛋包飯，首先個蛋包飯令我失望，因為蛋包飯唔係就咁一塊炒蛋皮冚在飯上面，而應該好似一塊奄列整整咁包住晒，而佢個炒蛋皮，唔夠滑，太鞋口第二，佢個雞扒好明顯業唔夠耐，淡茂茂。另外我朋友叫咗吉列豬扒飯，啲豬扒外果層皮太厚，一樣都係麻麻哋。只能講啱晒啲學生哥冇咩錢去食，但佢啲嘢唔係平。…Read More

估唔到連鎖店都咁有驚喜，本來冇咩期望，但實在未食過咁滑嘅河粉佢滑到好似拉布粉咁⋯⋯可能本身加咗好多油。湯底我叫咗傳統湯底，冇咩特別驚喜。但都唔算太油膩。我叫咗三餸一定要讚一讚佢嗰啲豬軟骨，入口即溶，連平時透明果舊骨都好淋。牛肚都幾好.....唔會好似痴牙最後係魚腐，嗰d就麻麻哋啦⋯⋯冇咩味道，下次可以唔叫。唯一批評佢係佢啲份量太少⋯⋯價錢就一般啦，如果下次去食一定會叫下佢啲牛腩…Read More

估唔到喺坑口都食到咁優質嘅鐵板餐我去過好多茶餐廳食鐵板餐都未遇到咁有驚喜嘅！首先我叫咗一個海陸空鐵板餐，雞扒又淋又滑，豬扒竟然一啲都唔硬又唔柴，仲有我未食過咁滑嘅炸魚扒，以茶餐廳嘅價錢真係無懈可擊⋯⋯最重要嘅係質量。$69…Read More

我吃過佢地的午餐 $45 雙牛飯＋凍奶茶不好意思，容許我用最難食嘅形容詞來形容呢間餐廳：呢啲牛肉硬到食唔落肚，又有雪味..廚師從來冇尊重過食物，我食到一半就唔食啦，我平時好少食剩嘢嗰杯奶茶，飲左都頂唔順，飲落又甜又鞋....總結兩個字可以形容呢間餐廳 ＂垃圾＂…Read More

拿, 佢d 魚蛋真係好食過咁多間在將軍澳呢真係最好味.... 價錢貴d 17蚊一碗, 我覺得真係好貴............但係個樓面啊姐d 態老老地果個真係好鬼冇禮貌.....如果你只係叫一碗魚蛋粉 而唔叫其他野呢...佢就比面色你睇....雖然好味, 但態度差...所以我發世唔會再幫親....…Read More

小妹真係食到一肚氣,我未見過咁差的服務, 侍應十問九唔應, D 快子真係好汚JO.D 野食又要等more than 20 mins , 請都唔去...…Read More