hwchun's Profile

呢間舖頭真係好差，啲侍應又冇禮貌，行入去一陣味，又唔會俾碟你哋，得個核突豉油碟喺度。唔係親戚話想去呢間野到食真係唔會留意有啲咁嘅舖啲座位又窄，燈光又暗，餐具又污糟，枱面黐立立。嗰位親戚叫一個阿嬸落單，發現佢態度黑口黑面好似撩交嗌咁。鋪面冇乜嘢顧客但等咗十幾分鐘啲侍應都唔攞杯水過嚟。我出去攞水嘅時候佢就喝令我返埋位，我就好唔客氣話返佢轉頭「坐咗咁耐你唔俾水我地咪以為喺呢度好似其他餐廳咁要顧客自己斟水，我依家問返你點解重唔快啲攞水俾我哋？答我啦」咁佢先至好晦氣話「得啦依家比水你囉」我見到親戚嗰碗水餃賣相真係差，我睇啲湯底覺得唔慌好食得去邊。問佢好唔好食佢就話一般啦，老婆叫嗰啲煎餃非常燶，啲皮又硬，食落去冇乜嘢味道。重差過我喺屋企自己煎嗰啲雪藏餃子。總之我就唔會再去呢間舖頭…Read More

呢間舖啲服務十分差，入到去想叫外賣竟然見到個侍應老遠企咗喺度都唔走過嚟，要叫佢埋嚟先施施然行過嚟，走過來又黑口黑面一啲禮貌都冇。我唯有勞氣回覆佢用什麼付款，莫非你大把生意？等咗大約五分鐘之後佢就咁放低個外賣喺張枱度一句多謝都冇。呢啲舖唔怪得知門可羅雀，價錢又貴得驚人地方又窄，枱面黐立立。食物十分難食，杯凍奶茶甜到不得了而且十分多冰兼夾完全冇茶味。雞有陣臊味而且食落口質感好差。啲菜非常油膩又鹹，炸蝦一啲都唔脆。總之我唔會再幫襯…Read More

真係未見嗰啲咁難食嘅快餐店，比起大家樂嘅簡直差天共地。啲豬扒飯又難食又鞋又重味精還一陣雪藏味，收$75簡直天價。上菜慢過蝸牛，地方又污糟，啲枱黐立立又唔清潔，凍檸茶唔凍冇冰兼且完全唔甜，都唔知呢間係乜嘢垃圾舖頭，收費嗰陣時重要等佢五分鐘一句唔好意思都冇，呢間舖頭真係一無是處。食完之後個口還一陣味精味真係一肚氣，真係未見過廢咁嘅豬扒飯，唔識煮飯就唔好出嚟獻醜，差成咁嘅舖頭唔知點解有咁多個讚，真係莫名其妙。…Read More

呢間舖頭啲外賣真係難食到飛起，個焗豬扒飯啲豬扒份量少，豬扒有大量骨頭不特全部都係煎過先至擺落去係咁以焗一焗手法低劣，啲豬扒又韌又鞋又霉又唔新鮮啲飯又冇炒底，望落去啲芝士好似好多咁其實真係小到得啖笑。其他蔬菜又冇，得一棵西蘭花咁大把。冇青豆、黃豆、洋蔥、蘑菇都唔知佢想點。簡直係失敗之作。差過大家樂好多好多呢個叫做焗日式咖喱牛肉飯簡直係離晒大譜！佢邊一忽係日式？咖喱牛肉完全係拉圾真係未食過啲咁差劣嘅食物！啲牛肉又蘇又韌又鞋又冇味份量又少，佢還加大量梳打粉入去食完第一啖都想吐返出來，啲飯濕度好似飯團而咖喱完全冇味道質感又差，比旺財都唔食虧佢可以買得出市面。呢盒所謂嘅日式牛肉飯真係唔知邊一忽係同日本有關，個名已經夠搞笑不特止份量又小，但因為太難食所以只係食咗五份一就要掉落垃圾桶！下面幅圖就係臨送俾堆填區之前食剩嘅牛肉飯呢間維也納係唔係當地唐人街豉油西餐嘅分店？呢啲名真係勁似晒九十年代北美豉油西餐廳的名但人哋起碼份量大價錢平，呢間維也納一啲都唔平之餘份量又少又超級難食，用料極度不新鮮，所提供嘅餐具又渣又易爛，呢度$10都比多佢，重要收$150 ？有冇尊嚴？千祈唔好去幫襯…Read More

呢間舖頭啲章魚丸真係不得了咁好食，章魚彈牙爽口，嗰啲芫荽同啲醬汁恰到好處，三種材料變成一種非常夾的味道。附加的木魚碎可以中和章魚丸偏淡嘅味道，而且價錢都好平，六個章魚丸加埋杯嘢飲都係$50左右絕對夠兩人中午份量最緊要就係舖頭異常乾淨整潔，樓面妹妹仔非常之殷勤而且主動介紹芫荽章魚丸畀我老婆，事實證明佢介紹得非常之正確。等嘅時間都比較耐但咁即係證明客人落柯打之後先即場製作，非常新鮮。杯汽水係用企得穩嘅膠袋裝住慳返好多空間唔會好似其他快餐店咁杯汽水硬骨骨令到個膠袋綁唔實。呢一種裝汽水嘅方法極方便客人攞走太古城嘅章魚丸都唔算差但食完呢間之後就覺得天外有天人外有人。相片入面啲蔥係自己加上去，同啲蔥一齊食會更加好味…Read More

呢間食肆的海鮮尚算新鮮，送上門之餘保鮮袋入面塞滿晒冰袋。初頭諗住佢哋啲龍蝦係冰鮮原來龍蝦全部都係會郁而且郁得都幾犀利，啲蜆入面冇沙，蟶子好新鮮而且攞走晒啲器官。鮑魚亦都好鮮甜。嗰啲蝦亦都好新鮮可口。佢哋所比嘅火鍋沙律份量認真驚人，全部都可以生食。講到最好食就係肥大膏蟹可以媲美大閘蟹，入面啲膏分量非常多，肉同膏一樣咁好食比較遜色就係嗰啲魚生。食得出有少少雪藏味而且啲肉比較淡，但擺咗咁耐唔係霉都已經算好。而且啲肉油份都多整體講啲食物係好新鮮，但份量少而且價錢偏貴偶然每一個月食下都無妨。最好笑就係嗰啲工作人員會打電話或者WhatsApp問返你啲食物好唔好食，但係唔知會唔會聽意見好似某個機構咁得個聽字…Read More

好多人都話個女收銀級冇禮貌，我係十分認同。我兩次買外賣都覺得呢件肥胖女講野好掘。第二次啲態度好啲但都係燶口燶面其實呢間舖最"曳"係啲魚生同卷。啲魚生係超級難食，無味度淡茂茂又非常唔新鮮份量又小得可憐。還要$175一盒，又貴又小又難食非佢莫屬。而值得一「讚」就係佢地啲加州卷係一夾即散分解成"微粒"真係唔知佢地用啲什麼差劣材料整。配料又要小得可憐以為食白飯，不如改名叫白飯卷或御飯卷。爭鮮絕對優勝過呢間舖十億條街。點解會去呢間一無事處的舖頭買啲不知所謂的食物係因為我老婆話呢間野係網上響附盛名叫我搵日揸車去買外賣。其實一聽都知係流料居多果然中伏，我之後要嚴厲地同佢三令五申網上世界有咁多開飯呢一類轉河蟹偏幫商舖的拉扱唔好咁天真。呢間舖頭又證實網民"普遍"話好的舖頭都係被過度追捧。…Read More

年年生日我都係漉菜食點知我老媽命令我去買肉同大家慶祝，咁唯有落街求其買啲有骨落地的野。行行吓我老婆話不如試下呢間，反正從來未試過而我心諗燒鵝應該難食有限所以入去同個女收銀講要一隻燒鵝。個女店員好好人話今日買燒鵝畀多一蚊就有半隻雞，之後又叫咗啲豬腳仔同海蜇。返到屋企整番熱啲燒鵝發現佢異常香口，份量又多，啲肉齒夾留香有彈性，皮係脆的，而屋企人話隻鵝太肥反而本座認為啲肥膏先至係最好食的部份。反而隻雞，豬腳仔同海蛪就非常麻麻，豬腳仔同海蜇只有酸醋味，隻雞又鞋又淡茂茂。但隻雞係送所以唔好味都無乜所謂對面泰興可能比較好味啲但應該相差唔遠，以價錢來講佢都算平…Read More

睇完中醫經過呢間壽司舖覺得有啲特別, 因為以前好似唔覺有呢間舖頭,  可能太耐無去灣仔. 見到間舖頭咁新淨當然入去試下. 其實嗰度啲選擇唔多甚至偏小, 都係啲十分普通的魚生同丼, 卒之買了一個鰻魚飯,  一盒加州卷, 一碗湯和一盒三文魚壽司. 店員小姐好有耐心咁解釋呢間舖頭係半年前才開張, 又細心講解點用佢地個app會換取優惠, 比起  chotto maki 呢一間無負評但服務原來異常差劣串爆的女店員簡直天和地比. 今時今日係香港好難搵到咁盡責的服務員. 舖頭門面十分乾淨, 光線充足, 而且佢地整咗一條斜路畀坐輪椅的顧客用但食物就要改進一下. 鰻魚好硬重有啲腥味, 又係普通米. 三文魚唔係好新鮮. 加州卷啲料偏小, 而碗湯就認真難飲似一碗有腥味的鹽水, 而且食物係微溫. 由我買完去返上車食都只係五分鐘所以無乜可能係天氣令到啲食物變熱. 唯一落足料反而係外賣包裝紙袋同啲食物膠盒.某程度上爭鮮啲三文魚係好食啲, 希望佢地可以改進下啲味度唔好浪費咗店員盡心經營的心機…Read More

有日中午路經西環見到呢間舖, 我同老婆講呢間舖門面好殘舊, 佢如鑊至寶話呢間舖十分出名要求去買外賣, 我唔想掃佢興唯有照做星期六的西環係十分冷清但呢間食肆十分旺場坐無虛席, 等外賣的人都有三個. 我地叫了一個鳳爪, 一個燒賣同一啲排骨然後在附近公園食. 啲燒賣的豬肉係淋, 無蝦之餘雪味強. 鳳爪唔入味, 而啲排骨又係淋. 全部放晒入一個膠盒所以啲醬汁撈撈亂, 所有食物溫度不足, 同屋邨點心一樣, 實在大失所望之後老婆話網上寫某啲老師傅在呢幾年退休而接心的廚師火候不足。順帶一提這店舖的服務果真一流, 伙夥對待生面口的客人是誠懇和有笑容而且有禮, 還會主動同我地講我地身形瘦削唔好點咁多以免食唔晒. 今時今日五星級酒店都做唔到呢種服務. 因為叄去壹的價錢平服務好, 就算食物唔係好得拉均個性價比屬於中間…Read More

呢間舖頭嘅食物係有特色，佢哋用日本飯，加咗椰汁同埋芝麻落去，牛肉咖喱係幾香口，雞肉咖喱就加咗啲甜味落去，而且份量非常之多一個餐都夠兩個人食。嘢飲就差啲淡而無味。湯都唔差唔會水汪汪，亦都睇得出落足料去煲。環境就真係差劣，嗰啲裝食物材料嘅盒亂咁擺東歪西倒擺感覺上好似啱啱裝修一樣，門口亦都進行緊大維修，感覺好噏耷。佢啲外賣紙袋都幾薄好容易穿但係個女侍應的存在令到呢間舖頭扣盡分數！佢全程黑口黑面一句都唔想講，態度極之惡劣，買完野連一句多謝都冇。香港好多「西」餐廳的老闆及侍應秉持呢啲攞盡着數嘅態度妄求客人付出最多金錢以及絕對服從，呸！唔怪得知而家香港咁多客人一蒞就對啲侍應惡言相向，原來都係啲侍應搞出嚟。呢個女人咁唔鍾意做就快啲返屋企玩手機！呢間舖頭快啲關門大吉，以後都唔幫襯銅鑼灣呢間舖頭…Read More

呢間酒樓只可以用「拉圾」來形容，好似返咗去90年代初。啲夥計對啲客人唔秋唔彩，啲普洱極難飲，坐得又迫，咁啱坐住隔離嗰條友係咁咳。我只當病毒係感冒，但係坐咁耐佢咳咁耐真係好煩擾。本應就唔關酒樓事但係佢好多地方都係吉而啲夥計要客人累埋一堆，應真差劣燒賣真係好難食，嗰啲油係一大陣益味，啲豬肉冇味道，又細粒。勁多味精嗰啲蝦餃非常難食，都唔知佢同邊個供應商買呢個排骨鳳爪飯係全間餐廳最好食，但係啲味精亦都好勁呢碟菜份量都好多，但係真係唔好食總之呢一間茶樓一無是處，啲嘢好難食，地方又污糟，好似香港一般的餐廳明明都冇乜客人都安排客人迫埋啲茶客一齊坐，呢個合和停車場每小時又非常之貴，唔會再去佢嗰度食…Read More

呢一間舖頭簡直係經典，啲麵包難食到不得了，價錢頂級貴，平均每一個都要廿幾蚊左右。嗰啲職員面口非常之難睇，買咗四次從來都唔會講多謝兼黑口黑面，你係忍唔住會用返啲差劣嘅態度對返佢。排隊期間有個阿婆好聲好氣唔該前唔該後問個女職員某一款有米嘅麵包有冇糯米代替，個女職員同個男職員串到佢飛起，講嘢冇尾音非常之難聽唔客氣，佢哋不斷話「見到冇就冇啦問乜嘢問」係咁蝦個老太婆嗰個牛角包難食到飛起，嗰啲芝士同火腿係冇味嘅。嗰個杏仁包不知所謂又實又淡茂茂，都唔知佢地點整做麵包， taste啲麵包更加可口。呢間舖全部麵包都係凍過室溫同硬過擦子膠食了四份一個杏仁包立即吐返出來，如果講態度東海堂嗰啲妹妹仔一定好過呢間舖頭一千倍，你哋兩位都一把年紀啦重學人玩態度，你估你係青春少艾咩？…Read More

自從陽明山莊幾年前來一個大換血之後中餐同西餐嘅食物同服務都差咗好多，好耐都冇幫襯過睇吓有冇進步因為疫情teahouse冇再搞自助餐，所有嘢都係散叫，入面嘅客人唔算多只有四台。一坐低就叫咗個港式焗豬扒飯，呢個焗豬扒飯係好食過好多茶餐廳，啲飯份量啱啱好，亦都食得出廚師有用心去焗。豬扒脆有彈性但略嫌皮比較薄冇其他豬扒咁香口。呢個豬扒飯都有70分但係計埋價錢就接近唔合格。呢個豬扒飯要$200左右，但呢度係陽明山莊個價錢就係要咁貴。經理話呢度成日換人或者咁樣會影響質素…Read More

第一次食都唔錯，但係第二次就大失所望，所有嘢質素都非常之差。嗰個有鄉音嘅服務員又粗魯又惡十分無禮貌。嗰啲座位又窄，環境又污糟我嗰碗叉燒拉麵同上次嗰碗完全冇得比。豬肉一啲都唔好食，非常之鞋，分量又要比上次少。湯底得個鹹字，額外加錢的蔥異常濕，感覺唔係咁衛生老婆個碗牛筋麵又係非常難食，啲牛筋冇味，湯底凍，佢話麵條好差，好似橡膠咁，又粗又冇味度。隻蛋同啲蘿蔔都係好一般仲有我哋嗌左杯唔知乜嘢梳打飲品真係好難飲到，淡而無味，點樣搞嗰啲糖漿都溶唔到重要非常之貴，完全唔值呢間野啲質素實在太差，唔使再去…Read More