HappyFi's Profile

早2日趁新年前去左銅鑼灣最後衝刺辦年貨，同媽咪行下行下突然見到Gram係銅鑼灣開左新分店，反正行到攰攰地二話不說走入去食返個靚pancake🥞 新分店對於作為港島人的我以後就更加方便啦。因為之後仲要食正餐，所以我地就點左個焦糖蜜桃朱古力慕絲班戟share食。朱古力mousse好香好滑，不過好彩朱古力味的班戟唔會好甜，所以就算一路食到最後都唔會覺得好膩，加埋棉花糖一齊食，成個感覺好sweet好開心💛 伴碟有士多啤梨同烤過的蜜桃，可以單獨食用來中和味蕾又得，夾埋一齊食令到口感更加豐富又得。終於食甜品的人一定要試下呢款pancake，好值得推介呀！飲品方面我覺得蜜桃沙冰或者蘋果茶都好正！…Read More

心血來潮想去有East Soho之稱的西灣河海邊食街，於是就同男朋友揸車過去搵嘢食。行左個圈最後選擇食好多食客的泰國餐廳。首先環境真係幾好，一整排的落地玻璃扇門令到成個感覺好chill好舒服，好適合三五知己/一家人舒舒服服食飯傾計。menu好多選擇，烤串燒好正，好大舊肉而且燒得一d都唔乾，非常juicy，不過呢個串燒黎講唔算平。雞翼就一般般，聞落好香，不過一食落去就覺得好乾，雞翼亦都偏細隻。點左個菜都覺得一般般，唔算好地道泰國的做法。overall我覺得味道一般，不過不失，但係環境就幾好既。或者可以係其他地方食完飯再過黎飲返杯chill下。 …Read More

呢間土瓜灣小店性價比好高！平日好少去土瓜灣，趁今日要去果邊做嘢就係附近搵野食。經過見到呢間日本菜小店好似幾唔錯就一於試下。座位唔算好多，不過都唔會覺得好逼，環境都算OK。雖然店面細細但係原來menu選擇都幾多幾豐富。加拿大海膽必點！唔使$200就有半板海膽，好新鮮好鮮甜，大大啖入口即溶好好食！牛肉鍋都好好食，特別冬天時候食暖笠笠。雖然土瓜灣唔算係交通非常方便，不過周邊都好多唔同餐廳小店值得去尋寶搵食。…Read More

之前係尖沙嘴分店食過一次，朋友介紹食佢地既白魚蛋，食過真係一直念念不忘。咁啱今次經過深水埗買野，見到原來深水埗都有分店，即刻買黎食～佢地既白魚蛋真係好好食，雖然細細粒但係好彈牙，點埋佢地既秘制辣油真係好正！據聞佢地既魚蛋每日都新鮮自家製，係咪真我就唔知啦，不過白魚蛋就真係好少見到有，而且價錢都唔貴，又好食～值得推介～林昌記仲有好多其他小食，每款好似都唔錯，下次可以試下！而且冇晒就無架啦，所以經過見到有就買黎食下啦～…Read More

有無人自問係大胃王呀？之前聽幾個朋友組隊去左玩 MEGA南蠻雞丼 挑戰‼️人生第一次見咁巨型既丼飯 應該有我2個頭咁大😮 接近5KG重的份量😳 超級重～我數過有足足八塊雞扒 肉質好嫩滑🐓 個丼飯配埋獨門南蠻醬甜甜地好好食我地四個人應該都係食左3分一左右ja～雖然份量好多，但都真係幾好食～不過個挑戰賽活動完左啦 但係2月底前都可以食到呢個 #MEGA南蠻雞丼～快啲call齊朋友去食，挑戰下啦～記住提早一日預約定！！…Read More

雖然最近天氣唔凍，但係火鍋係一大班朋友聚會非常好的選擇。今次就試下重慶火鍋劉一手。我地點左重慶麻辣併椰子雞湯鴛鴦鍋，本來想點中辣，但係店員話呢度嘅小辣就等於出面店嘅中辣，所以建議我哋點小辣，唔夠辣先再加。餐廳會一次性圍裙提供給客人，非常貼心。極尚牛肉拼盤盛(細)霜降牛肉粒，澳洲和牛小排，美國雪花肥牛，唔會太肥，而且牛味好濃，就算係麻辣湯底都依然食到牛味，好好食呀！黃喉原來係牛的喉嚨，只需要碌6-8秒就可以食，非常爽脆。牛肚，好爽口，都係碌幾秒就食得。…Read More