ki1018's Profile

是晚同朋友想搵間chill cafe食飯搵左依間長期人氣餐廳試下天氣唔熱我地仲坐左出面既枱食飯我地叫左兩樣野，全部都好大份黑松露炒蛋bagel 有好重黑松露味，炒蛋好滑好香，而且bagel熱又脆，下面仲有沙律菜！暫時係香港食過最好食既熱食bagel兩個女仔share 好飽我地仲叫左個牛油果醬意粉，同樣都好好味牛油果醬意粉有好多汁，d汁重牛油果味，一d都唔會話好青味好重，有creamy 既口感，而且份量都多，食埋bagel 加意粉已經好飽推薦俾大家約朋友三五知己聚會，夜晚少人，可以享受下港島chill 既慢活生活。…Read More

是晚同另一半睇完戲唔知係mega box 食咩好經過既時候見到依間大排長龍就醒起之前網上見推介過既竹筒飯我叫左貝柱竹筒飯定食配菜有枝豆，幾新鮮好食仲有個日式蒸蛋，好足料，好有蛋香，唔會蒸得太老主菜貝柱都幾多下，見到舖滿晒個竹筒聞到飯香好濃，但發覺飯食落去冇咩味本身以為飯會有少少調味料，點知冇加上貝柱又冇咩味，所以成個竹筒飯都好淡而無味同白飯冇咩分別所以下次應該唔會再去 有d失望 建議可以俾d調味料俾客人自行加落飯到當晚人多，感覺侍應好急好趕收碗碟問題係我地兩個未食完都收，仲要其實我地食左20 分鐘咋咁搞法寧願出面坐food court 免收加一…Read More

放左工同另一半去左得寶食依間沾麵叫左魚介沾麵，佢叫左特濃豚肉沾麵，個麵份量比較少，麵幾好食，有咬感！加底要多$15，建議可以加底，我女仔食麵唔是好夠塊肉好明顯係燒過，所以好好食唔咸，如果厚少少或加多一塊會好d認真我覺得仲好食過一x,仲要平差不多一半湯底有少少豬肉，咬落塊好「林」，又唔會好咸，放麵去食都唔洗狂飲水叫左個小丸子，可以唔洗叫，$28/5粒唔值，個涵太少，有一粒章魚但菜好少，好似食緊空氣咁…Read More

今晚同朋友即興黎依間餐廳食，環境都不錯，有氣氛，見OpenRice 有75 折就即刻book左！講緊野食先，叫左個芝士焗薯加ham, 幾好味，芝士係即場削出來落碟，芝士有少少溶咁，連埋火腿同菜同薯仔食係不錯，三者味道好夾，但係芝士有少少咸，食多會膩。第二道係海膽意大利麵，海膽好多，有半板！食落去海膽冇腥味，汁都好creamy , 黑松露係上面點綴，味道岩岩好，推薦大家吃。最後係香茅爐魚，味道一般般，魚皮好脆，但魚唔係好新鮮，是急凍魚，依個價錢仲打算吃到新鮮魚！整餐飯都味道幾好，不過不失，但係最不滿意係待應不太老實，點完菜後問佢拎兩杯水，佢係咁問sparkling or distilled water , 我地兩個分別都講左兩次普通水得架啦，跟住佢就開左支有氣既水收左我地$40一支！侍應咁樣做其實好唔老實，唔會再介紹朋友黎，係咪因爲我地75 折coupon 咁呢？隔離台食完每道菜都會問味道如何，但我地一句都冇問過，咩服務都冇！…Read More

與友人們食完cafe 留肚轉場食糖水行下行下就見到依間裝修到好有日本feel 我地咁就入左去 抹茶聖代同焙茶聖代，D抹茶雪糕好滑好重綠茶味，下面底帶脆脆同紅豆，好好味！50幾蚊好值得，加上丸子煙UN，好夾其餘兩杯係士多啤梨抹茶聖代要注意雪糕上面有少少綠茶粉咁，友人話好口感，士多啤梨入口多汁又甜，同抹茶雪糕好夾，同埋有蕨餅，蕨餅好有咬感，煙UN，好似日本食果D咁，成杯成聖代都好好味依間店整體黎講都價錢合理，冇加一，鐘意食抹茶雪糕既朋友一定唔好錯過！…Read More

身為九龍人的我，平時好少去沙田食野因為有展覽要睇先去沙田，食完飯去左甜品沙田本身都幾大，但唔知點解甜品店較少上左開飯搵到依間就去左食了芝麻糊，完全唔係糊狀，食落去好淡，冇咩芝麻味, 仲要唔夠熱，佢翻叮都叮得唔夠熱，中式糖水唔夠熱真係扣左分架 好啦，依個係益力多沙冰，朋友話d碎冰係咬唔開，我地明沙冰係應該好多冰，但其實應該係碎冰係會咬到爛同埋溶到，佢成杯野到我地最後走都溶唔到三分一 即係我朋友飲左三分一咋同埋杯野飲太甜，應該落左唔少糖水落去 最後的芒果西米露，好淡果糖水，同埋冇咩芒果味，芒果好酸，冇淡奶不香所以不會有下次機會再黎 …Read More

是晚同三位男士食泰國菜，因為落雨冇去BBQ，臨時轉左場去九龍城食野上左OPENRICE見依間好多好評所以就打去電話訂台我地叫左個小食拼盤，蝦餅幾好味，有蝦肉，炸到脆卜卜，唔錯，魚餅都夠咸，但油左少少，春卷同雞比較一般，但整體上成個併盤都幾抵，因為每人每樣都可以食到一件，而且味道都幾好食泰式炒泰粉，水準中上，味道好食，同埋好足料，蝦好爽同新鮮，泰粉軟硬度適中，可以一試菠蘿炒飯：成碟飯都夠‘獲‘氣，好香好味，菠蘿甜同埋都多，有肉鬆伴碟，味道好夾，鐘意食菠蘿炒飯唔好錯過架～馬拉盞炒椰菜苗：朋友們話未食過，食完之後佢地都讚晒口話好好味，平時如果唔係去泰國店都唔會食到椰菜苗架～馬拉盞夠濃，同椰菜苗好夾，成碟菜好惹味，唔錯我地仲叫左串燒沙爹食，牛同豬同雞仲有燒雞翼，燒既時間岩岩好，唔會太燶，肉既味道好夠味，朋友們都ENCORE左雞翼食！最後點左椰青飲，食泰國菜點都要飲椰青，唔係感覺好似唔完整咁，個椰青都多水，但係果椰青肉比較少，但整體都好飲，好FRESH既感覺！下次可以考慮同屋企人黎食，因為都多選擇同埋價錢都可以接受～…Read More

近排食手卷店食到上左癮咁今次我發現左家附近原來有依間小店所以我放工又去左幫襯買左一個三文魚手卷，好好味紫菜好脆，三文魚食到最後一啖都仲有架，好食過元X三文魚好肥美又唔會好多根，好好味，食完好想再ENCORE！仲要只係得12蚊咋！！我仲買左個定食做DINNER，42蚊，份量多抵食～厚燒玉子真心要大推！！！返到屋企都覺得暖暖地架～入面有美奶滋，放入口蛋同醬半溶，好正好好味！好高質素～～～燒帆立貝帶兩舊，都好大舊，上面都有少少美奶滋醬同日式醬汁，好好味！！其實食完都覺得有少少飽～～八爪魚壽司就一般，我有少少咬不開三文魚同卷物都幾好食架，蟹柳小卷上面仲有沙律醬，咁樣好好味總結黎講，依間小店用心製作，同埋經濟，藍田實在賣日本野好少有左依間就唔洗成日幫襯連鎖集團，希望能夠繼續KEEP到水準！…Read More

是晚收工後要去葵芳等朋友好肚餓就走左去買手卷食因為之前已經記得依間野網上有人推介去到差不多六點，都好多人等緊！大約等左10分鐘就有喇佢會問你要唔要WASABI，佢會幫你點埋入面，唔夠可以自己加！帆立貝有兩舊，好大舊下，好鮮甜，仲要食到底都仲有！紫菜好脆，不過飯帶醋味，溫度岩岩好！帆立貝唔腥好好味，成個手卷19蚊真係好抵！大家係附近經過又想食下日本野可以試依間…Read More

同幾位同事放工後去想搵個地方傾下計搵到開飯就發現到依間野蘑菇忌廉湯好足料，有好多蘑菇，同埋重忌廉味，中意既千萬唔好錯過啊！好好味，D湯飲落口好滑！應該唔係開罐頭，係真材實料去煲！榛子LATTE，好香既榛子味，好味好飲，奶味唔會話蓋過咖啡味太多，個拉花都拉得好靚！！同事叫左花茶，味道不過不失，個壺都好靚煙三文魚蜆肉天使麵味道不錯，夠味好多汁，有好重既煙三文魚的香味服務好好，STAFF好多笑容，同埋依到中午冇話限時坐幾耐，所以大家可以HEA下…Read More

是日同好姊妹相聚想食日本既居酒屋，就搵到依間打去BOOK台都要講英文，去到先知有D服務生應該係日本人黎前菜八爪魚同青瓜，有少少WASABI味既醬，好特別，味道清新好好味我地初時以為唔洗錢，埋單先知每人計20幾蚊，不過我地都覺得算抵明太子撈烏冬，見開飯個個都有叫，我地都叫左一個黎試下味道好濃郁，明太子加芝士同忌廉，還有一些紫菜絲，味道好夾，好正但多食會膩，所以同朋友SHARE就最岩～大家一定要試下啊！清酒煮峴，峴比較細粒同埋湯都幾甜下，幾好味不過朋友話有D有少少沙，我又唔覺，可能我咁幸運食到都係冇沙既明太子雞翼，雞翼偏小味道偏咸左少少，炸得好脆，但冇咩肉可以食到，但係好明顯係可以食到明太子既～整體都好味～食左少少先發覺冇影到相，鰻魚飯份量好多三個人每人都分到一碗飯，塊鰻魚都幾好食，因為食得出用炭燒，好有係日本食鰻魚既感覺！好好味，大家鍾意食鰻魚既唔好錯過呀～三文魚牛油果軟殻蟹卷，冇諗過一件都咁大件入面仲有少少牛油果，好FRESH既味道好好食！軟殼蟹食得出都仲係好脆，加埋三文魚同牛油果既配搭係一流大家唔好錯過～總結，我地會再黎因為無論食物質素，環境同服務都唔錯，好有日本居酒屋既感覺～…Read More

同SIS好耐冇見佢地打算鋸排咁不如去花園餐廳啦肉眼排七成熟，朋友話好味，肉夠淋，幾好食！薯條夠脆正！～性價比夠高～另一個朋友食羊排，冇羊"蘇"味，肉入面帶汁，味道唔錯好味～因為我仲未病好，所以我食左少少，冇揀食鐵板餐，揀左普通既石斑同豬排石斑肉好厚，味道普通，豬排都係味道普通，同出面茶餐廳差不多。意粉份量好多，但有少少硬唔夠淋，但依個價晚市算不錯，我覺得都幾抵！環境就地板比較DIRTY，環境一般，座位都少少逼但侍應動作好快，REFILL水都好快，同埋唔會吹你走，可以坐耐多少少都OK總結，如果想係尖沙咀鋸排又想平少少，可以考慮依間…Read More

之前一知道有LTS既期間限定野食我同朋友已經一早夾好日子一齊去依次都係幾年後第一次再踏足屯門 星期六我地去到差不多12點，但一入到去大把位坐由於選擇不多，我最後揀左肉醬芝士奄列飯，朋友揀左脆蝦配薯圈等左大約十五分鐘後，野食終於黎喇，好期待 兩碟碟外貌都好靚，好用心decorate但奄列飯既飯不夠熱，凍左少少，醬就一般般，有蕃茄粒同少少肉碎，整體味道一般同埋脆蝦飯內的蝦太硬，不太有咬感，薯圈正常味道，整體味道都係一般，冇咩特別之處服務都幾好，會好主動REFILL水 但係價錢都偏貴，加一後要120幾。。。 :( 如果唔係LTS既關係，我地都唔會突登入去食，但兩碟都係好睇麻麻好食，所以食完應該冇下一次…Read More

是晚約左舊同學係尖沙咀食飯吹水冇話特別BOOK邊間食飯，係ISQUARE見到依間見到唔太貴所以就入左去試下喇我叫左忌廉三文魚天使麵，三文魚普通，麵既份量都算OK，女仔食係夠既，同埋忌廉汁都夠CREAMY整體味道就一般，比較普通飲品方面見到有期間限定，有我鐘意既紫薯LATTE，飲落口帶紫薯味都好味，但可惜杯LATTE唔夠熱！天呀，唔係用熱水沖架咩 友人叫左雞肉飯，雞都算多，夠咸，佢話都係普普通通，一般味道，因為都算平，大家都知唔好要求咁高最後我地仲叫左個煙三文魚芝士PIZZA，依個最好味，比較薄，煙三文魚唔會好咸煙三文魚塊塊PIZZA都有一塊，芝士夠多，都幾好味！大家鐘意煙三文魚可以叫服務方面：上菜比較慢，REFILL水都勁慢。。。。。。下單時問多幾句好似帶少少不太耐煩總結黎講，依間野味道一般，服務有待改善，但價錢比較平…Read More

同朋友即興約食飯，見觀塘工廈開左好多餐廳見依間食評都不錯，所以就打算WALKIN試下上到去因為係平日晚上，都有八九成坐滿，我地都被安排坐低我叫左薰煙肉配蛋黃芝士醬意粉好足料好大碟啊，好CREAMY，食落好重芝士味，好好味，帶少少煙肉食落去都好香～朋友叫左意大利海鮮闊條麵闊條麵同平時食既有少少不同，番茄醬好多，同埋有番茄粒粒架，唔係用番茄膏整，所以見到都足料番茄唔會太酸亦唔會太甜，好好味！服務方面好唔錯，見我地冇晒水都好主動斟俾我地，落單同上菜都算快！如果觀塘諗唔到食咩，可以考慮黎依間…Read More