jessietang's Profile

生日晚飯諗住普普通通食個晚飯星期日晚人唔多，有户外位坐，但我哋驚有蚊，所以揀咗坐室內職員好熱情，見我哋自拍，自動過嚟幫我哋影相見我哋好拘束，就講笑話引我哋笑瞬間一餐簡單嘅生日飯充滿笑聲現今好食嘅餐廳好多 有禮貌嘅職員都有但好似哩間餐廳嘅員工咁用心對客人 我永遠都會記住特別有個男職員 真係好funny 好識搞氣氛咁嘅價錢喺海之戀真係好抵食二人餐加一個意粉，三杯特飲，預訂蛋糕才$12xx我一定會再幫襯👍👍👍👍…Read More

我食完趕時間走，碌卡紙唔記得攞，行咗兩步即回頭，問佢：有冇碌卡收據啊？我完全冇責怪佢嘅意思，我純粹係想要返！佢居然話我，我有俾你，你唔要咋！我想話：我真係冇聽到佢叫過或者問我任何一聲，要唔要張recipe ！我當時真係趕時間，未反應到佢講嘢咁衰！我上到車，越諗越嬲，唔投訴唔得！我返工受氣，我有糧出！我出嚟消費要俾錢受你氣，冇嘢啊！今舖我一定佢公司俾個答覆！…Read More

家人話想食芒果糯米飯，所以收工專程嚟哩度買，雖然佢出品唔係最好嘅，甚至會時好時壞，但都冇辦法，夜晚9點，係得佢度有！去到俾錢嘅時候，見到有酸辣豬耳，瞬間口水分泌，諗都唔諗就要咗一份（$45）返到屋企打開，個心跌落谷低！啲豬耳好多毛，我始終過唔到自己，成盒丟咗！…Read More

上次食過擔擔面，覺得幾好食，早餐諗住去食多次！去到坐低，見到麻婆豆腐飯幾吸引，就轉軚叫咗！當個飯一嚟到嘅時候，我見到個飯一半偏黃，另一半就黐埋一舊（個飯係幾時煮嘅，不予置評，費事俾人話我亂咁噏）我人生第一次食到黐埋一舊嘅飯係喺美心，今次係第二次！食食吓，麻婆豆腐嘅hin竟然有一舊透明狀的物體，我唔會懷疑佢係啲乜嘢不明物體，但係我覺得個廚師連咁簡單嘅hin 都打成咁樣!老闆,希望你睇到呢個留言啦…Read More

星洲炒米在一般的茶餐廳好難唔好食，但係喺金滿都嘅星洲炒咪真係麻麻地！佢用嘅米粉係幼身嘅，味道偏重，料多但未必係好事！以前食過，覺得熱狗都好正！但冇諗過星洲炒米會咁一般…Read More