Deli.meal's Profile

唔好叫burger以外嘅食物！😡雖然知道係食burger為主，但係見到有個廚師推介食燒羊架，一時心癢就點左。因爲都要$148 所以有啲期望。但係黎到得兩舊迷你羊架，細到可以放係堆薯條上面…..羊肉係無味道嘅，肉硬，入面唔係juicy嘅，嗰所謂秘製汁就係另上，唔特別得黎仲要係太鹹。薯條都係比較硬嘅，salad係正常，咁就$148，真係嬲到爆！另外叫左嗰burger係正常嘅，$78正常價錢，大家lunch time都係叫返 lunch set 要求唔高就對了。…Read More

今日收得夜，book左8點都趕唔到。打去問佢話仲有檯啊叫我take time慢慢行過去。星期二8點半，可以揀位坐。坐低見到有支樽裝水,一支透明玻璃水。原來有牌子的$20支，不過你唔開就唔收錢。叫左個garlic chicken, 咖喱芝士同mutton masala，cheese naan and roti.蒜蓉雞係其他餐廳比較少見，都幾好味。咖喱芝士係我每次食印度野必叫，呢間的芝士又多又好味，入面好多蔬菜，唔太辣，配個roti食真係正。羊肉雖然好soft但對我黎講太辣仲又種我唔係好鍾意的奇怪香草味。下次都係食第二樣。食食下個服務員會問你洗唔洗加野飲，我地叫左個mango lassi，濃濃的酸奶，冇冰，好似smoothie. 我覺得好好飲。最後佢哋送左個印度紙米卷比我地，呢個都真係好少見，佢地話想介紹比我地脆脆地加埋d醬食都幾得意，多d人分享更好！真係食到好飽！我地食到10點都仲有人入黎食野，可能因為有折。羊同雞都幾貴，無8折可能唔會再黎呢～…Read More

平時黎食LUNCH都OK，不過上次LUNCH同今之食完個晚餐就覺得下次再黎都唔會係食正餐啦。我覺得個PASTA冇以前做得咁有心，冇咁好食。個龍蝦係夜晚先有，睇個MENU覺得佢好吸引，不過食落又乾又咸。好在個RIBS都叫幾好味，D WAITER又幾好人。…Read More

平日夜晚揾飯食，見到個大廈門口咁特別，睇真D原來樓上有餐廳，7點幾上到去成間餐廳都冇人，有D嚇親 ^^" 好在個經理好好人咁介紹左個MENU，原來8點前仲有HAPPY HOUR，不過唔想飲COLD DRINK，所以就咁要左水，點知佢原來俾熱水我，成晚一直都係REFILL熱水，真係太好。因為我要等埋朋友黎，坐低左之後個經理問我要唔要食住面包先，好醒目呀，我真係好肚餓。個面包係普通的小法包，勝在配個黑松露牛油，即刻好味左!主菜叫左和牛同豬脾，前菜本來想要SALAD，不過WAITRESS介紹個牛油果蟹肉幾特別所以試下。因為係出面未食過所以都有少少驚喜，牛油果中的蟹肉唔係太出，不過我地都鍾意食牛油果所以覺得唔錯。個STEAK上到黎個陣有D樣衰，有D覺得個CHEF好冇心思，不過個牛肉真係好食，加返分。好啦，到個西班牙豬，賣相好D，不過食完個STEAK同薯條個口已經好油，見到佢SIDE DISH係洋蔥圈就唔想食.....心諗，係咪俾少少菜都唔得呢................岩岩講完，原來隻豬脾下面收埋左D德國酸菜，雖然有D油，不過終於有有D菜入口，個豬肉都叫好食，不過可能EXPECT太高，覺得唔夠JUICY。本來想睇下有咩甜品可以清下D油，不過佢得4-5款，都係ICE CREAM同MOOSE，所以都係算啦。Overall都食得幾飽，可能我地都淨係食肉，返到屋企已經要揾生果食，如果SIDE DISH放D菜我諗食完個感覺會好好多。…Read More

午飯時間1點，唔洗排隊，仲有好多位。我地2個人一人叫左個午市烏冬，一個泡菜湯，一個豬骨湯。泡菜湯味道稍濃不過可以接受。豬骨湯底好似落多左幾包公仔麪味精粉咁(我諗佢唔係真係用豬骨)，鹹到食唔到，好後悔冇睇之前個個食評先入黎食。我唔想浪費，叫佢加D水俾我。點知佢成碗換俾我(多謝晒)。不過新個碗都係好鹹，好在佢放左好多豆芽同其他食物，都叫做有D野食下。我諗呢間野都係晚市食串燒為主，午市烏冬可以唔洗試。…Read More