90年代日本菜盛行，以致一街都係濫竽充數嘅日式料理店，但賣嘅通常都係質素唔得嘅食物。時至今日，香港人食日本嘢已經食到好精，一般嚟講質素冇返咁上下，都冇可能做得住。點知今日食到呢間餐廳，簡直令我覺得時光同質素都大倒流！
本來家人話要食呢間餐廳，我都不抱太大期望，簡簡單單一個晚飯，唔會要求有太好嘅食物質素，總之係用心煮就已經夠。但係我哋點嘅兩個主菜，連呢個基本要求都做唔到！
首先出事嘅係洋蔥雞肉煮，呢個雞肉煮上菜望落已經好古怪，我心諗點解啲雞肉炒完係棒狀呢？
我一放入口食到個味就知，根本就係超市啲急凍雞串嚟嘅！再望真啲，連個竹簽孔都睇到，雞肉形狀亦好明顯係棒狀！
2022年都就到喇！我諗唔到有乜理由可以用雞串炒洋蔥當菜式賣！
另一道黑豚肉眼鍋，同樣冇誠意，湯底揀壽喜燒但完全冇壽喜燒嘅味道，材料亦完全對唔住88蚊呢個價錢！只有啲菜同冬菇，所謂黑豚肉眼食落係好柴嘅豬肉片。
最後我同屋企人冇食晒就走咗，真心不了！
…Read More
本來家人話要食呢間餐廳，我都不抱太大期望，簡簡單單一個晚飯，唔會要求有太好嘅食物質素，總之係用心煮就已經夠。但係我哋點嘅兩個主菜，連呢個基本要求都做唔到！首先出事嘅係洋蔥雞肉煮，呢個雞肉煮上菜望落已經好古怪，我心諗點解啲雞肉炒完係棒狀呢？我一放入口食到個味就知，根本就係超市啲急凍雞串嚟嘅！再望真啲，連個竹簽孔都睇到，雞肉形狀亦好明顯係棒狀！2022年都就到喇！我諗唔到有乜理由可以用雞串炒洋蔥當菜式賣！另一道黑豚肉眼鍋，同樣冇誠意，湯底揀壽喜燒但完全冇壽喜燒嘅味道，材料亦完全對唔住88蚊呢個價錢！只有啲菜同冬菇，所謂黑豚肉眼食落係好柴嘅豬肉片。最後我同屋企人冇食晒就走咗，真心不了！…Read More
