tabograce's Profile

見新開張，又有啲特色，即管要試兩個人，叫咗一份大鵝肉，一個一品窩碟鵝肉嚟到，滿心歡喜，「一塊」「一塊」好整齊，心諗幾好，好多件，好抵食。一夾，點解鵝肉係一條條嘅，以為頭尾係咁，點知全碟都係咁。孤陋寡聞，未見過鵝肉係「條」上或「絲」上。同鵝肉同皮差唔多厚度，有啲係「絲」到令我好佩服廚師刀功。總之係皮肉比例一比一。一品窩，原來係辣辣地，除咗辣就冇其他味道，窩入面嘅酸菜係冇味的，厲害！補充一句，窩的深度不足1cm.最後唔飽，叫一個湯麵線，以為係病人餐，又係冇味！圖中嘅肉算係「厚」了…Read More

對上一次幫襯應該10年前，下次可能係10年後。今日諗住搵返啲回憶，就入去食。點咗特價午餐，有沙爹牛肉麵，菠蘿包，奄列，熱飲。落單侍應態度不敢恭維，落單又唔聽，之後又問返食咩，但好似審犯咁，我最後忍唔住講咗句使唔使咁衰態度。沙爹牛面好鹹，啲面有陣怪怪的味，似鹼水味，但即食面應該冇鹼水。菠蘿包皮硬，凍的，奄列夠大份。之後陸續好多遊客嚟，侍應態度好好，有講有笑。10年後再幫襯吧，祝佢未執…Read More

又係見好多人排隊，走去試下。叫咗一個蝦卷便當，79元，有三條蝦卷，少少粉絲同幾粒豆腐，味道一般，連加一係80元，記住唔包嘢飲，計埋優惠價台式飲品，誠為120幾元！另叫咗牛肉面，冇味又鞋的牛肉，似煲湯渣多啲😌。自己落單，自己去比錢，但又要加一，佢純粹幫我攞咗個飯出嚟，其實不如我自己攞，比返個10%我。服務又係九流，問嘢西晒面，話比佢知比錯嘢，竟然比個ipad 我叫我自己睇返，根本都唔係我張枱。。。啲侍應串過碼頭咕喱！冇下次！一大伏！…Read More

叫咗三味餸，有蒸鱔，小炒皇，椒鹽九肚魚及鮮魷椒鹽雙併，啲粉多到呢，鮮魷冇味。好似咬膠蒸鱔等咗45分鐘，都爽口嘅，但等得太耐，碗飯都凍晒。。。撈汁失晒色小炒皇ok的，好香周圍好多人食煙，好難頂！連老細都係咁食。。。為免要吸煙，不會再去了。。。…Read More

叫了2個甜品，先來第一個，攪唔清是那一個item,就問店員，高瘦戴眼鏡，然後好晦氣咁解答咗，到第二個上枱，真心唔知「沙冰」同「冰」的分別，避免食錯，再問，當然更晦氣答！原來冰，係有堆山形嘅冰，原來沙冰　，啲冰響晒底。係我無知唔識分，都唔使咁嘅態度。到隔離枱，又係好冇禮貌咁將甜品上枱，連客人也被嚇到。冇第二次，態度差，又唔係特別好食，唔會再貼錢買難受…Read More

一行四人，大家點咗set dinner的牛肉鍋及泡菜油甘魚鍋。味道及份量ok 的！dinner 限時90分鐘，明白的。但食到90分鐘後，其實好多吉枱，冇人等。侍應要求我哋要離座，仲話已比我哋坐多咗20分鐘了，噢多謝晒。我哋話有位冇人等，可否仲坐多陣，侍應話唔得，係公司規矩喎:(。其實我哋冇白坐，朋友生日，自携旦糕，我哋有比100元切餅費。最初侍應只係原袋將旦糕放在枱面，我話比咗100元切餅費，係咪要比返啲service,之後先攞走再捧個旦糕出嚟。最後當然係自己切啦！雖然唔係話比100元大晒，但有吉枱，冇人等，係咪可以坐多陣？仲講到皇恩浩蕩已比我哋坐多咗一陣，只係公司規矩唔容許！定係想早啲清枱早啲收工？冇下次了！…Read More

今晚點了蝦餅，明爐青檸蒸烏頭，串燒，咖哩牛腩包。蝦餅最好食，夠彈牙，份量亦夠。明爐青檸蒸烏頭，比個名fake 咗，以為唔辣，但味都唔差的。串燒，好鹹，唔香口。冇串燒feel, 一啲燒過的味都冇。咖哩牛腩包，今次好鹹。整體係差咗，味道偏鹹。另外服務可以再好啲。。。…Read More

lunch 叫咗碗柯仔貢丸麵線，搵咗好耐先搵到貢丸，噢，原來係貢丸薄片，sorry. 湯底淡而無味，落晒一碟酸菜都冇味，剛端上的麵線係暖的，唔係熱☹️。 冇咩原因會再吃！…Read More

食物質素唔差，環境好好，舒服的。但0服務，叫極冇人應。食完之後去隔離飲品部買杯台式飲品，女廍員服務其差，好似爭佢錢咁！已叫少冰，但大半杯都係冰，飲幾啖飲完！完全搵老襯！絕不再幫襯！…Read More

一行4人，見有位就入，最初坐的位唔太舒服，張枱好矮果啲，後來見有4人正常枱，問可否轉位，職員立即送上一口嘆氣以表不悅。食物味道都ok嘅，賣相都ok嘅，明白用餐限時90分鐘，我哋都唔想阻住小店做生意。到了90分鐘，餐廳有好多吉位，門口都冇人等，職員表示我哋要離坐，因過了用餐時間，ok咁咪走囉。如果有位，又冇人等，其實係咪可以坐多陣呢。（不過有客早過我哋嚟，但仍可以繼續坐，唔知係咩邏輯）一間餐廳，除了食物質素，服務質素都好重要！…Read More

新開將，去飲早茶，預咗好多人。首先等𨋢指示好差，幾部𨋢，朝早，原來得一部𨋢上落，要等幾轉先上落到。野食一係唔夠熱，一係over cook! 蝦餃皮超厚，厚到外面睇唔到蝦咁濟。蘿蔔糕完全冇蘿蔔或臘味味道，粉太多，好鞋。淡而冇味想攞豉油，又冇人得閒理你！沒服務沒味道的酒樓，不會再試了！…Read More

試新野，見價錢合理即管一試。點了滑旦鰻魚叉燒飯70元。一送上來，以為點了隔夜餸，叉燒感覺翻煎了幾次，其實係3小塊肥豬肉。再試鰻魚，感覺係燒定咗好耐然後叮返熱。再食滑旦，一啲味都冇，冇旦味，又好淡口，茶餐廳的滑旦好得多。基本上唔會再試！…Read More

一行四人，點了四人餐，$988。先來南瓜湯，沒有南瓜味，好稀，水汪汪的。跟餐有沙律，沙律配上腐乳，都唔差，新嘗試。四人餐三個main course, 大部分要另加錢。只點了不用加錢的食物，雜腸，燒汁黑豚肉，長通粉。食物是大份的，味道都ok. 但waiter 成日問食完未，其實距離關門仲有成個鐘，隔一陣又問，好煩，又沒有禮貌，好催促，攪到好唔relax. 環境太暗，menu background 又花，好難睇，希望可以改進一下。甜品係窩夫，都ok的！整體食物ok, 服務有待改進。應該唔會再去…Read More

好耐冇食，諗住有改善，再比次機會佢。叫了車仔麵，湯底冇味，豬頸肉冇味，魚旦腥，最正常係菜芯。冇下次了，啲員工態度差，唔休做嘅款，不停講粗口，冇禮貌！唔會再食了！等執…Read More

一心諗住marriott group的hotel差極有限，就試下個tea buffet. 首先去攞冷盤，有少少蔬菜，面包，煙三文魚，同一啲前菜。攞完就去攞熱食。。。。點知。。。係冇熱食嘅！一粒燒賣都冇，咩都冇！！！咁即係成個所謂buffet係得少少菜，蕃茄仔，薯仔，面包咁。。。。咁又唔係，都仲有好幾款甜品比你食下！sorly，見識少，冇諗過tea buffet係咁。最貴的食物係煙三文魚。補充一句，冷盤area有好多蚊飛來飛去，唔知以為自己去咗內地啲1，2星級酒店！如果冇誠意做tea buffet, 唔好做啦，食完得一個字comment, 伏！！！…Read More