迪兜's Profile

曾經收到傳單有買一送一的午餐，但只限於平日下午2時開始，今次黎試下係咪真係咁抵。(買一送一是收取較貴的一個LUNCH SET)我們點了RIBS 和忌廉雞肉長通粉。忌廉餐湯很濃，配上一個小SCONE，飲完已半飽。RIBS是小份的也有4支啊，配上薯條！RIBS味道跟以往的一樣， 都很入味，而且肉質很軟。忌廉磨菇雞肉長通粉都唔錯，雞肉是滑的，而磨菇是用厚身的菇的再成切件狀，口感很好。飲品叫了熱檸茶和凍檸茶。熱檸茶很香，不澀的。…Read More

天氣咁熱，唔想食熱辣辣既野，就去食海南雞飯啦!點左2個海南雞飯午餐，盛惠58元, 附飲品。一份係雞胸，另一份係雞腿。呢份是雞胸，無骨的，不太"鞋"，有點點滑的感覺。沒有點醬油都很好吃。呢度的熱檸茶沒有澀的感覺，好正。最近做PROMOTE 送鳳尾蝦春卷，我以為係一早整定晒果D ，最後原來係即炸的。熱辣辣的鳳尾蝦春卷，除了外面好脆口，內裏的蝦是彈牙的，值得一試。已經不是第一次來這裡，服務員的態度仍然保持得好好。…Read More

上次試左晚餐，今次黎試中西合壁high tea。唔知係咪每個月都會轉款式，今次黎已經同上個月友人食既唔同晒。飲品種類方面就一樣冇變，依然係茶同咖啡。我揀左桂花烏龍茶，鳥龍茶中帶有清香桂花味，入口清清地。食物一黎到，不得不相機先食。因為真係做到好精緻，糯米蝦燒賣用蟹子做左一對超級迷你桔仔出來。聞到都好香，一路影相 ，真係會一路流口水。中式方面，比較喜歡雲腿芝士脆帶子，因為呢款點心既外型，一般茶樓比較少見。帶子本身冇乜味，但配左雲腿同芝士，味道相宜。鹵肉蒜茸多士估唔到鹵肉都可以配多士。呢個配搭真係好新奇。塊肉本身好肥，配一塊較乾同脆身既多士，感覺冇咁肥膩。西式方面各有千秋。一見到長柄士多啤梨就驚佢酸酸地。誰知士多啤梨本身甜甜地之餘，加埋已凝固的朱古力，造成一個外脆內軟，再加上由好甜到清甜既感覺。熱情果啫喱椰子忌廉杯。呢個賣相，哄到我地幾個女仔好歡喜。食落酸酸甜甜的，每一層都有特式，有唔同口感。上面有啫喱同脆脆，中間有一層蛋糕，底層有忌廉。朱古力香橙啫喱棒棒糖，外型好有趣。球形朱古力外型內，唔係有振振下果啲啫喱，而係煙靱的橙味啫喱狀物體。呢度食物種類比較多元化，唔會有太甜、好易飽、食唔晒既感覺，最岩眼闊肚窄既女生。…Read More

近來經常落雨，難得的好天氣。本來訂位時還未CONFIRM 窗口位，好彩最後都有位。呢個靚景，一絕呢！侍應服務親切，樂意介紹菜單。我地點左2人SET DINNER 再加一個招牌菜：安格斯腩片前菜(每人一份)呢三樣已經成功啓動我既食慾。估唔到外表普普通通，但放左入口，可以咁香口。黑豚肉义燒，唔肥唔瘦，口感JUICY有彈性。燒腩仔放涼了，仲係咁香脆。黑松露茶燻蛋好正，凍凍地又香香地咁，正！安格斯腩片外脆肉嫩。表面有少少煎香的味道，內裏有厚厚的腩片質感。必食呢! 以為2人餐，片皮鴨得幾塊仔。誰知，成隻鴨放係我地隔離俾人片。本來想忍口唔食咁多，但啲鴨片冇乜肥膏同肥油，燒到又脆又香，配埋青瓜同蔥又冇咁油膩，結果食晒同埋感覺好FULL。有個帶子茄茸湯感覺好FRESH，菜搞成茸，帶子細砌，可以為今餐做個中場休息。黎到炒飯同牛柳粒已經唔係太食得落，只係食左一兩粒牛柳粒，其他要打包。甜品係另一個胃，所以食晒！本來佢地冇呢啲甜品，但我話可否幫我安排一下。最後竟然冇取消我地本身的甜品之餘，再另外送上呢個甜品俾我地。真係好貼心呢! :):)呢個CUPCAKE為今餐再加一份浪漫。謝謝悉心侍應的安排！…Read More

上一次黎係下午茶時間，都幾多人。今次係午飯時間，人少啲，自然舒服啲，同埋RELAX啲。立體拉花咖啡係必點之選。CAPPUCCINO 都唔錯，可能我地影相影得耐，咖啡都放涼了。洋甘菊茶好香。隻水杯係雙層的，就算係熱飲都唔怕辣親手。肉碎長通粉鹹左啲，同埋啲通粉硬左啲，個汁太少，入口煙煙靱靱咁。白汁磨菇火腿意粉不過不失，相比長通粉的話，呢個意粉好味啲。…Read More

好耐冇食過呢間既肉醬焗薯配煙肉沙律, 餐飲係熱檸茶.焗薯本身冇乜味, 加左濃味既肉醬, 就變得好豐富. 2者加埋一齊就係淡中有味既感覺. 肉醬既肉碎好多, 蕃茄味厚, 唔太稀又唔太結. 玻璃杯上掛住一舊檸檬, 呢杯檸檬茶賣相好靚. 不過我覺得行緊商場, 對手東摸西掂, 一定唔乾淨. 我唔會用手搾d汁出來, 只好掉埋落去篤, 但一D 都唔好篤. 紅茶味濃, 但冇d 澀.…Read More

呢間舖出面係女人街既排檔, 要搵就最好由街尾開始向旺角MTR方向行, 行到中段左右, 就會見到一間細細的,有土耳其風味的餐廳. 透過玻璃, 可以見到裏面有一大串燒雞肉. 我地點左轉轉雞卷同埋烤牛肉卷. 2者都配有生菜, 蓄茄,生蔥等同埋沙律醬汁. 雞肉卷比較惹味, 肉質有一部份是嫩的, 有一部份是較熟的, 形成不同既口感. 蔬菜部份都好新鮮. 沙律醬同雞肉既肉汁都好配合.餅身方面, 之前係外國食既有PIZZA 餅底相似既質感.呢度個餅身比較薄同乾脆, 有D似某炸雞店既雞卷. 咁樣就唔會有飽到上心口既感覺.烤牛肉冇雞肉咁嫩, 係厚身既肉塊, 相比之下, 雞肉既味道會比較特別. 餐茶叫左土耳其茶, 味道有D 似濃味既紅茶.…Read More

呢間餐廳係地庫，當去到門口時， 已經俾佢地既裝修吸引左，特別係門口架車仔同甜品。我地訂左位，因為唔過半數，要等到夠半數先可以入座。真係有D唔明，單數人頭既半數一定要4捨5入......所以係度等既時候就望下D甜品。耐心一看，其實甜品都係冇乜特別，只係裝飾得靚D啫。個MENU有D難睇，因為卡通同畫都插入MENU內。插畫係靚，但沒必要既插圖真係令我地有D混亂。一坐底，侍應會幫我舖餐巾，服務感覺好貼心。食到中段，侍應會幫我地換碟，不過我隻碟係濕既 :( 一行5人，前菜我地叫左炒什菇同沙律。什菇不過不失，有3種以上既菇菌。沙律都OK，材料新鮮。主菜叫左魚同RIBS。呢2個主菜賣相唔錯，見到都好想食。RIBS冇燒的香味，但勝在夠"林"。另外點左香芒蟹肉炒飯同素菜長通粉。炒飯類似越式炒飯，上面有肉鬆。但味道冇越式咁香，飯底都乾身。長通粉都唔錯，配一片法包，賣相幾好。甜品要左：雪糕係呍呢拿、士多啤梨同朱古力。放左好耐都仲夠冰凍。飲品方面，我地都點雜果果汁類。因為每杯都有一個好特別既名稱，我都已經忘記左個名。不過果汁都唔錯，校得幾好飲。…Read More

曾幾何時黎食自助餐，因為著短褲，所以被勸著返條長褲先入去。宜家已經冇DRESS CODE，亦都係全間酒店唯一一間冇DRESS CODE既餐廳。三個月前訂左呢張window seats既二人桌，原來果晚得兩張二人桌係window seats.酒店職員服務親切，面帶笑容。餐廳職員都係，幾忙都係面帶笑容，而且收碟速度快又會記得客人要求。:)食物方面，我覺得熱葷同甜品比較出色。魚生冇乜味，感覺好似欠左Ｄ野咁。蠔係濃味既，好新鮮，食左好多隻。熟蝦好大隻，而且爽口、鮮甜。鮑魚係一人一個，凍食，味道唔錯。不過熱食的話應該會更好味。黑松露意大利飯係即點即做，聞落好有松露香味，湯汁完全被飯吸收左，好正。和牛漢堡又係令人再拎既一款。和牛juicy，肉質剛剛好。沙律款式普普通通。其中一個冷盤係牛輾，試左一塊，好軟身、入味。朱古力紅桑子撻冇乜特別，紅桑子好甜。最意想不到既係金箔椰絲撻，以為會好甜，但原來味道岩岩好，好香，唔太甜，撻皮唔會好硬。藍莓大細不一，原來大粒係酸酸地、細粒先係甜既。開心果蛋糕味道好特別，當中有脆脆。芒果布甸同奶凍都唔錯…Read More

第一次到訪, 點了：Caser salad,檸檬香草南瓜長通粉,磨菇忌廉意大利飯.Caser salad賣相好特別, 大半個生菜放係碟上, 附上刀可以俾客人自己砌生菜,大小任君點砌.生菜好新鮮,下刀時, 有明顯 “索索聲”. 沙律醬同煙肉都好夾.檸檬香草南瓜長通粉賣相好靚, 味道都唔錯. 起初以為碟上既小南瓜係裝飾,之後發現係可以食用的. 醬汁好特別, 唔太creamy,唔會有好甜既南瓜味, 反而有少少fresh的感覺,食落唔覺得漏.長通粉彈牙, 燴埋d汁, 好味.磨菇忌廉意大利飯賣相一般, 因為一來到已經見到好濕. 隔左一陣先食, 都仲係咁濕,有d 似食湯飯. 如果煮得再乾身小小就好了. 味道不過不失.…Read More

未到晚飯時間冇乜人，唔洗等就有位。點左生薑豚肉飯，另左15元有沙律、麵豉湯同埋小食。豚肉爽口入味，但飯就怪怪的。因為飯粒係大細不一。之前係其他分店食過2次，都係呢一款，每粒飯都差唔多大細。今次好似夾雜左珍珠米同其他米咁。唔止我呢碗，友人果碗都係咁。大家都覺得好奇怪。沙律、麵豉湯同埋小食都不過不錯。…Read More

之前食過DINNER都覺得唔錯，就黎呢度試午餐。是日食左SET LUNCH，加埋一，唔洗一百蚊一位。忌廉湯好濃，飲完已經飽左三分一，味道唔錯。沙律其實似亂葬崗。另有必食黑糖包(圓形)，一SET一件。主角係波布拉諾烤雞胸，賣相一流，有芝士香味。不過雞胸好韌，食得好辛苦。雞胸"鞋口"係預左，但同桌有人都叫呢個SET，大家都係覺得肉太韌了。檸檬茶好難唔好飲，但應該係我黑仔，其中一0舊檸檬乾水的。:(…Read More

雖然係食LUNCH BUFFET, 但都唔錯, 有龍蝦同魚生.龍蝦係細左D, 不過都爽口沙律材料都新鮮. 三文魚同吞拿魚就一般, 食完一次就夠了.燒烤肉類有三種: 牛/羊/豬. 我試左豬, 都OK, 夠鹹,唔會太韌.  熱葷試左烤薯、炒菜、蒸魚、炆鴨...不過不失 我地都預留左好多位俾甜品, 試左梳乎里雖然食梳乎里好似食左陣風咁, 但都因為佢好香牛油味同埋熱辣辣而吸引左。拿破侖都好好味, 餅底夠脆, 餡料香滑, 味道配合得宜。橙味布甸外表一般, 但味道好特別,富濃郁橙味, 有一種好FRESH既感覺。收碟速度開始時不錯, 但近尾聲時, 可能好多客人都點飲品, 顯得冇乜人收野。…Read More

呢間餐廳服務唔錯，職員細心、有禮，收碟快速。其實我地只係借意問食物，但廚師一聽到，就有耐性地介紹菜式，服務很窩心。我地試左好多野......湯類有三款：一款係西洋菜生魚湯--好鮮甜，一D 都唔腥另一款係菠菜忌廉湯--同其他餐廳相約，不過不失最後一款係燉杞子龍眼螺頭湯--好濃郁，媽媽都推薦我地要每人飲一盅龍蝦--新鮮、爽口。冇晒就好快refill。長腳蟹--唔單止係腳， 仲有少少蟹身位食下。有d鹹。蜆 -- 細隻少少，可能唔係岩時節掛。蝦--鮮甜。除左平時果d 一支支辣椒仔同檸檬外，仲配有泰式醬汁，幾特別。即開生蠔--有美國、英國同南非三款選擇。我試左南非，最淡口的一款。入口淡味，之後越咬越有海水味同蠔味滲出來。生平第一次食蠔，原來食蠔係咁有層次。蒜蓉燒帶子--入口爽脆、不失鮮味。燒牛柳粒鵝肝--佢地唔係同一碟，但放在一起。我就上層鵝肝，下層牛柳，一拼放入口，正！什菇鯖魚--鯖魚有肉感，唔會好乾 哈蜜瓜拼鹹火腿 -- 火腿唔錯，如果哈蜜瓜用日本果種，效果應該會更好。三文魚--好juicy鮑魚--爽口、鮮味泰式炸雞蛋--類似印尼的炸蛋，但配上泰式酸甜醬，好味！南方雞球--廚師介紹係先焗後炸的，肉質會比較juicy。嚐後非常認同，好味！即焗心太軟--見到心太軟咁迷你，未食，就聞到好香的朱古力。好濃郁，唔錯。芝麻味蛋糕--呢個味好少見，芝麻味好香。要食完再食。杏仁味豆腐凍、橙味布甸、什果啫喱凍、窩夫同movenpick雪糕都唔錯。仲有朱古力噴泉、炒意粉、關東煮、印度同泰式咖喱、西班牙海鮮飯......冇試。…Read More

THE MARKET的自助餐真係為左有準備的人而設。訂桌要預早2-3個月. 由開店至今, 每次想光顧, 都話我訂果日已滿。今次我地特登係三個月前訂位。真係想知道呢間餐廳有咩咁特別, 點解成日都咁FULL。我地比預定時間早到, 無所事事, 就先去一個洗手間。嘩! 通往洗手間既大門, 係自動的。之後洗手間的大門，都係自動的。往洗手間的路上, 偷窺左BUFFET BAR幾眼，感覺有D 似SOFITEL SO BANGKOK的餐廳。大家都係用呢D DESIGN FEEL + EARTH TUNE的裝潢。DISHES 的PRESENTATION都好靚。沙律有蓄茄+芝士沙律 , 韓式沙律(少SPICY)等.當然唔少得自選部份, 自選部份有好多蔬菜同八種沙律醬選擇。 凍盤有龍蝦,龍蝦鉗, 龍蝦仔,長腳蟹,田螺等見到呢座山, 都好興奮吧! 而且不停REFILL, 唔怕試唔到.我試左龍蝦, 好新鮮, 爽口.另外見到一個三文魚子,黑魚子同吞拿魚的組合, 就要了一個. 估唔到三種魚一齊食都好特別. 口感唔同之餘, 又唔會太腥.仲有,餐廳用帶子殼代替碟, 頗特別呢! :)刺身除了三文魚, 吞拿魚, 龍蝦仔, 甜蝦外, 仲有帶子! 好肥美的帶子, 新鮮之餘, 又大件。壽司中, 一件一碟, 眼花捺亂. 當中有好多特別的款式. 如黑魚子配吞拿魚壽司.今次係星加坡節, 熱葷有埋炒蟹, 炸蝦, 海南雞飯...試完, 冇一款唔滿意.其餘的熱葷有: 牛仔骨, 意粉,燒雞, 燒魷魚, 鴨肝配麵包,蒜片牛仔柳, 串燒,印度薄餅+咖喱。試完,當中要ENCORE 鴨肝配麵包,因為燒到外脆內香,要翻尋味。呢碗係蟹粥, 夠鮮甜. 耐何肚窄, 真係每款只可以食一次. 哈蜜瓜超甜, 配鹹火腿食, 一流. 因為哈蜜瓜真係太甜的緣故, 顯得鹹火腿唔夠鹹甜品竟然有炸皇帝蕉! 梗係要試下啦! 口感幾得意, 其實係麵粉包皇帝蕉.榴槤芝士蛋糕,沒有很重的熟榴槤味, 反而係清香的, 食落又帶D 芝士味. 唔錯總括黎講, 食物都好滿意, 加上有D特式食品. 可見到廚師們的心思之作. :)另外, 我地食到半路, 唔小心打翻杯水. 侍應唔洗2分鐘, 幫我地抺桌, 抺地, 換餐具, 還原最初的模式. 咁有效率的侍應+有驚喜的食品, 真係值得去光顧. …Read More