Irene_Mummy's Profile

想試呢間餐廳好耐啦！今個星期終於有時間， 雖然去嘅時候都有啲塞車，好彩最終都冇錯過咁好既美食！首先講餐廳嘅裝修，裝潢得好精緻，地方又整潔，枱與枱之間有一定既距離，一啲壓迫感都冇:):)，可能我又唔係繁忙時間去，坐近窗邊又可以一邊食一邊欣賞吓四五點依然仲好繁忙既銅鑼灣，值得一贊！侍應生服務態度又誠懇， 落單又快，食物亦出得好快，侍應亦都不時問吓我哋食物啱唔啱食，簡值係照顧周到呀！好講主角食物啦！個樣得意可愛就係人都知啦，但點心既新鮮程度係不能同一般酒樓比較，有酒店既水準㗎！所以點心嘅價錢比一般酒樓為高係可以理解嘅！當然作為一個女性，見到咁既賣相，又點會唔心花怒放呀，梗係一定比高分啦！至於奶黃包個樣真係好搞笑，流心既甜度又剛好適中，做飯後甜品真係好適合呀！呢個星洲炒米用了豐富，啲蝦食極都仲有:)，兩個人 share 就剛剛好！其實我仲有 order 多一、兩樣食物，但因為心急得濟掛住食而忘記咗影相！總括嚟講我對呢次下午茶評價都幾高既，一來餐廳地點方便，環境又舒服，二來食物又比我心目中預期為高，再加上侍應既服務態度，我真係會比多幾個 佢，下次一定會再光顧！多謝收看！！…Read More

因為呢排突然間愛上呢間餐廳的蛋糕，所以就專登去呢間餐廳試下佢嘅晚餐，好出奇地，亦都好耐冇遇過一個侍應生有咁好嘅服務態度，感覺上餐廳嘅人手應該係唔係太足，但竟然遇到咁熱誠既侍應，同埋佢為咗要應對客人，經常都好急步咁行去招呼你，你對佢嘅誠懇嘅態度真係非常之滿意，再加上佢介紹我哋嘅套餐味道都好合心意，當然唔少得佢皇牌嘅蛋糕啦，總括嚟講係一餐好有誠意嘅晚餐，價錢亦都大眾化，所以都忍唔住直接比現金既貼士比個男侍應以是獎勵，希望香港做服務業嘅朋友，可以以呢間餐廳嘅男士應做榜樣，相信香港嘅飲食服務業質素定必有所提高！加油呀！…Read More

都係因為食評嘅原因，再加上啲相好吸引，所以專登去試吓呢間餐廳，但係餐廳望入去見人流比較少，其實都有點擔心，但一場嚟到都不妨試下，食物的質素都尚可，但是份量嚟講我覺得比較細，如果可以大番D會比較好，有待改善！…Read More

聖誕節就梗係搵啲地方慶祝吓，其實平日都好想去試下呢一間餐廳，終於等到十二月先至有日子book到係啱時間既，所以就坐低試下，佢真係好出名嘅炸蝦，味道就真係好合口味，再加上一望無際的香港夜景，實在眼同口都大飽口福、眼福，坐嘅環境真係好舒服， 餐廳的裝飾又好特別，再加上有啲聖誕特別嘅裝飾， 都真係好吸引，食都食得開胃D，有機會大家不妨試下呢間餐廳！…Read More

因為睇到食評都唔錯，再加上餐廳嘅環境應該都比較舒服， 所以滿懷希望咁呢度食一個悠閒嘅午餐，雖然當日已經一早訂咗位，但係都被安排坐喺一個近門口嘅位置，平日呢間餐廳應該人流唔太旺， 但可能嗰日都係一個好日子掛，餐廳大約都坐滿七成嘅人， 所以可以揀嘅位置都唔多， 最後我亦都冇要求換其他嘅位置，但最失望嘅係原來侍應生幫我落錯order， 我原本係要一個最luxury嘅set lunch，點知嚟咗一個角切魚生飯，我心諗冇理由luxury嘅會係各切嘅魚生呀， 因為都差唔多成四百蚊一個set lunch， 但我自己有冇特別再去追問， 到最後埋單嘅時候見到張單只係二百幾蚊，先知道原來是應幫我落錯order， 雖然角刧嘅魚生都好新鮮，但是總括嚟講食物同埋環境都尚算唔錯，希望下次唔好再搞錯！…Read More

呢間和民，其實食過咗好多次 食物嘅質素普普通通啦！近呢幾年價錢上脹咗好多，但係因為成日都貪佢坐位係比較舒服，同比較寬闊，所以有時諗唔到食乜，就好自然去咗和民，相信佢都有值得令人欣賞嘅一面嘅！…Read More

因為某一啲原因要入元朗，所以第一時間就諗起呢間 咁老字號嘅元朗壽司店，因為以前食嘅頻率實在太多，一共食過幾多次都數唔到，一有時間就入元朗食佢，差唔多當飯堂咁濟，所以今次有機會一入元朗 第一時間就諗起佢，質素同當年都冇乜太大分別， 食物嘅size都係好大大件， 如果係大食嘅你， 一定食得飽你，魚生同以前一樣咁新鮮， 可以話係大件夾抵食，由於趕時間既關係， 雖然我今次只係食午餐，叫咗一個set lunch，希望下次有機會可以再試返多啲唔同款嘅食物，放心我一定會再來幫襯！…Read More

繁榮嘅香港都市裏面 ，工作呀、生活呀實在畀人好多壓力， 所以能夠安安頓頓咁享受一餐美食， 實在係一個減壓嘅選擇，可能我嚟得早，星期日嘅下晝五點半，鋪頭裏面都未有太多客人， 服務員嘅態度亦都好殷勤， 好主動咁樣介紹我要食邊款牛肉， 因為唔同價錢嘅牛肉級數同質素都有所不同， 最後我都聽服務員嘅介紹，而食到好合心意嘅牛肉，亦都好啱心水，唯一美中不足嘅係，自助餐嘅時間係有規定嘅， 如果時間可以比較長啲，會食得比較輕鬆啲冇咁趕，但要再添加食物嘅速度， 亦都算得上係好快， 喜歡食牛嘅人，相信都係一個不二之選， 尤其是係天氣凍嘅時候， 個種暖粒粒嘅感覺，真係覺得係人間嘅美食當前！…Read More

其實呢間鋪頭相信其他分店巳開業一段日子，但我竟然係呢半年先試過這間既自助火窩，收咁既價錢，有咁既水準，係香港都真係算係咁，我都幫親過好幾間分店，大致上都大同小異，個乳略雪糕係 signature，相信大家都唔會反對啦！值得一提係佢部新式既汽水機，都比到D提意我既，大家不防試試！…Read More

開張時已經想去，但人太多排唔到入去，到今時今日先想起再去，雖然人龍不再，但我對呢個魚市場既感覺尤在，係呢到好休閒哋享受咗一個寧靜呢黃昏，面對住一個廣濶既海，實在令人心情放鬆，香港難得有呢D咁小人嘅地方！…Read More