lsyuk's Profile

Happy hour 啤酒配薯條，晚飯嗌咗蜆意粉同安格斯牛扒，飲品求其點咗杯latte。餐廳門面好chill，客就得三四枱，但味道我覺得好一般，啲擺盆係靚，價錢都唔平，幾粒扒都三百幾蚊，意粉都兩百幾蚊，一杯啤酒配薯條都一百蚊。小插曲，隔離枱對情侶埋完單，走過黎話餐廳啲劵佢哋用唔著，就俾咗我哋用，不過呢幕個侍應都望到。望落啲條款無話唔用得，咁我埋單就問佢可唔可以用張劵，侍應話‘你唔係之前食過，唔用得，下次先啦’。咁我哋又唔緊要嘅，埋單又送多張一樣嘅劵，我都好想轉贈俾人話我用唔著啲劵😂。平心而論，呢個價錢，的確有更好嘅質素可以選擇，基本上唔會再食。…Read More

第一次黎日日食良，其他餐廳叫嘢食，飲品就要黎呢間奶茶聯盟度買，會有張跟餐優惠劵，叫咗杯凍奶茶少甜少冰，跟餐價$9，係港式茶餐廳味道，茶味同奶味平均，都幾好飲！佢餐牌仲有好多特飲，黑糖奶茶、紅豆奶茶、紫薯奶茶等等，下次再試吓先！店員好布禮貌，水吧叔叔戴住口罩都feel到佢好好笑容😊！…Read More

最近響旺角呢頭睇裝修材料店，見到呢一間店嘅戶外小花園好靚，有啲bar枱嘅餐飲區，向着街外，感覺好chill，好似好正。上網一搵，原來係一間台式飲品店，今次又路過呢頭，就心郁郁想試吓，點左一杯國王珍珠奶茶$30，其實其他飲品都好想試吓，但係飲唔落咁多杯，唯有下次再試啦。佢仲有水果茶、奶蓋、黑糖鮮奶等等嘅飲品。等咗十幾分鐘，店員會逐杯咁用機榨茶，沖調，攞完第一時間就係行出去對住街外嘅bar枱。當日係閒日，條橫街唔太多人，好寫意，感覺真係有少少似去咗旅行咁。杯奶茶有一個小手挽，係用麻繩編織嘅，仲有一個杯套，都幾精美㗎！味道就正正常常，嗌咗少甜少冰，夠奶味又夠茶味，珍珠粒粒分明，有咬口，有正常嘅台式飲品水準。…Read More

旺角區食飯，好味又講唔上，中伏就時有。午市去咗呢間lockeroom食飯，裝修好特別，全部都係阿仙奴球會嘅飾品，有好多亞仙奴嘅記念品、閃咭、橫幅、波衫，店員都着住波衫做制服。點左兩個set lunch，一個係辣牛柳炒意粉，另一個係白松露溫泉蛋意大利飯。餐包係蒜蓉牛油法包，夠味又香脆，幾好食。餐湯用咗一隻雲石紋杯裝，隻杯好靚，個湯係類似薯蓉甘筍打出嚟嘅羹，味道一般啦。辣汁牛柳意粉啲牛係半生熟，有啲根響入面，好難咬開，如果個意粉炒得乾身啲就更加好，辣味係有嘅，仲有少少酸味，感覺有啲似辣椒仔嘅味。白松露溫泉蛋意大利飯就正常水平，同出面食啲松露乜乜乜差唔多味道，有啲蘑菇雞髀菇片。餐飲就係普通嘅咖啡或茶，嗌左一杯凍檸水同埋一杯凍檸茶，糖水係自己落嘅，通常自己溝嘅餐飲都好似冇咁好飲。最後仲會送上甜品，係一舊忌廉泡芙上面有層朱古力。呢間餐廳有啲餐具都幾有特色，呢隻甜品碟係一個足球場，連隻匙羹都好特別。店主都好用心打造呢間餐廳嘅裝飾，雖然覺得啲枱櫈好似想有fine dining feel，但係又做足球主題，好似有少少衝突咁。…Read More

二月有次響九龍灣行去mega box，途經呢個廣場，響openrice見到想試吓，點知上到去無開，摸門釘。今次星期六下午又係去mega box，唔想成日食大商場連鎖嘢，今次打去問，有開了，不過話得假日餐牌。嗌咗個牛油果軟殼蟹漢堡，上網見好多人食個黃金蟹肉意粉，但餐牌又無，一場黎到好想試，問店員佢話可以加錢做俾我地。先來一碗餐湯，係羅宋湯，夠濃郁。之後就到友人期待的黃金蟹肉意粉，同想像中有啲出入，蟹肉得少少，咸蛋黃味好重，忌廉汁濃郁，不過不失。牛油果同軟殼蟹我都好鐘意食，牛油果軟身夠熟，但個軟殼蟹有陣腥味，有啲啲失望。薯條香脆，漢堡個醬都好味。唔記得咗幾錢，大概每人100，無叫飲品，見佢啲咖啡都幾吸引。食完落電梯見到地鐵慳$2機，嘟埋。…Read More

本身打算去澳南食嘢，但經過日日食良，呢個foodcourt未幫襯過，成日想試。閒日下午茶時段，唔太多人，見到珠記冰室，餐牌有生炸雞髀配薯條，好邪惡，要食吓先得。$38炸髀薯條係唔包飲品，諗落都唔太抵食，佢有張優惠卷去對面奶茶聯盟買飲品，會有返個跟餐價，叫咗杯普通凍奶茶，跟餐都要$9，不過都幾好飲。生炸髀同薯條都熱到辣咀，隻髀夠熟，係有啲邊邊位炸到太脆太硬，但中間啲肉夠味又有肉汁。下次再試吓其他舖頭先！…Read More

泰菜愛好者懷疑自己入咗台式餐廳，星期六得假日餐牌，菜式偏貴，嗌咗兩個餐，$80泰式滷水豬手飯配迷你生菜包，$88黃咖喱牛肋條飯，追加$5手抓餅，兩杯凍泰式奶茶。二人餐牌啲主菜其實差唔多，有拼盤，但主食揀得一款，要$208，的確無乜興趣。先黎一碗餐湯，大概係椰子雞湯？有堆椰肉，有一舊雞仔，椰子味加啲咸味嘅水，啲金不換味好勁。好似食完碟餸，啲餸汁加水咁，唔太好飲。個豬手飯一啲都唔似泰國食嘅豬手飯，我會以中式味道形容，佢配個小小生菜包，得一片生菜，而啲肉碎係台式肉燥味，成件事完全唔泰式。黃咖喱牛肋條飯，咖喱味正常，但啲牛又硬又韌，咬唔開，啲西蘭花椰菜花又格格不入。追加一份手抓餅點咖喱，叫正常啲，似加熱即食薄餅。成餐飯最似樣係杯泰式奶茶，係泰茶味，我見佢餐牌仲有泰檸茶。食到絕望之濟，抬頭一望，有一堆天燈掛響上面，我應該入咗間台式餐廳？add some thai 定係add some tai （-wanese)?…Read More

閒日放假搵中環打工仔食lunch，午餐時間勁多人，幫佢排隊攞定位，都排咗兩三個字，熱翻了。見openrice咁多笑哈哈，樣樣都想試喎。想食海鮮漬飯，可惜無海鮮了。點了個牛肉麵、和式牛肉烏冬、雞飯、鹽酥雞、冬瓜茶、仙草豆漿。紅燒牛肉麵好似都係烏冬黎，但係好食嘅麵質。每個午餐配有沙律、漬物、小泡芙。鹽酥雞夠熱夠香口。冬瓜茶好甜太甜，反而仙草豆漿唔太甜，幾好飲。…Read More

慶生覓食，見呢間不錯，訂了枱食飯，人客不算太多，也許因為疫情關係。點了蘑菇多士、洋蔥湯，牛肝菌意大利麵、紅酒牛肉、朱古力心太軟。店內人手不多，有一位傳菜，三四位廚師。雖然我們不點酒，但見侍應用心介紹紅白酒給其他食客，十份專業有禮。蘑菇多士好creamy，好香，多士夠脆，超好食。洋蔥湯好足料，侍應好細心問我地係咪Share，會幫我地分碗上。牛肝菌意大利粉同紅酒牛肉都係見openrice推介，但我又不覺得特別好食。朱古力心太軟好食，雖然上枱個心大軟好似漏漏地，雲喱拿雪糕賣哂，轉配士多啤梨雪糕，都好味，味道不似cheapcheap雪糕。賣單有七五折🤪…Read More

這間食店初初開業有食過，食物水平一般般，光顧不到五次。唯一好處開得較夜，想坐低食宵夜，除了街市美食城，會諗到呢度。今次黎食宵夜，一坐低侍應遞上消毒啫喱，問我要唔要洗手，打開餐牌介紹我晚市小菜宵夜有乜食。再望一望周圍牆壁張貼多張告示，內容大概係佢地被抹黑，老闆有武漢肺炎之類，但只係謠言。其實我都無聽過呢個消息，我入得黎食，都未必會理，我睇完，仲覺得不安。點了豬扒炒公仔麵，熱辣辣幾好食，豬扒肥瘦適中。凍檸茶味道不錯，宵夜餐盛惠55$。小插曲，食到條洗鑊鋼絲，差啲啃親。聽到員工言談間好擔心，因為生意淡薄了，員工好落力周顧客宣傳晚市小菜第二碟半價，可惜我得一條友。…Read More

星期六下午來食下午茶，有幾個人排緊隊，不過好快就有得入座。搭枱的中年夫婦好有善，撩我地講嘢，又介紹我地食乜，見佢地個雞翼配碗仔翅熱辣辣脆卜卜，都點咗一份。本身想試吓豬扒麵，但聽講個沙嗲牛肉麵好食，都點了一份黑牛常餐。炸雞翼真係夠熱夠脆夠味，好食。個碗仔翅足料，無結到一舊舊，唔似鼻涕，但好似唔多夠味，落埋胡椒粉同紅醋都係唔知差咁乜咁。個沙嗲牛肉好夠味，食到小小花生碎，正。常餐配份丹麥多士，香脆，有牛油香；另外有個火腿和炒蛋，正正常常啦。一間有香港風情的店，可能因為搭枱的人一起搭訕？平時出街用餐好少會咁，但響呢間店會感受到一種人情味，因為大家都係自己人，可愛的香港人。…Read More

收工肚餓，見佢話11點閂門，我21:45入去食晚餐，入去見有兩個外賣公司員工等攞外賣，堂食仲有一枱客嘅。長發商場幾乎間間餐廳都食過，呢間咁耐以來第一次食。有個後生侍應好有禮貌問我幾多位，幫我收走多餘餐具。中年收銀侍應就咁企響櫃位問我食乜落單，面黑黑都幾兇，點了鯖魚定食。等咗十幾分鐘，中年侍應摧廚房出餐，份餐未到佢已經叫隔離枱埋單，10點我份餐一到，都仲未降落枱面，中年侍應就叫我埋單，食咗10分鐘後，佢就同我地兩枱人講‘我哋閂門喇’，企響度q住手望住我哋兩枱人，好似看住監犯咁，當時我都仲食緊半條魚同爬緊半碗飯。中年侍應真心冇禮貌，佢推定架餐車響隔離等收嘢，我一飲完啖湯就執走哂啲餐。我就用咗20分鐘都無，食完個晚餐俾人趕走埋⋯講返個定食，有魚配檸檬、面豉湯、珍珠飯、麻醬沙律，魚肉有點兒實，味道正常發揮。但枱面沖茶的水不熱，杯茶只係室溫的。個中年侍應粗聲粗氣，係咁摧個後生侍應做嘢，執嘢又呯呤呯冷，好似發脾氣咁。撇除咗呢個咁Rude的侍應叔叔，我都仲想再食嘅，很差的經歷。…Read More

要先到櫃枱點餐，網上見到慢煮牛和鰻魚定食好像不錯，可惜我三點幾來，定食已停售，只有all day breakfast, toast, cake, drinks，唯有點個鰻魚all day breakfast 和鮮奶抹茶。都的確要耐心等候，鰻魚好肥美，好食，多士好香，沙律汁味道酸甜好特別，但舊薯蓉好凍，有點兒突兀。鮮奶抹茶味都夠濃，好飲。餐廳有個角落擺賣花，好靚好清新，裝修好簡潔企理，和式風味滿滿。聽到佢地遲吓會開埋晚巿，希望再來可以食到定食吧。價錢略貴，152$埋單。…Read More

星期六下午約三點前來，需要排隊，等了兩三張枱就到了。侍應放低餐牌，樣樣都想試，可惜只有我一人。下午茶餐牌比較輕盈，還是想吃飽飽，最後點了all day menu三重蟹意粉和凍牛奶咖啡。三重蟹肉意大利粉有蟹籽、蟹肉和蟹柳，蟹柳燒香了，外層煙韌，口感不錯。意粉亦軟硬適中，雖然有一啖食到一兩粒蟹殼碎之類，但整體都好食。凍牛奶咖啡，咖啡味濃，有種烤烤的味道，好飲。仲想試佢個牛油果藜麥法包、漢堡、薯條、雞翼、甜品，下次約朋友一齊食先得。…Read More

每年都會與家人吃大閘蟹，鴻X、紫X軒都吃過，今年見友人facebook post分享這間瀛豐，於是一試。經openrice訂座，另有致電訂大閘蟹。坐低無耐就放低一盆蟹，三人行，大約十隻。翻一翻，全都是蟹公，再問店員，她表示不會有蟹乸供應。算吧，蟹公也有膏，可惜蟹肉有點梅，比起以往食過的，的確稱唔上好食。一次過上太多隻，很快放涼了。餐廳主要做放題，用app點了刺身壽司炸物燒物小食等，質素一般，數量不一致，也有漏單。牆上海報話有盅湯送，問店員才會送上，三盅湯的色水和味道也有出入，有碗更有酸味。甜品有雪櫃糕點和冰櫃雪條，8點鐘時melona雪條只剩2條，其餘都是榴連雪糕雪條。拿了個椰汁糕，有藥水苦味。浪費了今年食蟹quota，大閘蟹還是選別的餐廳好。即使放題，也不太好食。…Read More