eleanort's Profile

海鹽芝士奶蓋洛神花雪冰斯見係洛神花咁特別，而我又偏愛酸酸甜甜嘅口味，check 埋OpenRice 睇評價唔錯，就買杯試下。望到杯野未飲已有點失望，芝士奶蓋勁少，得1 cm厚左右，飲落味道偏咸，但都唔差。沙冰揀左少甜（已係最低甜度），但都係非常之甜，仲甜過紙包檸檬茶😥螞蟻人之選…Read More

想坐得舒服啲，揀左呢間fusion泰菜人氣cafe 食lunch坐得幾舒服，服務都唔錯。假日冇set lunch, 主menu食物選擇都唔太多，不過款式都幾特別。馬薩拉香料牛肉咖哩香料味濃厚，小辣，非常惹味，送飯一流。除左牛肉之外，仲有好多蔬菜，有秋葵、茄子、薯仔、蓮藕，令營養更加均衡。香辣蟹蒜炒麵原本想揀menu上有3個辣椒嘅炒粿條，不過同行友人唔好辣，所以揀左呢個。蟹肉都幾多幾鮮味，不過咸左少少，整體都算幾惹味，但偏油膩唔算太有特色😅楊枝金露奶蓋底層係芒果寒天，中間有芒果肉，面層係奶蓋同柚子。店員建議攪勻先好飲，友人超快手攪勻晒，所以未有嘗到奶蓋滋味。杯野飲好足料，冇咩冰，啖啖芒果味，唔太甜，推薦。…Read More

今日放假專登去試左呢間芋圓，因為旺中多左有好多美食，唔係成日經開旺角，一直都未有機會食到😅圓仔記吸引嘅地方係芋圓有多款特別口味，配料選擇都多，仲可以自選，定價又唔高。今次自選咗五款配料，分別係地瓜包心芋泥球，芋泥球、伯爵茶圓、焙茶圓、寒天晶球，配牛奶底（$39）芋泥球入口軟糯，仲保留左少少粒粒芋頭嘅咬口，少甜，大大球，好味😋地瓜包心芋泥球係必點之選，煙靭地瓜圓包住軟糯芋泥，雙重口感，一大球勁滿足（見到小食仲有個炸版，都似值得一試）至於伯爵茶圓同焙茶圓茶味食得出，但又唔算好濃，同埋唔知係咪製作時搓得唔夠均勻，好似有啲濃味啲有啲淡味啲，由於兩款顏色差唔多，食吓有時分唔出係邊一款😅。口感食吓有時瞓唔着係邊一款方面伯爵茶較煙靭，焙茶圓就淋少少，兩款口感都不錯。由於佢口味多同埋地瓜包心芋泥球太出色，暫時係我心目中芋圓第一位🤪…Read More

近來麥記幾乎每個月都轉新口味雪糕，新地優惠價$7，同新地筒同價，都算幾抵，所以都會試下。今次出呢款好立克口味，我本身都幾鍾意呢隻味，雖然聽人講話好甜下，但都都試下。可能本身預左會好甜，食落覺得甜度都尚可接受，好立克味雪上好立克粉，甜膩得黎都幾能滿足甜品胃。🤤…Read More

觀塘一向多平民美食，工廠大廈入面都有唔少高質餐廳。之前經過見呢間餐廳環境都ok, 漢堡又幾吸引，就約左同事黎試下。當日12:45唔需要排隊，但都8-9成坐滿。除左漢堡之後，仲有6-7款意粉或飯可選。 和牛漢堡可配4款唔同嘅汁、另外都有雞、羊、素漢堡。因為呢到比較出名漢堡，所以就先試下和牛漢堡。跟餐有汽水同埋薯條/沙律或加錢配小食。點餐後大約等左5-10分鐘就有得拎。漢堡對得住價錢地相當巨型，絕對冇辦法一口咬落去整個漢堡，食落都好容易食到成嘴都係醬，有點狼狽。麵包有產品烘過，脹卜卜，鬆軟帶點甜味，主角和竹牛足有成寸厚，有肉汁，口感唔會話太鬆散，但牛味唔算太濃。配合埋一大片厚切蕃茄、生菜、洋蔥及微辣帶酸嘅山葵汁，滋味十足。沙律就不過不失，材料主要係生菜同蕃茄，份量都ok, 幾新鮮。總括來說，呢間出品嘅漢堡都幾令人滿足，下次會再黎試下其他漢堡。…Read More

Bookmark 左好耐試嘅cafe, 因為本人一向怕等位，盡量book到位先去，晚餐時間好多日子都full, 終於搵左日（book定3星期之後）同朋友夾到時間7:00去到。小店座位唔多，環境幾舒適，枱與枱之間唔會隔得太近，唔嘈，適合同閨蜜小聚談心。一行三人點左2個主食，2款甜品同一人一杯飲品。原本驚唔夠食要加點，但最後食完甜品都相當飽，仲要食剩少少😅。呢度最出名嘅盒子吐司選擇相當多，揀左最多人推介金沙炸軟殼蟹吐司。盒子吐司賣相非常吸引，附上炸番薯條同埋少量沙律。大大舊軟殼蟹炸得十分香脆，烘得外脆内軟嘅吐司配上咸香嘅咸蛋黃醬同埋三文魚子，加上魷魚等海鮮，滋味十足。牛肉定食$78，CP非常高，一個人應該都食唔曬。牛肉嘅份量好多，足足有半碟，唔會太肥，有牛味都夠淋，調味適中，甜甜辣辣咁。仲配有蛋絲、泡菜、溫泉蛋同一碗沙律，大大碗白飯上面灑滿飯素，相當有誠意。招牌奶蓋窩夫賣相可愛，味道都一流。窩夫外脆內軟，中間有麻糯，配上鹹香嘅奶蓋，令人食指大動。圍住窩夫有幾粒類似brownie 嘅野裝飾，味道就普通。另一個甜品吐司口感味道有點似A1樹頭包，包住嘅雞蛋布丁都幾滑味道濃厚，整體唔會太甜,但就唔算太驚喜。本人係開心果控，呢杯係必點之選。杯邊圍左一圈開心果碎幾有心思。加左啲豆腐喺入面，唔太食得出豆味，但可增添口感同冇咁膩。開心果味頭幾啖都算濃，但飲到中間就不明顯。好快就飲曬，如果大杯啲就好。招牌奶蓋咖啡，朋友點嘅冇試到。佢話飲到中間先知加左酒，應該攪勻黎飲，個奶蓋同窩夫就一樣味。整體用餐體驗唔錯，價錢合理，係可以encore 啲。…Read More

呢個商場餐廳唔多，而且大多都要排長龍，ikea係CP較高又唔洗等太耐嘅選擇。另外，不時轉新菜式，都唔會厭。當日6:30左右已經到左，一去到就搞到位。二個人叫左三道菜share, 分別係香烤三文魚、菠蘿雞肉薯仔羽衣甘藍沙律、蜜糖燒雞配蘑菇汁薯蓉。沙律唔記得左影，份量都幾多，材料豐富。雞肉唔鞋，菠蘿幾甜，可惜羽衣甘藍唔係太新鮮，望落去色澤麻麻地，同埋我鍾意多醬，覺得沙律醬唔夠。半隻燒雞都幾大隻，賣相相當吸引，肉質嫩滑，調味適中，唔會淡茂茂，雞皮都烤得香口。伴碟蔬菜都多，幾有誠意。香烤三文魚保掛一貫水準，魚皮烤得微脆，肉質鮮嫩，配上酸酸地嘅Tata醬，相當美味。小米拌有小量紅黃青椒，口感味道都唔錯。…Read More

近來麥記不時推出新口味甜品吸引食客，今期就推出左抺茶豆乳批。本人喜歡試新嘢，但都唔係樣樣都岩，唔好太甜膩嘅，今次口味聽落幾吸引，唔似係甜到漏，一次試試。一口咬落去香脆外皮，滿滿嘅抺茶豆乳餡爆曬出嚟。都知道呢個價錢唔會用上高級抺茶粉制作，不過香味都算唔錯，微微澀味少少回甘，豆味都食得出，兩隻味幾夾幾平衡，甜度適中。總括然而呢個批幾好味，絕對值得一試，係香芋批以後我最鍾意嘅一個批，係轉下一款新品前都再食多一兩次。…Read More

近期ikea雪糕不時出新口味，價錢相宜，每次都會想去一試。今期係士多啤梨米奶雪糕，雖然係星期日去，但係都唔需要排隊賣相顏色較淺，但食落士多啤梨味都ok出，酸酸地，唔算太假都唔過甜，幾fresh，係比較輕盈嘅雪糕。不過就食唔出米奶同普通鮮奶有咩分別。不過就食唔出同普通鮮奶，有咩分別。雪糕筒都幾脆口，CP高，值得一試。…Read More

荃灣美食多籮籮，但係呢個主打Pokebowl 嘅餐廳係我心目中top 3，會食完下星期又想食。佢都係我食過咁多間poke bowl 當中最多選擇，CP最高嘅一間。Set 好嘅款式有14款，都可能自由配搭，我覺得最特別係呢間配菜都有6款揀，base 可選白飯、糙米飯、黃薑椰菜花，沙律同烏冬，仲可以mix, 組合過過款😋每一碗都大大碗，材料毫不吝嗇，夠晒飽肚又健康。經典吞拿魚+泰式青檸熟蝦+蛋黃配菜+牛油果+黃薑椰菜花飯+半糙米飯吞拿魚拌有Wasabi同紫菜醬油，幾好味，蝦都幾爽口，泰式汁開胃。蛋黃配菜即係菠蘿、青瓜、蟹子、蛋黃醬，配埋一齊好好味。經典三文魚+煙燻辣油吞拿魚+紅菜頭配菜+沙律三文魚都幾新鮮，發揮正常，吞拿魚辣油非常惹味，有驚喜。紅菜頭配菜有甜黃椒、紅腰豆、羽衣甘藍、毛豆、黑醋，材料非常之豐富，味道清新。…Read More

一向都幾鍾意食新鮮泡芙，每一次經過總係忍唔住望多眼，睇下有咩新口味。咁啱公司活動預訂左一人個泡芙俾大家下午茶，有6-7種口味揀，選擇困難嘅我多番考慮下揀左冇食過嘅意大利芝士味😋泡芙外皮保持一貫水準，微脆鬆軟，但個人覺得同原味味道差唔多，冇咩可可味。入面有大量意大利軟芝士，啖啖都食到cream ,香滑甜而不膩，仲有一條lady finger同有少量可可粉及杏仁碎，好似食緊冇酒味嘅tiramisu 咁。食完一個都唔會太滯，十分滿足。…Read More

人稱世人嘅章魚小丸子，之前得葵芳葵芳總店時就一直好想試，可惜冇機會。而家旺角有分店，就一於去試吓。睇食評見其他人話要等幾耐，都有就一於去試吓點擔心，當日假期大約一點半去到，落單都唔洗點排隊，order完唔洗10分鐘就有得拎了。揀左明太子口味，個醬汁酸酸地勁好味，小丸子熱辣辣，口感軟糯，有3大粒章魚係入面，大滿足。如果皮係脆嘅話就完美了。…Read More

平時見呢間餐廳都有長長人龍等位，所以有預先book位。7:30去到門口已見貼左告示火山排骨售罄，都有啲失望，因為專登想食呢款招牌菜，不過打俾既然book左，都照食啦。入坐後侍應生非常有禮貌，同我地講話留起左幾份火山排骨俾預先book位即客人，問我地需唔需要落左單先。我哋當然話好啦，當日仲有另一款期間限定嘅活火山排骨，問左侍應生話係蕃茄味，辣味適中，因為我本身都好鍾意番茄，所以就揀左佢雖然賣相好辣咁，但係實際都唔算太辣，味道偏酸，個人鍾意食酸野，就覺得好好味。餐廳貼心地提供埋手套，可以豪邁咁拎住成舊食，大快朵頤。雖然係小份，個都有6-7舊，3人食都夠。肉質方面夠淋又香肉味，非常之唔錯。餐廳都有提供一個碟放骨同職員會主動過嚟換碟，服務值得一讚青咖哩大蝦炒糙米飯，香料味十足，都重椰香味，但唔會太咸，唔辣，個人覺得如果辣少少就好。有3隻大蝦，都爽口。糙米飯有少少似意大利飯，個人幾好鍾意佢硬硬地嘅口感。整體來講都好滿意，坐得舒服，服務又好，下次會再嚟試下原味火山排骨。…Read More

鍾意手搖茶又怕肥嘅我，一直都好想試呢間主打健康、純素、低卡飲品店，今日去開大館經過終於可以一試。由於實在太多款式揀，諗左好耐先決定到，點左杯抺茶蓋紅豆，入面有抺茶奶蓋、紅豆、腰果燕麥奶、抺茶珍珠。店員十分友善，問我join唔join會員儲積分，幫我整住飲品先，我一邊填資料。飲品等左約10分鐘就有得拎，由於點左熱飲關係，唔太飲到奶蓋，抺茶味到幾濃，紅豆夠稔，珍珠軟糯適中，只係略嫌甜咗一點。（唔知有冇得揀少甜？）下次經開都會再試，好多口味都吸引😋…Read More

經開旺角，見呢間餃子幾多款式，仲有不同小食，環境又幾企理，唔洗等位，一於試試😋餃子有6-7款口味，可以選煎、蒸或湯，另外仲有日式煎餃子，湯餃有3款湯底揀，好多樣化。餃子可以加$4雙併，試多啲款。今日試左關東煮、招牌餃、醉雞餃同埋黑白松露湯餃。關東煮有驚喜，材料豐富，有冬菇、蘿蔔、墨魚丸、竹輪卷、魚蛋角、流心蛋，全部全好好味。餃子size 比較小，可以考慮加烏冬或米線。醉雞餃酒味都特出，唔錯。招牌餃係豬肉餡入邊有啲菜，都好食嘅，不過就普通啲。選左一碗芫茜湯底，色澤翠綠，有好多芫荽碎，但入口味道比預期淡，類似中式芫荽魚片湯嗰陣味，屬於清淡湯底。我最鍾意係黑白松露餃，勁香勁好食，其他店舖揀松露通常都要加洗，呢間唔洗勁抵食。呢碗揀咗豆乳蝦湯，鮮味唔過咸，雖有一層蝦油浮面，但實際飲落都唔油膩。整體而且都唔錯，會再黎試其他款式。…Read More